Блаж Маротов не потсети на убавите години и посака – „Нека се вратат времиња златни“ (ВИДЕО)

Антонио Димитриевски — Fri, 03 Dec 2021 12:17:36 +0000

Реномираниот македонски музичар и пејач Благој Блаж Маротов има нова песна… Малку поразлична од неговиот претходен опус со наслов: „Нека се вратат времиња златни“. Песната е како што гласи насловот, со позитивна весела содржина и во текстот, и во музиката и аранжманот, па дури и видеоспотот за неа е така искреиран. Инаку е сниман на неколку познати скопски локации, кои го обележуваат животот низ годините и на кои долго време (многу различно од денес), поминавме убави незаборавни мигови. И не само таму, туку во сите други места околу нас, во нашето опкружување и пошироко… Затоа не попусто носталгијата по нив, по старите добри „златни времиња“. Музика, аранжман, снимањето на песната ги направил самиот Блаж Маротов, додека текстот го напишал Цане Трајчевски, а продукцијата ја потпишуваат „Бранови“.

Блаж Маротов со летна балада – „Налеј една“ (ВИДЕО)

Антонио Димитриевски — Tue, 29 Jun 2021 12:16:05 +0000

Македонскиот музичар, композитор, пејач и пред се' мултиинструменталист Благој Блаж Маротов неодамна во етер најновата песна со наслов “Налеј една”. Автор и аранжер на оваа шлагерска балада во која провејува и медитеранскиот призвук е самиот тој, додека текстот е на Дејан Ѓоргиевски. Текстот и идејата за песната се стари речиси 20 години. „По велигденската промоција на мојата обработка на етно темата “Дејгиди луди млади години” на МТВ, со што го најавив и големиот етно проект што ќе следува во текот на ова лето, деновиве решив да ја промовирам и “Налеј една”, песна чија изработка долго чекала. Чекав момент мелодијата за овој преубав текст сама да ми дојде, а тоа се случи пред некое време, но она што го изненади и самиот текстописец е дека неговите убави стихови музички облик добиваат дури по цели 20 години“ - открива за медиумите авторот и изведувач и додава дека овој пат се решил за посуптилна медиумска промоција и претежно радиска, чувајќи ги силите за проектот што ќе го подготви летово, кој ќе биде најавен на големи ѕвона. Во режија на Маротов, а со режисерка асистенција на Лена Заткоска Маротова е и видеоспотот за песната, зад чија изработка стои продукција “Валови”, а истиот е сниман во еден од најелитните скопски ресторани и ванарии , место за кое тој и неговата сопруга Јуле се емотивно врзани, поради долгогодишните свирки кои ги имале во овој познат локал со единствен амбиент.

блаж маротов – Вистина.мк

Блаж Маротов не потсети на убавите години и посака – „Нека се вратат времиња златни“ (ВИДЕО)

Блаж Маротов со летна балада – „Налеј една“ (ВИДЕО)