без глутен – Вистина.мк

Без глутен: Рецепт за какао коцки готови за 15 минути

Слаѓана Атанасова — Mon, 27 Feb 2023 12:44:10 +0000

Доколку сакате да се засладите со нешто здраво, но немате премногу време за подготовка, овие извонредни коцки брауни се вистинското решение. Не се печени, не содржат глутен, а погодни се и за вегани. Состојки за приближно 15 коцки: 300 гр урми без семки 300 гр ореви 9 лажици какао во прав 2 лажици екстракт од ванила 50 мл јаворов сируп или мед 2 лажици кокосово масло 2 лажици вода прстофат сол Подготовка: Урмите и оревите сомелете ги во блендер, додадете шест лажици какао, една и пол лажица екстракт од ванила, две лажици вода и малку сол. Блендирајте ја смесата додека не почнат да се одвојуваат од страните на блендерот. Потоа ставете ја смесата во калапот. Во сад измешајте го преостанатиот екстракт од какао и ванила со две лажици кокосово масло и јаворов сируп. Добро измешајте додека не исчезнат сите грутки, па прелијте го врз колачот. Оставете го да се излади околу два часа пред да го послужите. По желба украсете со овошје и сечкани ореви, лешници или бадеми. Добар апетит!

Лесна торта без шеќер, брашно, млеко и путер (Видео)

Слаѓана Атанасова — Mon, 28 Mar 2022 12:51:41 +0000

Оваа торта се подготвува брзо и лесно, вкусна е, здрава и погодна за дијабетичари и оние кои се на безглутенска исхрана. Состојки: 1 шолја од 250 ml ореви 1 шолја овошје (најдобро ситно шумско овошје, од типот на капини, малини, рибизли) 1 лажичка печиво 3 јајца Малку јаворов сируп по желба Подготовка: – Во сецко ставете ги оревите додека не се сомелат како фино брашно. – Додадете ги јајцата и пецивото и изматете ја смесата. – Префрлете ја смесата во кружно тавче обложено со хартија за печење и додадете го овошјето врз смесата. – По желба додадете малку јаворов сируп доколку сакате поблаг вкус. – Печете во загреана рерна 30 минути на 180°C.

Здружение „Без глутен“: Тргуваат со нашата болест, зголемена цената на единствениот лек – брашното

Антонио Димитриевски — Thu, 23 Jan 2020 10:53:16 +0000

Здружението „Без глутен“ преку социјалните мрежи реагира на поскапувањето на, како што посочуваат, единствениот лек, брашното кое го земаат на рецепт. Тие велат дека храната која може да ја јадат и ја купуваат тука и во Германија е со иста цена, но со огромна разлика во платите. -Жално, но вистинито. Но, за да бидеме НИЕ здрави, треба да одделиме барем 50% од домашниот буџет за нашата храна, бидејќи НАМ само храната ни е лек, односно брашното на кое имаме право 30кг на месец. Жално е тоа што храната што ја купуваме овде и во Германија, цената е иста, а уште пожално е тоа што платите ни се различни. Исто така би сакале да изразиме ГОЛЕМА БЛАГОДАРНОСТ до Фондот за Здраствено осигурување што ни го покачи единствениот лек – брашното што го зимаме на рецепта (на приватно може да се купи и е 280 денари – 1кг.) и беше 75 денари – 1кг., од 17.01.2020 цената станува правосилна и е 106,6729 денари. ?Дали ФЗО не праша НАМ засегнатите дали можеме да си ја дозволиме оваа цена? ?Дали ФЗО треба да се полни на товар на болните луѓе? ?Зошто никој не се огласи после оваа донесена одлука? ❓Минимална плата – 30кг брашно = 14.500 – 3200,19❓ ❗❗❗Ние НЕ избравме да бидеме со оваа хронична автоимуна болест – Целијакија, за да се тргува со нашата болест.