блиски – Вистина.мк

Теа Таировиќ вешто го крие момчето со кој е во врска, но сега за првпат се уловени од фоторепортерите (видео)

Слаѓана Атанасова — Thu, 30 Mar 2023 08:33:30 +0000

Една од главните теми во медиумите е љубовниот живот на пејачката Теа Таировиќ, за кој речиси ништо не се знае. Пејачката веќе подолго време вели дека нема партнер бидејќи обврските не и дозволуваат, бидејќи секојдневно настапува. Неодамна се појави вест дека пејачката две години ја крие својата поубава половина, а наводно станува збор за бизнисмен кој се занимава со криптовалути. Екипата на емисијата „Папарацо лов“ ја следеше познатата пејачка која пристигна од настап, а на аеродромот ја пречека нејзиниот менаџер со кој срдечно се поздрави. Со Теа цело време бил и еден мистериозен тип во црно, со кој пејачката, како што може да се види на видеото, е многу блиска, а во еден момент дури и го погалила по грбот додека оделе кон кафулето. Таму седеле малку и разговарале, а на крајот излегле каде ги чекал извесен маж и ги однел во непознат правец. Фото: Принтскрин/Инстаграм/Папарацо лов

Миа Костова славеше роденден: Познати фаци, насмеани лица, грст емоции и дрес код – случајно или намерно, сите во црно!? (ФОТО)

Антонио Димитриевски — Wed, 12 Oct 2022 08:39:31 +0000

Една од најпознатата јавни лица во Македонија, ТВ водителка и влијателна инфлуенсерка Миа Костова блескаше на својата роденденска забавата за нејзиниот 38-ми роденден, во друштво на нејзините најблиски пријатели. Иако на дамите не им се бројата годините, русокосата и самата се пофали и со возраста и со екипата и со славеничката атмосфера, споделувајќи фотографии на социјалните мрежи од познатиот скопски локал во кој го славеше роденденот. „На цели 38, богатство е да ја наполниш масава со најблиските“ – напиша Миа и сподели фотографии од моментите на среќа при прославата роденденот. Меѓу присутните на роденденот и добро познати и популарни лица како Тамара Тодевска, која беше една од гостинките на роденденот на Миа. Инаку двете русокоси важат за многу блиски пријателки. Покрај доброто друштво, убавата музика и одличната храна, не изостана и моментот на кулминација на „денот што го чекаме цела година“ - роденденската торта! Миа самата ја донесе , како што и самата ги дувна свеќичките со роденденската бројка, а нејзината желба остана тајна во кругот на најблиските. Освен ако тоа не е онаа истата, долгогогодишна, која славеничката до сега не си ја остварила , а има и тоа како силна желба, а и намера, па затоа и јавно ја кажува во своите изјави и интервјуа: „Имам една долгогодишна желба која никогаш не поминала, а тоа е да се преселам на море“ - потврди неодамна Миа за еден македонски портал. Македонија ионака е земја на гурбетџии или во последниве години земја на население во заминување, па ако можат сите други, што да не може и таа? Едно е сигурно дека со неа секако би пошле и нејзиното синче Андрија, а веројатно и нејзината партнерка Тијана која беше најприсна со славеничката на роденденската забава, која дополнително ја сподели својата роденденска честитка до Миа, со фотографија и италијанско-англиска порака: „Среќен роденден љубов... те сакам засекогаш“ - и порача Тијана... ...А откако си паднаа една на друга во роденденска прегратка која дополнително ги разбуди нивните емоции, Тијана се надополни со, за неа единствената од сите животни опции: „Секогаш моја“! Она што е впечатливо и забележливо, е дека на роденденската забава кај Миа Костова имаше познати фаци, насмеани лица, грст емоции и невообичаено чуден дрес код... Случајно или намерно, сите беа облечени во црно!? Како и да е, 38-ката на Миа со среќа нека и е! Фото: Инстаграм принтскрин/tijanaskulicc/miandrija

Кристина Димитриевска и Саша Ковачевиќ приватно „блиски“, а сега и на заеднички настап: Таа „слаба“ на популарни пејачи, тој на разведени мисици? (ФОТО)

Антонио Димитриевски — Tue, 23 Aug 2022 11:02:43 +0000

Српскиот пејач Саша Ковачебвиќ кој е многу популарен особено кај женската популација која е и неговата најмногубројна публика, има мношто настапи во регионов, меѓу кои и неколку само ова лето и во Македонија. Првиот следен закажан за викендот, на 27 август 2022 во Лешок. Овој пат големата балканска музичка ѕвезда сцената ќе ја подели со некого со кого многу добро се познава и се блиски... пријатели! Имено македонската мисица, модел и пејачка Кристина Димитриевска која патем има и потекло од овој крај, заедно со нејзиниот верен придружник ДЈ Боно ќе биде онаа која ќе ја загрева публиката пред на стапот на Ковачевиќ. Случајно или намерно, овој пат патиштата на српскиот заводник и македонската убавица не смао приватно, туку и професионално им се вкрстија, а Кристина не само што оддамна овој настап на својот Инстаграм профил го најави, туку по повод дружбата на иста бина еве и што изјави: Дека Кристина и Саша не се знаат од вчера, туку навистина се „стари пријатели“, е несомнено, па затоа мисицата не остава ништо на случајноста, особено во ваква „единствена прилика“ кога со него има ретка можност да ја дели и бината. Патем Кристина не го пропушта ниту еден негов настап во Македонија... Па така од Охрид, преку Прилеп, па се до Скопје... таа е таму некаде блиску до него во публика каде што српската ѕвезда настапува. Фотографиите од пред две-три години, лани, па и ове најсвежите, се повеќе доказ дека Кристина и Саша се на... „образ до образ“! Впрочем на Ковечевиќ му се „слабост“ разведените мисици, што го докажува со својата неколкугодишна врска со неговата актуелна девојка, Зорана Тасовац, некогашна српска мисица и бивша сопруга на доскорешното момче на Цеца, со кого таа има и ќеркичка. На Кристина пак „слаба точка“ и се познатите пејачи, што е своевиден доказ пропаднатиот брак со Даниел Кајмаковски, како и дружбата со белградскиот заводник Саша Ковачевиќ. Што значи дека сите можни предуслови се идеално исполнети, освен... доказот дека се повеќе од „само пријатели“? Е тоа дали Кристина Димитриевска и Саша Ковачевиќ се „приватно блиски“, ама „на пристојна дистанца“ или сепак меѓу нив постои некаква скриена, тајна романса, засега само некој од нив двајца може да негира и потврди. Фотографиите на профилите на социјалните мрежи само ја интригираат и скокоткаат јавноста, ама сепак „зајакот лежи“ во доказите од стварноста... Која кaј и да е, бргу ќе потврди дали „каде што има чад, има ли и оган?“ или во реалност некој само „се шлепа“ на туѓа популарност? Фото: Инстаграм принтскрин/sashakovacevic/kristina.dimitry

Победничката на „Ѕвездите на Гранд“ долго ја спојуваа со нејзината менторка Марија Шерифовиќ, а сега осамна на фотографија со машко: Џејла Рамовиќ е во љубов? (ФОТО)

Антонио Димитриевски — Wed, 16 Mar 2022 11:48:57 +0000

Откако Џејла победи во „Ѕвездите на Гранд“ пред две години, не престана да се пишува за природата на нејзините блиски релации и наводна врска со нејзината менторка Марија Шерифовиќ. И додека сите шпекулираа за емотивниот статус на Џејла и за природата на блискоста со Марија, меѓу менторот и учесничката всушност се разви искрено пријателство, кое е познато и искрено поддржано од сите членови на семејството на младата пејачка. Сепак, по сите шпекулации на профилот на Џејла, конечно се појави нејзина фотографија во блиско друштво со маж. Имено, таа објави фотографија на која е со популарниот Амер Кадиќ, инаку познат влогер и пријател на познатиот јутјубер Давор Гербус и на која се гледа дека се среќни. Дали и вљубени и интимно блиски? Е тоа допрва ќе откриваме! Фото: Инстаграм принтскрин/dzejlaramovic

Кристина Димитриевска „раскомотена“ на „интимна дужба“ со ДЈ Боно, кој прво ја гушкаше, па ја праша: „Имаш дечко“? (ФОТО)

Антонио Димитриевски — Thu, 09 Dec 2021 10:16:12 +0000

На Кристина Димитриевска по неодамнешниот севте јавен музички настап во Велес, по се' изгледа дека и тргна... Соработката со некои „нови деца“ од музичката Ди-Џеј и (т)рап сцена очигледно полека и го трасира патото кон музичкиот успех. Ако ништо друго, барем поголем од оној што на музички план го имаше досега... По нејзиниот деби клубски настап со ДЈ Боно ( Бојан Илковски) и Тони и Алек на ред по се изгледа дојде и музичката соработка со некои од нив. Барем такви се најавите на Инстаграм профилот на атрактивната тетовчанка која објави нова тура фотографии, овој пат во друштво со споменатиот соработник. Кристина и ДЈ Боно фотографирани прилично опуштени и „раскомотени“, онака „разгаќени“, на блиска средба во топла прегратка, во домашна атмосфера?!

View this post on Instagram

A post shared by KRISTINA DIMITRY (@kristina.dimitry)

На прв поглед прилично романтично, а и загадочно: Од кога тоа мисицата и ДЈ-от преку ноќ станаа така блиски? Директното интимно прашањето што ДЈ Боно јавно и го поставил на својата згодна пријателка дополнително ја заскокотка љубопитноста... Впрочем, како целата нивна интимна комуникација: - „Имаш дечко“? -„Ме остави после сликиве...“ -„Ќути, исто и јас“... А кога две сродни души ќе се најдат на исто место, во исто време, па уште и со исти љубовни јадови, „меѓусебното тешење“ е неминовно... Ќе прерасне во интимно или ќе остане само работно...? Тоа е веќе прашања на „хемија“... и по малку физика! А можеби се' ќе се сведе само на... музика!? Бидете така или што би рекеле - Stay tuned и ќе видите! Фото: Инстаграм принтскрин/kristina.dimitry

Милица Тодоровиќ ја фатија среде бакнување… нема да веруварте со кого (ВИДЕО)

Антонио Димитриевски — Thu, 25 Feb 2021 09:19:34 +0000

Пејачката Милица Тодоровиќ и бизнисменот Југослав Кариќ беа фатени заедно во видео кадри во главниот град на Србија, каде очигледно беше дека се многу блиски. Милица и Југослав уживаа во еден белградски ресторан, а потоа заминаа заедно.Тој ја одведе до станот, а потоа падна и бакнеж. Сето тоа беше снимено од камерите на „Папарацо лов“. Да потсетиме, Милица минатата година ја раскина врската со актерот Петар Стругар, додека Југослав неодамна стави крај на бракот со дизајнерката на ентериер Елена Караман. Елена и Југослав го продадоа својот имот, а парцелата на Космај со огромна вила ја купи најдобриот тенисер во светот Новак Ѓоковиќ.Тие го продадоа и ресторанот во центарот на Белград, а дизајнерката неодамна купи нов имот. Дали меѓу Милица и Југослав се родила нова љубов или се само пријателска дружба...? Ако судиме според она: „Каде што има чад има и оган“, веројатно каде што има бакнежи и присно гушкање има повеќе од само пријателско дружење?! https://www.youtube.com/watch?v=q2kLCqza3gc&feature=emb_logo

„Мојот живот стана досаден и секој ден ми изгледа трагичен“: Ана Николиќ прележа корона, а сега се плаши за најблиските

Христина Ѓоргиевска — Thu, 11 Feb 2021 09:44:27 +0000

Коронавирусот не ги заобиколи ниту познатите, па многу јавни личности прележаа корона. Некои од нив со силни симптоми, други со послаби, а некои ја изгубија битката. Пејачката Ана Николиќ исто така прележа корона, а сега вели дека нејзиниот живот станал досаден и секој ден и изгледа трагично. „Прележав корона, но поминав со полесна клиничка слика. Сепак, психички се потешко го поднесувам периодот на пандемијата. Се ова предолго трае, ми се случува да заплачем бидејќи короната однесе луѓе кои ги познавав“ изјави пејачката. Николиќ истакна дека живееме во време на смрт, па дека е нормално луѓето да се плашат. „Се плашам наутро да го вклучам телефонот бидејќи ми е страв да не се јават дека некој починал. Многу ме плашат лошите вести“ изјави Ана. Ана има антитела на вирусот, но и понатаму ги почитува сите мерки. „Од март претходната година сум во карантин со ќерката Тара и нејзината дадилка. Мојот живот стана досаден и многу трагичен, дури и мајка ми ја гледам ретко и тоа со маска. Најтешко ми беше кога заминав во Парачин и не можев убаво да ја видам својата баба. Се симна пред зградата, носеше две маски и визир, но не можев да ја бакнам“, вели Николиќ. Пејачката откри како короната психички влијаела на неа. „Се ова лошо влијае на психата. И во семејството имав смртни случаеви. Страшно е тоа што кога ќе ви се случи такво нешто не се препорачува да се оди на погреб за да не собираат луѓе. Не можеш да погребаш како што доликува оној кој го сакаш“, вели Ана.

Саша Матиќ заплака на емисија во живо: „Заминав од Белград бидејќи изгубив драги луѓе поради коронавирус“

Слободанка Илиева — Wed, 07 Oct 2020 10:06:31 +0000

Пејачот Саша Матиќ се присети на драгите луѓе кои ги загуби изминатиот период поради коронавирусот, и откри дека по погребот на неговиот пријател и соработник, сакал што побрзо да го напушти Белград. - Таа влијаеше врз мене губејќи некои драги луѓе и добри пријатели. Тешко ми е. Лично, јас и моето семејство немавме никакви проблеми, не ми сметаше што не се работи, што не се патуваше, само луѓето останат живи и што не им се случи тоа што им се случи. Тоа е навистина голема загуба. Кога мојот пријател Боб почина, по неговиот погреб, јас бев во таква ситуација само да одам некаде, само да не бидам во Белград во тие денови, ми се чинеше дека ќе ми биде полесно да бидам надвор од Белград - рече пејачот, по што заплака во емисијата каде гостуваше.

View this post on Instagram

#valentines_day

A post shared by 𝘚𝘢𝘴𝘢 𝘔𝘢𝘵𝘪𝘤 (@sasamatic_official) on Feb 14, 2020 at 10:23am PST

Тој се осврна и на неговиот приватен живот и истакна дека ги поддржува своите деца во сè и дека не се оптеретува со оценки, туку само дека им е важно да завршат кое било училиште. - Јас сум душа романтичар. Не сакам јавно да зборувам за овие приватни работи, бидејќи излегува дека само јас имам деца. Тоа е тема што ја избегнувам, но засега тие се добри деца. Немам проблем. Оценката не е важна, но исто така им е важно утре да завршат некои добри училишта и да се борат за нивниот статус. Нема да се мешам во нивниот избор и занимање, затоа што и јас излегов од дома на 20 години и тогаш бев најсреќен. Сигурно немаше да ги слушам мајка ми и татко ми ако не ме поддржеа во тоа и да ми кажеа: „Нема шанси, мора да се вратиш“. Без оглед каква одлука ќе донесат, јас ќе ги поддржам во тоа - вели тој.

