берово – Вистина.мк

Меѓународен турнир во пинг-понг „Зегин Опен 2022“ викендов во Берово

Дејан Донев — Wed, 14 Sep 2022 12:55:28 +0000

Пингпонгарскиот клуб „Зегин“ од Берово викендов (17 и 18 септември) ќе биде домаќин на Меѓународниот турнир во пинг-понг ,,Зегин Опен 2022″. Вкупно пријавени се 76 играчи од Македонија, Бугарија, Грција, Србија и Косово, кои ќе се натпреваруваат во четири категории.

-Натпреварите се во сениорска и јуниорска конкуренција и ќе бидат организирани во две нивоа на натпреварување и тоа квалификации по групи и систем на елиминација. Прво и второпласираните натпреварувачи од групите ќе се пласираат по систем на еднократна елиминација, додека сите натпревари се играат во систем подобар од 5 сетови, полуфинале и финале се играат во систем подобар од 7 сетови, информираа организаторите.

Наградниот фонд на турнирот изнесува 5000 евра, а за сите натпревари ќе бидат ангажирани сертифицирани судии.

-Жрепката е закажана за утре, 14 септември, а носителите на групи ќе бидат поставени согласно ИТТФ ранкинг. Натпреварите ќе започнат со почеток од 9 часот. Со ова се докажува дека Берово и нашиот беровски пингпонгарски клуб „Зегин“ кој е најбрзорастечки клуб во Македонија, полека го зазема приматот на град на пинг-понгот, додадоа организаторите.

Помагател на турнирот е Пингпонгарската Федерација на Македонија, а турнирот целосно се одржува под комплетно спонзорство на компанијата „Зегин“.

Милош Биковиќ откри дека има македонски корени: Во Мараш навистина провејува „јужен ветер“ (ВИДЕО)

Антонио Димитриевски — Thu, 07 May 2020 11:16:09 +0000

Изминатата година српската, но и руска кинематографија ја одбележа неговото име и презиме. Тој важи за миленик на регионалната публика, но и пример за младите актери кои сакаат да направат нешто од себе и да успеат во светот на глумата. Во моментов е актуелен со улогата на Петар Мараш во хит серијата „Јужни ветар“, а неодамна се случи и премиерата на филмското остварување „Хотел Београд“ кое по отворањето на кино салите ќе доживее своја премиера и во Македонија. Милош Биковиќ вчеравечер беше гостин во „Бекстејџседидома“, а во рамки на гостувањето освен што зборуваше за својата кариера, исто така откри и дека има македонски корени. Имено, неговиот дедо бил од Берово, а актерот наскоро планира да дојде во Македонија и да го посети овој град. Што значи дека во Мараш навистина провејува „јужен ветер“! Што се' откри Биковиќ во интервјуто можете да погледнете во видеото: https://www.youtube.com/watch?time_continue=67&v=Sn2P5XSx0mU&feature=emb_logo

(ФОТО) Ова не го прави секој: Кире Лазаров ја почна Новата година во ултра екстремни услови!

Слободанка Илиева — Tue, 02 Jan 2018 09:05:25 +0000

Како и сите, така и македонскиот ракометар Кире Лазаров за најлудата ноќ во годината, а и деновите по неа одлучи да ги помине во друштво на најблиските и пријателите во еден познат ресорт во Берово. Дека Новата ја почнал необично и во екстремни улови покажа на социјалните мрежи, каде на своите следбеници им откри како го стартуваше првото јануарско утро.

За разлика од повеќето кои останаа да спијат до пладне по најлудата ноќ, Кире првиот здив во годината пред нас го почна со храбар потфат.

Прво си направи детокс во сауна, а потоа излезе надвор пред хотелот и се искапи во ладниот базен на хотелот среде планина.

Спортскиот дух не го напушти ниту во овие моменти, а веруваме дека вака храбро и силно ќе продолжи и во останатите денови од годината.