брада – Вистина.мк

Жените обожаваат ваква брада кај мажите: Кога ќе ја видат срцето им трепери, едноставно им е неодолива!

Слаѓана Атанасова — Fri, 13 Oct 2023 12:30:02 +0000

Влакната на лицето лесно може да влијаат на перцепцијата на мажите од страна на жените – без разлика дали се избричени или имаат мустаќи и бради. Според истражувањата, жените сакаат влакна на лицето на мажите. Но, постои одреден стил на брада што жените најмногу го сакаат. Премногу момчешка Дамите често знаат дали сакаат да излегуваат со маж или не само врз основа на влакната на лицето. Сепак, тоа не е било каква коса – тоа е многу од неа. Добро избричен маж е пријатен на допир, но некои мажи може да изгледаат премногу момчешки, додека за некои полната брада може да биде премногу агресивна. Но, уредна брада стара неколку денови? Тоа им е секси. Тоа е како машката верзија на „effortless chic“. Таа претставува зрелост, мажественост и мистерија, како на пример – кај Рајан Гослинг. Брада од 10 дена Науката го кажа своето и се покажа дека мажите со одреден тип на брада се посекси. Во 2020 година, студија имаше за цел да го докаже ова тврдење кога им покажа на 351 жена и 177 хетеросексуални мажи фотографии од десет мажи во различни фази на раст на влакната на лицето: чисто избричени, пократки бради, подолги бради и полни бради. Тие побараа од учесниците да го оценат секое лице според привлечноста, мажественоста, здравјето и родителските вештини. Жените како најпривлечна ја оценија брадата која растела околу 10 дена. Истражувачите од студијата предвидоа дека на жените би можело лицето со брада да им биде попривлечно од чисто избричените лица. Машки особини Како што се испостави, познато е дека женските преференции за машките особини се зголемуваат за време на плодниот период на менструалниот циклус кога може да се реализираат придобивките од парењето со помажествен партнер. Сепак, се покажа дека и избричените мажи, како и оние со полни бради, се подеднакво здрави и привлечни. Најмалку привлечна? И мажите и жените се согласија дека тоа е брада која е стара 5 дена, пишува YourTango. Извор: Попара

Драстична трансформација: Со неговиот нов стајлиг дефинитивно нема да го препознаете Новак Ѓоковиќ (фото)

Riste Zdravkov — Mon, 07 Aug 2023 12:10:00 +0000

Новак Ѓоковиќ напорно тренира во Црна Гора. Најдобриот српски тенисер моментално е со сопругата Јелена во Херцег Нови, а се појави видео на кое се гледа како тој напорно тренира пред УС Опен. Во видеото можете да видите како Новак гол до половина вежба во градината, а во центарот на вниманието се неговите мускули и брадата која го привлече вниманието на обожавателите ширум светот. Српскиот тенисер беше придружуван од кондициониот тренер Марко Паники, како и братот Марко. Покрај Паники, во Црна Гора пристигна и физиотерапевтот Клаудио Чимаља. За потсетување, Новак следната недела заминува во Америка каде на 13 август ќе настапи на Мастерсот во Синсинати. Еден од најголемите предизвици во сезоната го очекува нашиот тенисер, бидејќи веќе на 28 август го очекува последниот Грен слем сезонава, УС Опен.

Coming for some wigs at @CincyTennis 🤪@DjokerNole 💙 pic.twitter.com/dtjSsijBzF
— TRAVEL&Sp🎾rts (@travel__Sports) August 3, 2023

🫣 @DjokerNole :
- Where are your 🧦, Marco? 😉 pic.twitter.com/milDbzl7EX — TRAVEL&Sp🎾rts (@travel__Sports) August 3, 2023

Зошто на жените им се допаѓаат мажи со брада? Истражувањето даде можно објаснување

