бездомник – Вистина.мк

„Изгледам како бездомник“: Александра Младеновиќ ги изненади фановите со нејзината изјава (фото)

Слаѓана Атанасова — Wed, 06 Dec 2023 12:15:21 +0000

Пејачката Александра Младеновиќ, како и нејзините колешки, на јавни настани доаѓа со штикли, нашминкана и целосно дотерана. Меѓутоа, кога се во прашање приватните изданија, ситуацијата е поинаква. - Приватно носам патики, кежуал. Не сакам сјај, ништо премногу, без шминка. Едвај чекам да дојдам дома за да се облечам како бездомник - вели Александра, а потоа додава: - Обожавам да ја облечам најстарата маица, да го вклучам телевизорот и да кажам: „Се чувствувам толку добро“. Со мојата кума си одиме една кај друга дома по пижами и папучи - изјави таа во емисијата „Ѕвезде Гранда Специјал“. Јасно е дека пејачите се изложени на сајбер насилство, и дека секојдневно добиваат десетици коментари и пораки, но Александар повеќе не ја засегаат овие работи. - Ги прочитав тие коментари претходно и тоа ме погоди. Тоа сајбер насилство го доживеав кога имав здравствени проблеми, но таквите работи веќе не ме засегаат. Сето тоа го гледам, но не го читам. Признавам, на еден коментар реков „ни хирург не може да ти помогне“. Имам такви моменти кога одговарам, но сега се ми е забавно. Тоа веќе не ме навредува и не ме засега – рекла Александра Фото: Printskrin/Instaram/aleksandra_mladenovicJutjub

Актерката се храни од контејнери: Беше позната по својата убавина, а сега е бездомник (фото)

Слободанка Илиева — Mon, 19 Jun 2023 11:25:16 +0000

Ѕвездата на „The Beach Guard“ и поранешна манекенка Лони Вилсон беше фотографирана од папараците вчера во Лос Анџелес. Таа сè уште живее како бездомник, бара храна во контејнерите и едвај преживува. Лони навидум го живееше „совршениот живот“ во брак со актерот Џереми Џексон од „Bachelorette“ додека не доживеа брачен пекол. Низ што поминала несреќната жена и како изгледал тој навидум совршен живот најдобро говори фактот што денес оваа 38-годишна жена живее на улица и се храни од контејнер. По неуспешниот брак и горчливиот развод пред девет години, во кои се појавија обвинувања за злоупотреба на дрога и алкохол, кои таа ги негираше, заносната русокоса сега е практично непрепознатлива додека шета по улиците, пребарувајќи по канти за ѓубре за храна. Најновите папарацо фотографии на една од најубавите жени на светот повторно го обиколија и го растажија светот. Имено, таа е фотографирана додека „копа“ во контејнери и го вози својот „улов“ во количка. Лони Вилсон беше кралица на модните писти, популарноста и донесе богатство, милиони долари. Поранешниот модел на костими за капење и сопруга на ѕвездата на „Bachelorette“ Џереми Џексон важеше и за една од најатрактивните жени во светот. Популарноста и успехот беа заменети со зависност од дрога. Пред десет години, Лони се разведе од Џереми Џексон, со кој се омажи во 2012 година. За нејзината состојба придонела загубата на работното место на клиниката за пластична хирургија каде што работела како асистент, накратко била вработена како агентка, но не земала плата. фото:Profimedia/Facebook

Марија Шерифовиќ со хуман гест: Ќе се потруди Мустафа, уличниот пејач – бездомник од Зеница да добие дом и со вратоврска да запее во „Ѕвездите на Гранд“? (ИДЕО)

Антонио Димитриевски — Wed, 07 Jun 2023 11:59:54 +0000

Иако Марија Шерифовиќ е бескрајно талентирана, а пејачката и член на жирито на „Ѕвезда Гранда“ публиката не ја сака само поради добриот глас и големите хитови. Марија многупати им помогнала на луѓето и на многумина им дала добар пример со своите хумани постапки, кои ги прави и сега. Имено, пејачката била крајно потресена откако видела видео од талентираниот уличен пејач Мустафа Хрустиќ од Зеница, кој за жал останал без дом и сега живее на улица како бездомник. „Овој тип спие некаде во Зеница под мостот. Неговото име е Мустафа. Доколку некој од Зеница може и сака да го најде, ве молам да ме контактира. Мустафа нека добие дом! “ – сподели Марија преку социјалните мрежи. Инаку, на Јутјуб се појави видео на кое Мустафа си го разголи животот. „Бев под кирија и повеќе не можев да продолжам да плаќам. Секој месец морав да имам двесте марки, а каде е храната. Малку можев да заработам од пеење, ама дождот ме избрка, непрекинато врне месец и половина. Немам пријатели и роднини, немам ниту татко ниту мајка, никој свој. Јас сум без нив од седум години и цело време живеам на улица. Не можев да најдам работа, пишувам и не ми одговараат“ - рекол уличниот пејач од Зеница. Мустафа изразил голема желба да се појави на натпреварот „Ѕвездите на Гранд“, но како што вели не е во можност. Мара токму тој дел го сподели на својот Инстаграм профил. „За таму треба да имаш пари. Можам да одам и да аплицирам, но како? Не можам да одам таму со 10 марки. Џабе... ти требаат пари за убаво да се облечеш, да имаш вратоврска. Треба да се претставите, од каде сте, име и презиме, колку години имате. Би се пријавил, но не можам“ – вели младиот човек на видеото, поради што Марија рекла дека ќе му помогне, а вратоврска лично ќе му подари. Во видеото подолу погледнете ја приказната за Мустафа од Зеница: Фото: Инстаграм принтскрин/zvezdegranda

