блискост – Вистина.мк

Како заедничкото готвење ја зајакнува љубовта

Слободанка Илиева — Tue, 01 Aug 2023 12:33:08 +0000

Кога станува збор за готвење во врска или брак, може да има напнатост околу договорите што да вечераат секоја вечер и кој готви. Сепак, според еден експерт за односи, готвењето како пар всушност може да биде многу здрава практика. – Кога парот има заеднички навики и активности во својот дом, тоа ја зајакнува нивната врска. Создавањето спомени дома помага да се негува вашата врска, бидејќи ставањето приоритет еден на друг прави луѓето да се чувствуваат сакано, објаснува Џејми Бронштајн, лиценциран терапевт за односи, според Brides. Без разлика дали и двајцата партнери сакаат да готват или едниот партнер има тенденција да поминува повеќе време во кујната, врската дефинитивно може да има корист од оваа практика. Покажување љубов преку услуги – Без разлика дали готвите за вашата сакана личност или готвите заедно, споделувате, давате и добивате љубов. Пронаоѓањето „заеднички јазик“ со храната е одличен начин да ја изразите својата љубов еден кон друг, а да направите нешто за саканата личност е еден од најдобрите начини да ја покажете вашата благодарност. Вежбате да работите заедно Заедничкото готвење е совршен начин за соработка – нешто што може да се пренесе на толку многу области од врската. Ќе комуницирате, ќе споделувате одговорности, а можеби дури и ќе вежбате малку трпение! извор:попара.мк

Жените го сакаат и ова за време на односот: Многу е едноставно, но само ако мажот знае

Слаѓана Атанасова — Thu, 15 Jun 2023 13:15:05 +0000

Три едноставни работи кои жените ги сакаат во сексот, а кои мажите често не ги сфаќаат. Водењето љубов не мора да биде наука, но истражувањата покажуваат дека жените потајно се надеваат на работи за кои мажите не се ни свесни. Затоа малите упатства за оние едноставни детали кои можат многу да направат не се на одмет. Експертите дадоа совети на што мажите би можеле повеќе да се фокусираат во кревет за заедничко задоволство. Повеќе контакт со очите Искуството покажува дека жените се жалат дека мажите не ги гледаат доволно во очи. Жената се чувствува изоставена од сè ако тој постојано мижи или гледа во нејзиното тело. Поради ова, може да се чувствува безвредно. Контактот со очите е еден од најинтимните потези што еден маж може да ги направи за време на сексот. И тој не треба да се плаши од тоа, особено затоа што ќе и значи многу на жената. Не бегајте од нејзината реакција после секс За жените сексот често е филтер за стрес, ослободување од старите рани, па се случува после секс да плачат или да се смејат, да направат нешто неочекувано за него. Сексот лесно може да создаде силна емотивна поврзаност и жените можат да одговорат на тоа во еден момент. Мажот не треба да го осудува тоа, туку треба да остане со партнерката додека таа поминува низ тој емотивен бран. Бидете отворени за повеќе Заблуда е дека на секоја жена и е доста од секс по кулминацијата. Затоа не е лошо после секс да останете заедно во кревет бидејќи тогаш повторно се отвораат нови врати од женската еротска природа. Жените го отвораат своето тело, ум и дух во тие моменти на блискост. И тоа секако ќе ја продлабочи вашата врска. Извор: Попара.мк

Не се очекуваше до толку: Пејачката од „Ѕвездите на Гранд“, Андријана Петрушовска и се пикна под кожа на Цеца Ражнатовиќ (фото)

Слободанка Илиева — Thu, 30 Jun 2022 09:09:44 +0000

22 годишната учесничка во актуелната сезона на „Ѕвездите на Гранд“, скопјанката Андријана Петрушовска, не успеа да стигне до победа, но во финалето беше една од највпечатливите. Освен што си направи ултра добра реклама за понатамошната музичка кариера, таа стекна нови пријателства, но и смпатии кај „големите риби“ како што е Цеца Ражнатовиќ.

