близначки – Вистина.мк

Животот така сакаше: Најпознатите македонски естрадни близначки, сепак слават роденден во различен ден!? (ФОТО)

Антонио Димитриевски — Thu, 14 Dec 2023 08:15:41 +0000

Маријана и Росана, легендарните македонски пејачки секако се најпознатите естрадни сестри близначки. Денешниот ден 14 декември е впишан како денот кога тие се родени и дојдени на овој свет. Сто пати сме рекле и пак велиме дека на дамите не им се бројат годините, ама секако им се бројат ако не подароците, тогаш барем честитките за „денот што го чекаме цела година“! Кај двете сестри - близначки ситуацијата е малку поспецифична. Иако роденденските честитки пристихгаат од сите страни, секогаш прва и најдрага е онаа од сестрата - близначка со која во ист ден си се родила. И навидум ништо чудно, ниту невообичаено, напротив... Освен еден мал парадокс за кој судбината се погрижи или поточно животот така сакаше: Маријана и Росана иако се близначки родени во ист ден, роденден да им биде во различен ден!? И сега ако некој се чуди како е тоа можно, мора или да не е информиран која на која половина од земјина кугла живее или во основно да избегал од часови по географија! Речиси сите знаат, а за оноие што не знаат, Маријана со години живее и работи на најјужниот континент, во далечната Австралија. И по силата на природните закони и временските зони, најјужниот континент е „десет часа пред“, односно времето во Австралија е за десет часа понапред од она кај нас, во Македонија. Така, по логика на нештата, иако се сестри близначки родени во ист ден и час, кога роденденот на Маријана таму веќе ќе и дојде и може да почне да го слави, за истото Росана овде ќе мора да почека уште најмалку десет часа! Затоа Росана како и секогаш и годинава прва се сети на својата сестра - близначка да и го честита денот што обете го чекаат цела година, но за жал физички разделени, го слават во различен ден, па и порача во Фејсбук порака: „Душо моја најмила, сестричке најпозитивна, лепото моја си поминала многу нешта во животот кој знае да биде непредвидлив, си била храбра и пожртвуваназа се' и за сите секогаш со она твое, нема проблем и со твојата насмевка... Си останала крајно позитивна, вицкаста, скромна и вредна... Мила моја среќен роденден и секогаш биди со таа насмевка, жива и здрава... Само убавини да имаш во животот... Те сака твоја Лола повеќе од себе си... како и со години наназад тебе веќе ти е е роденден, а мене утре... Близначки, а различен ден роденден“ - споделила во честитката Росана, зачинувајќи ја со голем број од емотикони во вид на срца покрај нејзината фотографија. „Натурализираната австралијанка“ Маријана не остана покуса да не возврати на честитките на нејзината сестра- близначка, па веднаш и возврати на родендендките честитки со честитка: „Мојата сестра, моето се', мојата Росанче, мојата душа, моето сонце, мое небо, мојата ѕвезда... да можев да бирам пак тебе бите избрала за сестра. Среќен ти роденден, здрава, жива и секогаш насмеана да си ми“ - и порача од далечина преку својот Фејсбук Маријана на сестра и Росана, покажувајќи дека двете кумановки, двете естрадни сестри-близначки иако разделени сепак се неразделни! А, има ли подобра честитка од онаа, кога сестра на на сестра си - близначка, роденденот ќе и го честита со нејзина песна... Затоа Марјана засвире и запеа, за нејзината Росана, за себе и за сите нас. Еве како звучи нејзиниот глас... Фото и видео: Facebook/Marijana Novacevska/Rosana Saric Todorovska

Срна и Ана пораснаа: Жељко и Јована Јоксимовиќ им славеа роденден на близначките (фото)

Слободанка Илиева — Thu, 13 Oct 2022 10:03:15 +0000

Благодарение на нивните грижливи родители, ќерките на Жељко и Јована Јоксимовиќ, близначките Срна и Ана, водат живот исполнет со внимание и љубов, а мама и тато донесоа важна одлука да не ги експонираат во јавноста. Кога се роди синот Коста, радоста беше неизмерна, но со раѓањето на близнаците среќата стана целосна, а љубовта на сопружниците секој ден е се’ посилна бидејќи семејниот дом е исполнет со детски гласови. Девојчињата кои неодамна го прославија својот петти роденден внесоа радост, смеа и забава во домот на Јоксимовиќ, а особено го шармираа нивниот постар брат Коста. Сепак, и покрај вртоглавата слава на родителите како и големиот интерес на медиумите за нивниот приватен живот, Жељко и Јована се цврсти во одлуката да ги поштедат своите деца од будното око на јавноста. Затоа, не се знае начинот на кој Ана и Срна го прославиле роденденот, но се претпоставува дека како и претходните години нивните родители организирале забава од бајките во дворот на куќата. Ќерките на Јована и Жељко Јоксимовиќ растат далеку од љубопитните очи, уживаат во своето безгрижно детство и љубовта што безусловно им ја пружаат членовите на семејството, а последен пат во јавност беа видени во април, кога се појавија да ја прослават педесеттата година на својот татко. фото:Instagram printskrin