Откриена причината за смртта на братот на Мадона: Живеел како бездомник, а една работа го чинела живот (фото)

Слаѓана Атанасова — Tue, 04 Apr 2023 08:42:35 +0000

Најстариот брат на пејачката Мадона, Ентони Чиконе, почина минатиот февруари на 66-годишна возраст. Како што пишуваат странските медиуми, Чиконе се соочил со бројни здравствени проблеми, а во моментот на смртта се сомневале дека ракот на орофаринксот (средниот дел на грлото) го чини живот. Имајќи предвид дека тој исто така бил страствен пушач, се верува дека тоа само ја влошило инаку генерално многу лошата ситуација. Меѓутоа, според сега официјалните информации - братот на легендарната пејачка починал од респираторна инсуфициенција и рак на грлото, пишува „TMZ“. Веста за смртта на Ентони ја објави Џо Хенри, сопругот на сестрата на Мадона, на својот Инстаграм профил. Инаку, поп-кралицата, заедно со другите членови од нејзиното семејство, немаше баш најдобри односи со Ентони. Фото: Принтскрин/Reuters/Neil Hall/Инстаграм

Девојката на фотографијата е истата личност: И се случила огромна катастрофа – од милионерка до бездомничка (фото)

Слободанка Илиева — Thu, 10 Mar 2022 11:54:06 +0000

Поранешната манекенка Лони Вилсон, која стана бездомник, често предизвикува интерес во јавноста откако нејзините фотографии ќе се појават во медиумите. За жал, од русокосата убавица по која воздивнуваа низ светот од бројните насловни страници на магазините, Лони Вилисон стана непрепознатлива како бездомничка која преживува на улиците на Лос Анџелес. Лони од милионерка падна во питачки стап, а со години е зависничка од дрога. Американските папараци неодамна повторно ја снимија сосема непрепознатливо издание како копа во ѓубре. Откако минатата година дел од фотографиите стигнаа во јавноста, неколку нејзини поранешни пријатели покренаа акција за симнување од улица, но не успеаја. Лони наводно само се туширала и јадела во мотел и се вратила да проси низ улиците на Лос Анџелес. Таа на новинарите им кажа дека повеќе нема телефон, но има доволно храна и место за спиење. Таа претходно откри дека една година не се туширала бидејќи е толку сигурна дека никој нема да ја силува на улица. Навистина е тажно да се види што се случи со убавицата која ги красеше насловните страници на, а таа не е виновна за тоа. Лони беше сопруга на ѕвездата од „Чуварот на плажата“ Џереми Џексон. Имено, траумата поради врската со Џексон, инаку зависник, кој почнал да се дрогира на снимањето на „Чувар на плажата“, никогаш не ја лечела со психијатар, но се препуштала на пороците. Додека биле во врска Џереми ја претепал Лони, поради што неколку пати била повикана полиција во нивниот дом. Еднаш и ги скршил ребрата, и го повредил вратот и ја гребел по лицето и телото. Меѓутоа, толку се исплашила што одбила да го пријави во полиција, но соседите веќе морале да го направат тоа. Меѓутоа, кога раскинаа, таа рече дека и биле потребни два месеци да се опорави. "Морав да се откажам, не можев повеќе да се занимавам со манекенство. Не излегував со пријателите", рекла Лони. Го пријавила дури откако бил избркан од куќата на Големиот брат во која учествувала, кога на телевизија ги покажала градите на манекенката Клои Гудман. Но, таа сè уште беше без работа, немаше приходи. Го изгубила станот и повеќе не можела да плаќа за автомобилот. Таа паднала во тешка депресија, завршила на улица и почнала да се дрогира. Таа веќе не им се јавува на нејзините познаници и пријатели кои сакаат да и помогнат, а преживува само како зависник на улиците на Лос Анџелес. фото:Профимедиа

Почина бездомникот чие лекување ДНК се понудија да го платат, а Панчо „распали“ по институциите: „Човечкиот живот го вреднуваат со нула“!

