без печење – Вистина.мк

И крцкава и мека, идеална за ненајавени гости: Бисквит торта со лешници без печење

Слаѓана Атанасова — Thu, 14 Sep 2023 12:45:40 +0000

Пробајте ја вкусната торта со бисквити, фил од ванила и лешници.Речиси сите сакаме торти и колачиња,но на многумина омилени им се оние кои лесно и едноставно се припремаат и имаат одличен вкус. Овој рецепт не бара многу труд и време, а е одличен избор за ненајавени гости или ако немате ништо слатко дома и сакате да се почестите. Оваа брза бисквитна торта е само за вакви прилики! Состојки: 1 јајце прстофат сол 60 гр шеќер 1/2 лажичка екстракт од ванила 30 гр брашно 30 g густин 520 мл млеко + малку за потопување бисквити 60 гр путер 350 гр бисквити од какао За глазура: 200 гр млечна чоколада 100 мл слатка павлака 90 гр сечкани лешници Подготовка: Јајцето се мати со шеќер,прстофат сол и екстракт од ванила.Додадете брашно и згуснувач. Добро измешајте и додадете млеко. Мешајте додека не се распаднат груткитеа потоа гответе на средна топлина додека не се згусне, постојано мешајќи. Додадете го путерот и добро измешајте додека не се растопи. Во тавче наредете го бисквитот кој малку сте го натопиле во млеко (не многу да не се распадне), па истурете го филот, па слој бисквит, па слој филм, додека не се потроши материјалот.Последниот слој треба да биде вашиот фил. Оставете го во фрижидер додека ја правите глазурата.Чоколадото растопете го со слатката павлака,па додајте ги сечканите лешници и измешајте. Прелијте ја глазурата врз филот и вратете ја во фрижидер да се стегне. Извор: Курир.мк

Колач кој не се пече во релна: Готов е за 15 минути, а вкусен е како да сте го правеле со часови

Слаѓана Атанасова — Thu, 20 Jul 2023 12:00:22 +0000

Потребно е: 300 гр плазма бисквити 3 пудинзи од ванила 9 лажици шеќер 1 литар млеко 200 гр путер 4 лажици кисела павлака 4 банани 200 мл слатка павлака за шлаг Подготовка: Во малку млеко измешајте го прашокот за пудинг со шеќерот. Остатокот од млекото сварете го и кога ќе зоврие сварете го пудингот. Гответе со мешање додека пудингот не се згусне. Се трга од оган и во него додека е врел се става путерот, се меша додека целосно не се соедини со пудингот. Потоа се додава павлаката и убаво се меша. Додадете ги бисквитите искршени на парчиња (скршете ги со раце) и измешајте. Половина од смесата истурете ја во тавче премачкано со тенок слој путер, одозгора ставете сечкани банани, покријте со остатокот од смесата и оставете да се излади и да се стегне. Врз изладената торта премачкајте го шлагот. Извор: Курир.мк

Рецепт и за најголемите аматери во кујна: Орео торта која се прави од 5 состојки – без печење

Слободанка Илиева — Mon, 30 Nov 2020 13:00:48 +0000

Најтешкиот дел во подготовката на оваа торта е чекањето сите тие состојки да отстојат за да бидат подготвени за послужување. Овој прекрасен десерт можат да го направат и најголемите аматери во кујна - рецептот е едноставен затоа што колачот не треба да се пече. Состојки: - 400 грама путер од кикирики; - 200 грама темно чоколадо; - 175 грама шеќер во прав; - 175 грама путер; - 20 Орео колачи. Подготовка: Издробете ги бисквитите и помешајте ги со 75 грама растопен путер. Добиената смеса распоредете ја во сад за торта и ставете ја во фрижидер околу 30 минути. Путерот од кикирики помешајте го со шеќерот во прав додека не добиете потребна густина. Прелијте ја смесата преку изладената Орео кора, па повторно ставете во фрижидер половина час. Преостанатиот дел од обичниот путер помешајте го со темното чоколадо, па растопете го на пареа додека не добиете глазура. Прелијте ја тортата со добиената глазура и ставете ја во фрижидер околу половина час или пак неколку часа додека не се стврдне колку што е потребно. Пријатно јадење! извор:точка.ком.мк