Беа прогласени за најубави близначки на светот во 2010 година, а погледнете како изгледаат денес

Слободанка Илиева — Tue, 06 Sep 2022 11:34:54 +0000

Ава Мари и Леа Роус станаа познати практично уште кога прооделе, а сè благодарение на фактот што набрзо по раѓањето во 2010 година биле прогласени за „најубави близначки на светот“. Медиумите пишуваа за тоа како нивните симетрични лица изгледаат баш како од најгламурозните магазини, како косата им е неверојатно руса, кожата мека, природната убавина неопислива. На сето тоа придонел и фактот што од најрано детство тие запловиле во водите на моделингот, а кариерата им ја водела нивната мајка Џаки Клементс, што е случај и денес.

View this post on Instagram

A post shared by Anita Surma 🦋 Portrait & Fashion (@thebutterflyphotography)

Таа открила и дека од самото раѓање близначките непрекинато се соочувале со исти коментари од познаниците и луѓето кои се сретнувале: „Луѓето постојано говореа – толку се убави, навистина треба да размислите да ги вклучите во моделингот“. Таа се обидела со тоа кога девојчињата имале само шест месеци, меѓутоа поради тоа што имала и постар син ѝ било претешко да балансира меѓу мајчинството и ангажманите на своите близначки. „Мојот прв обид беше краткотраен и одлучив дека не е вистински момент“, изјавила Џаки и додала дека почекала до седмиот роденден на девојчињата за да може да донесе одлука дали сака тие да се занимаваат со моделинг.

View this post on Instagram

A post shared by Anita Surma 🦋 Portrait & Fashion (@thebutterflyphotography)

„Им кажав на ќерките дека доколку се подготвени можат покрај танцот и пливањето да се занимаваат со моделинг“, раскажала мајката. Таа истакнала дека и Ава и Леа сакаат да настапуваат и да бидат во центар на внимание.

View this post on Instagram

A post shared by Ava + Leah (@clementstwins)

Тогаш им отворила и Инстаграм профил, а девојките денес имаат 12 години и над 1,8 милиони следбеници. Но, не се само тие кои добиваат комплименти, и нивната мајка предизвикала воодушевување, а фановите редовно порачуваат дека и таа треба да се занимава со моделинг, па дека е јасно од кој ја наследиле убавината. Од друга страна таа често се соочува и со критики дека е лош родител којшто ги притиска своите деца да заработуваат и дека тие изгледаат тажно додека позираат.

View this post on Instagram

A post shared by Ava + Leah (@clementstwins)

„Дали сте ги запознале моите ќерки? Очигледно не, штом давате такви коментари. Ја ценам вашата грижа, но моите девојчиња се добро. Тие се среќни, имаат неверојатно детство, полно со пријатели со кои постојано си играат. Една поза не ја дефинира нивната личност или квалитет“, напишала оваа Американка.

Јутјуберот и пејачката „се смуваа“ или таа само има своја двојничка: Лазаров во врска со Март(иј)а? (ФОТО)

