боја – Вистина.мк

Што кажува за вас бојата која постојано ја носите? Може да ги открие доминантните особини на вашата личност

Слободанка Илиева — Tue, 05 Mar 2024 13:50:36 +0000

Љубителите на жолтата боја се авантуристи Ако обично избирате една боја на облека, чевли и други работи, тоа може да сугерира на вашите силни особини на личноста за кои можеби не сте свесни. Црвена Многумина ја поврзуваат оваа боја со доминација, агресија, возбуда или опасност. Некои истражувања дошле до заклучок дека спортистите кои ја носат оваа боја имаат 5% повеќе шанси за победа, но и дека келнерките кои носат црвено добиваат повисок бакшиш! Се верува дека оваа боја го привлекува посилниот пол, бидејќи е поврзана со страст и љубов. Црвената боја е толку моќна што може да предизвика срцето да чука побрзо и да се произведува тестостерон. Виолетова Оваа боја порано се поврзуваше со благородништвото. Ја поттикнува креативноста, се смета дека има смирувачки ефект и луѓето кои ја претпочитаат оваа боја се емотивни и почувствителни. Бела Ако вашата омилена боја е белата, тоа може да сугерира дека имате тенденција да забележувате детали и дека организацијата и логиката се вашите силни страни. Белата боја е синоним за чистота и едноставност. Уште едно вообичаено верување е дека луѓето кои ја сакаат оваа боја се независни и креативни. Црна Се верува дека љубителите на црната боја се стремат кон контрола и поголема независност. Се верува дека луѓето кои избираат црна боја се реални и практични. Оваа боја е синоним за елеганција, софистицираност, формалност. Покрај тоа, оваа боја сугерира и мистерија. Жолта Едноставно кажано, ако тежите кон жолти тонови, вие сте авантурист. Не ги прифаќате наметнатите рамки и копнеете по слобода, оптимизам, страст. Спонтаноста е вашата силна страна, како и креативноста. Но, и импулсивноста се поврзува со љубителите на жолтата боја. Зелена Луѓето кои избираат зелени нијанси дефинитивно сакаат да бидат во природа и се стремат кон поголем успех во животот. Интересно е што некои студии покажуваат дека љубителите на оваа боја повеќе се стремат кон сигурност. Оваа боја е поврзана со изобилство, смиреност, здравје, раст, учење. извор:курир.мк

Повеќе на vistina.mk

На прв поглед „пиштол гола“: Една фотографија на Марјана Станојковска им го помати умот на мажите кои веднаш посакаа да видат што таму има (фото)

Слободанка Илиева — Tue, 30 Jan 2024 09:51:48 +0000

ТВ водителката Марјана Станојковска не може глава да крене од работа и тоа многу повеќе како инфлуенсерка отколку како водителка. Доказ дека тоа е така, говори доволно нејзиниот Инстаграм профил каде речиси комплетно е полн со објави каде таа промовира, рекламира и сугерира за брендови од разни категории. Преперати за коса, лице, бутици, оптики, салони за убавина, ма што ли уште не.

View this post on Instagram

A post shared by MARJANA STANOJKOVSKA (@marjanamay)

За Марјана слободно може да се каже дека е најбараната македонска инфлуенсерка која на големо печали од овој вид на модерно рекламирање преку социјалните мрежи. Нејзиниот најнов проект, ТВ шоуто 7-мо небо е она каде дополнително се покажува за своите професионални подвизи, но она примарното за Марјанче е инфлуенсерството.

View this post on Instagram

A post shared by MARJANA STANOJKOVSKA (@marjanamay)

Па така од една своја најнова објава, иако беше наменета за припадничките на понешниот пол, односно сакаше да покаже комбинезон во беж нијанса или боја на кожа која создава оптичка илузија. На прв поглед, Марјана на фотографијата изгледа навидум како да е „пиштол гола“. Вниманието сигурно повеќе им беше привлечено на припадниците на посилниот пол кои сакаа да видат што таму има кога подобро би ја отвориле на широк екран фотографијата. Во случајот Марјана е облечена и тоа закопчана до гуша, ама сосема доволно секси за да го задржи вниманието подолго. фото:Instagram printscreen/ marjanamay

