бекстејџ – Вистина.мк

Александра Јанева (не)мора да биде само поп пејачка: Струмичанката „ја наместија“ новата песна „Дождови“ да ја отпее во народна верзија, а таа како фолкерка блесна или… „покисна“?“(ВИДЕО)

Антонио Димитриевски — Wed, 21 Feb 2024 07:11:16 +0000

Неодамна Александра Јанева во јавноста ја промовираше својата нова песна која го носи насловот „Дождови”. Струмичанката нумерата со денови наназад ја најавуваше на своите профили на социјалните мрежи, па откако се појави за песната има само позитивните реакции и коментари. Моќен текст и мелодија која ја воодушеви публиката на прво слушање. Авторскиот тим кој се потпишува за ова дело се: музика и текст – Лазар Цветкоски и Александра Јанева, аранжман и продуцент – Лазар Цветковски, а видеото, пак, кое е приказна за себе, полна со многу драги луѓе на Александра, е изработено од Горан Симјановски. Медиумската промоција разбирливо, тргна веднаш потоа, па додека истата е во полн ек, Александра беше гостинка и во најгледаниот естраден ТВ магазин „Бекстејџ”. Во разговор во кој откри детали кои беа непознати за јавноста токму за песната „Дождови”, струмичката пејачка доби предизвик што не смееше да го одбие, па сакала или не, песната мораше да ја испее на еден малку поинаков начин. Во народен стил, со пеење со трилери, онака, како што пејат нејзините фолк колешки и колеги! Како зазвучеа нејзините „Дождови” доколку би биле народна песна, како се снајде Александра како фолкерка, дали пејачката блесна или „покосна“ во нејзините „Дождови“ од испеаните трилери, погледнете во видеото во продолжение:

View this post on Instagram

A post shared by Backstage⭐️ (@backstage_macedonia)

Фото и видео: aleksandrajanevaofficial/backstage_macedonia

Во „Преспав“ јавноста дозна која е Исаура, а на снимањето филмот за Џеј – „Недела“, Емра Куртишова дозна дека е бремена, но и дека татко и нема да го дочека раѓањето на нејзината ќерка Лена (ВИДЕО)

Антонио Димитриевски — Wed, 07 Feb 2024 07:33:33 +0000

Иако за љубителите на театарската уметност и претходно не беше анонимна, особено за помладата публика како професионален актер во „Театарот за деца и младинци“ во Скопје, пошироката јавност сепак ја запозна дури по емитувањето на третата сезона на популарната македонска серија „Преспав“, кога се појави во ликот на собарката Исаура, која му стана голема љубов на рецепционерот Талат. Актерката Емра Куртишова со оваа улога преку ноќ ја освои публиката, па како еден од познатите и популарни ликови во „Преспав“ стана етаблирана актерска ТВ ѕвезда за која јавноста и медиумите почнаа се повеќе да се интересираат и почесто да ја третираат. Порталите на своите насловници, ТВ емисиите како гостинка во нивните најнови изданија, Јутјуб просторот и подкастерите исто така неретко ја седнуваат пред камерите... Исклучок не направи ниту најстариот и најгледаниот естраден ТВ магазин кај нас, „Бекстејџ“ кој во интервју пред камерата ја седна актерката за која се повеќе гласно се зборува. Особено по уште едно маестрално остварување, овој пат регионално и на големото платно, откако одлично ја одигра улогата на мајката на починатата естрадна ѕвезда Џеј Рамадановски, во неговиот автобиографски филм „Недеља“, чија премиера се прикажува и во Македонија. Како што по некое непишано правило убавите случки се случуват случајно, така и Емра станала дел од актерската екипа на филмот за животот на Џеј. Како ја добила улогата, дали знаела воопшто нешто за животот на пејачот претходно, кој и помогнал во снимањето на пробното домашно кастинг видео, како течел процесот на градењето на улогата... За свадбата, бременоста, загубата на таткото непосредно по стапувањето во брак, за поврзаноста со него и последните денови и мигови пред тој да замине од овој свет, за болката кога додека била бремена сфатила дека татко и нема да го дочека раѓањето на нејзината ќерка... И за уште некои непознати нешта за неа, македонската актерка Емра Куртишова „ја отвори душата“ пред камерата на „естрадниот ТВ магазин од зад сцената“. Погледнете го видеото во продолжение...

Ева Јовановска покажа отворени намери дека не може без живот пред камери: Водителката од „Бекстејџ“ сега ќе чекори по „Златниот тепих“ (ФОТО)

Антонио Димитриевски — Thu, 25 Jan 2024 10:05:06 +0000

Ева Јовановска или како што сите повеќе ја знаат како Евче... Млада, згодна, привлечна, симпатична, необична… Манекенка и модел, танчерка и некогашна водителка на естрадниот ТВ магазин „Бекстејџ“ од кој заради икс причини кон крајот на минатата година си замина. Во меѓувреме се појави како водителка не една - две манифестации, како ПР на една промотерско-продуцентска куќа, па реши да му се врати одново на танцувањето и посвети на инфлуенсерството. Армо ама, убавата 20-годишна тетовка како да не ја држи место да ја нема на ТВ екраните, па Евче покажа отворени намери дека не може без живот пред камери и реши одново да застане пред нив, во првата прилика штом таква и се укажа. Hајгледаниот и најпознат естраден ТВ магазин „Бекстејџ“ оддамна се покажа како школа за фабрикување млади кадри за себе но и за некои други емисии, па дури и оние кои се обидуваат да бидат конкурентни на нивните содржини. Така, Миро Кацаров - некогашниот водител на „ТВ магазинот од зад естрадната сцена“ пред три години посака и реши по секоја цена да биде „прва виолина“ во сопствениот „естраден ТВ свет“, правејќи го својот „Golden carpet“ . Откако низ него продефилираа неколку водителки, најновото водителско засилување кое сега ќе чекори по „Златниот тепих“ е токму една од наследничките на неговиот основач, кога тој замина од „Бекстејџ“. Доскорешната водителка на „ТВ магазинот од зад сцената“ Ева Јовановска е принова во емисијата кај оној, кого токму во „Бекстејџ“ го наследи. Имено, од 1-ви февруари Ева Јовановска ќе биде дел од екипата на „G - Сarpet“. Како водителка или новинар кој ќе подготвува прилози или можеби и двете останува да видиме откако Евче ќе зачекори по „Златниот тепих“. За едни родена, за други „умрена“ да биде пред камери, сеедно... Кој како сака може да ја толкува, но факт е дека убавата и згодна тетовка ќе ја збогати и содржински и визуелно емисијата која претендира да биде најгледана во својата сфера. Харизмата и шармот пред камери од една страна, ама и телесната убавина од друга, ја прават сексапилната Евче доволно привлечна и атрактивна на „Златниот тепих“ да му ја качи гледаноста, а таа самата себе си одново, да си ја крене популарноста! Фото: Инстаграм/ miroslavkacarov/_evce_

Во четврток на Телма: „Backstage – special“ посветен на Тоше

Антонио Димитриевски — Mon, 22 Jan 2024 12:38:33 +0000

Нашата единствена и најголема музичка македонска ѕвезда Тоше Проески е роден во 11 часот и 15 минути на 25-ти јануари 1981 година, во Прилеп. Денес тој да беше меѓу нас ќе прославеше 43 години. Човекот кој со својот огромен талент, позитивна енергија која зрачеше од миг во миг и секогаш со љубов за сите. Уметникот кој докажа дека музиката нема граници и човекот кој ни покажа дека хуманоста треба да биде задолжителна особина. Нашиот Тоше позади себе остави вечни подароци од ноти кои никогаш нема да се заборават, ни подари љубов и не научи на убавината во секој ден и секој човек. И овој 25 јануари ќе биде во знакот на многупати повторуваната реченица: „Тоше има само ден на раѓање”. Единствениот естраден магазин Backstage во четврток подготви емисија која што ќе биде посветена токму на него. За него ќе зборуваат личности со кои што има соработувано професионално, но, и личност која сите овие години молчеше, а имаше што да каже и му беше еден од ретките вистински пријатели кој што тој ги имаше во својот живот. Но тоа не е се, велат за роденден се подаруваат подароци. Овој пат Backstage на сите оние кои што го сакаа и почитуваа ќе им подари нешто што досега никој го нема за направено за него. Се со цел неговиот лик и дело никогаш да не се заборави, да се испочитува достоинствено и да му се даде благодарност за се она што тој ни го подари нам.

Миро Кацаров од „Златниот тепих“ директно на „Жешко столче“: Од ‘Бекстејџ’ си заминав зашто од некој што е пилот на авион сакаа да ме сведат на шофер на комбе!“ (ВИДЕО)