Антонио Димитриевски — Sat, 07 May 2022 07:55:18 +0000

За Стефан Лазаров велат дека е момчето кое за кратко време ги освои симпатиите на гледачите на прва. И додека беше на ТВ како водител во некои од најгледаните естрадни или утрински ТВ магазини, но и заради она што сега го прави на својот Јутјуб канал. Некогаш млад, надежен фудбалер кој кариерата ја завршил пред и да ја почне заради тешка повреда, а потоа модел и ТВ водител и сега пејач и Јутјубер... „Мултиталентиран мултипрактик“, што би рекле некои, за ова младо момче. А по таквите како по правило се лепат најубавите девојки во градот, иако како и за многу познати и популарни ликови и сега како и со години наназад, се шират разни муабети. Дека сето тоа се само „евтини чаршиски приказни“, Лазаров реши да и покаже и на пошироката јавност, па ја откри својата врска со младата преубава девојка. Оние што ги знаат оддамна и од поблизу, се разбира воопшто не се изненадени, но на оние кои Лазаров го знаат само од ТВ, Јутјуб или социјалните мрежи, кожата им се наежи кога видоа со кого Јутјуберот бил во врска?! „Ма, не е можно? Позната е, а сепак не е ријалити старлетата Тара Симов, која му ја припишуваа! Ама затоа Стефан Лазаров е во љубов со Мартија Станојковиќ?“ - тврдеа едни, додека други им делеа благослов велејќи дека ова момче и девојка... „Баш се супер двојка“! И човек да не ги знае, ќе помисли дека е така, иако тоа така, не е ниту од далеку! Точно, Лазаров е во љубовна врска и тоа долга, петгодишна, со Марта... Ама не и со Мартија! Неговата девојка се вика така , ама не е онаа младата слатка, шармантна кумановка, позната и се' популарна македонска пејачка, иако девојката на Лазаров, неодоливо потсетува на неа. Двете личат како „јајце на јајце“, како да се две сестри. И Марта како и Мартија е со полни усни, влажен поглед и очи како на срна, бисер заби... Вистинска убавица, која има повеќе од 10.000 следбеници на Инстаграм. Речиси идентични двете се како „близначки“, па затоа некој „случајно или намерно“ ги „измешал лончињата“ и ја „пуштил болвата“ во јавноста дека Лазаров е во врска со Март(иј)а! А тој всушност тој само ја сака Марта! Иако сега повеќе нема дилеми која е која или кој е со која од нив, можеби има добра идеја за сценарио за музичко видео... Со приказна за заменет идентитет?! Прашање е кој прв ќе го сними, Лазаров или Мартија? Или можеби заеднички... во дует? Фото: Инстаграм принтскрин/__qmarr__/martijastanojkovic/_lazarovv

Живко Динев – екс „Браво бенд“ стана татко: Прва, па двојна радост – Жика и неговата сопруга Ана добија близначки (ФОТО)

Антонио Димитриевски — Thu, 16 Dec 2021 08:13:00 +0000

Бившиот басист и вокал на „Браво Бенд“, пејачот Живко Динев, стана татко за прв пат. Прва, па двојна радост кај Жика, како што сите го викаат и неговата сопруга Ана Колевска Динев, кои по осум години во брак, ги добија близначките Мила и Миа. Двете мали принцези се долго очекуваната круна на нивната љубовна врска и хармоничен брак. Ана и Жика долго чекаа на проширувањето на семејството кое може да се каже дека дури сега е комплетно со доаѓањео на свет на двете ќеркички. Сега се тие најважните, центарот на нивниот универзум околу кои веќе почна се' да се врти, иако како што велат старите, ако штркот еднаш долетал, можеби ќе долета и друг пат. Но, за тоа потоа, сега се најважни Мила и Миа! Сопругата на Жика, Ана, двете мали убавици на свет ги донела со породување во Клиниката за гинекологија и акушерство при Клининичкиот центар „Мајка Тереза“ во Скопје и мајката и двете ќеркички се во најдобар ред. Инаку имињата малечките наследнички ги добиле откако кумот и кумата кажале како двете девојченца ќе се викаат. „Кажи куме име“ и кумот и кумата кажаа... И тоа не едно, туку две: Мила и Миа се новите членки на среќната фамилија. И пред мајката и двете ќеркички да си дојдат дома, Жика, кој ионака е познат и самиот по веселиот дух, секогаш расположен и насмен, овој пат наместо тој да ги забавува и весели другите, заедно со браќата, дел од семејството, другарите, пријателите, колегите... и самиот се веселеше до зори, прославувајќи го еден од најсреќните и најрадосни денови во неговиот живот. По доаѓањето на сопругата и ќеркичките дома, следуваат „слатките обврски“ околу приновите, но и работните, зашто Жика заедно со својот придружен бенд музичари се речиси „распродадени“ уште отсега за деновите пред новогодишните празници, а и во деновите по Нова Година, кога продолжува божиќната магија, која ќе ја замени новогодишата еуфорија. Како и да е на Жика и неговата Ана им останува да уживаат во она што во животот е најслатко - за прв пат да се биде родител, горди мајка и татко! Нека им се живи и здрави наследничките! Фото: Фејсбук принтскрин/Zivko Dinev

Македонките од „Големиот брат“: Каде се, што прават денес близначките Вики и Кики Ралеви? (ФОТО)

