барбара ракичевиќ – Вистина.мк

„Барабара, љубов мамина“: Ќерката на Мелита славеше матура (ФОТО)

Антонио Димитриевски — Fri, 19 May 2023 06:15:48 +0000

Барбара Ракичевиќ, пејачка и ТВ водителка, инаку ќерка на една од некогаш најпознатите македонски водителки, сега познатата скопска трендсетерка Мелита Ракичевиќ, стана матурантка. Таа како и Мелита со неколку објави на Инстаграм обзнанија дека во средата вечер (17.05.2023) Барбара ја прославила матурската забава.

View this post on Instagram

A post shared by Barbie🖤🪄 (@barbara_rakicevic)

За матурската прослава убавата Барбара избралас здолниште длабок со шлиц до колкот и стилизиран кроп-топ... Модерна модна комбинација во боја на шампањ, која го истакнуваа нејзиното вито тело, дизајнирана од модната креаторка Ива Спасовска. За шминката и фризурата на матурантката пак се погрижил познатиот стилист Дадар, стариот пријател и соработник на мама Мелита, со кого и приватно има дружба и одлични релации. Особено горда на својата мматурантка е мелита која не престанува да споделува фотографии на кои ја изразува сета своја љубов кон ќерката со најемотивни зборови: „Среќна матура, љубов мамина... Љубов најчистам најискрена и вечна“ - споделила Мелита во една од своите последни Инстаграм објави на заедничките фотографии со нејзината матурантка. Сепак, она што на прв паѓа в очи покрај изглдот на младата матурска убавица е и заедничката фотографија на Барбара со нејзините родители, Мелита и Владимир. Таа често споделува фотографии со нејзината мајка, а многу поретко со татко си Владимир Ракичевиќ познат под прекарот Соме, скопски урбан лик и познат менаџер на ноќниот живот во Скопје во деведесеттите, а подоцна и познат угостител. Иако Мелита и Соме оддамна се разведени, очигледно нивната комуникација одлично функционира и понатаму, а родителските релации кон ќерката не само што не се нарушени, туку и понатаму се беспрекорни. Инаку Барбара јавноста ја запозна како водителка на естрадниот магазин „Бекстејџ“, за потоа да продолжи да се занимава со пеење, снимајќи неколку сопствени песни, а во последно време и по настапите по локалите, кафулињата и ноќните клубови во Скопје, но и ширум Македонија.

View this post on Instagram

A post shared by Barbie🖤🪄 (@barbara_rakicevic)

Барбара Ракичевиќ полека станува дорасната и „Доволно зрел“(а) за успех (ВИДЕО)

Антонио Димитриевски — Thu, 01 Apr 2021 11:18:33 +0000

Барбара Ракичевиќ, младата ТВ водителка, ќерка на некогашната водителска ТВ ведета и позната трендсетерка Мелита кон крајот на 2020 година и официјално вплови во пејачките води откако тогаш ја промовираше својата прва сопствена песна насловена „Посилно од се“, авторско дело на најзината музичка менторка, Андријана Јаневска. Шест месеци подоцна, Барбара Ракичевиќ, ја промовираше својата втора песна и видеото за неа, која наликува на модерно спакуван музички проект зад кој одново стои сериозна професионална екипа. Насловена „Доволно зрел“ новата песна на Барби, овој пат е авторско дело на македонскиот пејач и автор Александар Тарабунов кој навистина зрело си ја завршил обврската. Видеото и овој пат го изработил познатиот уметнички фотограф и режеисер Зоран Стојановски Зонде. Барбара ги има сите предиспозиции, од неизмерна извонредна убавина и музички талент, до солидни вокални способности што ги покажа уште претходно изведувајќи ги кавер верзиите на познатите песни и пејачи од регионот и светот. Но, авторската кариера е нешто сосема друго, нешто што бара малку повеќе од само талент, зашто естрадата има поинакви правила на игра, а успехот на неа не зависи само од пеењето, туку од комплетното преставување, специфичен перформанс, однесување, облекување, впечаток и надвор од сцената... нешто што Барбара допрва треба да научи и да го совлада. Секако, нејзината позната мајка Мелита и татко и, познатиот скопски угостител „Соме“, се искусни и урбани градски ликови на кои не им се непознати сите споменат трикови. „Доволно зрел(и)“ за сугестии и помош на патот кон успехот на својата талентирана ќерка. https://www.youtube.com/watch?v=saXEhlmKEJk