View this post on Instagram

A post shared by Andrijana Petrushovska Ani (@andrijanapetrushovska)

Српската фолк ѕвезда не и беше ментор на нашата Андријана, но постојано ја поддржуваше и секогаш знаеше да каже позитивни коментари како за пеењето на Андријана, така и за нејзиниот сценски изглед. Во една прилика видовме дека младата пејачка била во друштво на Анастасија Ражнатовиќ, а со најновата фотографија која се најде на нејзиниот Инстаграм, Андријана седи во скутот на Цеца, со што покажа дека тие двете се доста блиски. Ако во иснина слушнеме за некаква соработка со мајката и ќерката пејачки во спој со македонската надежна ѕврзда, тоа нема да биде изненадување. Инаку, Андријана Петрушовска потпиша договор со „Гранд“ продукција, веќе има настапи низ земјава, а најавува и свои песни. фото:Инстаргам/Андријана Петрушовска принтскрин

Луѓето во успешни бракови и врски ги прават овие пет работи

Слободанка Илиева — Wed, 11 May 2022 12:40:35 +0000

Психологот и психотерапевт Ксенија Мијатовиќ открива пет работи што треба да ги направите за да ја одржите блискоста во партнерксиот однос. „Работете“ на вашата комуникација Еден од основните предуслови е да се прекине „играта на моќта“ – кој е во право, кој е „поважен“, кој е „попаметен“ и слично. Дозволете вашата врска да не се согласува, без потреба да се натпреварувате. Никогаш не заборавајте дека врската е двонасочна улица. Изразете благодарност и ценете го она што вашиот партнер го прави за вас Ова е најголемата замка во врските, бидејќи сè почесто се зема здраво за готово. Само затоа што нешто ви се „имплицира“, не значи дека вашиот партнер има иста перспектива. Ништо во животот не се зема здраво за готово. Бидете благодарни. Неопходно е да се најде заедничка содржина / активност Исклучително е важно да работите заедно на нешто што има значење и вредност за двајцата. Нешто во кое и двајцата уживате. Тоа може да биде хоби, активност. Би било добро да е само твое. Да не ги вклучуваме вообичаените задачи што ги имате како пар, родители… Вие, заедно во релаксација. Бидете искрени еден со друг, секогаш! Без разлика на сѐ! Искреноста денес е скап збор, но кој разбира дека ова е превенција и шанса за одржување и зачувување на врската, тој пар создава простор да ја живее својата врска и да живее оптимално, исполнето. Најдете во себе љубов кон партнерот, кога имате најмалку причина за тоа Ова ќе ви даде можност да ги гледате работите од негова/нејзина перспектива и евентуално да не дозволите вашата блискост и поврзаност да исчезнат. Тишината е најлоша, а после тишината, неподготвеноста да се гледаат работите од друга перспектива. извор:курир.мк

