бојан – Вистина.мк

„Ај Кју“ ја преработија во поп манир антологиската фолк балада на Виолета Томовска – „Молитва“ (ВИДЕО)

Антонио Димитриевски — Mon, 03 Apr 2023 12:25:20 +0000

Македонскиот бенд „Ај Кју“ кој по нивната евровизиска авантура живее и работи на релација Скопје - Лондон се реши на смел чекор да ја препеат антологиската песна „Молитва“ испеана од македонската фолк пејачка, легендарната Виолета Томовска. Музиката и текстот се авторско дело на братскиот тандем Миле и Ѓорѓи Барбаровски, додека аранжманот за оваа верзија го потпишува Роберт Билбилов, во чие студио Бојан и Марија и ја снимија песната. „Некои песни се предодредени да бидат безвременски, а нас ни претставува голема чест да го продолжиме животот на „Молитва“, да создадеме печат на новото време и да ја запознаеме новата генерација со оваа наша изведба“ - рекоа Марија и Бојан од „Ај Кју“. Како звучи нивната преработка и поп верзија на антологиската „Молитва“ проследете од видеото во продолжение (КЛИКНИ ТУКА):

„Ај Кју“ во Маврово: Марија на скии, Бојан на сноуборд на снегот, ама на суво… Ја батали „даската“ па се фати за „амбалажата“… за мајчино млеко! (ФОТО)

Антонио Димитриевски — Tue, 19 Jan 2021 07:54:25 +0000

Зимата и снегот и покрај студот и сите непогодниости, носат и еден куп зимски радости, како за децата така и за возрасните. Особено ако си на планина, во некој зимски ски центар, дома или надвор од Македонија, сеедно... на ваквиот предизвик не се имуни ниту познатитите. Меѓу останатите и нашите евровизиски претставници, Марија и Бојан од дуото „Ај Кју“ беа на планина. На скијање и бордање... во Маврово!

Марија се качи на скиите, се фати за штеките, па се пофали со новата опрема. Бојан е модерен „фраер“, па не скија туку борда... Логично двојката направи и неколку заеднички „колегијални“ фотографии од авантурата на снегот, па ги сподели на социјалните мрежи, што денес е исто така ултра модерно. Си бил некаде, а да не те дознаат сите... Исто како да не си бил нигде!

Арно ама од сите авантури на снегот, највпечатлива на фотографиите е „авантурата на суво“. Имено, во паузата помеѓу две скијања и бордања, двојката „музички колеги“ седна малку да се одмори, згрее и да ја обнови енергијата...

И додека Марија и Бојан чекаа персоналот во рестореанот да им го донесе менито, Бојан не чекаше многу, па откако претходно ја пушти „даската“, се фати за за „амбалажата“... за мајчино млеко!

Така овековечениот „колегијален момент“ осамна постиран на Инстаграм... кај обајцата! Остана само нејасно: Дали тоа Бојан сакаше да провери има ли алтернативни решенија доколку не му се допадне менито, или проверуваше дали е се во ред со „аирбегот“ на Марија, во случај пејачката да падне од скиите на снегот? Што и да е во прашање, едно е сепак сигурно: „колегата“ не остана „со празни раце“!

„Ај Кју“ не освоија награда на „Макфест“ ама затоа… Марија „најширокограда“ со деколте за „влажни погледи“, а Бојан со хумор на своја сметка, но можеби на туѓа адреса? (ВИДЕО)

