бобан мојсовски – Вистина.мк

Домаќини, добри гости ви дојдоа… Тања и Новица во далечната Австралија имаа посета, па со песна ги дочекаа колегите од Македонија! (ВИДЕО)

Антонио Димитриевски — Wed, 11 Oct 2023 07:10:03 +0000

Татајана Лазаревска и Новица Василевски, брачната естрадна двојка по летниот престој во родната Македонија кој и тоа како работно го искористија со фестивалски настапи и промоција на две нови песни и спота, се вратија во далечната Австралија каде последниве години живеат и работат. Иако постојано таму се дружат со нашинците, не помина долго време кога одново нешто одблизу ги спои со родната грутка. На австралиските домаќини добри гости им дојдоа... и тоа колеги од Македонија! Имено, Стојне Николова, Бобан Мојсовски и нивната фолк екипа од Динамик бенд периодов се на турнеја токму низ Австралија, па симпатичната струмичанка и нејзиниот музички компањон по концертот во Емералд во Мелбурн, најдоа слободно време да им отидат на визита на нивните колеги, сега веќе одомаќени во еден од најголемите градови на најдалечниот континент.

View this post on Instagram

A post shared by STOJNE NIKOLOVA (@stojne_official)

А кога ќе ти дојдат дома гости, па уште колеги и драги пријатели од татковината нема зборови да се опише убавината... Особено онаа на заедничката дружба, која како поинаку би кулминирала кај пејачите, ако не со песна. Масата полна, нешто да се замези и пивне, а потоа доаѓа време и да се запее. Муабетите немаат крај, ама за песна време секогаш се наоѓа... И тоа за онаа најновата, дуетската и победничка од последниот „Охрид фест 2023“ на Тања и Новица. И тоа насловена токму онака како што и прилегало и на дужбата со колегите и пријатели од Македонија: „Љубов ни е име, а пак среќа ни е презиме, песна место потпис, тоа ни е наш краток опис...“! И сите заедно, цeлото семејство и нивните гости во еден глас ќе запеат додека го гледаат настапот во неодамна снимената емисија „Мерак меана“, во која австралиските домаќни пред да заминат од Македонија учествуваа! Ваква дружба и весело расположение ретко се гледа и доживува... Но, тоа е очигледно секогаш така кога се во прашање Татјана и Новица... А дружбата - дај Боже да е секогаш ваква искрена, топла и срдечна, довека! Впрочем и домаќините удостоени и гостите угостени и задоволни, за што говори и јавната благодарност за гостопримството на убавата Стојне до, како што самата вели, нивните најпозитивни колеги и пријатели. Фото: Инстагрм/tatjanalazarevska_official/stojne_official

Дознајте зошто Стојне Николова е неостварен сон на секој – „Камионџија“ (ВИДЕО)

Антонио Димитриевски — Thu, 18 May 2023 08:36:18 +0000

Камионџии... Луѓе на кои куќата им е патувачка, домот им е на тркала, животот по патиштата, каде минуваат илјадници километри по разни друмови, преку мноштво граници, од дома до нивните одредници и назад... Најчесто радиото и музиката им се најверни другари во шоферските кабини, па не случајно камионџиите и убавата песна се како „брат и сестра“! Некои камионџии кај нас песната дури ги направи славни, познати, дотаму што стигнаа и до естрадните височини, како камионџијата Андруш, на пример. Некои други пак ѕвезди од зад воланот станаа преку социјалните мрежи како Дарко Влогс, ама до сега се чини камионџиите и оние познатите и оние непознатите немаа своја песна по која ќе ги препознаваат. За да не биде тоа така, се погрижија атрактивната струмичка фолкерка Стојне Николова заедно со Манчи и нејзината авторска екипа, како и многубројните гости на проект-песната „Камионџија“ која на прва влегува во уво и има претензии да стане македонска камионџиска фолк химна. „Душава на нафта мириса, само една имам утеха, да си седнам в ладна меана... Зашто лек за камионџии се убавите млади пејачки“ - како што велат испеаните стихови во песната, во чие видео зад воланот во камионџиската кабина се многу познати ликови. Од авторот на песната Бобан Мојсовски - Мојсо, преку Тони-Биоритам, Дарко- Влогс.... и останатите кои маестрално си ги одиграле своите улоги во спотот, вклучувајќи го и пејачкиот тандем Стојне и Манчи. Вистинска „ол стар екипа“ од познати лица меѓу кои и оркестарот Џамбо - Агушеви, кои кафеанската атмосфера ја доведуваат до лудило, а Стојне Николова блеска во сиот свој сјај... Можеби најдобро до сега. Една нова, поинаква Стојне која не случајно претендира да стане „неостварен сон“ за камионџии... И не само за нив, што седат зад воланот во возачките кабини, туку и за сите останати љубители на убавите пејачки во фолк музиката. Како и да е „Камионџија“ не е само камионџиска фолк химна во перспектива, туку вистинска кафеанска песна за забава, дружба и веселба за сите, потенцијален хит кој од прва влегува во уво, а долго ќе се пее и слуша. Екипата која работела на аудиото и видеото во проектот е обемна и ја сочинуваат: На музички план, музика и аранжман: Бобан Мојсовски, текст: Сашо Нојкиќ, микс и мaстер: ХЛ Студио Момировски, орекстар: Џамбо Агушеви, хармоника: Мишел Трајковски. Видео продукцијата и монтажата ја работел Даниел Јовески, режијата е на Бобан Мојсовски, а во актерскиот тим се: Антонио Климоски Дарко Влогс Игор Додевски Даниел Божиновски Бобан Мојсовски Бојан Кузманоски Дадо Баровец Гоце Пејковски Иле Моша Сара Мирчевска Ивона Каљкова. Моден стилист била Викторија Бурсаќ, за шминката и фризурата се погрижил стилистот Даниел Николовски. Како изгледа сонот на секој камионџија проследете од песната и спотот за „Камионџии“ од видото во продолжение кое ќе ве насмее, расположи и развесели (КЛИКНИ ТУКА):