Овие навики ќе ве зближат со партнерот

Слободанка Илиева — Wed, 02 Dec 2020 13:40:33 +0000

Четири од пет двојки сметаат дека социјалните мрежи се виновни за нивното разидување или раскинување, бидејќи поминуваме повеќе време со компјутерите и телефоните отколку со партнерите. Но, да не ги обвинуваме само интернетот и брзиот начин на живот. Личните, но и заедничките навики како двојка се важни за зајакнување на врската и одржување на блискоста на двајцата партнери. Усвојувањето на овие навики ќе ви помогне да развиете поголема блискост и да поминувате повеќе време со вашата сакана личност. Гответе и јадете заедно Готвењето заедно со партнерот носи многу поволности како учење еднаквост, поделба на обврски и стекнување вештини. На овој начин ќе ги споделите триковите за готвење, ќе научите што сакате и што не сакате и ќе се чувствувате убаво дека сте направиле нешто еден за друг. Јадењето заедно можеби не е возможно за сите оброци во денот, но зависно од вашите обврски, потрудете се барем еден оброк да го зготвите и да го изедете заедно на маса, без други активности што ќе ви го одземаат вниманието. Зборувајте за убавите работи што ви се случиле во денот Еден од чекорите за добар сон и за здрава врска е да одбегнувате ситуации што ви создаваат нервози и анксиозност. Дури и да сте немале најдобар ден, сигурно ви се случило нешто добро, позитивно или продуктивно или барем сте виделе или прочитале нешто добро и корисно. Споделете го тоа со партнерот. Со најблиските треба да споделуваме и добро и лошо, но потрудете се да споделувате повеќе позитивни вибрации, настани и емоции со партнерот и развивајте длабока врска, со сослушување и емпатија. Сослушувањето е одличен начин да направите некој да се чувствува подобро и сфатено. Масажа Истражувањата покажале дека партнерите кои често се масираат еден со друг се позадоволни. Масажата ја зголемува блискоста и го намалува стресот. Петнаесет минути масажа, најмалку два пати неделно е сосема доволно за да се поврзете со партнерот и да се релаксирате заедно. Бидете благодарни Науката вели дека благодарноста не е само чин, туку емоција на ценење во форма на великодушност и добрина. Изразувањето благодарност и за најмалите работи ја засилува меѓучовечката поврзаност. Пред да си легнете, заблагодарете се на вашиот партнер за вкусниот појадок или бидејќи завршил некоја обврска што вие не сте стигнале да ја направите. Освен со зборови, може да се заблагодарите и со дела: подгответе топла бања, омиленото јадење или некој симболичен подарок. Легнувајте си во исто време Ако партнерите имаат различен ритам на спиење тоа може да предизвика одредени проблеми во комуникацијата и во блискоста. Тоа исто така може да се одрази на сексуалниот живот. Многу е важно да ја одржувате блискоста и топлината во врската, а легнувањето и спиењето заедно се добар начин да го постигнете тоа. Исклучете телевизор, компјутер, мобилни телефони и легнете си заедно. Не мора веднаш да заспиете – разговарајте, гледајте се во очи, галете се, читајте, масирајте се… Оваа навика ќе ве зближи и ќе ви ја зацврсти врската. извор:курир.мк

6 начини како да се зближите со партнерот додека сте во карантин

Слободанка Илиева — Tue, 31 Mar 2020 13:00:38 +0000

За време на домашниот карантин додека трае пандемијата на коронавирусот, може да биде тешко да се поврзете со партнерот. Како можете да го спасите вашиот брак од влијанието на оваа стресна ситуација? Многу активности во кои уживате се откажани, па оваа новонастаната ситуација е предизвик за многу работи, вклучувајќи ги врската и бракот. Овие 6 активности може да ви помогнат да се зближите со партнерот додека сте дома и можеби ќе ја разгорат страста за време на пандемијата. 1. Направете фотоалбум Гледањето слики од времето кога сте се запознале може да ги разбуди старите чувства. Тоа може да ве поврзе, а креирањето фотоалбум може да предизвика прекрасно чувство и да ве потсетува на вашата поврзаност секој пат кога ќе ги погледнете фотографиите. 2. Средете една просторија или средете го плакарот Целта на средувањето е да ги соберете сите предмети и да поминете низ нив, еден по еден и да се запрашате: „Дали ова предизвикува радост во мене?“ Оваа активност може да биде подмладувачко искуство за двајцата. Изберете една просторија или дел од домот каде што чувате заеднички работи. Не средувајте го плакарот каде што има само ваши работи бидејќи тоа треба да го средите сами. Но, плакарот во кој имате заеднички работи можеби ќе предизвика разговори за тоа какво значење имаат тие предмети за вас и дали можете да се ослободите од нив или не. 3. Пограјте си со сексуалното наговестување Сексуалното наговестување претставува коментар кој има двојно значење што алудира на секс или на нешто сензуално. Ова може да бидат особено забавно кога имате деца дома и треба да се потрудите малку повеќе за вашите сексуални коментари да бидат помалку очигледни. Додека нивото на стрес во светот се зголемува, треба да најдете начин како да се опуштите со партнерот. Играјте со него користејќи зборови. 4. Гответе заедно Готвењето е прекрасен начин да бидете креативни и сензуални. Бидејќи најголем дел од денот сте дома, размислете за готвење на некое посложено јадење, нешто што ќе го готвите цел ден. Тоа не мора да биде скап оброк, па наместо да користите готов сос, можете да го направите сами. На овој начин, ќе се поврзете со партнерот уште повеќе бидејќи повеќето парови најчесто практикуваат да ги поделат обврските и секој сам да ја заврши својата работа. 5. Гледајте филм што сте го гледале на некоја од вашите први средби Потсетете се на времето кога бевте повеќе поврзани и гледајте филм што сте го гледале на почетокот на вашата врска. Земете пуканки, ќебе и гледајте го филмот заедно со партнерот. На овој начин ќе се потсетите каква била вашата врска кога првпат го гледавте тој филм заедно, па можеби ќе почнете да разговарате за тоа што се променило кај вас, која е причината што сте оддалечени и што можете да направите за повторно да се зближите. 6. Играјте „Монопол“, „Не лути се човече“ или сложувалки Монополот е игра што може да потрае подолго време. Целта е да поминете повеќе време заедно со партнерот. Но, ако сте чувствителни кога губите, овие игри можеби не се за вас. Играта не треба да заврши со расправија и целта не е да се натпреварувате со партнерот, туку да играте и да поминете повеќе време заедно. извор:кафепауза.мк

