борко – Вистина.мк

Нина, сопругата на Борко Ристовски покажа дека и таа мора да има мускули, а еве и зошто?! (ФОТО)

Антонио Димитриевски — Wed, 18 Aug 2021 06:50:37 +0000

Спортистите, особено оние врвните професионалци најчесто се атлетски градени, силни, полни со енергија и кондиција, со мускулести тела и екстремитети... И мора да бидат такви, зашто таква е природата на спортот како нивна професија. Прашање кое многу често си го поставуваат оичните луѓе, нивни навивачи, фанови, симпатизери или само обични следбеници на социјалните мрежи е дали „машката сила“ не е само нивна привилегија, туку неа ја користат и нивните понежни и поубави половини, кога ги „споделуваат“ домашните обврски. Во една таква ситуација се најде и Нина, сопругата на македонската ракометна легенда, „министерот за одбрана“ како што го нарекуваат Борко Ристовски, која на дело покажа дека и убавиците, манекенките или моделите во одредени моменти исто така „мора да имаат силни мускули... иако ги немаат. Имено, Нина сподели неколку фотографии од летниот одмор на кои се гледа како со своето синче Душан и нејзината сестра Мими уживаат на егејското крајбрежје. На фотографиите никаде го нема Борко, што укажува на две нешта: Или постојано тој ги фотографирал или воопшто не бил со нив, што е многу поизвесно со оглед на професионалните обврски со подготовките за претстојната сезона. А и поновата фотографијата на која се сите заедно и во чиј опис стои: „И 11 дена разделени се многу“ - укажува дека убавата сопруга на македонскиот голман покрај споделената убавина на фотографиите, морала да има „и мускули“ за да го замени сопругот во машките работи. А, ако ги нема, малиот Душан е тука да и ги позјми своите... Се разбира засега само оние за пливање... Впрочем, фотографијата која ја отсликува љубовта помеѓу мајката и синот заменува илјада зорови... Сакала или не... „И мама мора да носи мускули“! Фото: Инстаграм принтскрин/ ninaristovska

Сопругата на Борко Ристовски е снаа за пример: За неа не важи „ти кажувам ќерко – сети се снао“ (ФОТО)

Антонио Димитриевски — Sat, 13 Apr 2019 08:55:39 +0000

Изминативе денови, додека нашиот „министер за одбрана“ Борко Ристовски го бранеше голот на нашата репрезентација предводејќи ја до големата победа на Исланд, неговата сопруга, атрактивната кумановка Николина го чуваше нивниот син, малиот Душан во Лисабон.

Но, Нина и Душан не беа сами во португалската престолнина. Ним друштво им правеше мајката на Борко, Бети, која беше дојдена на гости. Иако за релациите и дружбата снаа- свекрва најчесто се слушаат „страшни приказни“ исполнети со „тешки зборови“, овде очигледно не е така. Напротив, посетата на свекрвата во далечниот дом на синот може да се зема за пример. Посетата, ама и дочекот на снаата.

Имено, покрај најголемата радост што може да си го види внучето, да го почува и поигра со него, свекрвата доби уште една радост, прследена со иненадување. И тоа не било какво и не било од кого! За време на престојот на мајката на Борко и се падна датумот на кој е родена, односно роденденот! Далеку од дома, таа можеби и не очекуваше ништо посебно и спектакуларно да и се случи, освен по некоја вообичаена честитка.

Арно ама, Николина покажа дека е снаа за пример. Без бабата на малиот Душан да знае и види, Нина на својата свекрва и подготви домашна ролат торта украсена со јаготки, како роденденски подарок и изненадување. На неа и свеќеичките кои ја испишуваат роденденската честитка и сето тоа овековечено со фотографија на снаата, на која се таа, свекрвата и внукот.

А под роденденската фотографија најинтересен постот на вредната и внимателна снаа, Нина: „Кај има подобар провод за роденден на свекрва од тој со снаа?! да си здрава, среќна и да си секогаш со нас. Среќен 63-ти роденден Бебо“ – напишала во роденденската честитка до својата свекрва сопругата на Борко како редок пример дека за неа не важи онаа поговорка со која свекрвите најчесто ги потсетуваат снаите дека нешто треба да направат, а гласи: „Ти кажувам ќерко, сети се снао...“!