Познатато „Колешино“ во песна препеана од Стојне Николова и свој видеозапис (ВИДЕО)

Антонио Димитриевски — Thu, 23 Jul 2020 11:27:03 +0000

Стојне Николова го промовираше новиот спот за песната која е посветена на познатото Струмичко село Колешино. Во видеото покрај убавините на ова Струмичко село, вклучувајќи ги Колешинските водопади кои се главна атракција и препознатлив белег, преку мини филм е прикажан и животот на жителите на Колешино. „Песната е навистина убава и многу ми е драго што токму јас ја отпеав. Музиката е на Наско Џорлев, аранжманот е на Бобан Мојсовски, а текстот е на Глигор Смилков, кој што веќе не е меѓу нас, а потекнува од Колешино. Јас и Бобан само малку го досредивме текстот“ - изјави Стојне во неодамнешното интервју за ИН ТВ и додаде: „Два дена снимавме во Колешино, убаво село кое што се наоѓа во мојот роден крај и навистина ми е драго што конечно имаме една убава песна. Мислам дека сите естрадни уметници треба да практикуваат да ги обновуваат старите песни за нашите убави краеви во прекрасната наша Македонија“ - истакна Стојне во интервјуто за ИН ТВ. Идејата за реализација на овој проект е на Драгана Ѓореска која што потекнува од Колешино и секако со помош на мештаните од селото. Инаку, во песната која е снимена и продуцирана во музичкото студио „Анастасија“ е вклучен и еден од најдобрите музичари и виртуоз на хармоника Мишел Трајковски, кој што не го криеше задоволството од соработката со неговата колешка Стојне: „Добив покана од Бобан Мојсовски и Стојне да бидам дел од оваа песна, баш ми е мило и им Благодарам за поканата“ - ќе изјави Мишел зпри снимањето на видеото. https://www.youtube.com/watch?v=sGuru2AKNxY&feature=emb_logo

Кога Стојне Николова дава ишарет со… „Око мое“ (ВИДЕО)

Антонио Димитриевски — Wed, 19 Dec 2018 12:49:04 +0000

Динамитната струмичанка, Стојне Николова има нова песна и видеоспот за неа. Овој пат телесните атрибути и сиот свој сексапил ги заменила со играта на погледите, со говорот на очите кој многу повеќе зборува кога ќе се јави меракот, отколку било кој кажан збор. Токму таков наслов - „Око мое“ носи и самата песна, чија музика и аранжман ги потпишува постојаниот соработник на пејачката - Бобан Мојсовски, додека стиховите се дело на проверениот лиричар, текстописецот Огнен Неделковски.

Песната е снимена и продуцирана во музичкото студио „Анастасија“, а во нејзината реализација уште учествувале и Јане Рафаиловски на кларинет и Дуле Божиновски на хармоника.

Видеото за песната е реализирано од Ин продукција, а неговата реализација ја потпишува Ване Петковски. Истото е снимано во просторот на еден од најелитните скопски ресторани „Воденица Мулино“, а во видеото покрај џепната фолк венера и придружната група музичари, се појавуваат и членовите на ансамблот „Студио Фолклор“, кои со својатра изведба ја надополнуваат визуелната слика, давајќи им го потребниот изворен шмек и на видеото и на самата песна, која е реализирана токму во таков стил и амбиент.

Стојнето и овој пат покажа дека подеднакво добро го владе фолклорот - и оној изворниот и овој новосоздадениот, зашто иако се работи за новокомпонирана песна, сепак „Око мое“ во себе ја носи душата на македонскиот изворен фолклор.

Како звучи и изгледа кога Стојне Николова дава ишарет со „Око мое“, проследете во продолжение: https://www.youtube.com/watch?v=zhD3-JeL9UY

Стојне Николова објаснува што… „После мене“ (ВИДЕО)

Антонио Димитриевски — Tue, 17 Jul 2018 11:11:53 +0000

Младата македонска фолкерка Стојне Николова има нова песна и видео за неа.

Нејзиното ново музичко остварување насловено „После мене“ беше промовирано деновиве во просторот на новата Зона М1 продукција, каде пред дел од насобраните колеги, новинари, пријатели, соработници и спонзори..., динамитната струмичанка премиерно го претстави видеото.

Музиката и аранжманот на „После мене“ се авторско дело на нејзиниот постојан соработник, композиторот и клавијатурист Бобан Мојсовски, додека стиховите за песната ги напишал Љупчо Василев, кој е воедно и главен машки лик во видеото.

Темата е снимена во студиото ХЛ Момировски, додека зад видеоспотот стои споменатата „Зона М1 продукција“.

Во него сексапилното струмичко мињонче, личното Стојне покрај вокалните ги покажува во најдобро светло и телесните квалитети, со кои располага.

Истото е снимено на неколку различни локации, во една приватна вила со базен, како и коњичкиот клуб „Бравадос“ од Скопје.

Во песната и спотот како специјален гостин на Стојне се појавува познатиот трубач Џамбо Агушев.

Како сето тоа звучи и изгледа, проследете во продолжение: https://www.youtube.com/watch?v=9WYWzoubbcQ