боби павловски – Вистина.мк

На Боби Павловски на срце му лежи една – „Стара рана“ (ВИДЕО)

Антонио Димитриевски — Sat, 01 Jul 2023 09:20:14 +0000

„Стара рана“ е насловот на најновата песна во изведба на пејачот Боби Павловски. Станува збор за побрза композиција, спакувана во стилот на 80-те години и интересно е дека таа својата официјална промоција ја има на истиот датум како и нумерата „Поносан“. „Музиката, текстот и аранжманот се на Милан Раѓен мојот веќе проверен соработник кога станува збор за аранжманите на нумерите снимени на српски јазик и, исто така, комплетен автор на „Поносан“ која излезе на истиов ден, пред точно една година. Навистина убава коинциденција и искрено се надевам дека реакциите на публиката и за оваа тема ќе бидат исто толку позитивни“- вели Боби, кој со оваа песна полека го затвора албумот што би требало да биде комплетиран до крајот на летото. „Стара рана“ инаку доаѓа по одличните „Тамо негде“, „Заблуда“, „Калдрма“, „Самица“, „Поносан“, „Не оклевај“, и и овој пат видеото е со потписот на Tropical Lifeisfun. Кадрите се снимени во Белград, под режисерската палка на Љуба Радојевиќ. „Презадоволен сум од финалниот производ и искрено верувам дека и „Стара рана“ ќе ѝ се допадне на мојата публика. Едвај чекам да ја отсвирам и отпеам во живо и да ги видам реакциите“, вели Павловски и додава дека септември е месецот кога на својата публика ќе ѝ ја претстави последната песна од албумот снимен на српски јазик. Додека Боби да ја заокружи својата музичка приказна наречена албум, уживајте во „Стара рана“.

Боби Павловски има нова песна – фантастичната балада „Поносан“ (видео)

Слободанка Илиева — Thu, 30 Jun 2022 09:23:47 +0000

По одличните „Заблуда“, „Калдрма“, „Самица“, Метар дана“, „Тамо негде“ и „Не оклевај“ Боби Павловски на јавноста и ја претставува одличната балада со наслов „Поносан“. И оваа тема е снимена на српски јазик и значи продолжение на проектот во чии рамки досега Боби сними шест нумери. Музиката, текстот и аранжманот за „Поносан“ се дело на Милан Раѓен, а и овој пат за придружните вокали се погрижи колешката од соседството Ивана Селаков. Спотот, пак, е работен со веќе проверените соработници на Павловски Tropical Lifeisfun, под режисерската палка на Љуба Радојевиќ. „Летото е некако резервирано за поведри теми, но јас решив да пуштам една убава балада која уште на прво слушање ми се залепи и за уво и за срце. Верувам дека и мојата публика ќе го препознае истото и дека ќе им се допадне песната“, вели Боби, кому ова лето тешко дека ќе му остане време за одмор, бидејќи агендата со настапи му е преполна. „Не е лесно да се настапува речиси секоја вечер, но верувајте нема ништо поубаво кога на настапите гледаш задоволни лица и кога буквално ми ги пеат песните во еден глас, од прв до последен стих“, додава Павловски. Видеото за „Поносан“ е снимено на локации во Белград и е интересна љубовна приказна која низ кадри кои се враќаат наназад го прикажува односот меѓу една љубовна двојка.

Кралевите на ноќните свирки „Либеро бенд“, Панки и Боби Павловски со заедничка свирка на роденденската забава на „Дион

