боби спасенцовски – Вистина.мк

Свекорот на Гиговска се пофали со внукот: „Добив внук, станав дедо“ (фото)

Слаѓана Атанасова — Sat, 15 Jul 2023 06:49:01 +0000

Пејачката Антониа Гиговска повторно е во фокусот на медиумите откако се породи и на свет донесе машко бебе. Таа беше на насловниците на порталите и во коментарите на социјалните мрежи, откако обелодени дека е бремена и очекува дете со клавијатуристот од нејзиниот бенд, Роберт Спасенцоски. Прв на социјалните мрежи за убавата вест се пофали нејзиниот сопруг, таткото на новороденчето, музичарот Роберт Спасенцовски кој на неговиот Фејзбук профил напиша дека е благодарен што ќе стане татко: - Станав татко, фала ти господе за оваа среќа - стоеше во неговата објава. По тој повод Антониа беше опсипана со бројни честитки, како од обожавателите, така и од најблиските членови на нејзиното семејство. А, еден од оние кои испратија емотивни зборови беше и свекорот на Антониа, фолкерот Боби Спасенцовски кој на социјалната мрежа Фејзбук напиша текст посветен на внукот: „Велат стеблото од лозата многу го сакаш, бидејќи ти си го посадил и е само твое ама кога ќе роди стеблото и ќе добиеш плод уште повеќе си среќен... така и јас денес сум многу среќен. Денес добив внук станав дедо“ - напиша тој во објавата. Инаку, Боби Спасенцовски за пошироката јавност е познат и како естраден уметник, поточно пејач од македонската фолк естрада, а исто така и директор на државното училиште за рехабилитација на деца и младинци со оштетен вид „Димитар Влахов“ од Скопје. Вистина.мк пишуваше за соработката на Антониа и сега веќе нејзиниот свекор Боби Спасенцоски. Боби тогаш со веста дека ќе стане свекор јавно се пофали, а исто така напиша дека Антониа веќе ја смета за ќерка, а радоста која сега му ја донесе го направи и среќен дедо. Фото:Принтскрин/Инстаграм/Антониа Гиговска/Фејзбук/Боби Спасенцовски

„Директоре, благодарам на поканата“: Антониа Гиговска „случајно“ на гости кај „несудениот свекор“? (ФОТО)

