билјана – Вистина.мк

Ова е сестрата на Тања Савиќ: Билјана е физички многу слична на пејачката, само што не е на естрадата и не сака да се експонира во јавноста (ФОТО)

Антонио Димитриевски — Thu, 20 Jan 2022 12:11:48 +0000

Познатата српска фолк пејачка Тања Савиќ има сестра Билјана, која за разлика од неа избрала да живее поинаков живот далеку од јавноста. Имено, Билјана води дискретен живот, а од неодамна повторно живее со Тања и нејзините синови во Смедерево, па пејачката одвреме-навреме споделува заедничко видео или фотографија со неа. Тања и Билјана изгледаат многу слично, па неретко се случува да ги збунат луѓето, а музичката ѕвезда повеќе пати изјавила дека нејзината сестра и е најголемата поддршка во животот. „Мојата среќа, мојата радост. Мојата најголема поддршка. Сестра“ – сподели еднаш Тања на социјалните мрежи. А дали навистина толку личат една на друга и која е поубава, односно која повеќе ви се допаѓа, одлучете сами.

Тие беа претходници на „Exclusive“ и „Backstage“: Се сеќавате ли на емисијата „99 action“?

Антонио Димитриевски — Sat, 03 Apr 2021 06:40:16 +0000

Кусите телевизиски форми од забавен карактер кои траат 10-15 минути и ги третираат актуелните настани и збиднувања на естрадата во Македонија најчесто ТВ гледачите ги препознаваат по некогашните или актуелни емисии како што беа „Ексклузив“ на А1, па на 1ТВ или „Бекстејџ“ кој исто така смени неколку телевизии, а во моментов оди на ТВ Телма. И не се далеку од вистината, зашто емисии како овие два проекта наменети особено за помладата популација недостасуваат во македонскиот ТВ етер.

Но дали се сеќавате која од емисиите од ваков тип им претходеше далеку пред овие два ТВ продукта да се појават? Оние малку повозрасните, а се уште млади, сигурно се сеќаваат на ТВ проектот „99 action“! Продуцирана од „Зум Видеолушн“, емисијата беше вистинско освежување во македонскиот ТВ етер кон крајот на минатиот и почетокот на овој милениум од која произлегоа дузина познати ликови.

Главниот двигател на проектот Мартин Трпчевски, на помлада популација познат по ангажманот во „Фчерашни вести“ и „Радио Лидер“, своевремено собра талентирана екипа која тогаш ги правеше првите чекори, но подоцна станаа секој во својот еснав познат и признат професионалец.

Женската водителска двојка Миа Костова - Билјана Максимовска, од кои едната го водеше обновениот „Бекстејџ“, а сега е една од најпознатите македонски инфлуенсерки...

...а другата последен пат ја гледавме како првата водителка на кулинарското ТВ шоу со готвачите Марк и Никола, „Брза кујна“.

Подоцна Миа ја замени Бојана Тевчева - Бони, доскорешната ТВ водителка на ТВ Алфа и ТВ Нова.

Првите чекори во својата работа ги правеа и денес признатиот камерман Драган Паковски, неговата сестра, денес познат стилист и ТВ водител Цаци Паковска, шпицата и џингловите беа производ на денес една од најпознатите македонски продуцентски куќи „3 Д студио“... Вистински македонски „Ол старс“! И не само тие. Во емисиите кои ги подготвуваа и водеа се појавија грст имиња кои подоцна ќе имаат видна улога во македонската музика, водителство, спорт, култура, естрада... Колку за потсетување, погледнете една епизода во која белким ќе ги препознаете: Каролина Гочева...

...Панчо (ДНК), Жикица Тасевски (познат македонски фудбалски тренер)...

Даниела Станоевска - Дени - позната радиоводителка на Антена 5...

...Како и останатите од тогашните нивни групи „3Д“ и „ОК бенд“. Вистинска претеча на она што подоцна , па и денес се нарекува независна ТВ продукција и македонска естрада... https://www.youtube.com/watch?v=xxJqKYNRdsA

Тања Савиќ ја покажа сестра и: Убава, па дури и поубава од пејачката (ФОТО)

Антонио Димитриевски — Wed, 17 Mar 2021 10:54:46 +0000

За популарната српска фолк пејачка Тања Савиќ речиси се' дознавме. Која е, што пее, за несреќниот брак, проблемите со сопругот, неможноста да ги гледа децата... Покрај сите успеси, падови и животни потешкотии, фолкерката наоѓа време да биде активна и на социјалните мрежи, каде деновиве привлече големо внимание со една фотографија. Тања и е позната на јавноста долги години, но иако долго време е на естрадната сцена, малкумина знаат како изгледа нејзиното семејство. Пејачката на својот Инстаграм профил објави заедничка фотографија со својата сестра, која многу личи на неа, а е исто толку убава, па дури и поубава од неа, но ретко се појавува во јавноста. „Сестра. Една од најголемите потпори и поддршки во овие тешки денови. Пазете се драги луѓе, затоа што злото е насекаде околу нас. Не дозволувајте никој да ја исцица вашата душа со својата злоба и душите на вашите најблиски. Злото не сака добро. Но, затоа доброто секогаш победува“ - напишала Тања Савиќ покрај заедничката фотографија со нејзината сестра Биљана. Малку пред тоа, таа објави уште една фотографија, овој пат постара, од 2006 година на која тогаш младата фолк пејачка во подем е фотографирана заедно и со совојата сестра, но и со својот брат. Фото: Инстаграм принтскрин/tanja_savic_private

