„Funk Shui“ со „Ветер“… во етерот (ВИДЕО)

Антонио Димитриевски — Sat, 24 Oct 2020 10:15:47 +0000

Бендот „Funk Shui“ вчера, 23 октомври 2020 год. празнично ја промовираше песната „Ветер“. Членовите на бендот се автори на музиката и текстот, а продукцијата и миксот се на Бен Милчев. Спотот е сниман летово на неколку локации низ земјава, а зад камерата и дрон камерата биле Борис Ралев и Тео Ангеловски. „Црпејќи мотивација од сопствената средина, протагонистот во песната се соочува со своите способности за решавање на проблемите околу него. Веселоста и текот на песната сe прекинати од страна нa ненадејните напливи на емоција од заразниот рефрен. Преку неколку метафори Лука пробува да долови дека е свесен за сопствените способности, преку персонифицирање со ветрот и неговиот потенцијал да ja исчисти околината. Мелодичната гитара што ја придружува целата песна ја игра улогата на смирување на бурата и ја овозможува завршницата што песна како оваа ја заслужува”, велат момците од „Funk Shui“ за песната.

„Funk Shui“ со „Метеори“ до ѕвездите (ВИДЕО)

Антонио Димитриевски — Tue, 16 Jun 2020 12:36:58 +0000

„Funk Shui“, имаат нова песна, која всушност претставува сингл - првенец кој го најавува новиот албум кој следи. Темата која носи наслов ,,Метеори” беше уште кон крајот на мај промовирана на каналите на групата и на социјалните и музичките платформи (spotify, deezer, apple music, google play, itunes, pandora, tidal). Веќе на почеток од месец јуни се искачи на музичките топ листи, станувајќи воедно и песна на неделата на хрватскиот влијателен портал muzika.hr. Музиката и стиховите на темата „Метеори“ ги потпишуваат колективно членовите самиот бенд. Продукцијата е задничка со Бен Милчев, кој и ја миксал песната. Бендот го потпишува и видеото на песната, а зад камерата при снимањето стоел Борис Ралев, додека фото сетот го изработила Александра Костадиновска. „По периодот кој наложи пауза во медиумскиот етер, земајќи ја во предвид сериозноста со ширењето на коронавирусот, конечно сите се почувствувавме подготвени да ги споделиме нашите лични искуства од периодот од последните две години. Со тоа сакаме да им понудиме свежина на нашите досегашни, а воедно и идни слушатели, музика и оние кои ја споделуваат страста за музика, ум и чекорите напред. Посветено на сите кои немаа избор и оние кои се борат силно за животот на другите“ - велат членовите на групата споделувајќи ја новата песна „Метеори“ со музичките сладокусци. https://www.youtube.com/watch?v=P-WEUdLlAP0&feature=emb_logo

бен милчев – Вистина.мк

„Funk Shui“ со „Ветер“… во етерот (ВИДЕО)

„Funk Shui“ со „Метеори“ до ѕвездите (ВИДЕО)