блеска – Вистина.мк

Стомакот веќе и се гледа: Сања Кужет блеска во 4-тиот месец од бременоста (видео)

Слаѓана Атанасова — Thu, 18 Jan 2024 12:24:26 +0000

Убавата водителка Сања Кужет со вториот сопруг го очекува третото дете. Водителката на музичкиот натпревар „Ѕвездите на Гранд“, Сања Кужет е во блажена состојба и со вториот сопруг го чека своето трето дете. Кужет е бремена во 4 месец, а екипата „Папарцолов“ ја улови водителката додека ги извршуваше секојдневните активности. Таа била без шминка и целосно опуштена. Долга, црна јакна и го покрива стомакот, кој добро се гледа. Сања купила намирници и средства за куќата и била во машко друштво, што можете да го погледнете на видеото подолу. Фото: printskrin/paparaco lov/instaram

Кога таа ќе блесне, блеска како дијамант: Александра Трајчевска е новата македонска поп-рок ѕвезда… што се раѓа (ФОТО+ВИДЕО)

Антонио Димитриевски — Thu, 09 Nov 2023 10:20:50 +0000

Годинешното издание на фестивалот „Макфест 2023“ годинава донесе мноштво музички освежувања, нов бран, нов естраден ветерн кој некои нови деца го вдахнаа на македонската музичка сцена. Долго по заврпшувањето на „Макфест“ наголемо сe зборува дека најголемите годинешни хитови токму ги донесе младата гарда изведувачи чии песни се промовираат зашто навистина не само што г привлекоа на прва, туку и го задржаа вниманието како кај публиката, новинарите и кај целокупната македонска јавност. „Блу“, Тијана Периќ, Драгана Јовановска, Џокер, Бони, Теона, Јасмин, Марија, Малена... несомнено се свежата крв вбризгана во македонското поп-рок, ар ен би, трап... или какво и да е жанровски музичко ткиво, но една млада дама несомнено отскокнува со сето она што го поседува. Александра Трајческа беше една од оние кои ја оставија публиката без зборови... И сво својот божествен вокал, ангелски изглед, ненаметлив, а толку впечатлив имиџ, зрело сценско однесување, сигурен настап... Едноставно црвенокосата прилепчанка беше и онаа - убавата, оргиналната, талентираната, емотивната... речиси совршената на сцената на домот на културата во макфестовски Штип. Александра со својата композиција „Не сакам“, комплетно дело на композиторката Ана Пандевска, ја освои и штипската публика и ТВ гледачите на МРТВ и жири-комисијата за да се најде и на втортата ревијална макфестовска вечер! „Прекрасна публика, совршена организација и преубава сценографија. Задоволна сум од тоа како ја изнесов песната и благодарна сум на штипската публика која како публика со изграден музички вкус ме награди со своите гласови, и се разбира на луѓето од фестивалотза пружената можност. Слушнете ја мојата песна и пишете ги вашите впечатоци. Вашата поддршка за мене значи непроценлив поттик. Ви благодарам од срце“ - кажа младата пејачка. Иако пее од мали нозе, уште со појавата на детските фестивали станува јасно дека малечката е повеќе од обичен талент. Како течат годините со учеството на некои од локалните натпревари на музички таленти и помалку или повеќе познатите домашни и интернационални фестивали, сега веќе 19 годишната Александра покажува дека каде и да се појави извесно е дека ќе победи. Првите места и паричните награди на „Заблескај“ или „Езерски бисери“ само ја „подотворија школката во која лежи музичкиот бисер“ огледан во младата прилепчанка која одново заблеска на последниот Макфест 2023. А кога таа ќе блесне, блеска како дијамант, зашто Александра Трајчевска е несомнено новата македонска поп-рок ѕвезда што се раѓа. Таа во Прилеп и прилепските кругови е позната како силен и моќен вокал и членка на една од најпознатите македонски блуз групи, реоформените - „Crossroad Blues Band Reloaded“ предводени од еден од најдобрите гитаристи не само во Македонија, туку и пошироко, Давид Нешкоски. Александра вокал кој што може да ја отпее речиси секоја песна, од кој и да е жанр, иако очигледно, џезот, блузот и рокот најмногу и лежат. Во продолжение, погледнете го нејзиниот настапот од втората ревијална макфестовска вечер каде Александра повторно ја отпеа својата „Не сакам“. Фото: Фејсбук/Aleksandra Trajceska и Инстаграм/alexcheska Видео: Јутјуб

Марија Луиса Тодоровска исто како Карлеуша – веќе нема што од себе да соблече: Пејачката во новата еротска фотосесија – „пиштол гола“! (ФОТО)

