Ана Стојанова се пофали дека Скопје го има она што Белград го нема, ама среде српскиот главен град и на своја кожа го почувствува она што и го приреди Белград (ВИДЕО)

Антонио Димитриевски — Sat, 03 Jun 2023 06:14:55 +0000

Македонската фитнес инструкторка и мотиватор за здрав живот Ана Стојанова ни минута не мирува. Туку што заврши со еден, сега се подготвува за нов летен предизвик на егзотична дестинација, заедно со својата избрана „женска армија Праскички“, како што ги нарекува своите членки и придружнички на нејзините предизвици. Во меѓувреме, инфлуенсерството полека и станува втора професија, па Ана се' почесто има прилика нешто да рекламира. Услуги или производи, зависи од понудата, а таа овој пат беше дел од женскиот асортиман за летните денови што доаѓаат. Конкретно, костимите за капање на еден познат македонски бренд беа тиа што на Ана Стојанова и нејзината избрана женска екипа им беа доверени за реклама на билборди. Откако си ја завршија работата, Ана замина во соседството во српската престолнина по своја работа. И додека се возеше по белградските улици, успеа да забележи дека Белград го нема она нешто што Скопје го има... Зашто како што самата вели, Скопје не памети поубави билборди... Од оние на кои е самата таа и нејзината женска армија, секако. Онака расоблечени во најновите модели бикини, разголени, распиштолени... „Мамоооо види ме“.... Ма каков Белград, српскиот главен град може само „вода да им носи“... И верувале или не - им донесе! Поточно на Ана Стојанова додека онака летно облечена се шеташе по Кнез Михајлова, одненадеж Белград како да ги услиши нејзините „самобендисани билборд фалби“, па реши малку да ја олади... Со студен туш! Имено, од нигде-никаде, наеднаш од небото над Белград се истури силен дожд! Врне, врне, лие како од кофа, па скопската фитнес инструкторка фатена онака неспремна „покисна до гола кожа“! „ОК брате Београде, не се возбудувај толку...“ - му порача Ана како да сака да си ги повлече фалбите за тоа каде се најубави билбордите, ама... доцна! Така, Ана Стојанова среде српскиот главен град на своја кожа го почувствува она што како „одмазда за самобендисаноста“ и го приреди дождливиот Белград! Епа, мамоооо... види ме и сега! Фото: Инстаграм принтскрин/annstojanova

Миа Костова и Јоци одново со право „ги заплескаа“ оние од власта: Осамнаа срамни билборди „ЗА“ и „КОНТРА“ вакцинацијата, кои ги згрозија и граѓаните и познатите (ФОТО)

Антонио Димитриевски — Thu, 02 Sep 2021 07:22:38 +0000

Од една страна државата труби со скапи кампањи, повикувајќи на „задолжителна“ вакцинација, од друга страна бројката на заразени и починати секојдневно расте! Диспропорција, дискрапанца, која некако е нелогична, зашто ако веќе за нешто наголемо агитираш, логично е од тоа да „профитираш“, односно истото да даде позитивни резултати. Арно ама, очигледно едека во Македонија не е баш така, оти од кампањата профитираат само „шака луѓе“... и тоа финансиски, а од позитивни резултати, се само секојдневно зголемениот број на позитивни на Ковид 19 и за жал, најмногу починати во Европа по глава на жител. Останатото е срамно, грозно и поразувачки... Кампања за вакцинација класично злоупотребена за поинаква „герила акција“, да се понижи и омаловажи политичкиот противник во очи на претстојните локални избори. Имено, Владата на Заев(и) наголемо делеше тендери за кампања која ќе повикува на масовна имунизација, а низ македонската престолнина осамнаа големи билборди со слична содржина... “ЗА“ и „КОНТРА“ вакцинација. Само што овие се срамни и понижувачки... И за граѓаните и за политичките противници на оние што ја злопупотребиле ситуацијата, а можеби и нашите пари (?), а патем го згрозија поголемиот дел од јавноста... Освен за оние што ја смислиле и исполепиле „бруката“ по метрополата, секако, зашто нив „мува не ги лази“, иако мувите обично се собираат на вакви гнасотии, каква што направиле. Зашто да си партија на власт која пропагира кампања за масовна имунизација од Ковид 19, па наместо здравствена, да тераш политичка кампања пред кампањата за локални избори воопшто и да почне злопупотребувајќи ја пандемијата и сопствените гласачи, ем е срамно, ем самоубиствено и политички погубно. Така барем излегува од содржината на она што е напишано на излепените билборди по Скопје, каде според „генијалните умови“ што ова го смислиле, сите што не се вакцинирани се ВМРО-вци, а вакцинираните СДСМ-овци. Демек СДСМ поддржува имунизација, ги покачува платите на лекарите, ВМРО-ДПМНЕ - поддржува антиваксерство, а лекарите ги нарекува убијци!!! Нешто што ниту е точно, ниту некогаш некој јавно го кажал или изјавил, ниту пак било кој политичар од најголемата опозициона партија јавно застанал зад ваквите небулозни тези!? Дека го претераа со „некрофилските лаги“ веднаш препознаа многумина од граѓаните. Тие казната ќе ја испорачаат на изборниот „ден Д“, а на срамните и лажни пораки испечатени на излепените билборди први реагираа и некои од познатите, јавни личности. Така, ТВ водителката и инфлуенсерка Миа Костова одново со право „ги заплеска“ оние од власта... Вербално, на својот Фејсбук профил, секако, истурајќи им ја „самоубиствената мизерија“ в лице: „Не, стварно, трет пат прашувам, кој ви ги смислува бе? И плата зима? Прво, поддршка за право на избор не е антиваксерство, второ, не сте можеле подобро да го смислите за да не ве видиме веќе.Да пишеш грижа, на 40 мртви дневно на шака народ е во најмала рака еготрипично, сељачки, недостојно и безобразно.Секој ден сте сѐ помизерни или секој ден сте сѐ подалеку од фотељките у кои качувате само килажа и црни бројки“ - им порача Миа на властодршците од Бихаќка и Владата. Ништо поразлично не им соопшти ни познатата фриленсерка Јорданка Ивановска Јоци, која на СДСМ им објасни што ќе добијат од граѓаните за ваквиот потег на денот на гласање, а патем праша од кои и чии тоа пари се тераат сулуди „црни кампањи“? „Која тапа се овие СДСМ, кои шупци.Сите што не сакаат ваксајн по нивно, ги направиле ем антиваксери, ем вмровци. Епа сеа откако ги направивте сите вмровци, чекајте резултати од ДИК како ќе добиете еден поголем, 'дик'. Во Македонија се гласа традиционално од инат и против! Туку, оваа кампања за ваксајн, ако е истата, ја плаќаме сите ние, грдни 270.000 евра, поделени на три маркетинг агенции. Плаќаме власта да ни се моча на глава!“ - праша Јоци. Фото: Социјални мрежи

билборди – Вистина.мк

Ана Стојанова се пофали дека Скопје го има она што Белград го нема, ама среде српскиот главен град и на своја кожа го почувствува она што и го приреди Белград (ВИДЕО)