Антонио Димитриевски — Sun, 11 Apr 2021 07:18:35 +0000

Пред повеќе од една деценија, сестрите близначки од Македонија, Виолета и Кристина Ралеви, учествуваа во реалното шоу „Големиот брат“, а нивната непосредност и шарм го привлекоа вниманието на целиот регион. Виолета влезе прва во ова ријалити и со својата отвореност ги освои симпатиите на публиката. Таа започна љубовна врска и на малите екрани со многу повозрасниот од неа Карло Загорац. И, како што обично се случува кога станува збор за голема страст, односот помеѓу Карло и Вики беше многу бурен. Во моментот кога работите меѓу нив се вжештија до усвитување, во шоуто влезе и нејзината сестра - близначка Кристина. Вики во тоа време имаше 20 години, а Карло 33, а романсата што ја започнаа пред камерите ја продолжија и во надворешниот свет. Карло помина некое време со Вики во Скопје, а во еден момент изнајмија и стан во кој започнаа да живеат заедно. Но и покрај големите планови за кои сите зборуваа, следуваше раскинување на врската и неславен крај. Како што изјави тогаш Карло за медиумите, главната причина била разликата во годините. „Двајцата останавме во многу коректни односи. Се разделивме во солзи, но некако пријателски. Раскинавме, иако сè уште се сакаме. Но, на двајцата ни бешее јасно дека некои разлики беа непремостливи. Се видовме пред да заминам за Белград, но ја замолив повеќе да не слушаме“ - изјави тогаш Карло. По Големиот брат, животот на сестрите Ралеви беше уште некое време следен од медиумите. Тие дадоа серија интервјуа за српските и македонски медиуми, нивните родители станаа дел од приказната, а потоа како што се појавија, така наеднаш и се повлекоа од јавноста. Близначките споделија само неколку детали од приватниот живот на социјалните мрежи, а Кристина во еден момент објави дека ќе се мажи, додека Виолета дека ќе се вери. Вики тоа и го направи, па се омажи во 2013 година. Нејзиниот поранешен љубовник Карло, исто така, е во среќен брак веќе неколку години. https://arhiva.vistina.com.mk/radio-mileva/site-mislat-deka-partnerkata-mu-e-kjerka-vaka-denes-izgleda-karlo-od-golemiot-brat-foto/ И додека близначките се слатки и денес и изгледаат речиси како и порано и не се променија драстично, Карло направи значителна промена во неговиот изглед и имиџ. Патем, денес тој е признат фризер, мајстор тетовирање и има семејство, а исто така изјави дека никогаш повеќе нема да влезе во реално шоу. Често можеме да го гледаме на ТВ-емисии, каде што дава совети за нега и обликување на косата.

Близначките Марија и Магдалена разочарани од власта, пред две години си заминаа од Македонија, а сега производите на македонските „сестри – спартанки“ се атракција во Германија (ФОТО)