Антонио Димитриевски — Sat, 28 Oct 2023 07:15:29 +0000

Оваа битолчанка е дефинитивно феномен. Нема свои песни, а зема најголем бакшиш, не се појавува по фестивали, спотови, музички емисии, а не престанува да ја има по социјалните мрежи и насловниците на порталите, нема момче за сериозна врска, а нема момче кое сериозно не и се додворува и „пушта“... Навидум ништо нема, а се' има!? До душа глас и стас, атрактивност и сексапил не и недостасуваат, па еротската компонента, но и отвореното однесување и споделувањето на приватноста се веројатно оние нешта што Марија Луиса Тодоровска ја прават толку посебна, привлечна и интересна за јавноста. Нема ден пејачката нешто ново да не сподели на социјалните мрежи, со нешто интересно, откачено, или контроверзно да не не изненади, со што како магнет на себе ја привлекува јавноста, како лепакј ја лепи публиката за својата појава, а сето тоа се рефлектира онаму каде што настапува. Полни локали, расположени гости, кои дошле да ја слушнат и особено видат, задоволни газди кои одново пак и пак ќе ја викнат и секако, „како брод полна“ со бакшиш „натоварена“ битолската пејачка со привремена скопска адреса. Нешто што ретко на која од македонските и фолк и поп пејачки им успева, па дури и на малку од оние во регионот... Најмногу на Јелена Карлеуша, а кај нас токму на неа, на Марија Луиса Тодоровска. Последната нејзина еротска фото сесија (направена од Д.Р.Д. Медиа - Драган Ристовски) ова најдобро го потврдува. Единствено Марија Луиса Тодоровска исто како Карлеуша - веќе нема што од себе да соблече, зашто пејачката во новата еротска фотосесија се сликаше - „пиштол гола“! Секоја поза пак посебна приказна... Со порака упатена лично некому, во која само тој ќе си се препознае или општо на јавноста. Марија Луиса - „откачена“ ама волшебна... Искрена, отворена, огнена... Жари и пали, ама без лаги во нејзиниот пламен! И не дека и досега не сме ја виделе како од мајка родена... И тоа не само поединци кои имале можност одблизу, туку и јавноста во нејзината еротска афера која ја прослави во пошироката јавност. Но, овој пат тоа е малку поинаку, засладено со многу повеќе еротска уметност. И секако првокација... И тоа во секоја нова поза, порака и фотографија! Она останатото е на оној што ја гледа... Најмногу „влажните машки погледи“ со очи ширум отворени! Зашто чудата се сепак можни, како што самата фолкерка вели: „Еве да речеме ... јас“! А за хејтерите... Марија „пет пари не дава“ и „око не и трепнува“. За нив има само една гола фото порака што отприлика значи: „Бакнете ми го средниот прст, мразачи“! А таа гола со јазичето на лижавчето и поглед кој сјае од самодоверба, со нова провокативана порака: „Блескај, заслепи ги, кој ги е*е“! Порочна, пожелна, провокативна... Можеби не претерано скромна, можеби отровно безобразна и премногу директна, ама затоа отворена и искрена... Тоа е битолската фолкерка Марија Луиса Тодоровска, или како што еден нејзин следбеник на Инстаграм споделил порака која надалеку одекнува и ѕвони: „Битола нема аеродром, ама има чупиња - авиони“! Фото: Инстаграм/luisa.todorovska/d.r.d_media/Драган Ристовски

Славица Ќуктераш блесна во тип-топ издание и гордо прошета со своето момче (фото)

Слаѓана Атанасова — Mon, 11 Sep 2023 11:08:23 +0000

Пејачката Славица Ќуктераш веќе некое време ужива во љубовта со диџејот Владимир Аќиќ од кого е речиси неразделна, а откако ја обелодени врската, забележливо е дека блеска. Владимир и Славица се редовни на градските настани, а таа сега објави фотографија на која заљубениот пар постојано се смешка. Атрактивното дуо се сликаше во огледало, додека Славица пленеше во златен фустан, а Владимир во опуштен стил. Инаку, поранешната учесничка на натпреварот „Ѕвездите на Гранд“ неодамна истакна колку е заљубена. - Да, во денешно време е тешко да се најде маж... Но, тоа не е невозможно! Ако сакаш да го најдеш вистинскиот маж, како јас... Санела, ти благодарам! - рече Славица, обраќајќи и се на пријателката која очигледно ја запознала со Владимир. Да потсетиме, Славица има брак со поранешниот фудбалер Владимир Аврамов, со кој ја има ќерката Викторија. Фото: Принтскрин/Инстаграм