Повеќе на vistina.mk

Прогласена бојата на годината за 2024, нежна и пастелна

Слободанка Илиева — Tue, 26 Dec 2023 13:20:15 +0000

Во соопштението за печатот, извршниот директор на „Пантон“, Леатрис Ајсман рече дека бојата на праска носи припадност и инспирира. Институтот за боја „Пантон“ објави дека бојата што ќе ја одбележи 2024 година е бојата на праска. Познатиот институт за боја смета само една нијанса ќе обезбеди доволно ниво на удобност и топлина и се вика „Peach Fuzz“. Тоа е топла и нежна боја на праска, односно мешавина од розова и портокалова боја. Во соопштението за печатот, извршниот директор на „Пантон“, Леатрис Ајсман рече дека бојата на праска носи припадност и инспирира. – Оваа боја носи чувство на удобност и благодарение на неа можеме да најдеме внатрешен мир, кој влијае на нашата благосостојба, истакнува Ајсман.

View this post on Instagram

A post shared by PANTONE (@pantone)

Во 2024 година ќе се навршат 25 години откако Институтот за боја „Пантон“ ја прогласува бојата на годината. На пазарот веќе се појавија многу производи во оваа боја – од мобилни телефони, теписи и предмети за домаќинството до облека и шминка. извор:курир.мк фото:freepik

Повеќе на vistina.mk

Секоја боја во пастата за заби има своја улога

Слободанка Илиева — Mon, 25 Sep 2023 11:36:24 +0000

Многу луѓе ја опишуваат пастата за заби како тробојна смеса што се става на четка за заби. Изборот на бои не е случаен, т.е. производителите со причина ги полнат тубите со бел, бело-сино-црвен производ или сосем друга комбинација. Секоја боја има различни состојки со одделни ефекти врз забите. Се чини, поради некоја причина, велат познавачи, производителите на пасти за заби не се потрудиле доволно да им објаснат на потрошувачите зошто нивните пасти имаат одредена боја. Белите пасти, на пр. содржат супстанции кои го отстрануваат плакот и спречуваат појава на кариес. Црвената лента во смесата главно има активни состојки неопходни за нега на непцата, а пак, сината лента служи за освежување на здивот. Покрај тоа, сините пасти содржат и состојки со антимикробно дејство. Има и пасти со зелена, наместо сина линија. Некои истражувања, сепак, посочуваат дека во некои случаи боите немаат никаква врска со ефектите, туку тоа е рекламно-маркетиншки потег бидејќи е откриено дека луѓето купуваат повеќе пасти со три бои. (МИА)

Повеќе на vistina.mk

Секоја боја во пастата за заби има своја улога

Слаѓана Атанасова — Fri, 22 Sep 2023 12:00:17 +0000

Фолкерката Анета Наковска направи една промена на себе од која ќе се запрашате дали е таа или не (фото)

Слободанка Илиева — Thu, 14 Sep 2023 07:45:57 +0000

Фолк пејачката Анета Наковска го ужива последниот топол летен бран на море. Ред ребота со микрофонот во рака, ред сончање за совршен летен баланс од крајот на летото. За разлика од порано Наковска не е така активна по социјалните мрежи, но овој пат изненади со серија фотографии каде позира во бикини распослана на морскиот брег. Бујните гради беа во прв план, но една промена која на себе ја направила и дава сосема поинаков визуелен приказ. Многумина сакаат да имаат очи со сина боја, па и Анета која по природа е темноока. Леќите за очи се лесно достапна варијанта за промена до посакуваната боја, а пејачката избра впечатлива небесно сина која со поглед те замрзнува. Леден поглед и чоколаден тен, комбинација која остава силен впечаток кој очигледно на пејачката и се допаѓа. Инаку, неодамна се шпекулираше дека се разведува од бизнисменот Спиро Крлевски, што таа остро демантираше преку социјалните мрежи. фото: Фејсбук/Анета Наковска

