белгија – Вистина.мк

Жирито во „Ѕвездите на Гранд“ со восхит го слуша и му ласка на велешанецот Мики Секуловски, а еве како изгледаше и звучеше пред 14 години на „Македонски Идол“ (видео)

Слободанка Илиева — Thu, 23 Nov 2023 06:54:49 +0000

Со изведбата на „Сонце за три светови“, велешанецот Мики Секуловски го освои жирито во тековната сезона на „Ѕвездите на Гранд“, а истото воодушевување го доби и од следните претставувања. Коментарот дека е најдобар меѓу досегашните учесници кои пеат рок песни, му го кажа Марија Шерифовиќ, што беше сосема доволен знак дека Мики заслужено ќе го гледаме и во останатите изданија од оваа сцена, a ништо поскромни не беа ниту останатите членови на жирито. Некои можеби се сеќаваат на него, а некои можеби и не, но за Мики музиката секогаш била на прво место, освен кога пред шест години заминува во Белгија каде работи како келнер со цел да му помогне на своето семејство. Дури и тогаш песната и натпреварувачниот дух не го напуштаат, па и таму се пријавува на белгиското издание на „The Voice“. За Секуловски музиката никогаш не тргнала од музичките шоуа, туку напротив, тој има завршено средно музичко, а денес е дипломиран оперски пејач. Неговиот живот секогаш се движи во ритамот на музиката, некогаш во побавно темпо, а некогаш ултра забрзано. Така му беше и пред 14 години кога за инстантно време стана популарен како финалист во македонското музичко шоу „Македонски Идол“. Тогаш на истата сцена се натпреваруваше со: Билјана Ѓошева, Јана Бурческа, Виктор Апостоловски, Иван Раденов... Таа приказна заврши, а Мики продолжи во кариерата, сними неколку песни, а имаше и фестивалски претставувањa. Но, кога ќе те снема извесен период, кај нас толку треба за да те подзаборават, се додека не се случи нов бум, како сега со „Ѕвездите на Гранд“, нова прилика, нова шанса, нова реклама и актуелност. Македонците досега биле едни од најуспешните во актуелното шоу, а веруваме дека и Мики е на пат кон врвот, а оваа приказна ќе му заврши далеку поуспешно од претходните. фото: Facebook/Miki Sekulovski/ printscreen You Tube/Zvezde Granda видео: You Tube

Сите го знаеме шеф Марк од „Брза кујна“, а вака изгледа неговата ќерка (фото)

Христина Ѓоргиевска — Sat, 21 Nov 2020 08:28:09 +0000

Секој работен ден имаме прилика да го гледаме кулинарското шоу „Брза кујна“ каде што врвните готвачи подготвуваат најразни специјалитети. Марк де Јонг има македонско потекло, но со години живеел во Брисел каде по големиот земјотрес во Скопје се преселило и неговото семејство. Марк де Јонг пред неколку години се преселил во Македонија за да го исполни аманетот од баба му која пред да почине го замолила барем еднаш да дојде и да ја види земјата од која потекнува неговата мајка. „Дојдов во Македонија зашто на баба ми и ветив дека еден ден ќе се вратам тука. Мајка ми остави овде дел од животот и не сака да се врати, татко ми, кој беше Белгиец, е починат, а јас мојата огромна љубов за Македонија им ја должам на моите баба и дедо. Благодарение на нив, израснав со приказните за Македонија и со мирисот на македонската храна. Баба ми Магда готвеше македонска храна и целата куќа мирисаше на лук, особено кога ми правеше летна манџа со пиперки и домати. Тој мирис е незаборавен за мене, исто како и вкусот кој моите непца се уште го паметат. Токму тоа сакав да го почувствувам пак кога дојдов овде. Го исполнив аманетот на баба ми, и не само што дојдов да ја посетам Македонија, туку имам намера и да останам овде. Ова го одлучив кога дојдов тука втор пат, тогаш заедно со син ми Мајкл со кој направивме мала турнеја низ Македонија, таа моја навистина чудесна земја. Ме маѓепса мене, а мислам дека нешто слично се случи и со мојот син, кој наскоро ќе ми се придружи. Тој тргна по моите стапки и со готвењето и ја засака оваа земја и животот во неа па во текот на овие три години доаѓа многу често. И тој, како и ќерка ми, се многу горди поради тоа што за кратко време станав препознатлив за луѓето кои постојано ми приоѓаат секаде кадешто одам, на пазар, на улица, во ресторан„..., раскажува Марк за Сител. Марк е во брак со Василка со која има две деца, односно син и ќерка. Тие не живеат во Македонија, но ја користат секоја прилика кога ќе можат да ги посетат родителите и да поминат некое време заедно. Децата на Марк од „Брза кујна“ живеат во Белгија, а Марк во една прилика изјави дека во неговиот ресторан во Белгија на луѓето им кажувал колку е горд на неговото македонско потекло. https://arhiva.vistina.com.mk/radio-mileva/site-go-znaeme-shef-mark-od-brza-kujna-a-vaka-izgleda-negoviot-sin-foto/

