болен – Вистина.мк

Има ли чаре за Игор Џамбазов, кој веќе два месеци е болен: Дијагнозата – тешка, лекот за болеста се’ уште не е измислен! (ФОТО)

Антонио Димитриевски — Thu, 29 Sep 2022 07:46:16 +0000

Само што го објави видеотоспотот за сопствената „џез ривајвал“ верзија на култниот фолк евергрин „Жаклина“, Игор Џамбазов обзнани дека е болен. Резултатите од анализите и лабораториските испитувања - лоши... Дијагнозата - тешка, неизлечива... Зашто лек за таа болест се' уште нема... Не е измислен! А болеста чудна, „автоимуна“, која веројатно секој од нас го чепнала. Речиси и да нема човек кого во животот нема да го погоди. Кого порано, во младоста, кого подоцна во зрели години...! Симптомите се тие истите, осаменост, апатија, копнеж по старите денови и доживеаните убавини... Нуспојавите различни, кај кого како... Некој одбива да јаде, некој се тови на нервна база, трети посегнуваат по алкохол, седативи, опијати... Некои пак се затвораат во себе, по дома, а тагата ја преточуваат во инспирација за некаква уметничка креација. Кој за што е надарен... Ако е?! Симптоми како симптоми ги има уште еден куп, а болеста иста, само кај секого различно се вика... Налик на лековите, имаат исто дејство, ама друго име. И кај Џамбазов е утврдено дека боледува од од истата, само што неговата дијагноза се вика Илинопатија... Среќа е во рана фаза, едвај два месеци, па се' што е навреме откриено, ако не може да биде сосема излечено, тогаш може да биде барем залечено, успорено или спречено да напредува. За да не биде дека ова се само шпекулации и чаршиски муабети, дијагнозата самиот Игор Џамбазов си ја објави на социјалните мрежи. После ова, јасно е само едно, а тоа се две работи што во моментов го преокупирааат Џамбазов: Песна, љубов и утеха... Игор Џамбазов пее за Жаклина, пати по Илина, а го теши мачката... Емилија! Фото: Инстаграм принтскрин/igordzambazov

Српската фолк легенда и кум на покојниот Тома Здравковиќ е тешко болен и мора да оди под нож: „Ако по операцијата не можам да пејам, немојте ни да ме будите“ (ФОТО)

Антонио Димитриевски — Fri, 12 Nov 2021 11:45:42 +0000

Српскиот фолк пејач Зоран Калезиќ откри дека заболел од рак на белите дробови, а за лекување ја избрал Црна Гора, иако имал пријатели ширум планетата кои можеле да му овозможат лекување каде било во светот. „Во понеделник одам во болница, имам канцер на белите дробови. Имам пријатели низ целиот свет, би можел да се оперирам каде било. Но, сепак, зошто јас, покрај нашинците и децата кои имаат слични проблеми и кои се лекуваат овде, би се оперирал некаде, зошто би отишол во Цирих, или на било кое друго место?“ - рече Калезиќ. Тој е свесен за операцијата што следува во вторник, но на овој начин сака да им оддаде почит на домашните лекари на кои им верува. „Свесен сум за се и операцијата и овојпат сакам да им оддадам почит на лекарите, бидејќи верувам дека ќе направат се' што е потребно. Не посегнав по лекување на друго место, бидејќи знам дека ќе дадат се' од себе да ми помогнат. Мојата желба беше да покажам почит кон лекарите со кои контактирам и благодарен сум им за нивната пожртвуваност. Восхитен сум и повеќе им верувам на оние од својот народ и подготвен сум да им го препуштам својот живот во нивни раце“ - изјави пејачот кој му беше и кум на покојниот колега, сега по филмот за него, одново актуелниот Тома Здравковиќ. „Гледам дека имаат желба да ми помогнат, но јас им кажав само едно: Не ме будете, ако не можам да пеам по операцијата. Мојот живот е песна, ако ми ја земат песната, тогаш подобро да ме нема“ - изјави тој за „Дан“.

Маринко Роквиќ во тешка здравствена состојба: Организмот на пејачот го нападнала бактерија, која никако не може да ја искорени (ФОТО)

Антонио Димитриевски — Fri, 22 Oct 2021 11:42:29 +0000

Пејачот Маринко Роквиќ веќе некое време се бори со бактеријата која го нападна неговиот организам. Роквиќ наводно е лошo, едвај зборува, a и ги откажаl сите настапи додека не се опорави. Ситуацијата дополнително се отежнува со фактот дека Маринко имаше операција на циста кон крајот на минатата година, а потоа доби кoрoна. Сето тоа целосно го исцрпи, и тој се га сe бори со нов здравствен проблем. Самиот пејач изјави дека е во лоша здравствена состојба и се пожали дека со месеци се бори со бактеријата, како и дека одбил бројни настапи поради неговата здравствена состојба. „Многумина ме повикаа да одам да настапам, но морав се да одбијам поради здравствени причини. Жена ми е цело време со мене, исто и моите синови. Сега не можам да зборувам, едвај зборувам, слушате. Ако можете да ми се јавите кога ќе заврши сето ова, ве молам, тогаш се' ќе ви раскажам. Ставив нешто во уста и не можам повеќе да зборувам. Мора да почекаме да помине ова, па кога ќе се опоравам, ајде убаво да разговараме, извинете“ - им рекол тој на новинарите кога го побарале да го слушнат. Инаку, Маринко лани прележа корона, а после тоа ја оперираше и таа циста. По интервенцијата Маринко за медиумите изјави дека се чувствува добро и дека жената се грижи за него, но...! Фото: Инстаграм приннтскрин/marinkorokvicofficial