Антонио Димитриевски — Sat, 23 Jan 2021 08:14:13 +0000

Марија и Магдалена Гаврилови - сестрите близначки од Кочани, пред неколку години беа многу популарни на социјалните мрежи. По студиите на право, се вработиле во Министерството за внатрешни работи на Македонија (МВР) во македонската престолнина, но јавноста многу повеќе овие две млади, убави, згодни и атрактивни девојки ги познаваше по нивните спортски активности и подвизи. Покрај работата вредно и посветено се трудат да изгледаат атлетски и секси, а набргу пошироката јавност дознава дека близначките не го практикуваат спортот само рекреативно, туку имаат и натпреварувачки мотиви, за што Вистина.ком.мк пишуваше уште пред повеќе од две години. https://arhiva.vistina.com.mk/radio-mileva/bliznachkite-marija-i-magdalena-se-makedonskite-spartanki-seksi-do-bolka-izdrzlivi-do-koska-do-posleden-zdiv-foto/ Но, со доаѓањето на СДСМ и владата на Заев на власт, работите драстично се менуваат. Разочарани од меѓучовечките односи и целокупната мизерија во Македонија, сестрите си даваат отказ, ги пакуваат куферите и како и десетици илјади други млади луѓе, заминуваат од државата, за среќата да ја побараат некаде надвор од татковината, по белиот свет. Следната дестинација на храбрите близначки ќе биде Германија, каде речиси две години живеат. Но, почетокот во новата средина воопшто не бил ниту лесен, ниту едноставен. Сестрите морале да почнат буквално од нула, од самиот почеток... Од учење на германскиот јазик, до снаоѓање за гола егзистенција, за живот... Сепак, македонските „сестри - спартанки“ не би биле тоа што се, да не се навикнати на макотрпна работа, издржливост, трпеливост, жилава борба со предизвиците... И спортските и оние што ги носи животот! Една случајна средба со она, по што денес ги препознава цела Германија, при нивното враќање пред 3 години од Виена од една од нивите „Спартан трки“, ќе им ја предодреди судбината кога е сега актуелниот бизнис во прашање. Имено, сестрите тогаш за прв пат пробале “Baumstrizel”, едн вид слатко задоволство што се’ уште не постои кај нас, кое тие подоцна сами ќе го наречат „Твистид твинс“ ( “Тwisted Twins”), колач. Љубовта на прв залак, станува нешто, што послатко немале пробано претходно и оттука се раѓа идејата за целата приказна, која подоцна, кога ќе им биде најпотребно, по заминувањето од Македонија, почнува да функционира. Талентирани и креативни девојки го започнуваат својот сладок бизнис во германскиот град Визбаден, кој станува вистинска атракција и одлично се развива. Нивната продавницата за слатки задоволства го добива името “Тwisted Twins”, а во неа можат да се најдат еден куп прекрасни слатки нешта, на кои тешко дека некој би можел да им одолее и да остане рамнодушен. Се' што таму се нуди не може да се опише со зборови и долови со фотографии. Мора да се проба, зашто се нудат толку многу различни комбинации: Солени со сирење и сланина, исто како и слатки со цимет, кокос, лешник кои можат да бидат наполнети со нутела, мармалад или сладолед... Едноставно муштериите се изненадени и презадоволни, а за македонските близначки дознаваат и германските медиуми, каде осамнуваат написи за нивната “Тwisted Twins” магија. Марија и Магдалена ја сменија земјата на живеење, професијата, но фитнесот и вежбањето се нешто од кое никогаш не се откажуваат...

View this post on Instagram

A post shared by ✺ ℳåℛıjå GåṿŗıĿọṿa ✺ (@gavrilova_marija) on Sep 25, 2019 at 1:39pm PDT

Како и патувањето на различни дестинации и запознавање на нови земји, места, народи и култури. За враќање во Македонија сега за сега не размислуваат. Но, никогаш не се знае... Како што непланирано заминале,така може еден ден непланирано и да се вратат. „Може да планирате, но често плановите одат во друга насока, па затоа ова прашање ќе го оставиме иднината сама да го одговори“ - порачуваат македонски спартанки од продавницата слатко-солена магија - „Тwisted Twins” .

View this post on Instagram

⚔• Wir haben jetzt offiziell eröffnet •⚔

A post shared by Twisted Twins (@twisted.twins2020) on Jun 12, 2020 at 12:08am PDT

Фото: Инстаграм принтскрин

Oвие близначки делат се’, па дури и момчето: Секоја вечер спијат заедно, а сега донесоа бизарна одлука

Христина Ѓоргиевска — Wed, 29 Jul 2020 10:33:30 +0000

Близначките Ана и Луси Десник од Перт кои важат за најсличните близначки во светот, сега донесоа одлука која ги изненади сите. Тие веќе некое време живеат со момчето Бен Брајн. Меѓутоа, тие сега посакуваат во исто време да останат бремени од него. Затоа тие одлучиле да одат на вештачко оплодување за да останат бремени во исто време. „Сакаме времето на бремноста да го поминеме заедно. Се во животот што ни се случи, ни се случи во исто време. Ќе биде најголем предизвик, но ќе пробаме“, изјави Ана. Ана и Луси секоја вечер спијат со Бен. За тие потреби купиле огромен брачен кревет.

Росана и Маријана, одново заедно: Признавам, не можам без тебе… (ФОТО)

Антонио Димитриевски — Mon, 22 Jul 2019 08:59:19 +0000

Сестрите - близначки Маријана и Росана во 80-тите години беа едни од најпопуларните македонски пејачки. По заминувањето на Маријана во Австралија каде и денес живее, Росана продолжи соло, но овој пат во фолк водите каде исто толку беше успешна во 90-ите, за потоа преку ноќ да ја снема и буквално „да исчезне“ од естрадата.

Неодамна се слушнаа гласини за нејзино враќање, кои ги потврди и самата Росана, дека снима нова песна во студиото кај Александар Митевски, која е одново забавна, како што самата ќе каже, шлагер од кој „боли глава“!