Антонио Димитриевски — Thu, 14 Apr 2022 10:44:51 +0000

Ноќниот живот во македонската метропола отсекогаш имал поинаква магија. Посебна привлечност и уникатност, особено кога се во прашање одредени познати градски локали и оние кои важат за најдобри музички забавувачи. „Либеро бенд“, Панки и Боби Павловски секој посебно на свој начин секако важат за своевидни „кралеви на ноќните свирки“. Кога сите заедно ќе се најдат собрани на едно место, во една вечер, можета да замислите каква „лудница од забава“ ве очекува. Токму ресторан „Дион“ е локалот кој важи за едно од култните места и за мирна дневна или семејна шема, а е познато и по најдобрите афтерворк забави, додека ноќните концертни журки долго се паметат и раскажуваат. „Дион“ овој петок, на 15 април 2022 го слави својот 13-ти роденден, кој ќе го одбележи најлудата афтерворк забава во градот. Кога на нивното мото: „Славиме прекрасни 13 години со вас, исполнети со многу забава, љубов, вкусна храна и неизмерно дружење“ ќе им се придодадат споменатите „кралеви на забавата“, се очекува журката да прерасне во вистинска роденденска магија. „Либеро бенд“, Панки и Боби Павловски секој одделно и сите заедно со свој настап, овој петок (15.04.2022), на големата роденденска афтерворк забава во култниот „Дион“ со почеток од 17 часот, за да пеете колку ве држи гласот, да танцувате, да уживате и да се забавувате! Екипата на персоналот подготвена за акција, „кралевите на забавата“ ветуваат кулминација, недостасувате само уште Вие со Вашето присуство. Затоа резервирајте си навреме место на: 072 222 445.

Боби Павловски со песна ќе ве прошета по неговата – „Калдрма“ (ВИДЕО)

Антонио Димитриевски — Wed, 22 Sep 2021 06:28:18 +0000

„Калдрма“ е насловот на новото музичко парче на Боби Павловски, кое веднаш по пуштањето во етерот не само што ниже прегледи, туку и позитивни коментари. Станува збор за емотивна балада со моќен текст кој е преточен во одлична видеоприказна за која кадрите се снимени во Белград. Зад песната која е продолжение на серијалот, инаку најава за албумот што е следната музичка цел на Павловски, како автор на музиката и текстот стои Љубинко Танасиќ. Аранжманот и овој пат е дело на Милан Раѓен, а нов соработник му е Ивана Селаков, која јавноста ја памети по бројните хитови и особено фантастичниот дует со Аца Лукас. Видеото и овој пат е работено со одличната екипа на Tropical Lifeisfun и режисерот Љуба Радојевиќ. „Горд сум на целиот овој проект што го работам веќе некое време и навистина едвај чекам да го заокружам и на јавноста да ѝ го претставам целиот албум. Пред тој да го здогледа светлото на денот во план ми е да пуштам уште три нумери, од кои едната ќе биде дует. Инаку, морам да признаам дека оваа песна во мене разбуди посебна емоција уште кога ми беше понудена и не ми е срам јавно да кажам дека додека ја снимав сцената како свирам на клавир - плачев“, вели Боби, кому баладите му се омилени затоа што, вели, будат посебна емоција не само кај него, туку и кај публиката. Уживајте во „Калдрма“ и не заборавајте таа памети се, чува спомени... И сакајте безусловно и чувајте ги оние кои ги сакате затоа што никогаш не знаеме што е богатство додека не го загубиме. [embed]https://www.youtube.com/watch?v=PRxzuuf-gxU[/embed]

Боби Павловски не се двоуми, па и среде коронапандемија се појави со нова песна – „Не оклевај“ (ВИДЕО)

Антонио Димитриевски — Mon, 01 Feb 2021 12:56:48 +0000

„Не оклевај“ е насловот новото музичко парче отпеано на српски јазик од работилницата на Боби Павловски. Станува збор за брза тема која, вели Боби, треба да ја разбие летаргијата во која западнавме во оваа корона пандемија. И овој пат Павловски се држи до правилото – тимот кој победува не се менува, па затоа и за оваа нумера работеше со екипата која беше задолжена и за претходните композиции отпеани на српски јазик („Заблуда“, „Самица“). „Не сакав да експериментирам, особено затоа што во оваа екипа наидов на луѓе кои знаат да го препознаат она нешто во мене и она што ми се допаѓа. Мислам дека имам моќна тема и едвај чекам да дојде денот да ја отпеам пред мојата публика, онака што се вели во живо“, вели Павловски. „Не оклевај“ го носи потписот на Еди Рамиќевиќ и Милан Раѓен, како автори на музиката, текстот и аранжманот, додека и ова видео е дело на одличните Tropical Lifeisfun. „Снимавме во неверојатни услови, буквално што се вели без спиење 48 часа. ПЦР тестови, трчање, ладно, но навистина мислам дека вредеше“, вели Боби за видеото за кое кадрите се направени во предели кои нудат неверојатни глетки и се на периферијата на Златибор, а во нив се појавува и една атрактивна девојка, која е водителка и модел во соседството. „Се надевам дека ќе уживате во песната и видеото и уште повеќе се надевам и верувам дека оваа грда година која остана зад нас што поскоро ќе ни стане само еден грд спомен и ќе се видиме за скоро на една убава музичка дружба“, додава Боби промовирајќи ја премиерно новата тема „Не оклевај“, која можете да ја проследите во продолжение. https://www.youtube.com/watch?v=N5I1dJBrG0M

