битолски камерен оркестар – Вистина.мк

„Битолскиот камерен оркестар“ со гала филмски концерт во Скопје

Антонио Димитриевски — Tue, 02 Oct 2018 11:44:03 +0000

Камерниот оркестар на Битола на 25 октомври ќе одржи гала филмски концерт во Македонската опера и балет. Заедно со оркестарот, предводен од маестро Владимир Димовски, ќе настапат и солистите: Наде Талевска, Андријана Јаневска, Ѓоко Танески и Марија Димитријевиќ.

Концертот во Скопје доаѓа по успешната летна турнеја, во чии рамки музичарите настапија на летните фестивали во родната Битола и во Струмица, како и во Ужице, соседна Србија, а до крајот на годинава се очекува и уште еден традиционален концерт во битолскиот Центар за култура.

„Бродвеј во Битола“ со Битолскиот камерен оркестар

Антонио Димитриевски — Wed, 04 Apr 2018 13:04:58 +0000

Откако ја започна годината со одличната „Џон Вилијамс симфонија“, која беше претставена пред битолската и скопската публика, „Камерниот оркестар на Битола“ најави уште еден музички спектакл за своите сограѓани. Станува збор за концертот насловен „Бродвеј во Битола“, кој ќе се одржи на 22 април во Центарот за култура – Битола, а заедно со оркестарот ќе настапат солистите Наде Талевска, Елена Петреска, Марија Груевска, Ана Гаштарова и Игор Узунов.

Сè уште не е познато кои теми ќе се најдат на програмата за овој концерт, но сигурно е дека на битолчани им претстои уште едно врвно музичко доживување. Влезниците ќе бидат пуштени во претпродажба во билетарницата на Центарот за култура во Битола на 18 април (среда).

Битолскиот камерен оркестар ја заокружува годината со „Дамска симфонија“ (Ladies’ Symphony)

Антонио Димитриевски — Fri, 22 Dec 2017 12:52:55 +0000

Битолскиот камерен оркестар ќе ја заокружи оваа мошне успешна година со новогодишен концерт, кој ќе се одржи на 30 декември во неговата матична установа, Центарот за култура – Битола. Станува збор за збогатена варијанта на октомврискиот концерт „Дамска симфонија“ (Ladies’ Symphony), во чии рамки настапија Наде Талевска, Калина Велковска и Ирена Димовска. Овој пат, повторно ќе настапат веќе редовните соработнички Наде и Ирена, а за првпат ќе им се придружат сограѓанките Марија Груевска и Ана Гаштарова, како и Лена Заткоска. На концертот ќе бидат изведени хитови од едни од најпопуларните музички дами на светската сцена, како што се Ејми Вајнхаус, Алиша Киз, Емели Санде и Ријана, а влезниците ќе бидат пуштени во продажба на 24 декември, во билетарницата на Центарот за култура – Битола.