5 хит тонови за боб фризура за оваа зима: Пастелните бои доминираат

Христина Ѓоргиевска — Fri, 04 Feb 2022 13:45:33 +0000

Фризурите како паж и боб го најдоа своето место во светот на убавината и модата уште од 1960-тите и станаа дел од безвременскиот тренд кога станува збор за стилизирање на косата. Оваа зима актуелен е обликот на оваа фризура, но со малку поинакви бои и тонови. Доколку сакате да стекнете привлечност, а сте доволно храбри, посегнете по пастелни тонови кои на вашата фризура ќе и дадат сосема нов и поинаков изглед. Доколку оваа промена е радикална за вас, тогаш обидете се да ја освежите фризурата со прамени во овие бои. 1. Шарени прамени во пастелни бои Оваа сезона апсолутен хит се прамените во понеобични нијанси од розова до сина на светла позадина. 2. Во нежно розово-портокалови тонови Овој тип на фризура во основа е лесен за одржување, а бојата е додаток кој ја прави романтична. 3. Нијанси на сина боја Нишките во потемни нијанси на сина боја совршено ќе се вклопат со пепелавото сина коса. 4. Боја на лаванда Во зима, лавандата е хит, а нејзиниот ладен тон одлично се вклопува со сивилото на студените денови. 5. Обоени врвови За оние кои сакаат само обоени врвови, постојат варијанти со контрасти како розова, тиркизна или зелена. извор: попара.мк фото: пинтерес

Четири работи кои треба да ги знаете ако се одлучите да имате боб фризура

Христина Ѓоргиевска — Tue, 29 Oct 2019 13:40:05 +0000

Неколку сезона наназад боб е дефинитивно најпопуларната фризура која се поголем број жени решиле да ја пробаат и да направат промена. Меѓутоа, една од основните дилеми на жените кои досега не се одлучиле на овој чекор е тоа што не се сигурни дали и како ќе може да ја стилизираат оваа фризура во деновите кога нема да можат да го посетат својот фризер. Изгледот на боб фризурата зависи од квалитетот и текстурата на вашата коса, а за таа секогаш да изгледа беспрекорно, потребно е да ги знаете овие работи пред да се одлучите на ваква драстична промена.

1. За оваа фризура важен е обликот на лицето

Боб е фризура која генерално одговара на секаков облик на лицето, но тоа што се разликува е дефинитивно начинот на шишање. Со правилно сечење на косата ќе се изрази најистакнатата точка на лицето. Доколку сакате акцентот да биде на долниот дел од лицете изберете дојагонален начин на шишање, а ако сакате акцентот да биде на вашите јагодици изберете коцкест облик.

2. Размислете за текстурата на својата коса

Текстурата на косата всушност е најважниот фактор која се одлучувате за овој тип фризура. Ако влакното ви е тенко, одлучете се за краток боб, бидејќи на тој начин визуелно ќе добиете на волумен. Доколку вашата коса е витката најмногу ќе ви одговара боб кој кон темето е пократок, а напред подолг бидејќи е погоден за стилизирање и виткање во локни.

3. Се работи за фризура која бара многу

Доколку сакате да ја изнесете оваа фризура, потребно е да знаете дека мора редовно да ја одржувате, негувате, стилизирате, но и шишате за да го одржи обликот. На секои 5 до 6 недели потребно е да си закажете термин кај вашиот фризер

4. Стилизацијата е неопходна