бивш – Вистина.мк

Сандра Африка му го искрши автомобилот на бившиот

Слободанка Илиева — Wed, 24 Jun 2020 09:14:22 +0000

Едно утро, тим на папараци од „Информер хит“ ја следеше пејачката Сандра Африка. Прво, го прошетала своето куче, а потоа седна во блиското кафуле за да појадува овесна каша за појадок, а потоа тргна да ги заврши своите должности. Пејачката влезе во автомобилот и излезе од гаражата, а потоа таа се удрила во автомобилот на нејзиното поранешно момче и му го уништи штоп-светлото. Како што известува овој српски медиум, Сандра предизвикала штета од околу 1000 евра како резултат на моментот што гледала во телефонот!

View this post on Instagram

A post shared by Sandra Afrika (@sandraafrika) on Dec 10, 2019 at 1:10am PST

Таа веднаш со вознемиреност истрчала од автомобилот, а тој ја смирил и рекол дека најважно е што никој не е повреден, и предложиле да седат во блиското кафуле. Сепак, според очевидци, тој и дал лекција во кфулето и рекол дека гледањето в телефон ќе ја чини глава еднаш, а таа не се бранела, туку го замолила да одат да ги поправат автомобилите и дека таа ќе ги сноси сите трошоци за поправка.

Бившиот на Емина Јаховиќ не може да ја прежали: Турскиот милионер заврши на лечење во Австрија (ФОТО)

Антонио Димитриевски — Wed, 11 Dec 2019 10:25:01 +0000

Раскинувањето на врската помеѓу Емина Јаховиќ и Садетин Саран ги наполни насловните страници на турските таблоиди, особено откако се појави изјавата на самата пејачка, која истакнала дека: „точно е дека сè е веќе готово“! Во продолжение се вели дека на милионерот му било многу тешко да се справи со новата ситуација и затоа отишол во Австрија. Според локалните медиуми, тој таму се лекува од депресија, а на својот Инстаграм, покрај една од најновите фотографии, тој напишал: „Нашите животи се исти како и околината во која се наоѓаме“. „Садетин поголемиот дел од времето го поминува покрај езерото и покрај базенот. Тој ја посети истата клиника како кога се разведе од сопругата“ - изјавил добро информиран извор за турските медиуми. Фото: А.Ј. - Циле/приватна архива

По одлуката на судот: Вчеравечер Северина му го предаде синот на бившиот сопруг Милан (ФОТО)

Антонио Димитриевски — Fri, 29 Nov 2019 08:54:01 +0000

Вчеравечер точно во 20.11 часот, Северина Којиќ во придружба на сопругот Игор Којиќ, го доведе седумгодишниот Александар кај неговиот татко и му го предаде, како што е одредено во денешната судска одлука. Милан Поповиќ инсистирал уште веднаш да му се предаде синот и не го прифатил предлогот на Северина да почека детето да се подготви и прилагоди. Како што пишува во предлогот, Александар многу тешко ја примил судската одлука да живее со неговиот татко и да ја гледа мајка си само двапати неделно. Српскиот бизнисмен засега живее во Загреб, а детето ќе продолжи да оди во истото училиште. Со привремената мерка одредено е дека Северина има право да го гледа синот во вторник и четврток од 15 до 20 часот и секој втор викенд, почнувајќи од овој. Детето може да го превземе во сабота во 10 часот и да го врати на Милан во недела до 20 часот. Со пресудата е регулирано кога Северина ќе може да го гледа синот за време на летните и зимските распусти, празници. Можно е после жалбата на Северина, вишиот суд да донесе поинаква одлука, но, тоа останува допрва да се види. Фото: Кропикс

Бившиот на Пријовиќ се жени за фаталната водителка од ТВ „Хепи“ (ФОТО)

Антонио Димитриевски — Tue, 01 Oct 2019 09:40:10 +0000

Бившото момче на Александра Пријовиќ, нејзиниот колега фолк пејачот Љубо Перуќица откри дека се жени. Тој ќе застане на лудиот камен на 10 октомври и ќе го каже судбоносно „да“ на својата вереница, сексапилната ТВ водителка Катарина Колозеус, која важи за една од ултразгодните дами кои се појавуваат во телевизискиот етер. Пејачот откри дека Катарина му помогнала во изборот на состумот, како што тој неа за нејзината венчаница, и потенцира дека не го следат обичајот дека младоженецот не треба да ја види невестата во венчаница пред венчавката. „Ние нашето „ДА“ оддамна го кажавме што се однесува до нас, и сега ќе биде само пред сите да го надополниме со убав потпис. А, она што е нашата желба е да го крунисаме нашиот брак со една убава ќеркичка“ - вели идниот младоженец. Да ве потсетиме дека Љуба минатата година на својот роденден пред своите најблиски ја побара раката на својата свршеница Катарина. Роденденската забава беше организирана во еден ресторан, а за изненадувањето знаеја само неколку луѓе, додека девојката не се ни посомнева што и се подготвува. Пејачот наредил балони, од кои едниот беше во форма на венчален прстен, и пред членовите на потесното семејство ја побара раката на водителката.

Ве привлекува бившиот, но не сакате врска повторно: Науката има одговор за оваа дилема

Моника Манасиевска — Thu, 08 Nov 2018 13:01:00 +0000

Во првата студија, која ја спроведоа истражувачи на три престижни универзитети, 113 парови кои скоро се разделиле, одговарале на прашања во однос на бившите. Дали би требало да ви испразнувате сексуалните односи со бившите партнери? За доброто на вашето емоционално здравје здравиот разум вели не. Но, судејќи според две студии направени во наиучниот магазин, Archives od Sexual Behavior, сексот со бившиот партнер воопшто не е лоша работа и нема да го успори процесот на преболување, дури и ако раскинувањето е болно, пишува Максим. ВВо првата студија, која ја спроведоа истражувачи на три престижни универзитети, 113 парови кои скоро се разделиле, одговарале на прашања во однос на бившите. Некои од прашањата биле дали имале физички контакт, колку приврзано со нив сте се чувствувале и како сте се чувствувале емотивно на крајот од денот. Во второто истражување, кое го спроведоа истите експерти, 372 луѓе биле запрашанои како се чувствувале по сексот со бившиот односно дали и натаму биле емоционално врзани за нив. Обете истражувања утврдија дека сексот со бившиот не предизвикува дополнително „кршење на срцето“, дури и ако тоа го направите повеќе пати, како што е случај со повеќето вклучени во истражувањето. Натаму, оние кои рекле дека се чувствуваат повеќе емотивно врзани за своите бивши љубовници, најмногу барале секс, веројатно затоа што се обидуваат да ја пополнат болната емотивна дупка која настанала со разделбата. Но, можеби и најважно , експертите открија дека сексуалниот однос со бившите не предизвикал поедицни да се чувствуваат лошо поради раскинувањето. Напротив, се чувствувале попозитвно поради целата ситуација. Предовдничката на истражувањето, Стефани Спилман, вели дека наместо да се осудуваме со задоволство треба да се посветиме за критичките мисли за мотивацијата зад желбата за сексот со бившиот.

Како полесно да го заборавите бившиот?

Наташа Тасевска — Thu, 28 Jun 2018 20:27:15 +0000

Разделбата носи тага, болка, горчина, чувство на беспомошност, осаменост. Ако некогаш сте сакале некој вистински и тој повеќе не е во вашиот живот, тогаш многу добро знаете каква болка предизвикува разделбата и знаете дека не можете да очекувате да не боли. Велат времето лечи сè. Но, понекогаш и не е баш така. Некои луѓе остануваат врежани во нашето сеќавање и колку и да се обидуваме да ги заборавиме, повторно се навраќаме на нив. Па, која е тајната? Како да оставиме некој во минатото каде што припаѓа?

Убијте ја надежта. Ова е првиот најтежок чекор, бидејќи како што знаеме надежта последна умира. Секогаш ние жените сме склони да негуваме некаква надеж – надеж дека ќе сфати дека згрешил, надеж дека ќе се промени, надеж дека никогаш нема да може да засака друга и дека ќе се врати кај нас. Токму надежта е вашиот најголем непријател кога се обидувате да заборавите некого, па најдете начин да ја искорените од вашиот ум.
Заборавете на мислите од типот „Ако не се случеше..., сè уште ќе бевме заедно“. Кога веќе не сте во врска со него и сте решени дека треба да го заборавите, тогаш повеќе од јасно е дека не треба да се измачувате со мисли за тоа што требаше, а што не требаше да правите или тој да прави. Разделбата е факт и сега дури и да ги смислите сите можни решенија на вашите минати проблеми, нема да имате корист, освен да ги пренесете како лекции во наредна врска.
Побарајте ги пријателките за поддршка и разговор. Никако не смеете да се изолирате. Изолацијата ќе направи да се чувствувате депресивно и постојано ќе се самосожалувате. Ако вашите пријателки се во среќна врска, тоа не треба да ви биде причина за уште повеќе да мислите колку сте несреќни. Во таквите моменти вам ви се потребни токму весели и позитивни луѓе, а не пријателки со кои взаемно ќе се сожалувате. Со нив споделете ги сите ваши мисли, па така кога ќе останете насамо нема толку многу да се оптоварувате, веќе сè ќе имате кажано на глас.
„Погребете“ ја вашата врска. Многу психолози го предлагаат овој трик за метафорично закопување на спомените. Соберете ги сите физички спомени (подароци, слики, карти од концерти) и исфрлете ги или пак соберете ги во картонска кутија и ставете ги во визба или некаде каде што ви се далеку од погледот. Додека ги фрлате или ја запечатувате кутијата, замислете ги сите тие спомени како пловат по површината на вода и полека заминуваат подалеку од вас.
Направете последна сесија за плачење. Гледајте тажен филм или слушајте романтична музика која ви го пара срцето. Истурете ја целата лутина на лист хартија. Напишете сè што некогаш ви сметало кај него и не воздржувајте се. Пуштете ја секоја солза што ќе ви дојде во очите и постојано повторувајте си дека тоа е последниот пат кога издвојувате време за да мислите на него.
Избегнувајте ги местата каде што знаете дека излегува. „Далеку од очите, далеку од срцето“. Излегувајте на места кои не спаѓаат на неговата листа на омилени. Доколку го гледате секојдневно, вашите чувства на лутина, љубомора или дури љубов ќе се засилуваат и нема да ви дозволат да го заборавите. Доколку го сретнете, не покажувајте слабост. Поздравете го и во никој случај не обидувајте се да започнете долг разговор или да дознаете што се случува во неговиот живот. Не заборавајте дека вашата мисија е да го заборавите.
Сопрете ја секоја онлајн и офлајн комуникација. Избришете го од вашата листа на пријатели на социјалните мрежи што ги користите, пред тој да напише нешто што ќе ве повреди или ќе ви ги врати чувствата кон него. Така нема да ви се појави чувство на љубомора кога некоја друга ќе се појави во неговиот живот. Променете си ја лозинката, доколку тој ја знае. Ретки се тие кои што би му одолеале на искушението да проверат што се случува кај нивниот бивши партнер доколку знаат дека имаат достап, дури и тоа да е чисто поради забава. На мобилниот телефон променете го неговото име во „Х“ или „оној што не ме заслужува“ и никогаш не бидете слаби за да стигнете до момент да му се јавувате.
Убедете се дека тој не е вистинскиот. Најлогичниот начин за да можете да го оставите во минатото засекогаш е да се убедите дека тој не беше вистинскиот за вас. Кога веќе сте стигнале до разделба, значи не сте можете да преминете преку некои разлики или надворешни влијанија. За вие да го заборавите, прво треба да го заборави вашиот ум. Дури и во моментов да мислите дека тој е вистинскиот, со текот на времето ќе си го промените мислењето.