Која е разликата помеѓу интимноста и блискоста и зошто е важно за врската да ги имате двете?

Христина Ѓоргиевска — Thu, 06 Feb 2020 13:30:21 +0000

Во секоја врска, луѓето сакаат да имаат блискост со партнерот, но и да се чувствуваат интимни со него. На крајот на краиштата, не можете да бидете интимни со некој што не сте блиски. Но, разликата помеѓу овие две работи е поголема отколку што очекувате. Блискоста значи низок ризик, ниска вознемиреност, висока предвидливост, удобност. Со интимноста постои значителен степен на мистерија во врската и тоа значи висок ризик, голема вознемиреност, ниска предвидливост, свежина и новини. Која е разликата помеѓу блискоста и интимноста? Еве неколку клучни примери:

1. Блискоста значи дека играте на сигурно

За многу парови, особено за оние со деца, да имаат време само за себе може да биде навистина голем предизвик. Кога ќе се случат тие ретки моменти, повеќето луѓе имаат тенденција да се вратат на добро познатите патеки: јадење во омилениот ресторан, нарачување на истиот оброк, одење во истиот кино, гледање на истата серија на Нетфликс итн. Ако вашето време е навистина толку ограничено, зошто не правите нешто во што ќе уживате? Променете ја рутината и направете нешто што не сте го направиле досега. Паровите треба да прават нешто што ќе ги натера да ја напуштат удобната зона и да стекнат заедничко искуство, а тоа може да биде каква било нова авантура.

2. Интимноста значи да останете љубопитни

Кога барате интимност во врската, мора да бидете постојано љубопитни за партнерот, што доаѓа само со сознанието дека никогаш нема да знаете сè за него. Партнерот секогаш ќе има нови мислења и желби што ќе ве изненадат. Вие мора да бидете подготвени да го прифатите тој концепт и да бидете подготвени да продолжите да ги откривате слоевите. Ако мислите дека го познавате вашиот партнер, тогаш станува збор за блискост. Никогаш не можете целосно да го познавате вашиот партнер, но можете да се запознаете подобро себеси во присуство на вашиот партнер. На тој начин можете да ја зацврстите вашата страст и да го откриете партнерот на нови и возбудливи начини.

3. Блискоста е рутина, дури и во спалната соба

Да знаете како да ја разгорите страста и да знаете во што ужива партнерот во текот на сексот се едни од главните придобивки на долгорочната врска. Но, сексот лесно станува здодевен и монотон, па може да се чувствувате како одново да го слушате истиот албум. Одличниот секс бара промена на работите. Со други зборови, ако ја имате целата куќа, искористете ја целата куќа, играјте улоги, пробајте неколку нови играчки и сл.