Слободанка Илиева — Mon, 29 May 2023 11:14:26 +0000

Во истражувањето учествувале жени на возраст меѓу 18 и 70 години Мажите кои имаат брада се сметаат за попривлечни и подоминантни од понежниот пол, покажа истражувањето на Универзитетот во Квинсленд во кое учествувале 919 жени на возраст од 18 до 70 години. Нивната задача била да ги оценуваат фотографиите на мажи без брада, мажи со брада, како и фотошопирани фотографии. Испитаниците ги оценувале потенцијалните партнери и за авантура и за сериозна врска. Според резултатите, највисоки оценки добиле фотографиите од мажи со изразито машки црти и густа брада, особено кога станува збор за воспоставување долгорочни партнерства и врски. Но, не сите жени биле фасцинирани од мажите со брада, најчесто поради хигиенски причини, наведувајќи дека брадата собира бактерии. Сепак, карактерот игра клучна улога во привлекувањето на спротивниот пол, а истражувањата покажуваат дека жените во голема мера ја одредуваат личноста и особините на личноста врз основа на нивната брада. извор:курир.мк

Тешко дека би го препознале Милан Станковиќ со 15 килограми повеќе, долга коса и брада (фото)

Слободанка Илиева — Wed, 21 Sep 2022 10:56:34 +0000

Милан Станковиќ уште од првиот момент кога зачекори на сцената на „Гранд“ го привлече вниманието на медиумите и јавноста, пред се со своите вокални способности, потоа со однесувањето, а во голема мера и со својот специфичен имиџ. Изгледот на Милан Станковиќ и тогаш беше многу впечатлив. Руса коса, шишки исчешлани на страна, движења на сцената доведоа до тоа да го добие прекарот српскиот Џастин Бибер, а со тоа дојде и големата популарност, со која тогаш не можеа да се пофалат ниту некои многу поголеми ѕвезди.

View this post on Instagram

A post shared by MILAN STANKOVIC (@milanstankovic)

Сфаќајќи дека човекот на сцената, за да не биде забележан и да остане таму, мора да биде поинаков, Милан со години ја истакнуваше споменатата слика. Во неговиот гардеробер можеа да се најдат специфични, специјално дизајнирани патики, тесни фармерки, накит, дуксери и така облекувајќи стана пример за помладата популација. Бидејќи во светот на музиката влезе на многу млада возраст, не е чудно што Станковиќ пред неколку години реши да се оддалечи од сето тоа. Не снима и не настапува, а се зборуваше дека има намера да се замонаши. Се доближил до религијата, посетува манастири, а во согласност со тоа во голема мера го коригирал своето однесување, вклучително и стилот на облекување. Изгледот на Милан Станковиќ е сосема поинаков, а доказ за тоа е и најновата фотографија од пејачот која кружи на интернет. Долга црна коса, врзана во опавче, мустаќи и брада сега се во фокусот на стајлингот на пејачот, кој повторно го привлече вниманието на јавноста и го сподели.

View this post on Instagram

A post shared by MILAN STANKOVIC (@milanstankovic)

Додека едни тврдат дека е време музичарот да се исели од својата комфорна зона, други велат дека новитетите воопшто не му одговараат и дека треба да ја коригира тежината. Сепак, ова може да биде знак дека Станковиќ нашол задоволство во други работи и дека физичкиот изглед повеќе не му е важен.

Домашните јавни личности и нивното гледиште за брадата: Стил или одраз на машкоста? (видео)

Слободанка Илиева — Thu, 23 Jun 2022 09:10:33 +0000

Факт е дека брадата и мускулите во голема мера може да го подобрат или нагрдат изгледот на мажот.Контурите на лицето и густината на брадата значително може да влијаат врз тоа дали брадата на некиј маж ке стои добро или не. Меѓутоа, во изборот помеѓу мазно момчешко лице и она на дрвосечач во најголема мера одлучува личниот избор,дтил и впечаток кој некој сака да го остави на другите. Токму за ова естрадниот магазин „Бекстејџ“ реши да ги праша дел од нашите јавни личности. Дали брадата е одраз за машкост, а ова се нивните одговори : фото:Принтскрин јутјуб Бекстејџ