Борко Ристовски стави потпис на новиот договор… овој пат доживотен: Погодете за кого потпиша македонскиот голман? (ФОТО)

Антонио Димитриевски — Wed, 31 Jan 2018 08:25:49 +0000

Македонскиот ракометен голман и чувар на мрежата на „Барселона“ завчера повторно стави потпис... Потпиша сосема нов договор... овој пат доживотен! При тоа му беа прочитани и правилата на играта, оние... законските, кои мора да се почитуваат! Висината на договорот - непозната! Потписник од другата страна, една млада, убава, шармантна дама... Отсега таа и тој ќе играат во ист клуб... Клубот на животот во брачна заедница. Затоа и официјално го ставија својот потпис и бурмите на рака. Таа останува да го носи истото презиме - своето, а сепак неговото, без ништо да менува!

Зашто и пред тоа и сега обајцата исто се презиваа(т): Ристовски! Таа, убавата кумановка Николина - Нина, идната мајка која е во осмиот месец на бременоста, тој, македонскиот „министер за одбрана на ракометната мрежа“ - Борко! Од пред ден-два и официјално сопружници, наскоро и за прв пат родители!

„Од вчера и законски во брак. Колку и да не е важно што постои на лист хартија, моментот е многу посебен и на свој начин емотивен. Совршенство не постои, ниту идеални врски и односи, но вистинска љубов постои и може да биде прекрасна доколку двајца пронајдат заеднички јазик, доколку имаат меѓусобно разбирање и трпение и доколку секој ден се грижат еден за друг без разлика на се. Јас сум среќна за сите заеднички моменти и се надевам дека низ животот заедно ќе раснеме и ќе бидеме само подобри луѓе заедно“ - напишала г-ѓа Ристовска на еден од своите профили на социјалните мрежи.

Од погледот и се гледа дека блеска од среќа. Како скапоцен дијамант!

Веројатно така и ќе ја чува нејзиниот Борко! И неа и идниот наследник! Успешно и дури многу повеќе од тоа што умее да го чува голот. Нека е со среќа!

Нина се пофали со вереничкиот прстен, ама ја покажа и сестра и: Жена му на Борко е „авион“, ама балтската му е… „ангел“! (ФОТО)

Антонио Димитриевски — Tue, 09 Jan 2018 09:09:05 +0000

Иако е во седмиот месец од бременоста и наскоро ќе се породи, Николина - идната сопруга на македонскиот ракометен репрезентативен голман Борко Ристовски до сега на својот животен избраник му немаше официјално кажано - ДА! Заради огромните обврски на нашиот „министер за одбрана“ или заради тоа што, како што самата Нина вели: „Кај нас ништо не е по редослед, освен љубовта која од прв ден е најголема“ - Борко до сега ја немаша официјално побарано за жена!

Ама периодот помеѓу новогодишните и божиќните празници беше згодна прилика ракометниот голман да ја запроси раката својата сакана и официјално да и го стави вереничкиот прстен на прстот. Дали Борко клекна на колена или не, при одвивањето на овој романтичен и свечен чин не знаеме? Младите тој момент не го овековечија, не барем јавно...

Ама затоа кумановската свршеница и официјално се пофали со преубавиот веренички прстен на десната рака, па го овековечи со неколку фотографиии и постови: „Благослов е да добиеш можност да сакаш безусловно и искрео и тоа да ти биде возвратено“ - меѓу другото напишала покрај фотографијата идната снашка и мајка.

И додека Борко со своите ракометни колеги играа пријателски натпревари во Белград, подготвувајќи се за престојното Европско првенство во Загреб, Нина го славеше деновите за големиот христијански празник Божиќ... дома, во Куманово! Прстенот го покажа, паричката - не, зашто таа овој пат не падна кај неа, туку кај мајка и, ама затоа покажа уште нешто... убавата сестричка Мирјана!

„Ако идната сопруга на Борко е „авион“, балтзата му е... ангел“ - кратко прокометираа некои!

И не дека не се во право. Две години помалата Мирјана која живее и студира во Белград, изгледа божествено.

Нежна, сензибилна, со манекенска става и аристократски лик, помалата сестра изгледа навистина божествено... како ангел. А во македонската ракометна репрезентација се’ уште има ергени, па... Можеби „министерот за одбрана“ и ќе се посфати со некој од репрезентативните колеги, а што да не?