„Се крчка нешто нешто ново, боли глава од убавина. Прекрасен шлагер и врвен професионалец, Александра Митевски. Со песната ќе одиме на…Малку нека ве копка“- вели Росана, која не сака да отрива каде ќе насатпат со новата песна и кога конечно ќе се појави во етерот.

И додека нам ни останува да „не копка“ додека не слушнеме за што се работи, Росана деновиве доживеа радост голема, иста онаква каква што секогаш доживува кога ќе се спои со своето второ јас! Нејзината сестра - близначка Марјана е на гости во Македонија.

Средбата на двете близначки емотивна, исполнета со среќа и љубов, каква што не може да се опише. Туѓината пуста да остане, ама затоа пак радоста е голема како Австралија кога одново ќе се сретнеме. Вака отприлика би можело да се опише новото видување, новата средба на двете сестри, кои животната судбина ги раздели да живеат илјадници километри далеку една од друга, во две разделени тела споени во една душа.

Летните горештини во Скопје се неподносливи, па затоа сестрите решија викендот да го минат во природа, во околината на главниот град, разгледувајќи ги и уживајќи во убавините на Матка.

Прошетка со кајче по езерото, одмор покрај Треска, разгледување на пештерата „Врело“, и размена на мноштво муабети, евоцирање спомени и дузина заеднички фотографии!

Од сето тоа можеби ќе се изроди и нова, овојпат заедничка песна, како оној, легендарниот макфестовски евергрин!

Зашто каде и да е едната, една без друга се како половина душа...

А, цело е само кога двете близначки се заедно. Впрочем оддамна самите испејаа: „Признавам, не можам без тебе...!“

Пред 9 години беа прогласени за најубави близначки на светот- вака изгледаат денес

Христина Ѓоргиевска — Thu, 09 May 2019 11:20:43 +0000

Џеки и Кевин Келемтс во 2010 година ги добија близначките Ава Мари и Ле Роус, а раѓањето на овие девојчиња драстично им го променил животот. Девојчињата биле неверојатно убави, а благодарејќи на тоа од најрано детство запловиле во водите на моделингот. Медиумите пишувале дека нивните симетрични лица изгледаат како од најгламурозното списание, дека косата им е неверојатно руса и свиленкаста, кожата нежна, а природната убавина неопислива. Овие две девојчиња се родени еден месец порано, но нивната мајка тврди дека тоа така морало да биде. Денес овие близначки имаат 9 години, а веќе се големи ѕвезди, а само на Инстаграм ги следат повеќе од милион луѓе.

View this post on Instagram

These jackets are to die for @candylanekidz and this photographer is amazingly talented @sagaj ...but do you want a glimpse back into our life before modeling began for us?! Our mom just made a brand new vlog on our YouTube channel with some pics and video from when we were born all the way up until our 7th birthday when we started modeling and had our first post on Instagram. We hope you enjoy it!! Link in bio ? We’d love to hear what you thought so please comment below! - - - #fashion #girlmodel #la #modelkids #girlsfashion #photos #photography #twins #kids #beautiful #twinmodels #identicaltwins #beauty #double #models #twinning #sisters #lamodels #ocmodels #identicaltwinmodels #kidsfashion #kidsmodel #photoshoot #childmodel #modellife #friends #vlog

A post shared by Ava Marie & Leah Rose (@clementstwins) on Dec 12, 2018 at 12:38pm PST

View this post on Instagram

Spring Break = Vacation for us this week!!! Obsessed with these @hopeandhenrykids bathing suits!! Packed these and all our comfy clothes to relax with our family for the next 4 days ☀️✌?? - - - - #fashion #girlmodel #la #modelkids #girlsfashion #photos #photography #twins #kids #beautiful #twinmodels #identicaltwins #beauty #double #models #twinning #sisters #lamodels #ocmodels #identicaltwinmodels #kidsfashion #kidsmodel #photoshoot #childmodel #modellife #lamodelsyouth

A post shared by Ava Marie & Leah Rose (@clementstwins) on Apr 1, 2019 at 10:12am PDT

View this post on Instagram

It’s Friday Eve ? ? @alexkruk - - - - - - #fashion #girlmodel #la #modelkids #girlsfashion #photos #photography #twins #kids #beautiful #twinmodels #identicaltwins #beauty #double #models #twinning #sisters #lamodels #ocmodels #identicaltwinmodels #kidsfashion #kidsmodel #photoshoot #childmodel #modellife #lamodelsyouth

A post shared by Ava Marie & Leah Rose (@clementstwins) on Apr 25, 2019 at 7:02am PDT

извор: Курир.мк