барбика – Вистина.мк

Слободан стана Сања: Два пати се пријавуваше во „Ѕвездите на Гранд“, прво под вистинското име, а подоцна се претстави како русокосата Сања! (ФОТО)

Антонио Димитриевски — Mon, 26 Feb 2024 13:02:40 +0000

Јавноста и публиката Слободан го запознаа во 2003 година, кога за прв пат се пријави на аудиција за „Ѕвездите на Гранд“. Како што изјави, отсекогаш се чувствувал како жена, но никогаш не ги оперирал гениталиите. По таа аудиција тој исчезна од јавноста, но потоа го смени името и во 2010 година повторно се појави на истоимената аудиција под името Сања, односно прекарот „Барбика“. „Решив да одам на пластична операција за да станам вистинска жена, да се омажам и да имам семејство“ – изјави тогаш Сања Катаниќ за локалните медиуми. Никогаш немал(а) поддршка од родителите. Како што вели, нејзината мајка не се жалела толку многу, додека со татко и одело многу потешко. Според тамошните медиуми, Слободан, односно Сања, тврдела дека покрај машкиот полов орган има и матка, а од својата петнаесетта година има и редовен циклус. И покрај сето тоа го отслужила и воениот рок, каде најтешко и било заедничкото туширање, со оглед на тоа дека секогаш се чувствувала како девојка, па како што изјавила и било малку непријатно. Сања денес живее во Чачак, а кафеавата коса ја обоила и сега е русокоса. Фото: Инстаграм/srbija_showbizz/ facebook

Во времето на Југославија Лепа Брена имаше своја Барбика, а многу девојчиња ја имаа- еве како изгледаше (фото)

Слободанка Илиева — Wed, 26 Jul 2023 06:15:25 +0000

Со објавувањето на најновиот филм „Барби“, цел свет повторно полуде по познатата кукла, а многумина заборавија дека во осумдесетите, позната пејачка од регионот има своја верзија на Барби. Администраторите на Инстаграм профилот „Музеј Југославија“ објавија фотографија од куклата на Лепа Брена. Иако не беше оригинална, денес оваа кукла вреди многу.

View this post on Instagram

A post shared by Muzej Jugoslavije (@muzej_jugoslavije)

„Додека целиот свет лудува по новиот филм Барби, ние од колекцијата избираме барбика направена по ликот на Лепа Брена. Овој производ со ликот на познатата пејачка е продуциран заедно со албумот ‘Боли ме уво за све’, кој е и саундтрак на филмот ‘Хајде да се волимо 3 – Удаје се Лепа Брена’ од 1990 година. Иако беше изоставен од актуелниот филмски спектакл, Музејот е тука да ја исправи неправдата и да потсети на овој важен југословенски придонес за Барбиленд“, напишаа со хумористичен тон. Во коментарите многумина се сетија дека имаат токму ваква кукла, а некои коментираа дека се разочарале кога ја добиле бидејќи оваа кукла воопшто не личи на Лепа Брена. фото:Инстаграм

Во бујните гради на Сања – Барбика чука – „Срце Балканско“ (ВИДЕО)