Уште еден македонски пејач позитивен на Ковид-19: „Се чував, но залудно!“

Христина Ѓоргиевска — Sat, 22 Aug 2020 07:37:30 +0000

Пејачот Боби Павловски на својот профил на Фејсбук ги извести своите пријатели дека се инфицирал со коронавирусот. Како што пишува во неговиот статус и покрај тоа што внимавал и ги почитувал мерките, вирусот не го одминал. Неговиот статус ви го пренесуваме во целост: -Пријатели, колеги, соработници, морам да ве известам дека за жал мојот тест за ковид е позитивен, покрај сите витамини, мерки и пазења, маски, дезинфекции, сепак стигна и до мене. Носете маски, држете дистанца, ако имате симптоми, пријавете, тестирајте се, седете дома, не ја ширете заразата, бидете совесни. Се надевам дека се ке помине најдобро. Пазете се и чувајте се , напишал Павловски на својот профил.

Боби Павловски со желби за добро здравје за што побргу да излеземе од оваа – „Заблуда“ (ВИДЕО)

Антонио Димитриевски — Mon, 30 Mar 2020 12:06:07 +0000

„Заблуда“ е насловот на новата емотивната балада на Боби Павловски, која од вчера, 29 март 20202 год. точно напладне е пуштена во етерот. Станува збор за композиција со потписот на Еди Рамчевиќ, односно негово комплетно дело и со кого ова не е прва соработка, додека за видеото и овојпат се погрижи тимот на Tropical Lifeisfun, една од најбараните продукции во соседството во моментов. Интересно е дека придружните вокали во песната ги пее веќе докажаната Ивана Селаков. Кадрите во видеото, кое носи емотивна приказна како и самата композиција, се снимени на повеќе локации низ Белград и во нив освен Боби се појавуваат и момче и девојка кои всушност се носители на самото сценарио. „Драги мои, ви ја претставувам „Заблуда“ - мојата нова песна. Долго е работено на неа и не сакав да ја чувам за некои подобри времиња, туку сакам со неа барем малку да придонесам за разбивање на монотонијата. Се надевам дека ќе уживате во мојата нова песна и дека ќе ви помогнам барем малку да заборавите на мрачното секојдневие и на црните вести кои секојдневно стигнуваат до нас. Да останеме заедно во овие тешки денови со желби да сме живи и здрави и наскоро во живо да ја пееме "Заблуда". Бидете добри!“ – порача Павловски, промотивно споделувајќи ги песната и видеото. Инаку, „Заблуда“ е веќе четврта песна на Павловски снимена на српски, и таа доаѓа под одличните „Метар дана“, „Тамо негде“ и „Самица“. Уживајте во песната и да нема заблуди... Останете дома! https://www.youtube.com/watch?v=ipUFB_p7AgI&list=RDipUFB_p7AgI&start_radio=1&fbclid=IwAR0pX_PHLQgLJm2sUvF09SNTE62cTi62TxZPJB1-V1fkh59AmZK7ETe1Sf0

Боби Павловски е во љубовна – „Самица“ (ВИДЕО)