Барбара Ракичевиќ реди награди, а Андријана Јаневска со нејзиниот успех се пофали: Гордата професорка бриљира, талентираната ученичка фасцинира! (ФОТО+ВИДЕО)

Антонио Димитриевски — Tue, 23 Feb 2021 10:18:02 +0000

Можеби водителството и се учи, ама пејачките се раѓаат, а ваквите тврдења се совпаднаа со она што од ќерката на некогашната ТВ водителка Мелита Ракичевиќ, денес нејзина наследничка, младата Барбара можеше да се слушне уште при нејзиното прво јавно преставување на поширокиот аудиториум кога е пеењето во прашање. „Посилно од се’ “ дебитантската песна на шармантната водителка и пејачка, тема која е комплетно авторско дело на Андријана Јаневска покажа дека младата убавица е „печена“ да почне да почне да гради сериозна пејачка кариера. Дали Барбара дефинитивно ќе да стане пејачка и ќе сними дузина свои песни – ќе покаже времето, но она што е очигледно е дека Барбара навистина има талент за музика и добро пее. По првиот посериозен чекор во светот на музичката естрада, или поточно паралелно со него течеше и музичката едукација, зашто колку пеењето и да е талент, некои работи сепак добро е стручно да се усовршат, правилно научат, надградат, конечно да се одржува вокалната форма на правилен начин. Затоа е постојат музичките училишта и професори, а каде ќе најдеш подобра едукација, ако не во оној чија инспирација ја изведуваш во песните кои тој ги напишал. Или поточно таа - нејзината авторка, соработничка и во случајов професорка - Андријана Јаневска! Имено, можеби не е познато, но Барбара веќе одреден период зема часови по пеење токму кај Андријана Јаневска, која е не само автор, туку еден од најдобрите македонски женски вокали, академски музичар и педагог. А кога имаш врвен пејач за професор, талентот е најдобар пат да седоведе до совршенство... Првите награди се веројатно првиот чекор до него, но и прв знак дека си на вистинскиот пат кон славата... Секако, поплочена со знаење... Она туѓото, правилно пренесено и акумулирано, па работата и трудот резултираат и со првите резултати. Токму гордата професорка се пофали на својот Фејсбук профил со првата награда која нејзината ученичка Барбара ја освои деновиве на еден фестивалски натпревар: „Горда на мојата ученичка Барбара Ракичевиќ за освоеното ПРВО место на Интернационалниот фестивал THE SONG во категорија ПОП ВОКАЛ на возраст од 15 до 17 години“ - напиша среќната професорка, радувајќи се на успехот на нејзината пуленка, кој во исто време е и нејзин успех. Барбара наскоро треба да се појави со нова песна во етерот, а Андријана својата врвна музичка класа и како инструменталист и како вокал ја демонстрираше уште еднаш надвор од Македонија. Овој пат во живо на програмата на националната Хрватска радио-телевизија ХРТ1, каде маестрално во своја верзија ја отпеа и отсвире легендарната „Македонско девојче“. Професорката брилијантна, ученичката фасцинантна... На добар пат да ја наследи, а со тек на времето, зошто да не и надмине! Но... до таму има уште многу „километри“ работа, труд, знаење, искуство... и малку среќе, секако!