Антонио Димитриевски — Wed, 27 Dec 2023 07:01:19 +0000

Роден штипјанец, кој веќе две децении живее и работи во македонската престолнина. Пошироката јавност го запозна уште на самите почетоци како водител и новинар на најгледаниот ТВ магазин „Бекстејџ“ во кој беше една од алките на првата екипа. Подоцна замина, за одново да им се врати по нивниот “ривајвал“, каде со Миа Костова беа главните ТВ ликови во ТВ магазинот „од зад сцената“. Но, не издржа долго и овој пат, па желбата за сопствена продукција и своја емисија очигледно беше посилна од „излог на ТВ магазинот“ да се биде само „уште една цигла во Бекстејџ ѕидот“, па Мирослав Кацаров или како што сите го знаат како Миро си замина и набргу застана пред камерите на сопствениот „Златен тепих“ - емисијата која како една од ретките од естрадно - забавен карактер и со такви содржини и ден денес оди во македонскиот телевизиски етер. За „штипјанчето“ во Скопје, за заканите, растежите и падовите во кариерата, за тоа кого никогаш не би поканил во емисија и кој има одбиено да му гостува, дали и колку тазе сопругата Ивана му го сменила животот, како и каде ја запознал, како ја прифатил нејзината ќеркичка од првиот брак која со нив живее и дали работи на семејна принова, за свадбената забава која несомнено била гала, ама дали и „гага“... Како и за многу други помалку познати или сосема незнаени нешта, Миро ја отвора душата пред камерата на Никола Трпковски и неговите „жешки прашања“ на „Жешко-то столче“. Што се' кажа Миро Кацаров, кого се' прозва и во какво беше ставен искушение, проследете од видото во продолжение:

Ацо Пејовиќ: „Тоше Проески е еден и единствен, после него сите се плашат да направат нешто“ (ВИДЕО)

Антонио Димитриевски — Sun, 17 Dec 2023 11:28:26 +0000

Неговото име и презиме се поим за успех, пример за остварување на својот сон, но и доказ дека оние 5 минути во животот не чекаат сите нас, доказ дека среќата трае исто толку, а ако успееме да ја препознаеме и задржиме, доаѓаме до она кон што сите копнееме – задоволство и мир. Ацо Пејовиќ тоа на време го сфати. Неговиот живот е далеку од совршен, но тој успева работите да ги прифати на вистински начин. Не е еден од оние кои себе си во медиумите ќе се претставува како голема ѕвезда чиј што живот е идеален. Напротив... Тој со себе носи порази и тага, разделби и болка, но и огромни успеси за кои отворено зборува. Години подоцна и понатаму со насмевка на лицето, но со големо искуство, драгоцени вредности и приоритети во животот, повторно накратко прелета преку некои спомени со желба повторно да ја собере публиката и да ја потсети на некои времиња, емоции и песни. А тоа ќе го направи на 23-ти декември во „Арена Борис Трајковски” со голем предновогодишен концерт. Во интервју за естрадниот ТВ магазин „Бекстејџ“ тој зборуваше за концертот и додаде дека многу се радува на истиот. Дел од разговорот, освен на концертот, беше посветен и на Тоше Проески, каде што Ацо кажа дека тој е еден и единствен и дека многумина се плашат од неговиот успех, кој е недостижен.

Јелена Карлеуша збесна по интервјуто на Nucci во „Бекстејџ“

Антонио Димитриевски — Wed, 06 Dec 2023 12:39:50 +0000

Јелена Карлеуша повторно влезе во војна со траперот Игор Паниќ -Nucci, откако таа брутално одговори на прозивката што тој и ја упати во интервју за естрадниот ТВ магазин „Бекстејџ“.

Имено, таа објави инстаграм приказна на која испрати јасна порака, бидејќи како што вели постојано ја споменува.

Неодамна во единствениот естраден магазин Бекстејџ, гостуваше српската трап-рап сензација Nucci, каде му беше поставено прашање за расправијата која ја имаше со Јелена Карлеуша, на што тој одговори дека направил хуманитарно дело со тоа што на Инстаграм стори го споделил нејзиниот албум.Јелена како Јелена по објавувањето на интервјуто, брутално му одговори на траперот.

„Зошто те нема никаде ниту во топ 5 каде некој те слуша пријателе! Ајде откачи се од мене, не ме вадиш од уста,никогаш име не сум ти спомнала, сфати го овој мој одговор како моја хуманитарна помош на тебе и твојата непостоечка кариера!

П.С „Овој човек има прекар Nucci, да им објаснам на луѓето кои не знаат кој е“ - беше одговорот на Карлеуша.

Фото: Инстаграм/karleusastar

Nucci: Направив хумано дело за Јелена Карлеуша, ставив Инстаграм стори да го слушнат нејзиниот албум (ВИДЕО)