Антонио Димитриевски — Wed, 09 Nov 2022 10:09:05 +0000

Антониа Гиговска последниве недели е во фокусот на медиумите и јавноста. И заради музиката, но многу повеќе заради приватноста. Раскинувањето на врската со нејзиниот колега и момче, пејачот на „Либеро бенд“ Иван Јованов и аферата што ја следеа естрадно-кулоарските муабети и обајавите по медиумите за наводното неверство, Антониа не ја симнаа од насловниците на порталите и коментарите на социјалните мрежи. Сепак, пејачката по се изгледа успева „добро да се носи“ со „расклиманиот интегритет“ или барем тоа јавно не го манифестира, па е подеднакво активна и при гостувањето во разни емисии, а и не престанува со настапи и гостувања по разни локали и манифестации. Така, Антониа деновиве беше специјална гостинка при одбележувањето на еден јубилеј. Имено, државното училиште за рехабилитација на деца и младинци со оштетен вид „Димитар Влахов“ од Скопје славеше своевиден јубилеј - 68 години работа и постоење, што не e баш мала работа. Особено ако се работи за една од ретките специјализирани образовни установи од ваков вид кај нас. А кога е јубилеј, разбирливо е дека треба да има и пригодна културна, уметничка и естрадна програма. И ја имаше, а дел од неа, веројатно и главна ѕвезда во истата беше токму Антониа Гиговска. И тоа на покана на никој друг, туку токму на првиот човек на училиштето, директорот Бобан Спасенцовски, кој за пошироката јавност е познат и како естраден уметник, поточно пејач од македонската фолк естрада. Антониа Гиговска ги удостоила дечињата, им отпеала како што самата кажува неколку свои песни, се дружела со нив како што се гледа од приложените фотографии, од кои на една пејачката се фотографирала и со директорот, па фотографијата ја споделила на своите Инстаграм приказни и во описот додала: „Денес училиштето за слепи лица, Димитар Влахов слави 68 години работа и постоење. Ја имав таа чест да бидам гостинка и да испеам две песни. Се радувам кога гледам толку насмеани и распеани дечиња“ - напишала Антониа и додала: „Директоре, благодарам на поканата“! И тука нема ништо чудно, напротив, убав гест и од директорот што ја поканил и од пејачката што ја прифатила поканата. Она што одново ја „заскокотка“ јавноста е она што малкумина го знаат, а стана актуелно по аферата со разделбата на пејачката од нејзиното сега веќе, бившо момче. Имено, директорот на државното училиште за рехабилитација на деца и младинци со оштетен вид „Димитар Влахов“ Боби Спасенцовски е татко токму на токму Роберт Спасенцовски, музичарот од нејзината сегашна придружна група, претходно добар другар на Иван и младичот за кого се (о)зборуваше дека Антониа наводно со него го изневерила Иван. Оттаму и загадочната љубопитност на јавноста, дали тоа Антониа Гиговска беше „случајно“ на гости кај „несудениот свекор“? Се рабира, доколку приказната за наводната љубовна авантура со неговиот син била точна и ако е, доколку таа се' уште трае? Сепак, за нештата да бидат појасни, посетата на пејачката на оваа специјализирана образовна установа не и е прва. Имено, уште во 2019 година во Државното училиште за рехабилитација на деца и младинци со оштетен вид „Димитар Влахов“ на деветтото издание на манифестацијата „Јас сум талент 2019“ присутните на овој настан имаа можност во живо да ги слушнат изведбите и на познaтите македонски ѕвезди, меѓу кои и поп пејачката Антонија Гиговска, Јуле од фолк групата Кисми, Иван Јованов од Либеро бенд и инструменталниот солист Робер Спасенцовски! Антониа и годинава пак беше гостинка, само што овој пат Иван Јованов од „Либеро бенд“ изгледа... не беше поканет!? Фото: Фејсбук/ Robert Spasencovski/и Инстаграм принтскрин/antoniagigovskaa

Фолкерот Боби Спасенцовски сними поп балада – „Ти родена си само за мене“ (ВИДЕО)

Антонио Димитриевски — Fri, 14 Dec 2018 11:55:59 +0000

Боби Спасенцовски на македонската јавност и е познат како пејач кој кариерата ја гради во фолк музиката. И додека деновиве се снимаат бројни новогодишни ТВ програми и емисии за највеселата ноќ и празничните денови за потребите на телевизите во кои покрај бројните фолк колешки и колеги учествува и тој, нему како фолк естрадата да не му е доволна, па простор за пошироко делување Боби се обиде да најде и во поп водите.

Така, деновиве тој ја промовираше својата нова песна и видеоспотот за неа, насловени „Ти родена си за мене“. преслушувајќи ја песната веднаш можете да заклучите дека се работи за класична забавна песна која нема никакви допирни точки со фолкот и она што досега Боби го работеше и пееше. Ако повнимателно го проанализирате насловот на песната и ги преслушате стиховите што ги содржи, станува јасно на прва дека некому истата е му е наменета.

Посветата на песната на неговиот Фејсбук профил, само ја потврдува тезата дека таа е напишана наменски и претпоставуваме, не случајно е забавна. Некому за подарок, на некој кој му е многу драг, без кого не може, кого го сака... А, тој некој, веројатно повеќе сака поп, отколку фолк музика! Но, сеедно...

Самиот Спасенцовски е и сам свој мајстор, односно комплетен автор на музиката, текстот и аранжманот како и изведувач на песната, а истата е снимена во студиото „Сити саунд“ на Љупчо Соколовски.

Видеото го потпишува екипата на „Браво продукција“, а истото е снимено на локација на патеките на „Арт картинг центар“ и во него покрај пејачот и придружниот бенд, учествуваат прекрасните девојки, модели на најпознатото модно студио кај нас - „Црнокрак“!

Како звучи и изгледа „Ти родена си за мене“ проследете во продолжение: