бела чао – Вистина.мк

Додека Ламбе Алабакоски од душманите добива смртни закани, Игор Џамбазов во песна го прогласи за народен херој (ВИДЕО)

Антонио Димитриевски — Mon, 06 Nov 2023 10:47:24 +0000

Ламбе Алабакоски не само дека е одличен пејач, туку и голем македонски патриот и родољуб, веќе знаат и врапчињата. „Гемиџијата од Љубојно“ деновиве повторно беше на суд во Битола, но не како обвинет, туку само во сојство на сведок на Обвинителството во судскиот процес против Љупчо Георгиевски, поранешен претседател на згаснатиот бугарски клуб, чии порти како што е познато, Ламбе ги запали. Ламбе во судницата облечен со маичка со македонското знаме, а обвинетиот Ѓоргиевски со ликот на Ванчо Михајлов. „Имаше закани и навреди и ден денес ги има. Најчесто се, по мое мислење, од бугарски граѓани и луѓе кои живеат тука, а се чувствуваат како Бугари или од измислени ботови на Фејсбук и Инстаграм, кои најчесто ги добивам во директна порака со смртна закана кон мене и кон моето семејство“ - рекол Алабаковски во судницата. И додека Ламбе Алабакоски од душманите добива смртни закани, Игор Џамбазов на себесвојствен начин го прогласи за народен херој... И тоа во песна! До душа песната не е ниту нова, ниту непозната, а стана одново актуелна за време на короната. Италијанската партизанска песна „Бела чао“ (Збогум убавице) која потекнува од времето на италијанската граѓанска војна. Низ светот се користи како химна на слободата и отпорот. Песна која била пеена од анти-фашистичкото движење на отпорот во Италија меѓу 1943 и 1945 година. Авторот на стиховите не е познат, а музиката и духот на песната се врз основа на народната песна што ја пееле работници покрај реката По на почеток на 20 век – „Само што станав утрово“. Токму неа Игор Џамбазов ја искористи да направи своевиден римејк на истата и во неговите нови стихови на „оние - другите“, кои му се закануваат на Ламбе уште еднаш „да им ја плесне вистината в лице“, вметнувајќи ги Илинденските херои како: Гоце Делчев, Даме Груев, Питу Гули, Јане Сандански... а меѓу сите нив и Ламбе Алабакоски! Оваа верзија на „Бела чао“ е на репертоарот на Игор Џамбазов и Гуру Харе на нивните живи настапи, па делчето од еден таков некој го споделил на ТикТок, а Ламбе го преземал на својот Фејсбук... Колку за потврда „кој е кој“... Или како што вели Џамбазов во песната: „О партиџано - тоа сме ние, вие сте тие - другите“! Проследете како сето тоа изгледа и звучи...

@user5639685110396 ♬ original sound - enidze vardar

Тајзи ја опиша сурова реалност на живеењето во неговата балканска верзија на – „Бела чао“ ( ВИДЕО)

Антонио Димитриевски — Wed, 09 Nov 2022 13:58:17 +0000

Кумановскиот музичар и пејач Тајзи деновиве го објави видеспотот за неговата најнова песна „Бела чао“. Како што самиот вели, станува збор за балканска верзија на познатата италијанска револуционерна песна која стана симбол на пркосот и повторно ги спои луѓето, одржувајќи го духот, вербата и надежта и за време на коронапандемијата која однесе голем број човечки животи. „Решив да направам балканска верзија за модерното општество во кое живееме и за системот кој е тркало т.е истото зло кое се менува на неколку години. Светлината е мојот пат и не се тркам со никој,тука сум да ви докажам дека добри луѓе сеуште постојат.Не знам како да ви се заблагодарам за сите овие 12 години освен да ве послужам со нова музика од душа за душа. Спремам албум до лето и на него ќе има 12 песни. Сине, Парадокс, Гори, Југ и уште 8 нови песни на македонски и на српски јазик. Не замерувајте на јазик и граматика туку пробајте да ја разберете пораката која ми е дадена да ви ја пренесам. Песната е напишана пред 5 години како и многу други дела кои го чекаат моментот.Многу малку луѓе знаат со какво зло се борам низ целата кариера. Ама не се откажувам!!! Имам своја мисија... 1Слобода за народот !!! Слава на Бога“ - напишал Тајзи во Инстаграм постот како најава за неговата балканска верзија на песната. Фантастичниот текст кој ја опишува суровата реалност на денешницата за балканската верзија на „Бела Чао“ го напишал самиот Тајзи, додека аранжманот, миксот и мастерингот ги потпишува Иле Спасев. Верзијата на Тајзи е визуелизирана со симпатично лирик видео, кое го изработил Никола Ставрески: Како звучи и изгледа кога Тјзи ја претставува својата сурово реална верзија на „Бела чао“ проследете во неговото видео (КЛИКНИ ТУКА):

Почина италијанската пејачка Милва, која го отпеа хитот „Бела чао“

Антонио Димитриевски — Sun, 25 Apr 2021 09:57:28 +0000

Во 82-та година од животот, во својот дом во Милано, по долго боледување почина италијанската пејачка Марија Илва Бокати, позната како Милва. Таа беше позната по многубројните италијански хитови, меѓу кои и песната „Бела, чао“. Бела чао (Bella chao), „Збогум убавице“, е италијанска партизанска песна која потекнува од времето на италијанската граѓанска војна. Милва беше најпопуларна во 60-тите и 70-тите години, а особено беше впечатлива по својата црвена коса. Таа беше популарно и надвор од Италија, особено во Латинска Америка, Шпанија, во Франција каде ја споредуваа со Едит Пјаф, како и во Германија. Во 2010 го издаде својот последен албум. Прекарот и беше Ла Роса, а неодамна се вакцинираше против ковид 19, апелирајќи до целата нација да се вакцинира за заедно да го победат вирусот.

Игор Џамбазов со песна вака им посака „добро утро“ на Каракачанов, Бојко Борисов и… „тие, другите“! (ВИДЕО)

Антонио Димитриевски — Thu, 10 Dec 2020 07:30:28 +0000

Кога си роден за нешто - си роден... Некои работи не се учат ниту во училиште ниту низ животот. Едноставно со нив се раѓаш... Како талентот на пример... Инспирацијата ти ја дава секојдневието, се разбира. Оттаму ја црпиш, та било тоа секојдневие црно како темен тунел или розово како мајска роза... А и да не е, ќе се навикнеш... Човек не се' се навикнува, па наоѓа и начин и инспрација денот самиот да си го направи розов... Или некому да му го зацрни... А, можеби и двете одеднаш? Како нашиот најпознат шоумен, блузер, актер... кој имаше нова „рунда вербални пораки“ за Бугарите... Или повеќе музички овој пат, зашто низ песна „им го свирна“ она што не сакаат да го слушаат, оти таа песна, таа вистина, всушност најмногу ги боли! Ама не боли и нас од нивните „политичко-асимилаторски“ гнасотии, па затоа Игор Џамбазов „баш го заболе“, што Красимир или Бојко или кој и да е ќе го заболи од неговата песна. Онаа омилената на Бојко, само на нов глас... Или поточно низ нови стихови, кои Џамбаз му ги стокми, па ги опеа како утрински поздрав за челниците на источните комшии. Со гитарата в рака, црна маска преку очите, како што „шефот на источните“ ја ставаше и очила со диоптрија кои и црното го гледаат розово и омилената песна на „братот на Зајко“ - „Бела чао“... Само не варијатата од Митевски и Дац, туку онаа оригиналната, каква што и била и намената и пораката кога е напишана италијанската „партизанска верзија“. Се разбира како „партизански поздрав“ за „добро утро“ на Каракачанов, Бојко Борисов и... „тие, другите“... „Каракачанов, Бојко Борисов, о бела чао, бела чао, бела чао, чао, чао... Партиџано - тоа сме ние, вие сте тие, другите...“! Слушнете како звучи утринскиот партизански поздрав на Игор Џамбазов до Бојко и Каракачанов. Баш да видиме дали овие одовде ќе му ја испратат и оваа верзија, па „шефот од комшии“ ќе ја врти како омилена во својот автомобил?

View this post on Instagram

A post shared by Игор Џамбазов (@igordzambazov)