Антонио Димитриевски — Fri, 23 Jun 2023 06:56:28 +0000

Познатата фолк-пејачка Сања Цинцева или попозната како Сања Барбика вчера, четврток, 22 јуни 2023 година, на социјалните мрежи ја објави нејзината најнова песна со наслов „Срце Балканско“. Барби, која важи за една од нашите најпознати музички имиња на фолк-сцената, со овој нејзин најнов музички проект покажува како треба да звучи, но и да изгледа новосоздадениот македонски фолк. Покрај одличната песна, Барби со својот тим од соработници се потруди да сними и доста интересен видеоспот, во кој покрај неа и згодните танчерки, се појавуваат и триесетина дечиња кои танцуваа на ритамот на „Срце Балканско“. „Јас сум презадоволна од целиот проект. Можеби еден од најдобрите за мене досега. Одбрав одлична екипа за да го сработиме ова и крајниот производ мислам дека ќе и се допадне на публиката. Едноставно уживав и во процесот на снимање на песната во студио, а уште повеќе и за време на снимањето на спотот. Мислам дека ваков спот досега немало кај нас и поради тоа сум пресреќна“ - вели Цинцева. Како автор на музиката се потпишува Бернат Демирали, текстот е дело на Орце Зафировски, а за трубата во песната беше задолжен познатиот Енис Папазов. Довербата да го сними видеоспотот, Барби му ја довери на режисерот Зати, со кого таа има соработувано и во минатото. Инаку оваа нова песна на Сања е само најава за тоа што допрва следува, таа ветува нова музика, нови проекти во иднина, а во меѓувреме ја очекува и доста напорно лето, со оглед на тоа дека таа важи за една од нашите најбарани фолк-пејачки. Слушнете ја и погледнете го спотот за новата песна на барби во чии гради чука - „Срце Балканско“.

Сања – Барбика гола во природа: Фолкерката се прошета топлес низ шумичката… (ФОТО)

Антонио Димитриевски — Sat, 14 Jan 2023 08:20:02 +0000

Фолкерката Сања „Барбика“ Цинцева, покрај пеењето е голем љубител на две нешта: природата и разголувањето. И обете досега ги покажа и јавно и тоа во неколку наврати. Времињата се такви што само со вокалните способности не се тера кариера, па затоа телесниот раскош и убавина се' почесто се на виделина, како адути плус за привлекување на публиката и пораст на популарноста. На зима расната струмичанка е на скии... Банско во Пиринска Македонија или некаде дома, во нашава Македонија, сеедно... Само да е природа и да има снегче. Секако и добро друштво. За да има кој да те придржи или ако паднеш, кој да те поткрене... На лето и наесен, шумската прошетка е добредојдена. А нашата убава Македонија изобилува со природни убавини, па затоа сексапилната пејачка се потсети когаа реши да го искористи моментот и да ги спои двете свои страсти: природата и разголувањето! Расната струмичанка, со „јавно невидливата“ придружба, најде мотивација да си одбере дестинација, па во избраната природна локација покажа како се живее живот без ограничувања. Слободна и без предрасуди кога е во нејзиниот свет, како пчеличка од цвет на цвет Барби шеташе низ преубавата природа, чиј повик ја натера де се сплоти со неа. Она што на пејачката и го дала мајката природа, препуштена во нејзините прегратки, Сања и го возврати... Се соблече топлес, па така гола се прошета низ шумата. Слободата нема цена, а убавината е скапоцена... Особено ваква, раскошна, бујна и стројна, каква што Сања - Барбика ја поседува. Пред заминување дома, гордо застаната на карпата среде шумичката, на Барби и се подигна фустанчето, од под кое срамежливо ѕиркаа гаќичките на пејачката. Црно на бело или поточно, под црното - бело, како снегче што почнало да се белее под врвот на високата планина, дополнително потенцирајќи ја нејзината „скриена“ убавина!

Фолкерката има нешто „Уникатно“ да ви покаже: Носи ли Сања – Барбика во новиот спот долна облека? (ВИДЕО)