Антонио Димитриевски — Thu, 30 Nov 2023 12:02:19 +0000

Nucci станува сè попопуларен, особено меѓу младите. Смета дека за неговата кариера е заслужна короната, а песната „Бебо“ доживеа голем успех. Прекарот на Nucci е изведен од неговото презиме Паниќ. Еден другар од средно го нарекувал Панучи, пијан после ноќно излегување, и „Па“ едноставно се изгуби и остана Nucci. На почетокот му пречеше, воопшто не му се допаднало, но подоцна го прифатил. Пејачката Јелена Карлеуша неодамна гостуваше во утринската програма и зборуваше за новите албуми, настапите и концертната проомооција кој ја имаше во Белград на вода. Нејзиното гостување го привлече вниманието и на раперот Игор Паниќ, попознат како Nucci, кого го спомна во текот на интервјуто, што тој го искористи и испрати провокација преку Инстаграм. „На пример, некој Лил Микс или Пил, Лил Пикс, некој нов изведувач има милијарда прегледи на YouTube, Spotify и гази некоја Бијонсе, но Бијонсе оди на турнеја и пријавува заработка од 1,6 милијарди долари во првиот месец, а следната година Лил Пикс, Nucci, Ќучи нема да постојат“ - рече Јелена, по што следеше неговата објава на Инстаграм приказните, на што таа брзо реагираше: „Оваа Карли (да ми го напишеш името со големи букви, Индијанецу) не ти е виновна што не можеш да продадеш 100 карти за концерт. Ќе траете до крајот на оваа инстаграм приказна, а вие ме коментирате мене. Повлечи се ! Да не беше малиот Војаж, ќе бев уште поконкретена, но тој ми е сладок. Оди дели карти во училиштата, работи за 100 евра, кои менаџерите ти ги даваат како роба“ - напиша Јелена. Во ексклузивно интервју за најгледаниот естраден ТВ магазин "Бекстејџ" , Nucci говори за многу нешта меѓу коите и за Карлеуша. Што се' кажа, проследете од видеото во продолжение што го направија нашите соработници од „магазинот зад сцената“:

Откако не е повеќе во „Бекстејџ“, Ева Јовановска сфати дека е време да и се врати на старата љубов: Многу наши водителки имаат убави и долги нозе, ама само таа умее со нив да направи вакви пози (ВИДЕО)

Антонио Димитриевски — Wed, 15 Nov 2023 09:53:43 +0000

Младата и атрактивна Ева Јовановска (20) повеќе не е ТВ водителка... Не барем на најгледаниот естраден ТВ магазин - „Бекстејџ“ со кого неодамна ја прекинаа соработката. Сексапилната тетовка сега е посветена на ПР - работата за една продуцентска куќа и еден портал - магазин, што не значи дека наскоро одново нема да ја гледаме на домашните ТВ екрани, на што наголемо работи и се подготвува. Ама за тоа - потоа, кога ќе дојде денот. По „раскинувањето“ со „магазинот од зад сцената“, утехата по промената ја побара во она што претходно до крај ја исполнувало... И во душта и телото! Евче бргу сфати дека е време да и се врати на старата љубов! Еднаш балерина - секогаш балерина, зашто движењата, потезите, позициите и позите... никогаш не се забораваат. Можеби само формата и кондицијата треба да се вратат за задоволителното ниво и потоа она што Евче умее да го покаже, ниту една друга водителка не го може. Зашто многу од нив имаат убави и долги нозе, ама само таа умее со нив да направи вакви пози! Патем, кога Евче тренира возбудата е на работ да експлодира... Зашто секоја нејзина нова балетска поза буди и малку поинакви мисли од оние само уметничките, а буди и помалку или повеќе нервоза и кај претставничките на понежниот пол од конкуренцијата, оти тие тешко можат вака да ја совладаат лекцијата. Зашто, за вакви балетски позиции не се потребни само физички предиспозиции! Стој на раце со високо кренати нозе нагоре во вертикала, висок скок со свиткани нозе во колената или шпага... зависи која поза ви е подрага! И сето тоа за здраво тело, полна душа, уметнички впечаток и... „влажни машки погледи“ за „бурни сништа“! Зашто многу наши водителки имаат убави и долги нозе, ама само Евче со нив ова го умее и може! Фото: Инстаграм/_evce_

Џејла Рамовиќ: „Досадна сум за медиумите, а не престануваат да ме спојуваат со Марија Шерифовиќ“ (ВИДЕО)

Антонио Димитриевски — Fri, 10 Nov 2023 12:06:34 +0000

Една од најпопуларните млади балкански музички ѕвезди Џејла Рамовиќ во интервју за најгледаниот естраден ТВ магазин „Бекстејџ“ откри како се справува со популарноста, со прозивките во медиумите и какви впечатоци добила од натпреварот едно регионално музичко натпреварување и за многу други теми. За Џејла велат дека таа е целосен пакет, со харизмата со која ја освојува публика и неверојатните вокални способности, самоуверено се проби до финалето во најгледаното музичко натпреварување „Ѕвездите на Гранд“. Џејла Рамовиќ и Марија Шерифовиќ некогаш биле многу блиски, до тој степен што години наназад се зборуваше и пишуваше дека меѓу нив има нешто повеќе од само пријателство. Сепак, во последната година овие две пејачки не можат да се видат во исто друштво, па не е чудно што многумина се на мислење дека врската се „распаднала“. Џејла Рамовиќ конечно реши да проговори за релациите со Марија Шерифовиќ која веќе некое време е топ тема во медиумите во соседна Србија, токму во Бекстејџ. Проследете го разговорот од видото во продолжение: