блек фрајдеј – Вистина.мк

За неа нема фајде од „Блек фрајдеј“: Агнеса Орданоска како „сеирџика“ на која попустот ништо не и’ значи, со фотографија се пошегува со толпата купувачи (фото)

Слаѓана Атанасова — Mon, 27 Nov 2023 12:10:46 +0000

Животот станува се поскап, па луѓето се почесто се одлучуваат да пазаруваат кога има големо намаление, без разлика дали се работи за храна, облека или за опремување на домот. Потрошувачката треска од „Блек фрајдеј“, популарниот „црн петок“ кој од Америка стана популарен и кај нас ги раздвижи сите без разлика на студеното и врнежливо време, а еуфоријата поради ситуацијата каква што е ќе потрае, па се додека траат попустите гужви ќе има. На ваквата ситуација изреагира и македонската инфлуенсерка Агнеса Орданоска која сподели една интересна фотографија за она како таа гледа на турканиците и метежот кој настанува благодарение на „црниот петок“ од кој очигледно кренала раце и нема намера да биде дел од тоа. Судејќи по нејзините фотографии на социјалната мрежа „Инстаграм“, таа редовно ги посетува продавниците за гардероба и за неа шопингот не е нешто непознато, а пазарува и надвор од границите на Македонија, но сепак овој пат решила да се дистанцира само поради гужвите. Па така на нејзините кратки приказни на социјалната мрежа на која е активна, се најде и фотографија наменета токму за „Блек Фрајдеј“ со кој на шега сакаше да покаже како изгледаат купувачите кои се дел од толпата. Очигледно Агнеса овој пат останала дома или во хотелската соба, сеедно и решила да биде „сеирџика“ и малку да се пошегува. Па, додека другите трчаат да уловат попуст, таа се одлучила да се одмори и мудро да набљудува од топлата постела. Фото: Принтскрин/Instagram/agnesaorgandzieva

На Ноне секој ден (не) и е баш „Блек фрајдеј“?! (ФОТО)

Антонио Димитриевски — Mon, 27 Nov 2023 11:40:35 +0000

„Блек фрајдеј“ - денот што го чекаме цела година, а не е роденден... Ама ко' да е... И бетер од тоа! Лудница по продавници, невидена потрошувачка еуфорија по божем драстично намалените цени, небаре „тепаат кој не сака“... Каков е квалитетот на стоката, дали и минала модата, во пршање се застарени модели и бофал парчиња... Тое веќе друга работа. Кај нас уште и „Блек фрајдеј“ во суштина најчесто е голема измама, зашто цените пред „црниот петок“ намерно ги качуваат за потоа божем да бидат намалени, а всушност се најнормални, какви што биле и претходно во текот на годината. Арно ама, оди докажи му ти на народот дека не е така?! За македонската “морепловка“, некогашната поп пејачка Ноне Неделковска „Блек фрајдеј“ речиси и да нема... И да има, го има некаде по бутиците на големите прекуокеански крузери на кои велешанката последниве години работи... Ако на нив воопшто за „црниот петок“ даваат попуст! Арно ама, како што е редот, шегобијците на социјалните мрежи и не мислат баш така! Имено за „денот на попустите“ осамна една фотографија на која Ноне е во друштво на некогашниот нејзин колега и долгогодишно момче, црномурестиот Рајан. Врската со црномурестиот фраер по потекло од Јамајка на почетокот ја шокираше јавноста, но потоа полека но сигурно, нивната љубов се’ повеќе почна да ги собира симпатиите на истата таа јавност, се’ додека некаде пред речеиси 5 години врската ненадејно „не потона“ како Титаник некаде среде длабочините на океанот! Врската можеби ДА, но НЕ и спомените на јавноста која така бргу не заборава, па токму на годинешниот “црн петок“ поедини фејсбукџии одново се пошегуваа дека нам ни е еднаш во годината, ама на Ноне секој ден и е „Блек фрајдеј“! Иако... Било некогаш и оддамна веќе не и е! Арно ама, штом осамне фото-објава со вакава порака, оди докажи му ти на народот дека не е баш така?! Фото: Инстаграм/nona.nedelkovska/ Фејсбук/I.A.

Пејачката со весела ама исплатлива „Black Friday“ математика: Кај Марија Луиса Тодоровска се’ на половина цена за полна постела среќа (ФОТО)

Антонио Димитриевски — Fri, 25 Nov 2022 10:57:40 +0000

Милиони луѓе ширум светот со нетрпение го чекаат „Black Friday“ и попустите во продавниците. Треската на масовно купување означено како феномен „Црн петок “ до пред неколку години бил апсолутно непознат и нерпизнаен во нашата култура, за да сега масовно да се оддомаќини и кај нашите трговци и љубители на шопингот кој најмногу и најчесто го практикуваат жените. Арно ама, по се' изгледа дека „Black Friday“ не е се само попустите и намаленијата во продавниците, туку снижување на цените на производите, услугите, а во одредени случаи и на задоволствата, има и во некои други сегменти. Итрата и остроумна македонска фолкерка Марија Луиса Тодоровска, која последнава година прерасна во домашна „кралица на бакшишот„ се сетила како со „Црн петок“ да си го обели образот, односно мултиплицира заработката. Така пејачката по принципот: „Поголем обрт за пониска цена“ решила и самата да направи „весела“ и исплатлива „Black Friday“ математика. Имено фолкерката за „викендот на попустите“ и самата ја снижила цената на 50%... Но не онаа за настапите, туку онаа на висината на бакшишите. „Black Friday“ и кај нас... песна од 50 евра за 25 евра или две за 50 евра + едена гратис... Мојата понуда“ - споделила атрактивната фокерка на своите Инстаграм приказни. па кој сака нека повели, за стара цена, добива три за една... За „само“ 50 евра! И гледајќи вака , можеби понудата на пшејачкат и има логика, зашто на крајот резултатот е најдобар показател дека идејата успеала. Кај Марија Луиса Тодоровска се' е на половина цена за полна постела среќа. Кој не верува нека погледа со кого или поточно со каков „богаташ“ Марија тутка постела! Фото: Инстаграм принтскрин/luisa.todorovska

Black Friday во НЕПТУН – Супер понуди, големи заштеди и до 60 рати!

Антонио Димитриевски — Thu, 28 Nov 2019 09:22:41 +0000

Black Friday акција во НЕПТУН од 27.11-02.12.2019г.! Пристигнаа најголемите попусти во годината со супер понуди, големи заштеди и до 60 рати! За време на оваа голема акција потрошувачите ќе може да уживаат во шопингот! Во НЕПТУН продавниците ширум Македонија и онлајн на www.NEPTUN.mk потрошувачите може да најдат одлични понуди и најголем избор на производи од сите категории. Со оваа акција во фокус се купувачите и целта e да заштедат повеќе со секоја купопродажба во НЕПТУН. Покрај големите заштеди на сите промо производи, членовите на широко познатата “Neptun haPPy” лојална програма добиваат и наградни поени кои подоцна може да ги користат за следна купопродажба. Тие може да изберат од најголемиот избор на: телевизори, фрижидери, машини за перење, плотни, фурни, сушари, лаптопи и таблети, мобилни телефони, мали апарати за домаќинство и апарати за нега и убавина од брендовите: Beko, Samsung, LG, Huawei, Sony, Apple, Grundig, Elektrolux, Candy, Asus, Acer, Lenovo, Fuego, Bosch, Tefal, Rowenta и многу други. Целокупната понуда за “Neptun - Black Friday”, може да се разгледа на https://www.neptun.mk/ Во октомври НЕПТУН ја отвори новата ПРЕМИУМ продавница во Карпош во „Скопје Сити Мол”. Новата продавница е најсовремен концепт на малопродажен објект кој на потрошувачите им овозможува ново ПРЕМИУМ купувачко искуство. Новиот ПРЕМИУМ концепт е содржаен со зони за сечиј вкус и потреби. Ве покануваме и вие да го искусите ПРЕМИУМ концептот на новата НЕПТУН продавница. НЕПТУН најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 21 год. на македонскиот пазар преку 25 продажни салони во 21 град во Македонија и преку 80 големопродажни партнери. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, НЕПТУН е позициониран како апсолутен лидер на пазарот во државава.