Водителката на „Бекстејџ“, Барбара Ракичевиќ дебитира во музичките води: Ќерката на Мелита станува пејачка (ФОТО)

Антонио Димитриевски — Wed, 30 Sep 2020 07:59:23 +0000

Старата народна поговорка вели: „Крушата под круша паѓа“, што многупати се покажало како точно, иако некои работи се од Бога дадени, а божјата дарба не секому му е во генот! Мелита Ракичевиќ, некогашната македонска ТВ водителка, минатата година „отворајќи ја душата“ во естрадниот ТВ магазин „Бекстејџ“, ја запозна пошироката јавност со нејзината малолетна ќерка, тогаш 14 годишната Барбара, која уште тогаш ги најави своите уметнички предиспозиции. Иако уште тогаш Барбара го покажа својот талент за пеење, очигледно „крвта не е вода“, па она што мама Мелита некогаш го работеше во телевизиите: Сител, А1 и АБ канал, Барбара, која непосредно пред тоа наполни 15 години, о продолжи токму во „Бекстејџ“, како водителка на естрадниот магазин од зад сцената, каде тогаш ја замени Миа Костова. Младата новопечена водителка сосема солидно си ја вршеше својата работа во улога на презентер и модератор на естрадните случувања. Дури подобро и од некои, кои веќе имаа многу поголемо искуство во таа професија од младата убава и шармантна водителка. Можеби водителството и се учи, ама пејачките се раѓаат, а ваквите тврдења се совпаѓаат со она што од Барбара можеше да се слушне уште при нејзиното прво јавно преставување на поширокиот аудиториум. Младата водителка не ретко на своите профили на социјалните мрежи споделуваше видеа на кои Барбара изведува познати домашни, регионални и светски хитови во караоке верзија. Младата убавица на матрица, сама со микрофонот пред камерата како да сесакаше да го „опипа пулсот“ на јавноста, пред да се втурне во нова авантура. Овој пат, музичка или поточно вокална!

View this post on Instagram

@badrich

A post shared by Barbara Rakicevic (@barbara_rakicevic) on May 17, 2020 at 11:00am PDT

Дали Барбара дефинитивно одлучила да стане пејачка и да снима дузина свои песни - ќе покаже времето, но она што е очигледно е дека Барбара навистина има талент за музика и добро пее, а првиот посериозен чекор во светот на музичката естрада, веќе е тука. Имено, денес, среда, 30 септември 2020 година Барбара Ракичевиќ во 19 часот на Јутјуб каналот ќе ја промовира својата прва сопствена песна и видеото за неа. Темата насловена „Посилно од се' “ е комплетно авторско дело на еден од далеку најдобрите македонски женски вокали,академски музичар, педагог и автор, Андријана Јаневска, која ги потпишува музиката, стиховите и аранжманот на песната, која пак е снимена во нејсиното семејно „Гиновски мјузик студио“. Видеото пак го изработил уште еден проверен мајстор, познатиот уметнички фотограф и видео - режисер, Зоран Стојановски - Зонде. За стилираната убавина на ионака убавата и атрактивна 16 годишна водителка, а отсега и пејачка, се погрижил веројатно најдобриот во својот занает, најпознатиот македонски мејкап стилист и фризер, Александар -„Дадар“. Мама Мелита „остана тивка“ во најавите на социјалните мрежи за стартот на новата кариера на нејзината ќерка, но затоа пак среќниот татко не можеше да додржи да не ја најави промоцијата на дебитантската песна на својата наследничка Барбара. И разбирливо, зашто некои работи како „патот кон успехот“ на своето чедо е нешто, што е... „Посилно од се'!“

Водителката на „Бекстејџ“ најде решение за потребите на својот домашен миленик: Еве Барбара каде го шета своето куче (ФОТО)