Џенифер Анистон нема среќа во љубовта, но и во семејните односи: Му прости на татка си бидејќи е болен

Слободанка Илиева — Tue, 28 Apr 2020 10:27:38 +0000

Странските медиуми пишуваат дека славната актерка Џенифер Анистон нема среќа во љубовта, но животот не ја галел ниту кога се семејните односи во прашање. Сега се појавија информации дека Џен најпосле решила да му ја прости грешката од минатото на својот татко. Таа наводно се смирила со својот татко Џон (86) и го обновила контактот по многу години. Нивното помирување и обновената семејна врска се должи на пандемијата на коронавирусот, пишува „Дејли мејл“. По хоспитализацијата на Џон поради здравствени проблеми со стомакот, следуваше пандемијата на коронавирусот, а Џенифер тогаш се загрижила за својот татко. „Како да сфати дека животот е краток и нејзината врска со татко ѝ мораше да биде добра затоа што никогаш не се знае што ќе ги раздели засекогаш“, изјавил близок пријател на актерката за „Дејли мејл“. Двајцата сега редовно се слушаат на телефон, а Џенифер исто така редовно се распрашува за неговото здравје. Џенифер не била во добри односи со својот татко уште од својата деветта година кога Џон ги напуштил со мајка и, нешто што таа не можела да му го прости. Татко ѝ исто така е актер, а својот талент Џен го наследила токму од него. За разлика од ќерката, која е светски позната актерка, тој имал само кратки епизодни улоги во серии и е познат само на американската публика.

Актерот Том Хенкс и неговата сопруга се заразени од коронавирус

Христина Ѓоргиевска — Thu, 12 Mar 2020 09:00:22 +0000

Актерот Том Хенкс и неговата сопруга, актерката и пејачката Рита Вилсон се заразени од коронавирус. Хенкс на својот „Твитер“ објави соопштение со кое соопшти дека и двајцата се наоѓаат во карантин во Австралија. Хенкс истакна дека тој и неговата сопруга се наоѓале во Австралија и се чувствувале изморено, како да се настинати и имале болки во телото. Додаде дека Рита имала треска. „Тестирани сме на коронавирус и сме позитивни“ изјави Том. Преку начинот на пишување било јасно дека ова за сопружниците не е лесна вест, но одлучиле одговорно да се постават кон новонастанатата ситуација. “И, што е следно? Медицинските службеници имаат протоколи кои мора да ги следиме. Ние ќе бидеме тестирани, под надзор и во изолација до кога и да е потребно. Полека ќе прифаќаме сè – ден за ден. Ќе ве известуваме за сè. Чувајте се!”, напишал Хенкс, а неговата објава наишла на поддршка од сите земји во светот. фото: твитер

Џастин Бибер: „Не користам дроги, туку сум болен“

Христина Ѓоргиевска — Thu, 09 Jan 2020 08:56:33 +0000

Еден од најпопуларните канадски пејачи, Џастин Бибер потврди дека боледува од Лајмска болест. Бибер оваа вест ја потврди на својот „Инстаграм“ истакнувајќи дека е загрозено неговото здравје. „И додека многу луѓе зборуваат дека Бибер изгледа како го*но, не се свесни дека неодамна му е дијагностицирана Лајмска болест. И не само тоа, тоа влијае на мојот вид, мојата кожа, енергијата и целокупното здравје. Овие работи ќе бидат објавени во документарниот филм кој наскоро ќе биде објавен на Јутуб. Ќе може да дознаете низ што поминував и со што се борев. Тоа беа тешки години, но со терапијата која ќе ми помогне да ја победам болеста ќе се вратам подобро од кога и да било“ напиша Бибер. За потсетување, Џастин неодамна истакна дека тој и неговата сопруга во 2020 година ќе започнат да работат на проширување на семејството. Пејачот во документарниот филм ќе објасни зошто луѓето мислеле дека се бори со депресија, а тој се борел со Лајмската болест. Документарецот ќе биде објавен на Јутуб на 27 јануари, а во истиот ќе зборуваат Џастин и неговите најблиски за тоа со какви симптоми се соочувал пејачот во текот на 2019 година. Во октомври претходната година, Џастин беше фотографиран како плаче додека оди кон својот автомобил, а во филмот ќе објасни зошто.

На свадбата кај Ражнатовиќ се случила драма: Таткото на Цеца завршил на Ургентен!