Антонио Димитриевски — Tue, 08 Feb 2022 09:26:26 +0000

Струмичка фолк пејачка Сања Цинцева попозната како Сања - Барбика има нова песна и видео. Атрактивна, сексапилна, доволно разголена да ги обори на колена или барем остави со подзината уста и падната вилица сите оние на кои струмичката убавица има нешто „Уникатно“ да им покаже, нешто што со зборови тешко може да се опише. Правилото златно, вметнато и во „Уникатно“. Раскошната става и бујните телесни атрибути во прв план, или она што и е најголем адут покрај испената песна, за што и самата Барби била свесна, па на најдобар можен начин го применила проверениот рецеп и во најновиот видео-концепт. А, песната со жесток ритам на кој Сања игра, меша, се крши толку провокативно, што дефинитивно ги буди сите сетила, разгорува страста и бранува машките мечти. А како и не би, кога расната струмичанка покрај сето тоа во видеото е толку предизвикувачки облечена, што раскошниот телесен потенцијал што Бог и го дал, во секој следен кадар доаѓа до израз, терајќи го умот да скита и да се прашува: „Дали Сања - Барбика во новиот спот носи долна облека?“ Градникот сигурно повеќе би и пречел отколку што би и користел, па затоа не ни имало потреба од него. По што следува и прашањето, на кое одговорот ниту од виденото не може баш да се предвиди точно и прецизно, математички: „Дали на ваков фустан, не одат и гаќички?“ Затоа убаво прегледајте го видеото и тоа повеќекратно, за да дознаете дали Сања - Барбика има нова навика, да биде (с)облечена „Уникатно?“

Сања – Барбика е „фабрика за бакшиш“: Сексапилната струмичка фолкерка за помалку од минута самата заработи една швајцарска плата! (ФОТО)

Антонио Димитриевски — Tue, 21 Dec 2021 10:06:22 +0000

На социјалните мрежи речиси секојдневно осмнуваат видеа на кои јасно се гледа како пејачите и оние од регионот, но и нашите од Македонија, добиваат богат бакшиш. Ѓани, Сандра-Африка, Теодора Џехверовиќ... народот веќе ги прогласи за кралеви и кралици на бакшишот, откако тие буквално беа затрупани со пари што одвај можат да ги држат во рацете. На едно од новите видеа од на нејзиниот Инстаграм, атрактивната струмичанка, фолк пејачката Сања Цинцева попозната како Сања -„Барбика“ покажа како додека трепнеш добива стотици, а можеби и над илјада и нешто евра, ако не и повеќе.

View this post on Instagram

A post shared by SANJA CINCEVA ® (@sanjacincevaa)

На видеото јасно се гледа како гостите ја китат како новогодишна елка со банкноти сексапилната пејачка, која со широка насмевка од уво до уво, едвај успева да ги задржи парите в раце, додека ја пее познатата „Жена од султана“. Во мини црно фустанче со сребрена апликација и длабоко деколте до папокот, од кое срамежливо ѕиркаат разголените гради, и самата изненадена од богатиот бакшиш, фолкерката дури и се збуни во еден момент, по што само се насмеа и продолжи да пее на настапот кој се случува во Швајцарија, каде Сања за помалку од една минута, самата заработи една швајцарска плата. И додека некој од гостите ја снимал со мобилниот телефон, струмичката Барбика покаже дека и таа може да биде „фабрика за бакшиш“! Инаку во последно време расната фолкерка е повеќе барана надвор отколку дома, а најчесто настапува во европските земји (Германија, Австрија, Швајцарија), по клубови, кафеани и локали каде доаѓаат да се забавуваат иселеници од целиот регион. Згодна, атрактивна, провокативна, сексапилна... расната струмичка фолкерка и со песна и со изглед очигледно научила како да им ги „ќари“ сите пари на веселите „гастрбајтери“, па дома да се врати насмена и „нафатирана“, како „жена од султана“!

View this post on Instagram

A post shared by SANJA CINCEVA ® (@sanjacincevaa)

Фото: Инстаграм принтскрин/sanjacincevaa

Сања – „Барбика“ како по навика… разголена покажа доволно, за секое машко чедо да биде задоволно од глетката кон фолкерката! (ФОТО+ВИДЕО)

Христина Ѓоргиевска — Sat, 18 Sep 2021 07:52:02 +0000

Откако ја „запали“ јавноста со својата последна песна „Ковид и Секс“ од која стиховите од типот: „Дај вакцинирај ме, не игнорирај ме...“ и сл. ги заскокоткаа особено машките љубители на домашниот турбо-фолк, сексапилната струмичанка Сања „Барбика Цинцева не се симнува од насловните страници на она малку весници што останаа и интернет порталите. Едни ја пофалија за храброста, други за идејата на забавен начин да ја искористи коронапандемијата, додека на трети не им се допадна ама баш ич, па прогласувајќи ја песната за шунд и кич, ја обвинија пејачката дека се потсмева и поигрува со катастрофата која зацрни многу човечки судбини и одзеде илјадници животи, а таа ни пет, ни шест, веднаш им возврати на хејтерите преку социјалните мрежи во стилот: „Толку ви е капацитетот да процените“... Со поздрав за крај: „Ве сака Сања Барби, наскоро се гледаме и дружиме на најдобрите забави! П. С. Сигурна сум дека на истите често ќе ја барате да ја пеам Ковид и секс“ – дословно им порача струмичката Барбика. И додека уште „прашината не беше ни легнала“, Барби предизвика нова бура. Овој пат визуелна, откако расната струмичанка сподели кусо видео со детали од една од своите некогашни секси фотосесии, на кое Сања - „Барбика“ како по навика... разголена покажа доволно, за секое машко чедо да биде задоволно од глетката кон фолкерката! Во црно деколтерано боди кое го открива сиот нејзин телесен раскош, во високи потпетици на „шнираните“ сандали до колена, Сања - „Барбика“ онака разголена го распослала сиот свој сексапил кој го поседува. Расна, бујна, надарена, фолкерката покрај песната, чисто онака потсети со што се' располага и дека нејзиното време допрва доаѓа. Вака пожелна и заводлива, Барби одново покажа дека просто за многумина е неодолива, како на сцената, така и надвор од неа... Конечно атрактивната фолкерка се' уште е мома, ама затоа пак, дали е соло или зафатена, јавно не се изјаснила. Освен онаа изјава во едно од интервјуата за магазинот „Бекстејџ“, каде Барби максимално „се отвори“ па призна, дека меѓу добро ситуиран постар маж и помладо момче, би го избрала она – второто. Од едноставна причина што парите и самата може да си ги заработи, а помладите се сепак во подобра кондиција за... „оние работи“! А вие уште еднаш погледнете ја, па сами заклучете... за што се работи!

View this post on Instagram

A post shared by SANJA CINCEVA ® (@sanjacincevaa)

Фото: Инстаграм и Фејсбук принтскрин/Sanja Cinceva

Некои пејачки паѓаат на машки шарм, харизма, финансиска моќ… Знаете ли на што падна фолкерката Сања – „Барбика“? (ФОТО)