И Спејко како ѓаволот, носи „Прада“, ама знае и на вистинското место да ја потпре својата до нечија „брада“! (ФОТО)

Антонио Димитриевски — Tue, 08 Jun 2021 08:07:20 +0000

Кумановецот Дарко Петковски - Спејко веќе извесен период има нов начин за живот за разлика од порано. Реалните шоуа за него се минато, инфлуенсерството се помалку му е приоритет, особено откако стана спортски директор на КК Куманово и се стекна со важна титула во животот: диплома од Факултетот за физичко образование, спорт и здравје! Се' на се', „нов човек“, ќе речете навидум. И можеби има доста вистина во тоа. Сепак од стариот живот по нешто и му останало... Како на пример, желбата за музика и меракот да биде на сцената, од пред некое време не само како придружба на нашиот Тајзи или српскиот трапер Раста, туку и соло со својата прва песна -„Caliente“! Ама и уште нешто... Впрочем, „волкот крзното го менува, ама навиките - не“, вели старата добра поговорка. Или барем тешко ги менува, па некои работи остануваат за навека... Патем и не е тоа така лошо, а еве и што и зошто!? Имено, откако му заврши љубовно-естрадната сага со модната блогерка и инфлуенсерка, струмичанката Љупка Митрова, таа сосема исчезна и се повлече, бришејќи ја таа епизода од својот живот за јавноста, а Спејко не го видовме одново во сериозна љубовна врска... Го видовме во љубовна авантура, ама со анонимни дами... Непознати барем за пошироката јавност. Нова девојка „за озбилно“ - не покажа! Затоа пак, одвреме-навреме шармантниот кумановец знаеше да покаже дека баш и „не пости“ на тоа поле. Сега одново, ако не друго, колку за да го задржи континуитетот, Спејко повторно на најновите фотографии со една атрактивна дама. Расна убавица, која одново предизвикува недоумица: Само пријателка за дружење, за професионална соработка или... „има некоја тајна врска“? И конечно дали овие убави долги нозе испружени покрај неговите на брегот, се истите оние на дамата од претходната фотографија? Или можеби на онаа, чии љубопитни прсти своевремено се најдоа на вистинското место, за полни раце радост, на обострано задоволство? https://arhiva.vistina.com.mk/radio-mileva/koja-e-devojkata-shto-mu-ja-pikna-rakata-dlaboko-vo-pantolani-na-darko-spejko-foto/ Која и да е, едно е сигурно: Спејко има вкус да одбере, а и дамите знаат што бираат, кога него го одбираат. И без оглед кој кому каде „брца“, кумановецот очигледно ги знае „сите трикови на ѓаволот“ на патот до женските срца. Впрочем и Спејко како и ѓаволот, носи „Прада“, ама знае и на вистинското место да ја потпре својата до нечија... „брада“! Фото: Инстаграм принтскрин/spejko

Владо Јаневски има нов имиџ со кој е ист како еден македонски политичар: Кој доби двојник, пејачот или екс – функционерот? (ФОТО)