Слободанка Илиева — Tue, 03 Dec 2019 11:23:22 +0000

Свадбата на Вељко и Богдана Ражнатовиќ веќе една недела е медиумска тема. Кој пееше, колку пари заработија од свадбата ... сето тоа ја заинтригира јавноста повеќе од седум дена, а интересот за деталите за самата церемонија не стивнуваат. Сега е откриено дека на дедото на младоженецот, Слободан Величковиќ, му се слошило за време на веселбата. „Српски телеграф“ пишува дека бил принуден да ја напушти свадбата затоа што имал силна болка и се чувствувал лошо. -Ден по свадбата, тој беше примен во Ургентниот центар. Слободан се чувствуваше лошо на свадбата. Тој не можеше да ја издржи болката, но на почетокот не сакаше да вознемири никого за да не ја расипе забавата. Само по граѓанската венчавка сакаше тивко данапушти и да побара од возачот да го носи дома“, рече неименуван извор и додаде: "Следниот ден, дојде пеколот. Му стана полошо, па го однесоа во Ургентниот центар. Тој немаше да оди во болница ако Цеца не го убеди. Констатираа дека има сериозно воспаление на целиот организам и дека се случил сериозен колапс". Лекарот што го примил, семеен пријател на семејството, рекол дека Слободан имал сериозно воспаление на цревата, желудникот, панкреасот. Покрај сето ова, тој имал и силна треска“. Дедо на младоженецот е пуштен на домашно лекување по неколкудневно испитување.

Бора Чорба реагираше на написите дека е тешко болен

Христина Ѓоргиевска — Sun, 20 Oct 2019 08:25:52 +0000

Естрадниот магазин „Свет“ пишува дека фронтменот на „Рибља чорба“, Бора Ѓорѓевиќ е тешко болен и дека наскоро оди на лечење, а оваа вест ја пренесоа домашните и регионалните медиуми. „Бора неодамна дозна дека е болен.Единствено решение е операцијата“ вели извор за „Свет“. По овие пишувања, Бора Чорба реагираше со соопштение во кое ги демантира овие пишувања. „Рибља Чорба не ги откажа концертите, ниту ќе откаже еден настап. Напротив, 7 декември сме во Минхен, а во подготовка е голема турнеја. Се закажуваат и датуми за Америка. Веста за откажување на концертите е злонамерна, со намера да ни го обезвредни албумот „Да тебе није“ и да внесе несигурност кај нашите фанови, но и да ги обесхрабри организаторите“ вели Бора и додава: „Исто така злонамерно е напишано дека бараме некои пари. Им благодарам на оние кои понудија финансиска помош, но пари не ни требаат. Сите во бендот сме осигурани“. На крајот, Ѓорѓевиќ се огласи и за написите дека е тешко болен. „Не сум тешко болен, а тоа се виде на успешаната турнеја во 25 градови, а посебно на последните два – 13 септември во Љубљана и 5 октомври во Виена. Свириме и пееме подобро од кога и да било. Веруваме дека ваквите информации се саботажа на лоши луѓе. Во име на „Рибља чорба“, Бора Ѓорѓевиќ“.

Жељко Јоксимовиќ се огласи по насловите дека завршил во болница (фото)

Слободанка Илиева — Mon, 04 Feb 2019 08:38:59 +0000

Во српските медиуми се појавија наслови од кои се тврдеше дека Жељко Јоксимовиќ по враќањето од одморот на Малдивите каде беше заедно со сопругата Јована, се разболел и завршил во болница. Иако пејачот претходно се појави на регионалните музички награди MEK, каде што изгледаше сосема здраво, ваквите шпекулации не го одминаа. Дека неговото здравје е во најдобар ред и дека не завршил во болница, тој демантираше преку својот профил на Инстаграм, каде на порталот Ало.рс им порача да ги почитуваат своите читатели и дека веста е лажна.

Инаку, Јоксимовиќ периодов се погдотвува за два концерти во Заграб закажани за 15-ти и 16-ти февруари.

Соседите открија: Шабан Шаулиќ е сериозно болен!? (ФОТО)

Антонио Димитриевски — Sat, 04 Aug 2018 08:17:27 +0000

Шабан Шаулиќ и неговата сопруга Гоца изградиле вила на Дедиње пред неколку години, каде што поминуваат поголем дел од времето кога тој не е на пат или во викендичката во Крчедин.

Дали кралотот на народната музика живее кралски, откриваат неговите соседи.

„Не сум го видел долго време, бидејќи тој беше болен. Инаку ги среќавам и убаво ќе си се изнамуабетиме. Одлични соседи се и тој и Гоца. Прекрасни луѓе се, луѓе од народот, со кои можеш да застанеш и да поразговараш. А такви се со сите комшии“ - ќе изјави соседката на Јелисавета, за српски Блиц. Една друга сосетка пак открива дека болеста на Шабан не е безопасна, како што пишуваше во медиумите, и тоа не е проблем со вените. Во прашање е срцевата аорта и неговото семејство стравува дека наскоро тој ќе мора да заврши на операциона маса.

„Гоца е змеј, таа го држи семејството заедно и се бори како лавица.Ако не беше таа, немаше да ја имаат оваа вила на Дедиње, но гледам дека овојпат таа е сериозно загрижена и насекирана“ - завршува соседката на кралот на народната музика, која ја открива неговата вистинска здравствена состојба.