Повеќе на vistina.mk

Еве што открива вашата боја на очи

Слаѓана Атанасова — Wed, 06 Sep 2023 12:00:01 +0000

Иако бојата на очите се смета за наследна карактеристика, одамна е познато дека токму тие може да го откријат и карактерот на личноста. Каква боја на очи имате? Откријте го нивното значење: Црни очи Иако не постојат потполно црни очи, некои очи имаат толку темно кафена боја што оставаат посебен впечаток. За то со темни, речиси црни очи се вели дека се темпераментни, полни со страст и хиперактивни. Предадени се на она што го прават, постојано се натпреваруваат и сакаат да привлекуваат внимание. Освен тоа, се опишуваат и како таинствени и тешко заљубливи. Сепак, кога ќе се заљубат се предадени, а единствена маана им е потребата за расправии и нестрпливост. Сини очи Сината боја на очи е интензивна и впечатлива, па затоа се поврзува со небото, енергијата и рационалното размислување. Луѓето со сини очи се сметаат за лесно достапни, шармантни и пријателски настроени. Освен тоа се спонтани, подготвени да испробаат нови работи и имаат развиена духовна страна. Одлични се во забележувањето на ситници, а единствена маана им е зборливоста, нетактичноста и брзината на јазикот. Кафени очи Кафените очи се поврзуваат со енергијата на земјата, креативноста, упорноста и плодноста. Луѓето со кафени очи се оние кои се сметаат за емпатични, независни и самоуверени. Исто така кафените очи се симбол на силен сексуален нагон, желба за дружење и екстравагантност. Материјалната страна не им е толку важна колку хармонијата во односите и позицијата во друштвото. Маана им е повремената тишина која ја обожуваат и чувствителното его. Сиви очи Сивата боја на очи е прилично ретка, па затоа симболизира мудрост и цврст карактер. Луѓето со оваа боја на очи се опишуваат како родени лидери кои можат да ги пронајдат решенијата кои никој друг не ги гледа. Лесно се прилагодуваат, смирени се и љубезни по природа. Не се претерано отворени, но често се романтични. Имаат рационален став во животот, верни се и сакаат доли врски. Маана им е претераната емотивност. Зелени очи Зелената боја на очи симболизира харизма, иновативност, младост и здравје. Луѓето со зелени очи се опишуваат како љубители на авантури и сите видови на уживање во животот. Добри се и снаодливи во друштвото и ретко се осамени. Имаат посебна страст, но во љубовта понекогаш не знаат и самите што сакаат, додека на другите полиња во животот имаат цврст став. Маана им е тврдоглавоста, желбата за манипулација и љубомората. Очи кои ја менуваат бојата Оваа прилично ретка комбинација од сини, кафени и зелени тонови е симбол на сила и храброст. Луѓето со очи чија боја се менува се опишуваат како бестрашни и подготвени на сите предизвици. Обично се физички прекрасни и привлечни, иако не сакаат да заведуваат. Способни се, но често пати и мрзеливи. Маана им е што често реагираат бурно и се склони кон делењето памет. Извор: Курир.мк