„Мајко“ е најновата песна на Лозано, а еве како изгледа неговата хероиња – мама Билјана (фото)

Слободанка Илиева — Tue, 12 Mar 2019 09:16:02 +0000

Ако на некој изведувач од македонската естрада му успева за инстантно време да ја освои публиката со новоиздадена песна, која потоа е хит– тоа дефинитивно најлесно му оди на Влатко Лозаноски. Вчера, (11.03) Лозано го издаде синглот насловен „Мајко“ заедно со спот, а веќе лавина од ласкави коментари се нижат под објавената песна на интернет каналот Јутуб.

Не си нормален човеку! Повели круната е твоја“; „Нов хит на повидок, секоја чест легендо“; „Која од која песна, се во поголем хит прераснува“, се само мал дел од коментарите кои осамнаа не само од македонските обожаватели, туку и на оние од регионот.

Емотивната „Мајко“ и овој пат ја потпишува незаменливиот тим на Влатко, Лазар Цветковски и неговата сестра Магдалена, додека исто толку моќното видео е изработено од Даниел Јовески.

Ако мислевте дека дамата Јасмина Билаловиќ која ја има улогата на мајка во видеото, е вистинската мајка на Влатко – во случајот тоа не е така.

Гордата мајка на оваа наша музичка ѕвезда се вика Билјана, а Лозано неколкупати досега изјавил дека таа е хероињата во неговиот живот.

View this post on Instagram

A post shared by Lozano (@vlatkolozanoski) on Feb 11, 2019 at 10:07am PST

Инаку, по повеќе од десетина години, на 23-ти март во ВИП арената „Борис Трајковски“, Лозано ќе го има својот голем концерт кој ќе биде вистинската круна на неговата досегашна работа, многуте хитови и опстојувањето на сцената. https://www.youtube.com/watch?v=gWyMJeADGOo

Нов скандал: Киа Коцкар му ја растури веридбата на српскиот рапер? (ФОТО)

Антонио Димитриевски — Sat, 28 Jul 2018 07:23:21 +0000

Победничката на реалното шоу „Задруга“, Kиа Коцкар и познатиот рапер се блиски, и се повеќе за нив се зборува по естрадните кулоари. Кристина Киа Коцкар и Вук Моб беа видени во еден клуб во Шабац минатата недела, каде што пејачот настапил.

Таа го чекала раперот да го заврши својот настап, а потоа, според медиумите, со ист автомобил се вратиле во Белград.Не би било изненадување ако Вук не бил верен со својата партнерка Билјана Савиќ. Биле пред брак, се забавувале две години и Вук пред неколку месеци и купил веренички прстен но... на крајот, сепак, се раздвоиле.

Сега веќе поранешната девојка на Вук, одлучила да проговори за ситуацијата во која се најде, пренесува српски Блиц. „Јас искрено, не знам дали Вук и Киа се заедно, а и не ме интересира.Факт е дека ние, Вук и јас ја раскинавме веридбата пред десеттина дена, и дали тој е со Киа, ќе дознаете најдобро ако го прашате него“ - изјави Билјана за „Свет“ и го откри своето мислење за Киа: „Ми беше симпатична, Вук ми рече дека би било одлично да ја покани во некој негов спот. Му реков, "Зошто само во спот, кога можеш да направиш и дует?". Ја видов и слушнав дека пее, не беше глува и неталентирана. Еве, сега и ова го дочекав. Знаете како, сè се случува со причина, јас на обајцата им посакувам среќа. Јас не патам, јас не сум жена која тагува, ама сепак сум сум разочарана и тоа како разочарана... И секој, нормално дека би бил да е на мое место. Верував дека нашата љубов ќе биде вистинска и дека засекогаш ќе останеме заедно“ - завршува Билјана.

Киа и Вук објавија пак, фотографии и видео на своите Инстаграм приказни од иста тераса, на кое се гледа дека седат на исти столчиња.

Тоа дополнително ги поттикна приказните дека се во врска.

Вук потоа потврди дека ја растурир веридбата, но подвлекол дека победничката на „Задруга“ нема никаква врска со тоа! Фото: Горан Срданов/ Весна Лалиќ/РАС Србија