бисквити – Вистина.мк

Торта со бисквити: Десерт готов додека да трепнете!

Слаѓана Атанасова — Tue, 17 Oct 2023 12:28:09 +0000

За подготовка на оваа торта потребни се најмногу 20 минути, почекајте секако да се соединат вкусовите и состојките и целата работа убаво да се стегне, па послужете за неколку часа, а можете да ја декорирате на различни начини. Вкусот е неодолив и лесен и го препорачувамe и во денови кога не постите. Состојки: – 800 гр посен бисквит – 2 кесички пудинг од ванила – 200 гр шеќер – 1 литар вода – 200 гр посен маргарин – 200 гр посно чоколадо – 200 гр мелени ореви (малку повеќе за декорација) Подготовка: Во 200 мл вода се мешаат пудингот и шеќерот и се варат во 800 мл зовриена вода. Гответе само една минута или додека не се згусне. Тргнете го од шпорет и брзо измешајте ги маргаринот и чоколадото да се растопат. Подгответе мала тава, обложете ја со фолија или кесичка, наредете 200 гр бисквити, премачкајте со две до три лажички фил, повторно бисквити и така до крај. На крајот не премачкувајте, туку оставете филот да се премачка подоцна. Горниот бисквит намачкајте го со малку вода, а потоа покријте го со фолија или кесичка и чувајте го во фрижидер неколку часа да се стегне. Потоа превртете ја тортата на плехот, покријте ја со филот и вратете ја во фрижидер еден час. Посипете со мелени ореви или рендано посно чоколадо, или декорирајте по ваша желба и приликата за која е наменета. Извор: Попара

Освежувачки летен колач со бисквити: Неодоливо кремаст и готов за 20 минути

Слаѓана Атанасова — Thu, 13 Jul 2023 11:57:44 +0000

Одличен колач за лето бидејќи не се пече! Кремаста торта со мелени бисквити ќе го воодушеви целото семејство. Брзо и лесно се подготвува, а вкусот е навистина феноменален. Се состои од два слоја и можете да го декорирате со шлаг и малку прелив по избор. Долен слој: 300 гр мелени бисквити 100 гр шеќер во прав 100 гр путер 200 мл млеко Горeн слој: 100 гр шлаг во прав 200 мл млеко 400 гр павлака 20% 300 гр мелени бисквити шеќер во прав по желба Подготовка: Се мати путерот со шеќерот во прав, се додаваат мелените бисквити и повторно се мати. Потоа додадете млеко и соединете сè. Смесата треба да е густа. Во тава со димензии 30 x 20 см се става целата смеса за кората и потоа со шпатула рамномерно се распоредува. Изматете го шлагот со млеко, додадете павлака и шеќер по желба и се матете. Потоа додадете мелени бисквити и соединете. Оваа смеса треба да биде фил. Додадете шлаг по желба и оставете убаво да се излади. Пријатно! Извор: Курир.мк

Нискокалорична торта со незаборавен вкус во која ќе уживате без да се покаете

Слободанка Илиева — Fri, 19 Feb 2021 14:20:38 +0000

За да уживате во слатко, не мора да имате грижа на совест. Постојат неколку здрави десерти кои ќе ја задоволат вашата желба за слатки, кои во исто време се малку калорични и не мора да сметате на секој залак. Денес ви донесовме рецепт за сирова торта со грчки јогурт и крем од шумско овошје во кој ќе можете да уживате без каење, а плус е што не е печен и многу лесно се подготвува. Состојки: 200 гр бисквити 100 гр путер 2 банани 500 гр грчки јогурт 70 гр шеќер во прав 20 гр желатин 100 мл топла вода 100 гр лиофилизирани малини + за декорација 100 гр црна рибизла Исечете ги бисквитите во мешалка. Префрлете ги во сад и промешајте го путерот.Притиснете ги бисквитите во дното на калапот со дијаметар од 20 сантиметри.Сега подгответе го кремот. Измешајте шеќер во прав и бобинки во грчки јогурт. Потоа додадете го желатинот што го измешавте со топла вода. Промешајте сè.Исечете ги бананите а потоа истурете го кремот над сè.Измазнете го кремот со нож и оставете го колачот да се олади три часа во фрижидер. Украсете ја тортата со замрзнати малини пред да ја послужите. извор:попара.мк

Брза и евтина торта готова за 15 минути: Божествено е вкусна, а потребни ви се само 5 состојки

Слободанка Илиева — Mon, 16 Nov 2020 14:20:11 +0000

Доколку сакате да му угодите на вашето семејство со вкусно задоволство, што брзо се подготвува, а на крајот е доста ефтино ние го имаме совршениот рецепт за вас. Станува збор за едноставна торта со банани и бисквити која е подготвена буквално за 15 минути, а во исто време е многу освежувачка и лесна. Потребни состојки: Кутија класични бисквити со путер 6 банани Половина литар слатка павлака 200 грама шеќер 200 мл. млеко Исецкајте ги бананите што е можно поситно или изгмечете ги убаво, а потоа додадете слатка павлака и шеќер и сè добро измешајте. Додека ја мешате состојката постепено додавајте малку млеко, сè додека не се претвори во компактен фил. Натопете го горниот дел од бисквитите во млекото, па наредете ги во плех за печење. Кога ќе редите истурете го добиениот фил од банана, а потоа покријте го со бисквити. Наредете на овој начин се додека не го потрошите целиот материјал или додека не ја добиете висината на посакуваната торта. Последниот слој треба да биде кремаст фил. Украсете ја тортата со рендано чоколадо, шлаг или кругчиња од банана. Оставете во фрижидер најмалку три часа и по можност преку ноќ! извор:попара.мк