Антонио Димитриевски — Tue, 10 Dec 2019 13:46:43 +0000

По одличните „Метар дана“ и „Тамо негде“, Боби Павловски ја промовира и третата песна наменета за пазарот во соседството. Хитовската композиција со модерен призвук која лесно влегува во уво е со наслов „Самица“ и е работена со екипа од соседството. Музиката е со потписите на Еди Рамичевиќ и Милан Раѓен, а зад видеото, пак, стои тимот на Tropical Lifeisfun. Кадрите се снимени во Белград, а покрај Боби во крими приказната се појавуваат уште неколку интересни лика. Во видеото Боби завршува зад решетки и во самица, има грабеж, оружје, скршено срце... „Се надевам дека и оваа песна ќе биде прифатена од публиката како и претходните две. Овој пат имаме малку поразличен спот, кој всушност е и мини филм и сега кога го имам пред себе финалниот производ навистина ми е драго што работев со овие момци кои дадоа поинаква нишка на целата оваа приказна. Многу верувам во целиот овој проект кој почна со „Метар дана“ и драго ми е што публиката досега препозна колку се вложив себеси во сето ова“- вели Павловски, кој наскоро на јавноста ќе и го претстави и следниот проект. Во меѓувреме, Боби е актуелен со настапите низ клубовите во земјава од кои буквално ниту еден не поминува без „Метар дана“ и „Тамо негде“. Слушнете ја „Самица“ и погледнете го видеото:

Боби Павловски e – „Тамо негде“ (ВИДЕО)

Антонио Димитриевски — Wed, 27 Feb 2019 11:51:24 +0000

Новата балада на Боби Павловски насловена „Тамо негде“ од вчера, а под капата на Гранд продукција, и официјално е пуштена во етерот. Моќната и емотивна балада е дело на веќе проверената екипа, која се потпиша и зад одличната „Метар дана“ Александар Цветковиќ алиас Сале - Тропико, музика и Драган Брајовиќ-Браја, текст.

Зад миксот и мастерингот, пак, стои Милан Раѓен. Видеото во кое овој пат акцент е ставен на Боби е со потписот на талентираниот Даниел Јовески. „Оваа тема е снимена одамна, односно буквално во исто време со „Метар дана“, но чекав да помине време, публиката убаво да чуе што сме сработиле, што се вели да легне претходната песна, па да ја промовирам и „Тамо негде“. Ми се допадна на прво слушање, иако е балада мислам дека звучи многу моќно. Се надевам дека и публиката ќе го има истото чувство“, вели Боби.

Дека е моќна и леплива за уво доволно зборува и податокот што неполни 24 часа од објавувањето на Јутјуб има повеќе од 32 000 прегледи.

„Да се работи со Боби е, пред се, задоволство, особено затоа што има моќен вокал. Првата песна која ја промовиравме кон крајот на минатата година беше брза, динамична мелодија, но мислам дека вистинската емоција која тој ја носи во себе доаѓа до израз токму во „Тамо негде“. Верувам во оваа песна, не дека е моја, но ми има некоја убава емоција“, вели Сале Тропико. https://www.youtube.com/watch?v=OQp6p4RffMA

Боби Павловски призна чија е… – „Рана“ (ВИДЕО)

Антонио Димитриевски — Tue, 17 Apr 2018 09:24:18 +0000

„Рана“ е најновото музичко остварување на пејачот Боби Павловски, кој и овој пат ја продолжи соработката со еден од нашите најдобри хит-мејкери, Лазар Цветкоски (музика, микс, мастерини и придружен вокал) и неговата сетра Магдалена Цветковска ( стихови и придружен вокал).

Станува збор за една прекрасна балканска балада, во која како што вели Павловски ќе уживаат и млади и стари.

„Нема да бидам скромен и ќе кажам дека ова е песната за која ние музичарите ќе кажеме – тоа е тоа. Уште кога го слушнав демото, му реков на Лазар дека песната е моја и без да размислувам многу влегов во студио и ја снимив“ - изјави Боби.

Оваа најнова песна на Павловски доби и соодветно видео во кое се појавува преубавата Србинка Бојана Бојаниќ, инаку „Мис на Србија“ и една од најубавите девојки во регионот, а како режисер на истиот се потишува Дејан Георгиев – „Арт студио“.

„Спотот е снимен на повеќе локации, а најмногу кадри беа снимени во еден познат скопски хотел. Интересно е тоа што покрај Бојана, во видеото се појавува и Американецот Девон Џонс од САД, инаку маринец по професија“ - објаснува Павловски. https://www.youtube.com/watch?time_continue=2&v=mtek__OBMlU