Антонио Димитриевски — Fri, 24 Sep 2021 07:14:12 +0000

Вчера, четврток 23 септември објавивме дека Панчо и Андреј од ар-ен-би дуото „ДНК“ уште еднаш покажаа дека се многу повеќе од „само забавувачи“ туку пред се’ хумани луѓе, подготвени секогаш кога треба да помогнат. Така, двајцата естрадни уметници понудија помош во лекување на напуштеното и оставено во лоша здравствена состојба бездомно лице, легнато на афалтот крај жичената ограда, во полубесознание, со очигледно нарушено здравје и животнозагрозувачки функции, оставено само да умира среде центарот на Скопје. Без никој да му пријде, погледне, помогне, пружи соодветна нега и помош… Тажно јадно и бедно, нехумано, нечовечки… Очајна слика на „распадот на системот“ во кој се изгубени сите човечки, етички и морални вредности, во кој човечкиот живот вреди помалку од кучешкиот. [embed]https://arhiva.vistina.com.mk/pancho-i-andrej-od-dnk-ponudija-lekuvanje-na-bezdomno-lice-estradnite-umetnici-povtorno-pokazaa-deka-se-mnogu-povekje-od-zabavuvachi-dodeka-vlasta-i-sistemot-odnovo-potvrdija-kolku-se-truli-i-raspadna/[/embed] Панчо јавно се огласи на својот Фејсбук профил опишувајќи ја ситуацијата, нудејќи ја својата и помошта на неговиот музички ортак за лекување на нивна сметка на човекот, но и прозивајќи ги власта и институциите на државата кои се толку инертни, што додека реагираат може да биде доцна, зашто лицето е речиси на работ. За жал, додека „инертните институции“ на „килавиот систем“ реагираат, бездомникот починал, а Панчо со жалење, лутина и гнев во попладневните чесови ја обзнани лошата вест одново преку својот Фејсбук профил на социјалните мрежи.

„Туку што добив информација дека господинот Маријан Петковски предмалку починал.

Уште еден голем показател во какво труло и поделено општество живееме и какви поделби на класни разлики сеуште постојат во 2021. Уште пострашно е тоа што човечкиот живот го вреднуваат со НУЛА, и без пари си само обичен смртник.

Срамота за цел здравствен систем.

Лесна му земја на Маријан и фала на сите оние кои се понудивте за финансиска помош. Оние кој веќе ми испративте истите може да ви ги вратам или да ги дадеме на семејство или поединци на кои навистина им е потребна помош“ - споделил Панчо.

Уште еден изгубен човечки живот, уште една длабока и болна рана во општественото ткиво, заради инертноста на неговите институции. Нов срам за социјално-здравствениот систем менаџирани од крајно неспособната власт предводена од владата на СДСМ и премиерот Заев.

Славниот актер му купи подарок од 30 илјади долари на човекот кој му помогна додека бил бездомник (видео)

Слободанка Илиева — Fri, 08 Jan 2021 09:51:09 +0000

Двејн Џонсон е холивудски актер омилен на многумина, а неговите акциони и авантуристички филмови истот така постигнуваат голема популарност и милионска заработка. Но, секогаш не било така, а на „Карпата“, не му цветале ружи во животот, особено во периодот кога бил бездомник. Во тинејџерските години бил сиромашен бездомник, а во таа прилика му помогнал поранешниот боречки менаџер Бруно Лауер. Џонсон никогаш не го заборавил неговото добро дело, па затоа на својот долгогодишен пријател му приредил прекрасно изненадување – му купил автомобил вреден 30.000 долари. Двејн објавил видео на Инстаграм на кое со Бруно, кој не очекувал никакво изненадување, разговара за тоа како го примил кај него кога немал дом, на само 15 години, и како токму Бруно му го купил првиот автомобил.

View this post on Instagram

A post shared by therock (@therock)

„Не можам доволно да ти се заблагодарам за она што го направи кога имав 15 години. Имаше целосно право да кажеш дека не го познаваш тоа дете и не сакаш да живееш со него, но сепак ме прими. Бруно, многу ми значи тоа бидејќи ми го промени животот. Те сакам и благодарен сум ти. Ти благодарам што ми го купи првиот автомобил, а сега имам прилика да ти кажам – ова е твојот нов автомобил“, вели Двејн на снимката, а Бруно заплакал кога тој го сместил во новото возило. „Никој никогаш не направил вакво нешто за мене. Те сакам“, му кажал Бруно.