Албумот содржи десет композиции кои се преработки на македонски народни песни испеани од доајените на македонска изворна и ноцвосоздадена песна,  Васка Илиева, Вања Лазарова, Костадинка Палазова, Петранка Костадинова, Никола Бадев, Кирил Манчевски...

Аранжманите на песните ги изработи Александар Јовевски давајки им современ и урбан израз, но тие сепак го задржале автентичниот македонски мелос. Во подготовката на албумот учествувале реномирани музичари од кои голем дел се членови на групата “Седенка“. Албумот е снимен во музичкото студио “Подрумот“ во  продукција на Ангел Ќосев.

Обвивката на албумот ја изработиле Костадин Калошев – фотографија и Никола Николовски – задолжен за графичкиот дизајн. Како лајт мотив од албумот „Кој што ме чуе да пеам“, Елена неодамна го промовираше првиот пилот синл и видеозаписот за песната “Босо моме“. Истиот е снимен во прекрасните предели на Западна Македонија и преубавата природа на Лазарополе, а видеото го потпишува  Арт продукција. https://www.youtube.com/watch?v=O2H3irzuvwM