Антонио Димитриевски — Sat, 03 Apr 2021 06:53:37 +0000

На социјалните мрежи човек може се' да види... Само отворете ги и полигонот за забава, понекоја информација и помалку едукција е тука. Широко ќе ви ги отвори своите видици, а во непрегледното поле на лаги и вистини, на трачеви и озборувања, на потврдени информации и спинови, на агенциски и лажни вести... буквално можете да наидете на се' и сешто! Инстаграм во главном шокира со фотографии, понекое кусо видео и споделен пост кој најчесто го појаснува визуелното доживување при перцепцијата на „воајерот“ на туѓи слики. Она што осамна во вид на неколку фотографии на профилот на еден од најпознатите македонски поп пејачи веројатно изненади многумина, а најмногу неговите обожаватели. Владо Јаневски ионака оддамна тера американски имиџ на „недопирлив среде паланка“, па со години или воопшто не комуницира со новинарите и медиумите или комуникацијата му е сведена на „нужен минимум“ и тоа само кога нему му треба. Кога има нова песна, спот или концерт и потреба истите да ги испромовира и изрекламира. Токму затоа посетителите на социјалните мрежи останаа вчудовидени од фотографиите кои ги затекнаа на неговиот Инстаграм профил, кој патем, пејачот ретко го ажурира. На нив Владо Јаневски со брада!? До сега никогаш невиден во јавноста во вакво издание... Или не барем во пошироката, зашто комшиите од маало не се бројат. Покрај фотографиите споделен и пост во вид на текстуална информација која дословно гласи: „Во инбокс нѝ стигнаа фотографии што датираат од пред неколку години. Ни ги испрати поранешен вработен во Хепи радио кој замоли да остане анонимен, а на сликите е #владојаневски со брада! Мислевме дека знаеме сѐ за него, но не и дека некогаш носел брада. Се испостави дека во годините кога бил партнер и директор во Хепи радио вработените секојдневно го гледале во вакво бајаги посериозно и бизнисменско издание. Што мислите вие за овој негов имиџ?“ Од она што се знае е дека пејачот навистина беше директор во некогашното „Хепи радио“, подоцна „преименувано во „Хит радио“, а сега со нов сопственик во радио „Лидер“, кое тогаш заедно со „Нова ТВ“ важеше за еден од медиумите на бизнисменот Сеад Кочан. Дали имал партнерски однос со него во бизнисот, знаат самите, но факт е дека Јаневски беше тоа што беше - директор на „Хепи радио“, кое беше лоцирано во истиот објект како и телевизијата. Ако подобро го загледате новиот имиџ на „чаирскиот пејач-бизнисмен“, особено оние кои ја следат и музиката и политиката веднаш ќе забележат дека Владо Јаневски вака „забраден“ неодоливо потсетува на еден доскорешен македонски политичар. Или што би рекле, чаирчанецот Владо Јаневски е ист со кумановецот Чедомир Чедо Краљевски, некогашен член на ВМРО-ДПМНЕ, потоа и на ВМРО-НП, инаку отприлика и врсник на пејачот по години. Роден 1956 година во Куманово, правник со правосуден испит и адвокат, кој работел во Управата за јавни приходи, бил претседател на Антимонополската управа, а своевремено беше и пратеник и координатор на пратеничката група на ВМРО-ДПМНЕ во еден од претходните парламентарени состави на Македонското собрание. Според споделените фотографии, не само што пејачот што е „плукнат во лик“ на политичарот, туку споделениот пост и поставеното прашање, се наметнуваат две нешта: Или Владо Јаневски прави штик проба за да го опипа пулсот на својата публика од која сака да го слушне нејзиното мислење дали да тера или не ваков „брадосан“ имиџ или дискретно дава до знаење дека промената на ликот е најава за нова „бизнис авантура“ на пејачот, која следува наскоро? Што и да е, како што и самиот прашува, најважно е само едно: Што мислите вие? Дали во вакво „белобрадо издание“, Владо Јаневски е „ист“ Чедо Краљевски?

Перо Антиќ му остави коментар на Душко Тошиќ откако тој покажа како го минува времето во карантин (фото)

Слободанка Илиева — Tue, 28 Jul 2020 07:29:42 +0000

Додека пејачката Јелена Карлеуша ужива на одмор во луксузен ресорт во Турција заедно со ќерките, нејзиниот сопруг, фудбалерот Душко Тошиќ по вторпат е во карантин откако започна пандемијата со коронавирус. Само овој пат, наместо во Србија тој е во Гванжу - Кина каде се врати поради професионалниот ангажман. Таму важат строгите мерки за заштита од вирусот, па тој по слетувањето мораше да се изолира.

View this post on Instagram

Back to China ??⚽️

A post shared by Dusko Tosic (@duskotosic) on Jul 14, 2020 at 7:45am PDT

Како што објави на Инстаграм, Душко поминал сам 13 дена, а за тоа време пуштил брада, а со неа нашол и начин за забава. Имено, тој објави галерија фотографии на кои е избричен во разни форми на брадата, а на едната фотографија има и мустаќи.

