битлси – Вистина.мк

„Со мала помош од моите пријатели“ – Игор Џамбазов им запеа на следбениците преплавен со емоции (фото)

Слаѓана Атанасова — Thu, 21 Sep 2023 07:04:03 +0000

Македонскиот шоумен Игор Џамбазов ја вклучи камерата и со гитарата в рака се реши да запее пред своите следбеници. Не дека ретко го прави тоа и сега пееше полн со емоции за своја душа, па повторно успеа да го искористи единствено решение за расположение со песна која има тежина и убавина. Понекогаш, сите не фаќа носталгија и што друго можеме освен да се препуштиме на моментите кои доаѓаат и силно нѐ обземаат, а Игор знае тоа како да го разубави со песна која е ни помалку ни повеќе туку од познатите Битлси од шеесет и седма. „With the little help from my friends - 1967 “ - напиша тој во објавата покрај видеото кое го објави на неговиот профил на социјалната мрежа Инстаграм, додека свиреше со маичка од Нирвана и песна од Битлси.

View this post on Instagram

A post shared by Igor Djambazov (@igordzambazov)

А покрај стиховите кои Игор ги пееше „Сакам некого да сакам“ на неговите кратки приказни постираше и реклама со која потполно се согласува дека се е подобро во пар. Џамбазов со неговото пеење го задржа вниманието на сите, пееше со полно емоции, а неслучајно беше одбрана токму таа со емотивен текст во кој што се пронајде и самиот тој. Игор ги освежи сите , а за возврат доби позитивни и охрабрувачки коментари: „Браво“, „Одличен“, „Цар“. Меѓу еден од кометарите кои ги оставија беше и од неговата колешка Весна Петрушевска која му напиша: Таа филхармонија моја, брат ми поголемиот, оној помалиот ни се изгуби. Неодамна тој се раздели од неговата љубена Илина Арсова која замина да предава на колеџ во Америка, а и се прости и од неговата мачка Емилија, која почина, а со која беа неразделни. Така тагата стана чест гостин во душата на нашиот познат шоумен Игор Џамбазов. Па не е ни чудно што ја запеа токму таа песна за самотијата. Фото: Принтскрин/Инстаграм/Игор Џамбазов

Славниот битлс Пол Макартни ја шокираше јавноста: Со Ленон заедно мастурбиравме!

Антонио Димитриевски — Thu, 13 Sep 2018 10:20:51 +0000

Пол Макартни ја отвори душата и за магазинот GQ и раскажа една приказна, поврзано со него и неговиот пријател и колега, Џон Ленон од времето на ерата на легендарните „Битлси“. Како што изјави Макартни, Ленон и тој, верувале или не, правеле многу работи, меѓу кои и мастурбирале заедно.

„Тоа се случуваше во куќата на Џон. Бевме во група. И наместо да се напиеме и да се забавуваме, само седнавме на столици, светлата беа исклучени, и некој почна да мастурбира, па и ние“ - рече Макартни. За да бидат сите уште повозбудени, сите го извикуваа името на актерката Брижит Бардо, една од најпосакуваните жени во светот во тоа време. Макартни навел дека мастурбирале заедно со Ленон, само еднаш или два пати. Фото: Танјуг

ФОТО: Ретко селфи на синовите на двајца од легендарните „Битлси“

Кристина Петрушевска — Thu, 16 Aug 2018 14:30:53 +0000

Шон Оно Ленон и Џејмс Макартни, синовите на познатите Џон и Пол од „Битлс“, објавија заедничко селфи на Инстаграм, што кај многумина ќе побуди носталгија, оти веднаш, дури и за оние кои не знаат, се препознава кој е кој. Шон (лево) е единствено дете на Џон Ленон и Јоко Оно… Решил да ги следи стапките на неговиот татко, па така и тој денес е успешен соло музичар, како и продуцент на неколку познати локални групи, иако многу помалку познат од светски познатата „бубачка“ – Џон, пишува „Дејли Меил“. Џејмс исто така ја докажува теоријата дека „крушката под круша паѓа“, па и тој е автор на повеќе албуми.

Битлси на врвот на листата на најуспешни музичари во историјата

Моника Манасиевска — Tue, 08 May 2018 07:25:15 +0000

Зад групата од Ливерпул се најде американскиот кантавтор Гарт Брукс, со 148 милиони продадени албуми, додека трет е Кралот - Елвис Присли - со 136 милиони албуми.

Според листата на американскиот портал „Бизнис инсајдер“, Битлси се без конкуренција најпродавана музичка група со 178 милиони продадени албуми. Уште еден британски бенд, „Лед Цепелин“, се најдоа на четврото место со 111,5 милиони албуми, по што следат „Иглс“ со 101 милион и Били Џоел со 82,5 милиони продадени албуми. Кралот на попот Мајкл Џексон има продадени 81 милиони албуми, а Елтон Џон е седми со 78 милиони. Солидниот успех на Британците на листата на Бизнис Инсајдер продолжува со „Пинк Флојд“ и нивните 75 милиони продадени албуми, по што следат Еј-Си/Ди-Си со 72 милиони. Кантри музичарот Џорџ Стрејт е 11. на листата, пред Барбара Стрејсенд, Ролинг Стоунс, Аеросмит, Брус Спрингстин и Мадона. Поп дивите Мараја Кери и Витни Хјустон се на 17 и 19 место, додека „Металика“ и Ван Хејлен се на 18 и 20 место на најуспешните групи и музичари на сите времиња.

Скопски брас-квинтет со музика од „Битлси“ и „Квин“

Антонио Димитриевски — Mon, 05 Feb 2018 11:12:41 +0000

За првпат кај нас, познатите теми од легендарните групи „Битлси“ и „Квин“ ќе прозвучат од лимени дувачки инструменти. На 7 февруари (среда) во камерната сала на Македонската филхармонија во 20 часот, концерт ќе одржи Скопскиот брас-квинтет во состав: Александар Илијевски и Вилијам Бараковски – труби, Благоја Василевски – хорна, Никола Ристевски – тромбон и Александар Ниниќ – туба. На програмата се популарните: „Bohemian Rhapsody“, „Imagine“, „Hey Jude“, „I Want to Hold Your Hand“, „Yesterday“, „She Loves You“, „Somebody To Love“, „Help“… Скопскиот брас-квинтет е формиран во 2016 година, но идејата да се создаде ваков тип на состав кај неговите членови тлеела уште од нивните студентски денови. Огромна била желбата кај нив да се покажат лимените дувачки инструменти во една поинаква улога. Од „Битлси“ до Бах, од Џон Вилијамсдо Сони Компанек, репертоарот на Скопскиот брас-квинтет е широк и се движи низ различни стилови и жанрови. Иако досегашните настапи на овој состав не биле од концертен карактер, овој концерт отвора ново поглавје во нивната кариера. Не случајно изборот се композиции од „Битлси“ и „Квин“, за да се слушне и една поинаква страна на лимените дувачки инструменти, надвор од класичниот музички репертоар. Членовите на Скопскиот брас-квинтет се редовни членови во националните музички куќи – Македонската филхармонија и Македонската опера и балет, како и надворешни соработници во Градскиот дувачки оркестар, Биг-Бендот на МРТВ и Биг-Бендот на Здружението на Џез-музичари на Македонија. Заради големиот интерес и комплетното распродавање на првиот концерт, од Македонската филхармонија соопштија дека закажан е и втор концерт, кој ќе се одржи следниот ден, на 8 февуари. Влезниците по цени од 150 до 300 денари може да се набават во билетарницата на Македонската филхармонија.