бобан тодоровски – Вистина.мк

Симона Поповска со силна прака против семејното насилство – дека секој има свој пат и право да го изоди, во макфестовската – „Бакни ме за крај“ (ВИДЕО)

Антонио Димитриевски — Tue, 24 Oct 2023 06:26:51 +0000

„Бакни ме за крај“ е насловот на композицијата што Симона Поповска ја отпеа викендов на Макфест 2023. Песната е комплетно авторско дело на Горјан Стојановски, а за неа Симона веќе сними и видеозапис, кој го работеше со Крсте Шупев. За нејзиниот изглед во видеото, но и на фестивалската сцена на Макфест беше задолжен стариот и проверен соработник Бобан Тодоровски (шминка и фризура), додека уникатната креација со која се појави на сцената во Штип и која всушност ја претстави како Феникс ја изработи Златко Јовановски – ЈЗЈ. „Статистички секоја четврта жена во светот е жртва на родово базирано психолошко насилство од страна на партнерот, а токму преку фениксот кој беше инспирација и за креацијата што ја носев на Макфест сакав да ја испратам пораката што се појавува и на крајот од видеото – дека секој има свој пат и право да го изоди. Секој треба и може да го разбуди фениксот во себе, кој всушност ја симболизира трансформацијата и обновувањето“, вели Симона, која по музичката пауза заради мајчинството и семејството реши да се фокусира на создавањето нова музика и да им се врати на живите настапи. „Доста одморав време е за настапи, по Макфест каде имав побрза, да речам клупска песна, веќе се подготвувам за нова, ако сѐ оди како што треба за отприлика два месеци ќе промовирам нешто ново“, вели Симона, која цврсто гази по својот избран пат во кој освен за семејството и пеењето место има и за медицината и работата на која ѝ е максимално посветена. Во продолжение погледнете го видеото за макфестовската тема на Симона, „Бакни ме за крај:

(ФОТО) Со Ристе Ристески пееше на сцена, а со овој Македонец Марија Шерифовиќ остана сама во хотелската соба!

Слободанка Илиева — Mon, 19 Mar 2018 08:09:33 +0000

Изминатиот викенд, во саботата 17-ти март, во ВИП арената „Борис Трајковски“ се случи првиот солистички концерт на српската поп-пејачка Марија Шерифовиќ во Скопје. Преполната сала обожаватели на големата српска музичка ѕвезда, имаше можност да ужива во емотивната и моќна изведба на Марија која направи вистински концертен спектакл. Нашиот пејач Ристе Ристески, кој победи во минатата сезона на „Ѕвездите на Гранд“ имаше специјална чест да запее заедно со Марија, а во својата кариера да запише едно големо случување пред најмногу публика за него досега.

Како што е редот, пред концертот Марија беше сместена во еден од скопските хотели, а таму пак не донесе свој тим на стилисти, туку побара стручна македонска стилска помош. Како и останатите ѕвезди, така и Марија побара шминка и фризура, но секако поразлична од сите останати. Македонскиот стилист Бобан Тодоровски, кој инаку се грижи за изгледот на повеќе македонски пејачки, манекенки, но и останати дами, беше оној на кој Марија ја потпре својата доверба за изгледот.

Таа од него побара да и направи „nude“ шминка, односно само да го дефинира нејзиното лице, без ружеви, маскара,кармин... „ Без шминка“ напиша стилситот во описот на фотографијата каде се заедно во хотелската соба. Марија е посебна во се, па и во шминкањето, а Бобан професионално си одговори на предизвикот. фото:facebook/instagram

Пејачката несакајќи ја откри тајната на убавиот изглед: Симона Попоска со „подгреана“ шминка! (ФОТО)

Антонио Димитриевски — Wed, 08 Nov 2017 08:47:43 +0000

Македонската поп пејачка Симона Попоска покрај тоа што е една од најталентираните, наједуцираните, важи за една од најзгодните и најубавите на естрадата. Секогаш дотерана, стокмена, уредна... со шминка и фризура што прилегаат на нејзината вита става, ангелски лик и модерна гардероба, сексапилната охриѓанка постојано плени со својот комплетен изглед! И приватно и професионално, а особено кога се подготвува за настап! Како што е редот, како и секоја естрадна ѕвезда, така и Симона си има свој фризер, шминкер, маникир, педикир... кој ја чува тајната на неговата работа преточена во нејзиниот успех или поточно изглед, кога е во прашање дотерувањето на неговата ексклузивна клијентка!

Така средена, со испеглана коса и беспрекорна шминка Симона се фотографираше, па фотографијата ја постираше на својот Фејсбук профил за да ја покаже умешноста и да го пофали својот мејк ап артист - Бобан Тодоровски. Ама слика како слика, од неа можеш да го видиш само резултатот на мајсторот, а не и да ја откриеш неговата тајна како ја прави мајсторијата! Или сепак можеш? Добро, јасно е дека за исправање на косата потребно е фигаро... и тоа жешко! Со таа алатка оддамна се пеглаат фризурите на дамите. Па од виткна, косата станува „права како линија“! Тоа го вели логиката. Ама шминката...? За шминката се потрудила самата Симона... и тоа несакајќи да ни ја открие тајната на мајсторот!

Погледнете ја убаво фотографијата долу десно и ќе видите дека мејк ап волшебникот Бобан, шминките ги чува на радиаторот од парното греење... За да ги потстопли. Зашто со „подгреана шминка“, веројатно подобро се шминка! Затоа и Симона изгледа ко бомбона!