Антонио Димитриевски — Tue, 22 Sep 2020 07:51:08 +0000

Скопското љубовно-музичко дуо „Ај Кју“ по преставувањето на Македонија на „Евровизија“ и „тезга“ прошетката по неколку клубови низ Европа, по пауза од пет години му се врати на најстариот македонски фестивал на забавни мелодии, кој трае три и пол децении во континуитет - „Макфест“. Сепак, Бојан и Марија и покрај атрактивниот настап останаа со „празни раце“ по нивната изведба на песната „Ти си ми сон“. Наградите на годинешниот „Макфест 2020“ ги одминаа и останаа само „нивен сон“, но затоа не ги одминаа некои други нешта, како впечатливиот изглед, особено кога е во прашање стајлингот на баеги „раскомотената“ пејачка на дуото и секако, уникатниот хумор на своја сметка, но, дали не и на туѓа адреса, на расположената посилна половина на „Ај Кју“?! Имено, Марија беше облечена во свечено здолниште, во кое изгледаше прилично предизвикувачки и провокативно, со сето она што мајката природа и го дарила и ја надарила, а модната креаторка сето тоа го спакувала во крецијата која го сервираше на увид нејзиниот граден потенцијал. Таквата смела комбинација резултираше со тоа пејачката да ја го понесе епитетот „најширокограда“ на макфестовската сцена, со деколте за „влажни погледи“ кај машката публика. Или барем кај оние, вистинските мажи, зашто Марија покрај песната имаше и визуелно што да понуди. Впрочем нејзиниот колега и љубовен партнер од дуото, тоа најдобро го знае... Проверено! https://arhiva.vistina.com.mk/radio-mileva/aj-kju-vo-mavrovo-marija-na-skii-bojan-na-snoubord-na-snegot-ama-na-suvo-ja-batali-daskata-pa-se-fati-za-ambalazata-za-majchino-mleko-foto/ А кога сме веќе кај колегата, Бојан Трајковски покрај тоа што го знаеме како автор и изведувач, познат е и по својот несокојдневен смисол за хумор. Некогаш разбран, некогаш несфатен, ама секогаш доволно содржаен за да побуди и поттикне на размислување. Така и овој пат, лидерот на „Ај Кју“ тргна да се шегува на своја сметка, иако можеби „меѓу редови“ сакаше некому да му испрати и поинаква порака во стилот на онаа народната: „Ти кажувам ќерко, сети се снао“! Имено, Бојан во едно од видео-интервјуата дадени по завршувањето на фестивалот, во стилот на политичарите по изборно гласање, побара да се прегласа, зашто како што рече: „Водиме во Чучер - Сандево, победуваме во Струмица...“ Се разбира на шега, на своја сметка, ама „на шега-на смеа, во секоја шега-половина вистина“ или...? Можеби во неговата шега на своја сметка, „меѓу редови“ има и скриена порака упатена до некого? Патем, за тоа како ја подготвувале песната дури „цели 20 минути“ додека Марија готвела, а Бојан ја „склепал“, за неговата одлука на Макфест 2020 „да пее малку потивко за да на му пречи на плејбекот“, за тоа дека по настапот „певаљката“ ќе си ја носи дома... и уште некои други нешта, кои не останаа незабележани дури и од поедини колеги на „Ај Кју“ како Сара Мејс на пример, погледнете и слушнете во видеото на Точка ТВ, подолу: https://www.youtube.com/watch?v=dr17uNOUNbk&feature=youtu.be&fbclid=IwAR2LZzcH1gFpEn6BbVsp_CSn5LYf-Wf5AGgYUgxsPn3zYrmVi_eO3BtA6_I Фото: Инстаграм принтскрин/Јутјуб скриншот Видео: Јујуб/Точка ТВ

Марија од „Ај Кју“ се соблече гола: Пејачката од сите предрасуди ослободена, позира како од мајка родена, задскриена зад стара гитара (ФОТО)

Антонио Димитриевски — Fri, 17 Apr 2020 10:08:18 +0000

На пејачката на скопското дуо „Ај кју“ очигледно во карантинот покрај тоа што и е тесно и тешко и станало и жешко. Јасно е дека на сите не ние лесно да ја издржиме „казната што живот значи“, но разни луѓе, очигледно различно ја доживуваат осаменоста и затвореноста во четири ѕида. Така, едни клаустофобијата ги гуши, други карантинот ги нервира, трети пак ги инспирира... Оттаму се изродија и морето предизвици на социјаллните мрежи, кои не само што треба да помогнат за надминување на здодевноста, туку некои од нив ја будат фантазијата и предизвикуваат љубопитноста: Што тоа таму се случува зад затворени врати? А помеѓу врати и ѕидови, најразлачни видови или поточно типови карактери. Естрадата - посебна сорта. Пеење, танцување, перници околу појас со колан врзување, чистење, готвење, гимнастика... и уште каква се' не ти практика покажаа естрадните ѕвезди во мирување, за разонода и смирување на „разиграните живци“. Она што е најново е најновиот предизвик, кој го постави младата пејачка на поп дуото „Ај кју“ - Марија. Откако ја „изгуслаа“ Евровизија, па се обидоа да чепнат нешто и по Европа, музичко - љубовната двојка Бојан и Марија, корона пандемијата ги натера своето „Ај кју“ да го вратат дома. Дали заради „хормоните пуштени на најјако“ во крантинот или желбата свесно да се крене некому адреналинот - не знаеме, ама затоа она што сите дознаа и видоа е како изгледа пејачката на дуото кога е гола. Имено, задскриена само зад стара акустична гитара, Марија од сите предрасуди ослободена, се соблече како од мајка родена за да позира. Наводно, во прашање е најновиот предизвик која сама го постави и наслови: „Гол гитара предизвик“, па ги прозва другарките да ја следат. Предизвик или маркетиншки трик, а можеби и обете, ќе покаже времето. Она што остана дилема е зошто токму гитара? Дали Марија одбра да се соблече зад гитарата, заради тоа што токму нејзиниот љубовник ја свири или...? Ако е така, веројатно многумина веќе посакаа, наместо гитара, тој да свиреше некој друг инструмент, како на пример... кларинет!?