„Редовно ми се додворуваат помлади“: Неда Украден блеска во седмата деценија од животот (фото)

Слаѓана Атанасова — Tue, 13 Jun 2023 11:14:16 +0000

Неда Украден изгледа одлично, па многумина помислија дека покрај себе има посилна половина, а пејачката веднаш откри која е нејзината тајна. Украден во својата долгогодишна кариера доживеала бројни искуства, а одредени моменти и убави и тажни ќе ги памети цел живот. Најтешко и било кога ја добила веста за смртта на нејзините родители, а најубавите спомени ги има од далечните континенти. „Имаше многу емотивни моменти. Тешко ми беше кога умре татко ми. Имавме закажано снимање на спотот „Само е небо однад нас“, тоа беше дует со Жељко Самарџиќ. Истото беше и кога мојот мајка ми почина. Отидов во Опатија да ја снимам песната „Како вино и гитара“ и кога пристигнав во Опатија ме известија дека мајка ми починала. А потоа брзо се вратив. Повторно имаше и прекрасни моменти, кои најмногу се случуваа на тие далечни патувања во Канада или Австралија. Тоа е затоа што луѓето таму беа желни за нашата песна. Сега со Интернет, тоа се промени“, откри Неда, која блеска на 73 години, па многумина мислеа дека нешто се променило на емотивно поле. . "Тоа е голема заблуда. Жената блеска кога е задоволна и среќна, а јас имам многу причини да бидам. Што се однесува до мажите, како што вели Џибони, не забележав дека некој недостасува. Доволно е да ви кажам дека сум сакана и дека секогаш го сакам!Работа, љубов, креација, акција, тоа е се за мене“, изјавила Неда која признала и дека постојано и се додворуваат помлади мажи. „Редовно! Па овие моите врсници што сега шетаат со патерици нема, нели? Не можат да се качат по скали. Освен моите врсници кои се топ, имено Брега и Чола“, на шега изјавила Неда Украден за Курир.рс Фото: Принтскрин/Инстаграм

Елена Велевска повторно блеска: Пејачката славеше роденден, како да слави втора младост – „Овој живот убав е“… особено кога се живее без стеги и по свое! (ФОТО+ВИДЕО)

Антонио Димитриевски — Wed, 26 Oct 2022 08:39:10 +0000

Елена Велевска славеше роденден. Иако на дамите сто пати сме рекле и пак ќе кажеме дека не им се бројат годините, пејачката не ги криеше. Ниту нив ниту роденденските желби, што самата си ги посака, јавно споделувајќи ги на својот фејсбук профил. А фолкерката скромна како и секогаш или подобро речено како никогаш досега посака она што секој човек основно го посакува и наздрави со овие зборови: „Во 42-та година посакувам Бог да е секаде со мене и моите најблиски. Да бидам опкружена со многу љубов, музика и вистински пријатели. На здравје“ - сподели пејачката покрај фотографијата на која изгледа божествено. Впрочем како и на сите последни, откако успеа да ги преброди сите премрежја што во оприватниот живот последниве две години и се случија. Имено, откако на почетокот на 2020 година, фолк пејачката Елена Велевска откри дека и покрај сите обиди и напори да го спаси бракот, се разведува од сопругот, започна нејзината голгота да чекори „боса по пеколот“. Следуваше бракоразводната постапка по која нивните три деца останаа да живеат во Охрид со татко им, а Елена се врати во родниот Прилеп. Тогаш „скршена од болка“ која и физички и се познаваше на ликот и снагата, Елена отворено проговори и пред камерите: „Изгубив сė. Останав силна. Бог е тој што дава и Бог е тој што зема. Останав достојна на сė што ми се случи, на сите падови, на сите порази кои што ми беа приредени во животот, како професионално немавме работа, така и приватно. Јас велам дека во 2021 си го најдов мирот, си го вратив своето здравје“ - раскажа тогаш пејачката. Неодамна Елена се всели и во новиот дом во Прилеп. Со неа нејзините најмили, нејзините три алтани, децата Софија, Марко и Калија. Затоа годинава Елена Велевска го славеше не само роденденот, туку со него ја славеше и својот втор живот, својата втора младост. Зашто „Овој живот убав е“ - како што самата пее во една од нејзините последни песни. Особено кога се живее растоварено, без грижи и стеги, како што таа сега го живее, онака како што посакува - по свое! Затоа Велевска сега и толку блеска... И во погледот и во ликот и во ставата... Истакнувајќи го одново на површина нејзиниот неодолив секспил, кој покрај гласот секогаш е и бил, нејзиниот најголем адут за успех. Фото: Фејсбук и Инстаграм принтскрин/evelevska