Антонио Димитриевски — Tue, 19 Jan 2021 07:48:30 +0000

За пејачките од естрадата кружат разни гласини. Особено за фолкерките и нивниот љубове и интимен живот, па додека ги гледаат при нивните настапи по кафеаните, рестораните, локалите... подзагреаните гости погодуват, се нагодуваат, па дури и облози паѓаат кој ќе погоди „на што паѓа“ пејачката... Или подобро речено, на колку? Македонските фолкерки не се имуни на ваквите ситуации, иако рака на срце, јавно многу малку се знае за нивниот приватен живот, а уште помалку која на што паѓа? Веројатно како и сите други жени, згодните и сексапилни естрадни убавици паѓаат на машкиот шарм, привлечност, харизма, култура, џентлменски однос, финансиска моќ... или што би рекле, не се имуни и на полниот џеб! Арно ама, сексапилната струмичанка Сања „Барби“ Цинцева дефинитивно падна на нешто друго! Имено, атрактивната фолкерка најпрвин замина на планина, во Банско... Да дише чист воздух, да се релаксира и да ужива во белите спортови... Барби се опреми, па се качи на скии и тргна да се пушта во спуст по падината. И не стигна ни до половина, а веќе се најде испружена на белата покривка... Барби падна на снегот, па бргу сфати дека скиањето и не е така забавно, ако не го владеш така добро како пеењето. Затоа пејачка реши да смени и локација и тактика, ама не и навика... Па Банско и Бугарија, бргу ги замени со Пехчево и Македонија... Можеби пехчевско Негрево нема ски терени како Банско, ама затоа има исто толку снег, чист воздух и убава природа за прошетки по снежните планински патеки. Барби тргна да пешачи се' додека не се умори, па овој пат по своја волја реши да си „чучне“ на снегот! А, Бога ми и да си легне... во добро друштво, се разбира. Облечена во поинаков аутфит од оној за скијање, во хеланки, чизми и крзнена бунда, овде не и се закануваше опасност да падне и да се повреди... Освен, ако случајно не налетаат ловџиите, па така променета во крзнената бунда да ја помешаат со некоја волчица или лисица... Што е исто така невозможно зашто ловната сезона на крупен дивеч заврши! Така што од паѓање, останува можноста Барби само да падне во нечии прегратки... А за такво нешто, престојот на планина не е неопходен услов! Фото: Инстаграм принтскрин

Што се случува кога среќата ќе добие „отказ“… Сања Барбика има – „Доказ“ (ЛИРИК ВИДЕО)

Антонио Димитриевски — Wed, 09 Dec 2020 10:11:59 +0000

Пејачката Сања Цинцева – Барбика деновиве во јавноста ја претстави својата нова песна насловена „Доказ“. Испеана е на српски јазик и иако првично било планирано да се сними видео за неа, поради пандемијата со коронавирус, снимањето била приморана да го оддложи, па песната е визуелно проследена само со лирик видео. „Почитувани пријатели и обожаватели, со вас ја споделувам мојата нова песна „Доказ“. Оваа тема подолг период е готова, но чекав соодветен момент за да направиме добар спот. Поради Ковид-19 ситуацијата не ни се пружи добра прилика за добар спот, па затоа решив во ова лошо време да ја промовирам без видео, се' со цел да ве расположам и да ви ги отргнам мислите од негативни работи. Уживајте во песната и се надевам дека ќе ви се допадне. Ве сака Сања - Барби и не заборавајте да се чувате и пазите, не чекаат одлични настапи и забави после вирусот!“ - напиша сексапилната струмичанка на социјалните мрежи. Инаку, оваа тема ја потпишуваат српските композитори Марко Дрежњак и Драган Стрелиќ со кои барби соработуваше изминатиов период. Еве се случува кога среќата ќе добие „отказ“... Сања Барбика има - „Доказ“: https://www.youtube.com/watch?v=W2L_Uy4Il3E

Анастасија Ражнатовиќ како барбика: Наследничката на Цеца излезе во град со пријателките, а сите погледни беа вперени кон неа (фото)

Слободанка Илиева — Thu, 08 Oct 2020 09:38:19 +0000

Анастасија Ражнатовиќ слободно може да се каже дека е најекспонираната од децата на познатите. Особено откако и таа стана дел од естрадата, Анастасија не престанува да се снима и фотографира со мобилниот, како буквално никогаш да не и досадува. Овој пат се појави на една забава со пријателките, а таа буквално беше центарот на вниманието во секси стајлинг за кој српските медиуми кажаа дека изгледа како барбика. Имено, таа носеше минијатурна розова чанта, розово сако и бел краток фустан. Ражнатовиќ објави видео врцкајќи се пред огледалото, а коментарите само пристигнуваа на нејзина адреса. Додека мајката се сонча во октомври на Кипар, ќерката води бурен ноќен живот. https://arhiva.vistina.com.mk/radio-mileva/gradite-vo-krupen-kadar-za-ceca-letoto-doprva-pochnuva-a-vaka-izgleda-koga-kje-se-sobleche-vo-bikini-foto/