4. Интимноста ги потврдува вашите сопствени желби

Многу често, во бракот, едниот партнер ги загрозува сопствените интереси или желби во корист на одржувањето статус кво. Тоа не мора да се однесува само на сексот. Може да биде хоби, вештина што сакаат да ја научат, место што сакаат да го посетат. Ако нивната желба се заканува на удобната зона што ја граделе двајцата партнери, многу луѓе имаат тенденција да ја потиснат. Интимноста значи да останете свои бидејќи вашите интереси, потреби и желби се важни. Интимноста значи да се договорите со парнтерот дека вашите желби ќе бидат целосно изразени и дека ќе се потрудите да ги остварите тие желби.

5. Блискоста значи да ги задржувате фантазиите во себе

Секој има сексуални фантазии, но повеќето од нив се потиснати. Повеќето луѓе ги задржуваат сексуалните фантазии само за себе бидејќи се плашат дека ќе предизвикаат стресни ситуации ако ги споделат своите фантазии со партнерот и мислат дека партнерот ќе го сфати тоа лично.

6. Интимноста ви дозволува да ги остварите вашите фантазии

Ако тоа за што фантазирате не вклучува нешто штетно или нелегално, тогаш споделувањето на тие фантазии може да биде само позитивна работа. Споделувањето на фантазијата може да отвори нови можности за вас. А, ако сакате да имате исполнета, негување и инспиративна врска, тоа ќе го постигнете ако заедно се согласите да ги правите работите што ги сакате. извор: Кафепауза

Лидија Вукиќевиќ му „го фрлила меракот“ на овој учесник во „Задруга 3“: „Злато мое“ и емотикони со бакнежи и срциња (ФОТО)

Антонио Димитриевски — Wed, 22 Jan 2020 11:54:37 +0000

Лидија Вукичевиќ (57) е дваесет години постара од Владимир Томовиќ (37), а нивната кореспонденција на Инстаграм предизвикува сомневање дека тие се малку повеќе од пријатели. Откако Владимир неодамна беше дисквалификуван од „Задруга 3“, тој стана многу активен на својот профил на Инстаграм. Двајцата се следат на оваа социјална мрежа и оставаат едни на други коментари кои, очигледно, не се само чисто пријателски. Според приложеното, може да се заклучи дека актерката „му го фрлила меракот“ на младиот Црногорец. „Не е тешко да го прифатите целиот свет кога во рацете се оние што ги сакате повеќе од себе. Мојата гордост“- додаде Владимир во насловот под неговата слика. Лидија била меѓу првите што ја коментирале оваа фотографија и оставила бакнежи и срциња во вид на емотикони на кои Владимир одговорил со: „Злато мое“. Ваквите коментари укажуваат дека има и премногу блискост меѓу дваесет години помладиот Црногорец и српската актерка.

„Ме палат мажи како Аца Лукас“: Милица Павловиќ прозборе за блискиот однос со пејачот! (фото)

Христина Ѓоргиевска — Sun, 22 Jul 2018 08:54:20 +0000

Милица Павловиќ и Аца Лукас неодамна снимија дуетска песна „Кидаш ме“, поради што започнаа гласини дека меѓу парот постои блискост. „Аца е вистински заводник, но сега кога сме многу блиски можам да кажам дека сфаќам зошто жените го сакаат и што гледаат во него. Тој е многу специфичен, има силна енергија и харизма, но исто така знае да биде и џентламен кога жените се во прашање. Посебно важно е што знае да ве насмее, а мене тоа ми е важно во еден однос. Кога мажот знае да ве сака, да ве направи среќни, но и да ви го разубави денот, тој е вистинскиот, вели Милица.

Пејчката истакна дека поради дуетската песна и хемијата во спотот сите ја прашуваат за односот со пејачот. „На секој чекор ме прашуваат за Лукас. Неодамна му реков дека изгледа сум негов потпарол. Шегата на страна, се тоа покажа дека сме одлична спојка и дека дуетската песна е вистински погодок, вели Павловиќ. Дали ќе дојде до љубовна романса меѓу двата пејачи или станува збор за пријателство останува да видиме. https://www.youtube.com/watch?v=XaMsAumkTmI