„Cyrillic“ во електро-етно стил ја преточија „Твоите очи Лено“ во нивната „Севда“ (ВИДЕО)

Антонио Димитриевски — Tue, 21 Jan 2020 11:54:03 +0000

„Севда“ е најново остварување на македонското електронско дуо „Cyrillic“ , а инспирација за истата е од македонската народна песна „Твојте очи Лено“, но спакувана во модерен дип-хаус аранжман со етно примеси. За новиот сингл Андреј и Бојан соработуваа со македонската поп пејачка наташа Малинкова, која ги пее вокалите во темата која има и видеоспот во режија на познатиот уметнички фотограф и видео режисер Зоран Зонде Стојановски. Истиот се снимаше на неколку локации во Македонија, а моделот кој ја има главната улога во видеото е убавата Марија Давчевска. Задоволството од одлично сработениот проект со споделија и самите Андреј и Бојан: „Севда е страст, Севда е љубов. Севда е фузија на два тотално различни музички света, кои што тука перфектно се споија. Многу ни е мило што направивме еден ваков проект, каде што ставаме наш печат како Cyrillic, на една од нашите омилени Македонски етно песни. Се надеваме дека ќе им се допадне на нашите фанови и пошироката јавност ѝ ќе придонесе на помладите генерации да им стане блиска нашата Македоснка музика“ - вели Андреј. На неговите зборови се надоврзува Бојан, кој додава: „Севда е комбинација на етно елементи со карактеристични Cyrillic звуци и мистичен вокал испреплетени за еден одличен радиски и клубски сингл. Интересна е реакцијата на публиката на нашите настапи кога за прв пат ја слушаат, обично се позитивно изненадени поради тоа што не очекуваат такава комбинација“. Инаку од неодамна Cyrillic станаа ексклузивци на „Sky Eye Entertainment“, всушност ова е втор издаден сингл под оваа издавачка куќа. Погледнете го видеото за нивната „Севда“ и преслушајте како звучат старите исконски вредности на традицијата во ново, дигитално пакување:

Вака изгледаа сестрите на невестата: Бојана и Наташа Родиќ блескаа на свадбата (ФОТО)

Антонио Димитриевски — Mon, 25 Nov 2019 10:20:31 +0000

Иако не се познати во јавноста како сестрата на Вељко и ќерка на Цеца, Анастасија, сестрите на снаата Богдана Родиќ далеку од тоа дека останаа во сенка на „свадбената церемонија“. Напротив, тие не останаа незабележани, а Бојана и Наташа покрај тоа што блескаа, беа и едни од оние кои беа најактивни на социјалните мрежи и постојано објавуваа што се случува од час во час на свадбата на нивната сестра. Погледнете како изгледаа Бојана и Наташа Родиќ:

Eye Cue – „Too late“ (АУДИО)

Антонио Димитриевски — Thu, 22 Aug 2019 12:54:39 +0000

Скопското дуо „Ај Кју“ продолжуваат со обидите за освојување на музичката сцена надвор од Македонија. По евровизиски сингл „Lost And Found“, ја продолжија праксата да прават песни на Англиски јазик, па така следуваа „Dancin“ и „Love Me, Hate Me“, по кој доаѓа и најновата, излезена деновиве со наслов „Too late“.

И во новата песна забележливо е влијанието на британскиот поп звук, што веројатно е последица од нивниот престој во Лондон, како и од претходните бројни гостувања ширум светот, во рамките на евровизиската турнеја низ Европа и Австралија.

„Love Me, Hate Me“ не успеа Бојан и Марија да ги лансира на престижната британска топ-листа и да им направи посериозен пробив, па дали сега со „Too late“ ќе се обидат одново и ќе успеат барем малку да пркнат на најтешкиот светски музички пазар или е навистина „предоцна“, ќе дознаеме во периодот што следува. Во меѓувреме уживајте во звуците на „Too late“ чиј комплетен автор на музиката и стиховите е посилната половина на дуото, гитаристот Бојан Трајковски. https://www.youtube.com/watch?v=ffIfcSWITD8

„Ај Кју“ со „Love Me, Hate Me“ го бараат патот до британските топ-листи (АУДИО)

Антонио Димитриевски — Wed, 03 Jul 2019 11:29:20 +0000

Бојан и Марија, членовите на скопското дуо „Ај Кју“ продолжуваат со обидите за освојување на музичката сцена надвор од Македонија со штотуку објавениот сингл „Love Me, Hate Me“. Тој e најнов во низата испеани на англиски јазик, започната со минатогодишниот евровизиски сингл „Lost And Found“. Она што особено може да се забележи во новата песна е влијанието на британскиот поп звук, што сигурно е резултат од нивниот претстој во Лондон, а токму таму денеска ќе се случи и премиерната изведба во живо.

Дуото изминатиов период беше актуелно и со синглот „Dancin“ како и со бројните гостувања ширум светот, во рамките на евровизиската турнеја низ Европа и Асвтралија.

Дали токму „Love Me, Hate Me“ ќе успее да ги лансира на престижната британска топ-листа, а и да им биде и мост до другата страна на Атлантикот, ќе дознаеме во периодот што следува. Во меѓувреме уживајте во звуците на „Love Me, Hate Me“. https://www.youtube.com/watch?v=pF3s4tv_njU