бдм – Вистина.мк

Македонскиот бенд BDM годинава ќе настапи на EXIT

Антонио Димитриевски — Wed, 28 Jun 2023 10:13:23 +0000

Македонскиот бенд BDM на 8 јули 2023 (сабота) ќе настапи на еден од наголемите светски музички фестивали, EXIT. Ова ќе биде прв настап на BDM во Нови Сад, а сцената ќе ја делат со некои од најголемите имиња на светската електронска музика. Тие ќе се претстават со музиката од албумот State of Mind, кој го промовираа пред крајот на 2022 година, а ексклузивно на настапот на Петроварадинската тврдина ќе ја промовираат и новата песна Synapsis. „Ова е голема чест, но и успех, што ќе бидеме дел од артистите што ќе настапат на EXIT и што можеме да дадеме придонес како македонски претставници на фестивалот. За нас, ова е еден вид награда за сиот минат труд“, велат Бане, Мартин и Дуле. Освен што ќе настапат на EXIT, BDM се во преговори и за настап на неколку фестивали низ Европа. Тие веќе подготвуваат материјал за нивниот следен албум, а истовремено работат и на соло музички проекти и неколку соработки со артисти од земјава и регионот.

BDM имаат домашно парче со светски призвук – „Run n’ Hide“ (ВИДЕО)

Антонио Димитриевски — Tue, 09 Jul 2019 12:17:10 +0000

„Run n' Hide“ e насловот на новата песна на македонското продуцентско трио BDM, која всушност е и прва соработка со машки вокал - Alex V. „Run n' Hide“ е трета песна на македонскиот бенд, овојпат направена во електронски амбиентален звук. Како и претходните две, и таа е испеана на англиски јазик, а е во издание на Paragon Record Label.

„Alex подолго време ни е соработник во тимот на Paragon Record Label, но тој првпат се појавува како главен вокал на една наша песна. Претходно работеше со BDM и продукцијата на Paragon како ghost writer. Музиката и аранжманот ги направивме ние тројца, а текстот е работен заедно со Аlex V“, велат момците од BDM.

Темата се промовира во исто време со видео запис, работен со режисерот Дарко Митев. Главната улога во кадрите ја има Maryse Jolene.

Овој новитет не е единственото нешто за момците од BDM, кои до крајот на годината го најавуваат проектот, односно деби албумот со наслов “State Of Mind” на кој ќе се најдат и претходните два сингла „Lее” - на кој им гостуваше Јова Радевска – Yova; и „U&I” што го снимија во соработка со пејачката од Јамајка, Khaleen.

„Музиката ја работиме на англиски јазик бидејќи Paragon Record Label овозможува музиката да ни биде чуена низ целиот свет и со самото тоа можеме полесно да се промовираме на светскиот музички пазар. Втората причина е што целта на овој бенд е да настапува на фестивали низ Европа и на останатите континенти. Но тоа што работиме на англиски не значи дека нема да снимаме песни и со македонски текстови“, додаваат од BDM.

Во текот на следната недела Paragon Record Label ќе го објави онлајн натпреварот на светско ниво за најдобар ремикс на Run n' Hide. Победникот ќе добие директна промоција на својата музика од страна на Paragon Record Label и можност за понатамошна соработка со оваа издавачка куќа.

BDM е македонски бенд со екпирементален жанровски инфлуенс, а плановите на овие тројца момци се да направат нова димензија во музиката, во која секоја песна ќе биде приказна сама за себе. Со модерен звук и продукција, нивната цел е музиката да се крене на едно ново ниво. Мотивирани и фокусирани на самиот звук, BDM се стреми да стане светски продукт и во блиска иднина да остават свој белег и да се чуе што подалеку за нив.

Paragon Record Label, пак, е независна издавачка куќа, која комбинира љубов кон музиката и страст за квалитет во музичкиот бизнис. Посветени се на долгорочен развој на нови артисти, бендови и диџеи. Нивната мисија е да им обезбедат на своите соработници шанса да бидат слушнати на сите музички онлајн платформи за да можат полесно да се промовираат, но не само во Македонија, туку и на глобално ниво. Сите членови потпишани под Paragon Record Label можат да бидат чуени во светот преку најдобрите платформи за музички стриминг како што се iTunes, Spotify, Google Play, Apple Music, Deezer, Neurotic, Pandora, Shazam + 150 други платформи. Paragon Record Label има свое музичко студио за снимање со целосен спектар на музика, специјализирано за продукција, миксање, мастеринг, изведување, заштитување на авторски материјал, маркетинг, менаџмент и сите останати услуги коишто можат да бидат понудени од светски музички издавачки куќи. „Врз основа на искуство во музичката индустрија и бизнисот, и со цел да им помогне на брилијантни уметници да го достигнат својот целосен потенцијал, членови на нашиот рекорд лејбл со кои неодамна работевме продолжија да потпишуваат големи договори, да обезбедат нивната музика да биде слушната на светски радија, да работат со текстописци од регионот и од целиот свет. А тоа е бидејќи нашата музика е достапна и може да се слуша низ целиот свет. Наша мисија е да обезбедиме свежи идеи, можности и искуства за уметниците, следејќи ги современите трендови во музичката индустрија“, велат од Paragon Record Label. https://www.youtube.com/watch?v=wogwzoBTTwY

БДМ и ЈОВА ви го претставуваат интерконтиненталниот проект – „Lee“ (ВИДЕО)

Антонио Димитриевски — Thu, 09 Aug 2018 13:21:29 +0000

„Парагон рекорд лејбл“ (Paragon Record Label) Ви ги претставува БДМ (BDM), свежиот звук на новата модерна македонска музика со нивниот прв видео запис за песната „Lee“.

Интерконтиненталенот продукт, работен во Скопје, Белград, Лондон и Детроит е уште еден доказ дека денешниот музички свет не познава граници, туку вистински квалитетен звук инспириран од едноставна, емотивна приказна, што веројатно сите, сме ја доживеале.

„Lee“ e режисерско деби на Виктор Стоимиров, а е визуелно воден од блескавата Елена Гугоска.

Стоимиров успева да ја пренесе едноставната порака – за кршливоста на љубовта и моќта во таква ситуација, да се издвојат убавите моменти кои вредат да се запомнат.

Зад карактеристичниот вокал на „Lee“ стои светската Јова (Yova), a песната повеќе од еден месец одлично котира на светските стриминг сервиси, воедно е и достапна на Ајтјунс, Спотифај, Гугл плеј, Епл мјузик, Дизер и Шазам. https://www.youtube.com/watch?time_continue=187&v=lsu55DHPWd8 Извор:РадиоМК