Боки 13 го оставиле речиси „само по гаќи“: „Оставен сум без парче гардероба, ова е преседан!“

Антонио Димитриевски — Thu, 30 Jan 2020 10:43:48 +0000

Адвокатот на Бојан Јовановски, Сашо Дукоски побара од Обвинителството конкретно да каже каква гардероба е одземена при претресот во неговиот дом. Тој објасни дека во објаснувањето на Обвинителството само е наведено дека се одземени вреќи со гардероба, но не и за каква конкретно и од кои марки. Обвинителката Вилма Русковска објасни дека кога ја одземале гардеробата тоа било невозможно да се направи. -Кога гардеробата се предаваше во агенција за одземенен имот наведено е за какви марки се работи, вели Русковска.

Боки 13 пак лично се пожали: „Оставен сум без парче гардероба, барам да се донесе во судот“!

Перници „Зебрано“, лустер, огледало, телевизор со заоблен екран, уметнички слики од Мартиновски и Личеновски, гарнитура, ламба, одзело Обвинителството од домот на Бојан Јовановски. Од гардероба пак, се одземени 77 пара пантолони, 15 пара папучи, 50 капути, 30 пара тренерки, 15 ремени, 50 кошули. Одземени се и синџирче, брошеви, 80 пара очила за сонце, мажетни и украси „Сваровски“… Јовановски и неговиот адвокат бараа облеката да се донесе како доказ на суд но судијката тоа не го дозволи. „Оставен сум без парче гардероба и тоа е преседан“ - рече Боки.

без парче – Вистина.мк

Боки 13 го оставиле речиси „само по гаќи“: „Оставен сум без парче гардероба, ова е преседан!“