Александра Пријовиќ и Јелена Розга станаа „први другарки“: Прија ја накити елката, Јелена и поласка, па двете разменија бакнежи на Инстаграм (ФОТО)

Антонио Димитриевски — Tue, 10 Dec 2019 12:10:16 +0000

Новопечната снааа во семејството на лепа Брена и Боба Живоиновиќ, пејачката Александра Пријовиќ за новогодишните празници го украси својот дом како од бајка! Причина повеќе за радост на прија и Филип е што ова ќе биде првата Нова Година која нивната принова, синот Александар кому Дедо Мраз веќе му подготвил полна торба новогодишни подароци. https://arhiva.vistina.com.mk/radio-mileva/elka-do-plafonot-eve-kako-prijovikj-i-filip-go-ukrasija-domot-za-nova-godina-foto/ Инаку Александра и Филип имаат луксузна вила на Бежаниска коса, недалеку од домот на Брена и Боба. Се разбира во така накитената куќа доминира до таван високата елка, накитена со преубави лампиони во две бои: сребрена и златна. Едноствно но ефектно, гламузрозно и елегантно, како што изгледа и самата Александра која се фотографирала во кежуал издание покрај самата елка. Прија фотографијата ја сподели на својот Инстаграм, а прва која и поласка беше верувале или не, хрватската ѕвезда Јелена Розга, по што двете разменија бакнежи преку Инстаграм! Прија и Јеле во последно вре станаа многу блиски... Преку ноќ „први другарки“, што помалку зачудува. Неодамна двете се фотографираа гушнати на тросед, како седат една на другата речиси во скут. Иако некои тврдат дека тоа е заради припадноста, зашто Пријовиќ со години од детството до младоста живееше во Бели Манастир кој е град во Хрватска, други демантираат посочувајќи дека правата вистина се крие некаде во приказните за помладото момче на Розга од Белград, кое е заеднички пријател на двете пејачки! https://arhiva.vistina.com.mk/radio-mileva/jelena-rozga-e-vo-tajna-vrska-so-12-godini-pomlad-belgragjanec-dalmatinkata-padna-na-srbin-foto/

Петре Шилегов средствата на Град Скопје наменети за култура им ги подели на своите: Парите од кабинетот за луѓе од кабинетот на градоначалникот (ФОТО)

Антонио Димитриевски — Tue, 29 Jan 2019 09:20:42 +0000

Град Скопје ги објави добитниците на Конкурсот за финансирање на манифестации, проекти и творештво на други корисници и чинители преку кои се остварува локалниот интерес во културата за 2019 година. Петре Шилегов не пропушти да ги награди и да подели пари на своите најблиски соработници и пријатели од светот на културата. Неговиот Шеф на кабинет, Никола Наумоски, кој е истовремено и братучед на министерката за одбрана, Радмила Шеќеринска, добил 180 илјади денари за неговото Здружение за активизам, теорија и уметност „Плоштад Слобода“ за проектот Град за сите: Модерна за деца. Се делат пари од кабинетот на градоначалникот за луѓе од кабинетот на градоначалникот. Шилегов го награди и Мирко Попов, и неговата фирма ПМГ Рекордс ДООЕЛ со 150 илјади денари за организирање на фестивал. Мирко Попов којшто деноноќно користи говор на омраза и важи за голем поддржувач на владејачката партија. Мирко и е познат на јавноста и по изјавата дека доколку би имал власт би ги запалил сите цркви во Македонија. Ниту Роберт Алаѓозовски, националниот координатор за развој на културата и меѓуресорска соработка во Владата на СДСМ, не е заобиколен во делењето на пари од Град Скопје. Здружението на граѓани „КОНТРАПУНКТ“, каде тој е еден од основачите од Шилегов добило 100 илјади денари за КРИК, фестивал на критичка култура. Извор:Курир.мк