Елена Велевска со понуда до фановите за „блиска средба“, тие и возвратија со „непристоен предлог“ (ФОТО)

Антонио Димитриевски — Wed, 01 Apr 2020 07:20:27 +0000

Дефинитивно, карантинот прави чуда... Она што никогаш не би ти паднало на ум или не си имал време да го правиш, кога си во изолација ти доаѓа да си кажеш: „Сега му е мајката...“ Од домаќинлук до билдање популарност. На секој од нас му текнува нешто со што ќе ја разбие монотонијата, ќе ја отепа досадата, а од друга страна, смета дека тоа нешто може да биде корисно, да му оди во прилог, да биде од полза... Или нему лично, или на тие околу него, а можеби на сите. Особено моќна алатка станаа социјалните мрежи на кои можеш да направиш, изведеш, објавиш, споделиш... што ти душа сака. Така сите, така и пејачката... Имено, Елена Велевска реши да биде што поактивна во карантинот, за времето побргу да и помине, а тоа што го прави да ја одржи во „кондиција“ нејзината кариера, а и самата да остане во конекција со своите обожаватели и следбеници на социјалните мрежи. Меѓудругото, Велевска најпрвин на своите Инстаграм приказни им овозможи на нејзините фанови и Инстаграм следбеници да и поставуваат прашања, на кои таа кусо ќе им одговара. Во меѓувреме, атрактивната македонска фолкерка доаѓа до нова идеја, па до своите обожаватели има нова понуда, овој пат баеги присна: Тие неа споделено видео со нејзина песна, таа ним за возврат - „блиска средба“. Рокот, до 1-ви мај! Во меѓувреме стигнуваат прашањата на фановите до згодната и сексапилна пејачка. И како што е редот, повеќето, се коментари, пофалби, комплименти за неа, нејзиниот иглед, песните кариерата, арно ама... Меѓу сите нивни прашања и нејзини одговори, доминира ЕДНО, кое периодично се повторува, па му доаѓа нешто како одговор на нејзината понуда за „блиска средба“ со фановите... само што е прашање, кое всушност е еден вид „непристоен предлог“ кој гласи: „Елена дали ќе се омажиш за мене?“ А Велевска, се' уште недоразведена, прво беше фина и одмерена во одговорите. Но откако сфати дека „брачната онлајн понуда“ нуди широк избор, пејачката како да го губеше трпението, па на оние што и онлајн ја побараа нејзината рака, на крај нервозно им одговори со прашање: „Аман, што ви е?“ Ништо... веројатно и тие имаат „карантински синдром“. Затоа едвај чекаме да го видиме резултатот од понудата на фолкерката за „блиска средба“ со среќниот обожавател. И ние и особено оние што ќе одговорат на нејзиниот предизвик, па секој од нив со душа ќе чека и стрепи да дознае, дали токму ТОЈ е најголемиот среќник!? А дотогаш, снимај, постирај и ќути - трај... до 1-ви мај!

Ќе беше „густо“: Дарко Лазиќ со бремената вереница и Ана Севиќ со новото момче „за влакно“ не се сретанаа пред влезот на Штарк арена во Белград

Антонио Димитриевски — Sat, 09 Mar 2019 12:16:29 +0000

Дарко Лазиќ на штаки заедно со бремената свршеница Марина Гагиќ дојдоа на концертот на својот пријател Џани, во белградската Штарк арена. На истиот влез, бившата жена на Лазиќ, иако се уште официјално не се развеле, пејачката Ана Севиќ заедно со нејзиното актуелно момче Даниел Недељковиќ се нашле речиси во исто време. Недостасувала само една минута, поранешните брачни другари, или се ' уште официјални брачни другари, буквално да не се судрат на црвениот килим.

Имено, иако Ана лееше солзи и прилично тешко и емотивно ја доживеа сообраќајната несреќа што на Лазиќ во октомври минатата година, во која само чудо го спаси пејачот да преживее, тој сé уште не најде разбирање, ниту пак двајцата не најдоа компромис за старателство над заедничката ќерка Лорена.

Очигледно, токму затоа Дарко сè уште не сака да ги потпише документи за развод на бракот со Ана, па како во последно време односите им се заладени и нарушени, кој знае како ќе се однесувале и што ќе се случувало доколку поранешните сопружници заедно со нивните сегашни животни придружници имаа блиска средба на влезот на Штарк арена?! Фото: Соња Спасиќ/Никола Томиќ

блиска средба – Вистина.мк

Елена Велевска со понуда до фановите за „блиска средба“, тие и возвратија со „непристоен предлог“ (ФОТО)

Ќе беше „густо“: Дарко Лазиќ со бремената вереница и Ана Севиќ со новото момче „за влакно“ не се сретанаа пред влезот на Штарк арена во Белград