Повеќе на vistina.mk

Еве што кажува за вас омилениот вкус на сладолед

Слаѓана Атанасова — Wed, 23 Aug 2023 12:00:40 +0000

Различните вкусови на сладолед не се само избор, тие ја одразуваат и вашата уникатна личност. Дали некогаш сте се запрашале дали постои врска помеѓу вашиот омилен вкус на сладолед и вашата личност? Веројатно веќе сте забележале дека луѓето сакаат да избираат различни вкусови на сладолед, но малкумина сфаќаат дека овој избор може да открие многу за нашите карактеристики и квалитети. 1. Ванила За многумина, ванилата е класичен и благ вкус на сладолед, но неговата популарност зборува за нешто посебно. Ако ванилата е вашиот омилен избор, веројатно сте личност која го цени квалитетот и минимализмот во сè што правите. Смирени сте, избалансирани и без прекумерен стрес. Уживате во едноставни работи и наоѓате радост во секојдневните моменти. Вашата решителност ве води до стабилност и доверливост, што исто така ве прави доверлив пријател. 2. Чоколадо Вкусот на чоколадото е синоним за радост и задоволство. Љубителите на чоколадниот сладолед често се полни со енергија, љубопитни и отворени за нови искуства. Вие сте луѓе кои не се плашат да го живеат животот во потполност и секогаш се подготвени да пробуваат нови работи. Вашата жива природа ги привлекува другите кои уживаат во вашето друштво. Веројатно сте и романтична душа која знае да цени мали моменти на среќа. 3. Јагода Сладоледот од јагоди е често популарен меѓу љубителите на природата и едноставноста. Бирањето јагода ја покажува вашата лојалност и енергија. Вие сте дружељубива личност која сака живи социјални настани и ужива во друштвото на вашите најблиски. Вашата наклонетост кон животните го покажува сочувството и нежноста што ги ширите околу вас. Освен тоа, знаете како да се радувате на малите нешта во животот. 4. Сладолед од кафе Љубителите на кафе сладолед често се интровертни луѓе кои сакаат да го поминуваат времето во мир и осаменост. Сакате да читате, размислувате и одвојувате време за себе. Вашата длабока внатрешност и саморефлексија ве прават уникатни и интересни. Можеби сте уметничка душа која ги наоѓа своите емоции и мисли во уметноста. 5. Сладолед од нане со чоколадни парчиња Вие сте модерна лочност која сака да се издвојува од толпата. Вкусот на нане со чоколадо ја рефлектира вашата смела и самоуверена природа. Флексибилни сте и секогаш подготвени за нови предизвици. Вашата дружељубивост и шарм го привлекуваат вниманието на другите, правејќи ве популарни во општеството. Вашата отвореност кон нови идеи и авантури ве води кон богат и разновиден живот. 6. Карамела Љубителите на карамел сладолед често покажуваат длабока и сложена личност. Можеби сте личност која сака предизвици и развој на лично ниво. Веројатно ја цените духовноста и се занимавате со внатрешно истражување. Вашата грижа и срамежливост ве прават нежна и внимателна личност која е посветена на благосостојбата на другите. 7. Ф’стаци Изборот на вкус на ф’стаци ја покажува вашата единствена личност и креативност. Можеби сте донекаде резервирани, но внатре ве карактеризираат силни внатрешни вредности. Веројатно сонувате да живеете на село и да бидете во контакт со природата. Вашата отвореност да бидете различни ве поврзува со различни луѓе кои ја ценат вашата уникатност. 8. Домашен сладолед од банана Љубителите на вегански сладолед од банана имаат тенденција да бидат интелигентни и грижливи личности. Се грижите за вашето здравје и благосостојба и можете да се занимавате со спорт или други активности кои промовираат здрав начин на живот. Вашата позитивна природа и љубезност ги привлекуваат другите, правејќи ве популарни меѓу вашите познаници. Извор: Курир.мк

Повеќе на vistina.mk

За Андријана Јаневска нема машко-женски работи, а овој пат од она што го направи докажа дека е маестрална со резултат за кој и професионалците ќе и симнат капа (фото)

Слободанка Илиева — Fri, 07 Jul 2023 07:10:30 +0000

Веќе и птиците на гранките знаат дека мајстор за поправки и изведби во домот е многу тешко да се најде, особено во летен период, а згора на тоа цените за услугите се дојдени до плафон. Пејачката и виолинистка Андријана Јаневска го имаше ова во предвид, па ги зема работите во свои раце. Кај неа очигледно нема поделба на машко-женски работи, па се реши да ги засука ракавите и да го земе алатот за молерисување во раце. Имено, Андријна за првпат успеа совршено да ја бојадиса во зелени нијански собата на своето помало синче Кико кое очигледно обожава зелено. Како изгледаше процесот качена на скала додека бојадисува, не го покажа, но завршниот резултат беше доволен за да собере многу воодушевувачки коментари. Додека едни се чудеа како успеала без да ја болат рацете и мускулите, таа им откри дека има кондиција од свирењето виолина. Следеа и духовитите коментари дека сакаат да ја договорат да молерисува и кај други, па прашаа колку чини метар квадрат со бонус пеење? Андријана Јаневска следи фудбал, игра шах, лови риби, вози мотор, а сега и молерусува, наедно, докажа дека жена за се’! фото:Фејбук/Андријана Јаневска

Повеќе на vistina.mk

Најчестата и најретката боја на очи во светот

Слободанка Илиева — Tue, 30 May 2023 11:45:31 +0000

Инфографика заснована на податоци од Светскиот атлас открива дека најмногу луѓе во светот (70 – 80 отсто) имаат кафени очи. Следуваат оние со сини – 8 – 10 отсто, лешник-бојата и килибарната – пет отсто, па сивата – три отсто… Така, најретки се луѓето со зелени очи – два отсто. Што се однесува до застапеноста, темнокафеавите очи се најчести во Африка и Југоисточна Азија, а светлокафеавата – во Европа, Западна Азија и Северна и Јужна Америка. извор:курир.мк

Повеќе на vistina.mk