Тага во кралското семејство: Почина блиска помошничка на кралицата Елизабета

Христина Ѓоргиевска — Wed, 29 May 2019 09:43:56 +0000

Како што пренесуваат британските медиуми, 93 – годишната кралица Елизабета е многу тажна откако дознала за смртта на нејзината долгодишна соработничка Анете Виклин. Имено, помшничката која со кралицата Елизабета работела 40 години, почина од тешка болест на 73 години, а оваа тажна вест ја погодила кралицата. „И неа ја викавме кралица Анета. Секогаш беше средена, беше мирна и тивка, знаеше сите да ги научи на дисциплина. На кралицата и беше жена од доверба“ велат вработените на кралското семејство.

Исто така, вработените велат дека кралицата е во шок и не може да ја прифати смртта на нејзината блиска соработничка. „Кралицата ќе оди на погреб, обично не сака да оди бидејќи не сака да го привлекува вниманието, но овој пат ќе направи исклучок“ потврдија од палатата.

Инаку, Анете за кралицата почнала да работи како собарка, а благодарение на својата работа и труд станала шефица на вработените. Таа беше задолжена за протоколот на свадбата на Вилијам и Хари, а колку била верна на кралицата е доказ тоа што никогаш не се омажила туку кралското семејство го сметала како свое.

блиска соработничка – Вистина.мк

Тага во кралското семејство: Почина блиска помошничка на кралицата Елизабета