Оваа земја им забрани секс на граѓаните поради коронавирусот – еве што точно опфаќа таа забрана

Христина Ѓоргиевска — Wed, 15 Apr 2020 13:15:23 +0000

Овие мерки се однесуваат само на сексуален контакт на човек со човек, во група со повеќе од двајца луѓе... Белгистака министерка за здравство, Меги де Блок, го замолила народот да ја сфати сериозно епидемијата на коронавирусот и да заборави на термините ‘групен секс’ и ‘оргии’. Де Блок во саботата соопштила дека Белгијците не смеат да имаат сексуален однос во просторија во која што има повеќе од двајца луѓе. Знаејќи какви се Белгијците, и дека за нив има гласини дека сакаат да пијат многу пиво и дека се застапувачи на групниот секс, министерката за здравсто изјавила дека наредбата стапува на сила веднаш. Тамошните медиуми нагласуваат дека Де Блок не забранува мастурбација, анален или пак орален секс. „Овие мерки се однесуваат само на сексуален контакт на повеќе луѓе одеднаш“ – додала таа кога новинарите ја прашале на што точно ќе се однесува донесената мерка. Истражувањето направено во 2018-та година покажува дека над 78 отсто од белгиските парови, отворено практикуваат размена на нивните сопружници, особина која што станала вообичаена пракса уште во 19-от век за време на владеењето на кралот Леополд II. иѕвор: точка.мк

Не била само Македонија: Мора да го смени презимето, ако сака да стане политичар (ФОТО)

Антонио Димитриевски — Wed, 26 Sep 2018 12:42:50 +0000

Еден млад човек кој се бори да е на власт во неговиот град Лобес во Белгија стана главна вест во светските медиуми, но не поради политиката за која се залага, туку само поради неговото презиме. Имено, тој не може да води политичка кампања за социјалната мрежа на Фејсбук, бидејќи оваа компанија верува дека неговото презиме е "непристојно". Неговото име и презиме инаку е Лук Анус, и оваа социјална мрежа едноставно не го прифаќа.

Лук (26) е кандидат за Советот на социјалистите во Ловес, Белгија, и кога видел дека некој ја споделил фотографијата од неговиот изборен плакат на Интернет, сфатил дека ќе мора да го промени своето презиме, па го променил во Лук Ану, кратејќи ја последната буква за на Фејсбук. "Фејсбук едноставно не го прифаќа моето презиме", им изјавил тој на локалните новинари. Фотографијата на неговиот изборен постер брзо стана вирална во Белгија, а потоа се прошири и низ светот.

Коментарите на оваа фотографија се различни, па има и погрдни, а младиот политичар вели дека не може да излезе на крај, пишува Метро. Иако Фејсбук не го прифатил, Лук не е единствениот во Белгија кој се презива Анус. Има уште 49 граѓани на оваа земја со истото презиме и сите живеат во регионот на Валонија.