View this post on Instagram

Day 13 of quarantine..??

A post shared by Dusko Tosic (@duskotosic) on Jul 27, 2020 at 3:04am PDT

Ваквата објава предизвика многу коментари, а меѓу нив беше и оној на нашиот Перо Антиќ кој низ смајли емотикони му порача да ги остави мустаќите. Овој коментар на Перо им се допадна на повеќемина, а Душко сепак остана резервиран (барем преку Инсатграм), иако нели имаше и вишок слободно време.

Џим Кери предизвикува на Инстаграм: „Мојата бесмислена трансформација, приклучете ми се!“ (фото)

Слободанка Илиева — Tue, 31 Mar 2020 07:58:53 +0000

Секојдневно на социјалните мрежи осамнуваат нови предизвици, а кон овој виртуелен тренд се приклучи и актерот Џим Кери. Славниот американски комичар никогаш не престанува да не засмејува, а сега открил дека ќе пушта брада за време на самоизолацијата и дека ќе ја забележува својата трансформација на социјалните мрежи. Џим со децении не засмејува во филмови и ТВ емисии, а сега тоа продолжува да го прави и за време на пандемијата на коронавирусот. Добитникот на два Златни глобуси одлучил да "им помогне" на своите фанови што полесно да минат низ самоизолацијата и ги повикал да му се приклучат во предизвикот. Тој минатата недела поставил фотографија од своето лице со опис: "Ден 1. Ќе пуштам брада додека сите не се вратиме на работа. Ќе поставувам фотографии за да можете да се восхитувате на чудото од мојата бесмислена трансформација. Приклучете ми се", напишал Џим. Досега објавил три фотографии, а последната, како што навел, е направена на петтиот ден од карантинот. На ова се одлучил откако Центарот за контрола на болести ги советувал мажите да се избричат, бидејќи брадата би можела да му пречи на респираторот во случај на заболување од коронавирусот. Кери неколку пати во минатото имал голема брада, а посебно било забележано неговото појавување на доделувањата на Златните глобуси во 2016-та година. Бил непрепознатлив и како тивкиот Хермит, додека глумел во филм со Џејсон Мамоа. Неговиот нов стил го претставил во филмот "Sonic", каде го игра докторот Роботник, кој има само остри мустаќи без брада.

Жељко Самарџиќ го враќа стариот имиџ: Од брадата се откажува само поради овие коментари на Инстаграм

Слободанка Илиева — Fri, 13 Dec 2019 09:05:39 +0000

Пејачот Жељко Самарџиќ веќе две години носи брада и мустаќи, драматично менувајќи ја сликата на мачо маж. Сепак, иако имаше такви што им се допаѓаше оваа промена, за повеќето беше изненадување. Пејачот сега одлучил да ја израдува публиката, особено женскиот дел. - Има многу следбеници на Инстаграм кои велат: „За жал, Жељко, сè уште го сакам начинот на кој пеете, но зошто да ја пуштите таа брада и мустаќи, ве остареа“. Понекогаш се смеам кога слушам вакво нешто, но исто така се обидувам да ги разберам, вели пејачот и додава: -Јас сум човек кој сака да им угодува на сите колку што е можно и во мерка што се согласува со моите морални кодови. Можеби овој пат се обидувам да ги израдувам сите оние кои сакаат да ме видат без брада и мустаќи. Нешто ми е на памет за оваа пригода - рече пејачот низ смеа за српските медиуми, и ќ го врати стариот имиџ на денот на концертот што ќе се одржи во Сава центарот. - Сè уште не сум решил со сигурност, но јас сум подготвен да го сторам тоа, - рече Самарџиќ. - Има такви кои не го сакаат овој мој имиџ, но има и такви што го сакаат. Ќе има можности и за едните и за другите, вели пејачот и додава дека дамите пред сè и најважно ги сакаат неговите љубовни песни.