Рецепт на дeнот: Пикантно бело месо во балсамико сос

Слаѓана Атанасова — Tue, 12 Dec 2023 13:49:12 +0000

Белото месо можете да го подготвите на милион начини, а ова е еден од најдобрите рецепти. Лесен е, а вкусот е фантастичен. Кога имате бело месо и компири за ручек, нема човек што ќе одбие. Белото месо е класифицирано како суво, па затоа е важно како го подготвувате, а најдобар начин за тоа е да го испржите или да го динстате во сос. Денеска ви носиме рецепт за зачинето пилешко во ароматичен сос од булјон и балсамико. Подготовката е едноставна, а месото е неверојатно сочно.

Потребни состојки:

1 пилешко филе
2 лажици брашно
2 јајца
30 гр пармезан
½ китка магдонос
1 лута пиперка
маслиново масло
30 гр путер

За сосот:

250 мл булјон
1 лажичка балсамико оцет
1 чешне лук
1 гранче мајчина душица
сок од лимон
½ магдонос
30 гр путер

Подготовка:

Скршете ги јајцата во сад, посолете и побиберете, додајте сечкан магдонос, пармезан и ситно сечканата лута пиперка. Сè добро измешајте. Белото месо исечкајте го по должина и отворете го (да се добие форма на пеперутка), потоа покријте го со проѕирна фолија и мавајте го со чекан за месо. Валкајте го во брашно, па во зачинетата смеса со лута пиперка. Во тавата истурете маслиново масло и растопете го путерот, па пропржете го месото. Извадете го белото месо и истурете го булјонот во истата тава. Кога ќе почне да врие, додадете балсамико оцет, мелено лукче, сечкана мајчина душица, сок од лимон, сечкан магдонос и путер. Мешајте додека не се растопи путерот, па вратете го белото месо. Прелијте со сосот и динстајте уште 2 минути.

Ана Кораќ зајде од бес: Го изнесе кучето во луксузен ресторан, па нарача бифтек за себе, бело месо на жар за песот, сервирани на иста маса (ФОТО)

Антонио Димитриевски — Thu, 29 Apr 2021 10:23:06 +0000

Старлетата Ана Кораќ во последно време живее раскалашено до максимум. Откако неодамна направи гала роденденска забава за својот миленик Стикер, сииликонската убавица сега отиде чекор подалеку, па го однесе песот во ексклузивен ресторан на ручек. Имено, Ана на својот Инстаграм објави видео од ресторанот каде ручаше. Исто така, беше подготвен оброк и за нејзиното милениче кое седеше со неа на масата. Ана си нарача бифтек за себе, додека за Стикер одбра бело месо на скара. Призор кој ги зовре социјалните мрежи, зашто додека многумина едвај врзуваат крај со крај од немаштијата која ги погоди заради економската криза предизвикана од корона пандемијата, кај српските стралети и кралски живеат и кучињата за разлика од дечињата на просечниот граѓанин. Фото: Инстаграм принтскрин/ana_korac

бело месо – Вистина.мк

Рецепт на дeнот: Пикантно бело месо во балсамико сос

Ана Кораќ зајде од бес: Го изнесе кучето во луксузен ресторан, па нарача бифтек за себе, бело месо на жар за песот, сервирани на иста маса (ФОТО)