Ристе Ристески новогодишно ги украси и домот и дворот: Младата „Гранд ѕвезда“ и неговата сестра, направија куќата да блеска (ВИДЕО)

Антонио Димитриевски — Fri, 17 Dec 2021 10:39:38 +0000

Еден од најдобрите и најхаризматичните кандидати и единствениот македонски победник (2017) во „Ѕвездите на Гранд“, охриѓанецот Ристе Ристески по паузата во настапите и јавните појавувања што ја направи заради корона пандемијата, се враќа на сцената. Ристе веќ ги објави своите настапи за наовогодишните празници, а настапот за најлудата ноќ се' уште го чува во тајност иако најави дека наскоро ќе објави каде ќе ја дочека со свој настап Новата 2022 година. А, ако е Нова Година и атмосферата мора да биде новогодишна, па затоа пејачот се погрижи празнично да го украси свој дом и дворот. Елката се подразбира дека мора да биде накитена, особено ако истата е во бела боја, па на неа се' мора беспрекорно да светка, блеска, трепка и сјае... И на крајот најважниот од сите украси, ѕвездата на врвот, која делото го краси! Но Ристе не го украсувал домот сам, туку во китењето и новогодишната декорација му помагале оние од помладата генерација. Неговите две помали сестри Aнастасија и Марија кои со пејачот се партнери во се, па и во украсување и китење. Особено постарата од нив, која му помогна на брат и' новогодишните украси, лампиони и светилки да ги распоредат не само во домот, туку и во дворот. Од божиќното венче на влезната врата, преку сијаличките на оградата што ги дели со нивнит соседи... ...До зимзелените дрвореди од туји, што блеснаа во ноќта, кои ја покажаа сета моќ и магија на предновогодишната и божиќна атмосфера. Откако убаво се' украсија и направија божиќниот дух и празничната магија да влезат во дворот и куќата на младата „Гранд ѕвезда“, Ристе и семејството продолжија да ездат на брановите на нивната семејна хармонија, во која со најубави желби ќе ја дочекаат Новата 2022 година.

View this post on Instagram

A post shared by Riste Risteski (@riste_risteski)

Фото: Инстаграм принтскрин/riste_risteski

Евгенија – сопругата на познатиот инфектолог Вело Марковски, по породувањето блеска: „Најголемата авантура што можете да ја доживеете е да го живеете животот од вашите соништа“!

Антонио Димитриевски — Sat, 20 Mar 2021 07:39:08 +0000

Сопругата на познатиот инфектолог Вело Марковски, Евгенија Николовска Марковска на првиот ден од новата 2021 се породи по втор пат и на свет донесе здраво девојче. Ова е второ дете на семејството Маркоски кое покрај ќерката, имаат и синче кое ќе го добијат набргу откако ќе запловат во брачните води. Евгенија на социјалната мрежа Инстаграм често објавува свои фотографии од себе, па со оваа пракса продолжии по неодамнешното породување каде покажа дека бременоста воопшто не ја нарушила нејзината вита става и манекенската фигура. Од нејзините фотографии се гледа дека гордата мама живее здрав живот и дека постојано води сметка за својот изглед. Впрочем, Евгенија и додека беше бремена изгледаше одлично и немаше проблеми со вишокот килограми, освен онаа дополнителна тежина што се смета за вообичаена и неопходна кога е бременоста во прашање. Затоа на некогашната манекенка, мисица и модел, денес магистер по економија и бизнис администрација не и требаше многу за брзо време по породувањето се врати во топ форма, па на Инстаграм објави неколку фотографии, на кои изгледа неверојатно... Како да не била до неодамна бремена!? Но, покрај природните предиспозиции, очигледно е дека убавата млада сопруга на професор Марковски и тоа како се грижи за својот изглед. Внимава на исхраната, а практикувањето на спортот и физичката активност е повеќе од очигледно. Пешачењето, вежбањето, пливањето... Рекреативно, а понекогаш и со натпреварувачки карактер, како на пример учеството на тениските натпревари...

Токму затоа кусо по првите денови од породувањето или поточно само по еден месец откако на свет го донесе своето второ дете, Евгенија и се врати на физичката активност. Моментите пред првиот тренинг ги овековечи со фотографија на која се гледа дека и без да вежба, изгледа одлично... како и некогаш. Во црвени хеланки и кус спортски топ со долги ракави под која се гледа нејзиниот рамен стомак, таа е како подготвена за на модна писта. Или што би рекле некои, Евгенија постпородилно - блеска! И не само заради изгледот, туку можеби токму заради тоа што денес се чувствува комплетно исполнета и реализирана и како жена, сопруга, мајка... во секој поглед! Конечно, Евгенија и самата на некој начин тоа го признава, јавно опишувајќи го своето чувство на задаволство покрај својата последна фотографија споделена на Инстаграм, со цитат на легендарна ТВ водителка Опра Винфри: „Најголемата авантура што можете да ја доживеете е да го живеете животот од вашите соништа“!

Фото: Инстаграм принтскрин

Александра Илеивска позираше со трудничкото стомаче, а нејзината колешка не остана должна да и поласка

Христина Ѓоргиевска — Fri, 27 Nov 2020 07:33:55 +0000

Малото семејство на водителката Александра Илиевска и нејзиниот сопруг Александар наскоро ќе се прошири за нов член, односно тие ќе станат родители на нивното прво дете. Токму поради и тоа, Илиевска не е дел од оваа сезона на кулинарското шоу „Брзо кујна“. Неодамна во интервјуа за нашиот сајт www.vistina.com.mk, Илиевска откри детали и како изгледа бремноста во 35тата година. „Да се биде во можност да создадете живот е еден од најубавите подароци што им се дава на жените. Сметам дека никогаш нема да сме целосно подготвени за сй во животот, а во многу наврати животот ни докажува и покажува дека не секогаш работите можеме да ги планираме. Најдобро е да уживате во сй што ви се случува и кога ви се случува бидејќи некои работи во животот едноставно требало да се случат кога тоа бил вистинскиот момент. Бременост, брак, купување на кола, стан или што и да ви е во моментот на ум… Секогаш барајте позитивни работи во негативните исходи, бидејќи каде што е застапена црната боја, секогаш се надополнува белата за баланс. Верувајте им на интуицијата и срцето, тие никогаш нема да ве излажат. Секогаш имајте резервен план. Бидете смирени, бидејќи секој проблем има решение, ако нема, створете го вие, изјави водителката. https://arhiva.vistina.com.mk/radio-mileva/aleksandra-ilievska-otkriva-detali-za-bremenosta-i-ja-spodeluva-nejzinata-lista-za-podgotovka-napravena-vo-liberta-bebe-centar-foto/ Таа периодов е актуелна на социјалните мрежи на кои често знае да позира со своето трудничко стомаче. Од објавите може да се забележи дека Александра блеска, а најчесто се вели дека сјае кога е во блажена состојба, па таков е случајот и со Илиевска. Имено, деновиве идната мајка на „Инстаграм“ објави фотографија на која позира во виолетов долг фустан држејќи се за нараснатото трудничко стомаче. „Да се биде бремена значи секој ден е уште ден да сум поблизу да ја запознам новата љубов во мојот живот“, напиша Александра. Фотографијата доби над илјадници лајкови, а под објавата се најде и коментарот на нејзината колешка Елена Стојановска:„Преубави си“. Инаку, Александра треба да се породи на почетокот на февруари.

„Убавица си бре“: Јелена Јованова блеска неколку месеци по породувањето (фото)

Христина Ѓоргиевска — Mon, 02 Nov 2020 08:26:32 +0000

Кон почетокот на месец јуни годинава, познатата македонска актерка Јелена Јованова за првпат се оствари во улогата на мајка. Семејството на Јелена се прошири за нов член односно синчето Јаков. Отогаш, водителка ужива во првите месеци на мајчинството, а секој слободен момент го посветува на наследникот. https://arhiva.vistina.com.mk/radio-mileva/jelena-jovanova-ja-objavi-prvata-fotografija-od-sincheto-foto/ Иако помина краток период откако се оствари како мајка, актерката која македонската публика најмногу ја препознава по улогата Јелена од Драчево во серијата „Преспав“ одлучи да се врати на ТВ екраните. Неодамна на својот „Фејсбук“ таа објави дека започнала со снимање, но не откри за кој проект се работи. Меѓутоа, пред некој период започна и снимањата на новата сезона на „Преспав“, па Јованова и се врати на работата. Јелена дека блеска во новата улога на мајка, покажува и нејзината последна фотографија која ја објави на својот „Инстаграм“. Имено, таа објави фотка со поинава фризура односно со поголем волумен, а истата доби повеќе од 6 000 лајкови.

View this post on Instagram

A post shared by Jelena Jovanova Official (@jelenajovanovaperic) on Oct 31, 2020 at 4:16am PDT

Под фотографија се нижеа многу коментари на сметка на актерка, а меѓу нив се најде и оној на Тијана Дапчевиќ која напиша: „Ауу косата, убавица си бре“. Што ќе донесе новата сезона на „Преспав“ останува да видиме.