Антонио Димитриевски — Mon, 30 Mar 2020 07:07:08 +0000

Карантинот и изолацијата не само што комплетно ни го променија животот на сите, туку им го свртеа наопаку и на домашните миленици и оние кои ги поседуваат. Особено најгласни до Владата и нејзините мерки се сопствениците на кучиња, кои се жалат дека немаат кога и каде да ги прошетаат, да ги истрчаат, да им овозможат да си ги обават своите редовни физиолошки потреби... На нивните барања засега „креаторите на вонредната состојба“ се' уште се „глуви“, па затоа оние што чуваат кучиња, особено во домашни услови, па уште ако се во стан во зграда на некој од повисокоте катови, мора да се снаоѓаат кој како знае и умее во услови на полициски час. На социјалните мрежи оддамна стана хит видеото за тоа како се снашла да се справи со овој проблем, една белградска пензионерка. https://arhiva.vistina.com.mk/zivot-i-stil/penzionerka-od-belgrad-stana-hit-na-socijalnite-mrezi-vaka-go-prosheta-svoeto-kuche-srede-policiski-chas-video/ Голем дел од македонските познати личности исто така чуваат домашни миленици, а меѓу нив и младата и убава водителка на естрадниот ТВ магазин „Бекстејџ“ - Барбара Ракичевиќ. Иако е вонредна состојба и имаме полициски час во земјава, „магазинот од зад сцената“ не мирува, напротив. „Бекстејџ“ ем се гледа од дома, ем се емитува од дома, онлајн, на социјалните мрежи секоја вечер во 20.00 часот со познати гости со кои водителите Миро и Барбара исто така разговараат од дома, а гледачите и фановите, можат да им поставуват и свои прашања. Но, пред и по работните обврски, меѓу другото Барбара има обврски и околу своето кученце. Откако „Бекстејџ“ ќе заврши - доцна е, полицискиот час е веќе почнат, а малиот сладок померанец има свои потреби. И физиолошки и за прошетка и малку, каков-таков, скопски воздух! Иако Барбара живее во зграда во скопската населба „Аеродром“, водителката сепак најде начин како да му излезе во пресрет, за да му овозможи потребите на кученцето да му бидат намирени. До душа, не како белградската пензионерка, зашто станот на Барбара е баеги повисоко, иако повторно е во прашање балкон или поточно тераса. Имено, Барбара и нејзината мајка Мелита имаат голема тераса на врвот од зградата каде што живеат од која се пружа прекрасен поглед на градот и има доволно простор за малиот померанец, и не само тој, ем да да биде малку на отворено, ем да се истрча, а и кученцето да се „олесни“. Се разбира, на соодветно пропишано место. А потоа, како и секој сакан домашен љубимец, да заврши во скутот кај неговата помала газдарица на нова тура галење, чешкање, милување, гушкање... и взаемна размена на љубов, седејќи дома!

„Бекстејџ“ ја продолжува традицијата: Во 11-тата сезона со нова атрактивна водителка (ВИДЕО)

Антонио Димитриевски — Sat, 30 Nov 2019 09:02:19 +0000

Најпознатиот и најдолговечен естраден магазин кај нас, кој последниве две години се емитува на Канал 5 Телевизија, влегува во својата 11 сезона. Од 2008та година до денес, Бекстејџ секојдневно ги носи естрадните новости во нашите домови. 11 години по ред Бекстејџ преставува синоним за естраден магазин кој повеќе од една деценија е најгледан телевизиски проект од овој формат, кој е наградуван во републиката, но има добиено и телевизиски награди во регионот. Претпознатлив белег на Бекстејџ цела една деценија беа јавувањата во живо од најголемите музички и филмски спектакли, како Канскиот музички фестивал, Музичкото лудило Егзит, најголемиот европски музички фестивал Зигет, Берлинскиот филмски фестивал, европските и светски првенства во кошарка и ракомет... Бекстејџ остана препознатлив и по промовирање на најголемите музички настани во регионот, промоција на нови музички имиња, традиционален партнер на Македонскиот Народен Тетатар, Македонската Филхармонија и Операта и балетот, но секогаш беше атрактивен и со ексклузивни стории и интервјуа со ѕвездите од целиот Балкан. Досега во оваа деценија поминааа над дваесет новинарски имиња, кои преку естрадното новинарство денес се профилираа во новинари во информативните радакции, уредници, автори и водители на проекти кои работат во најголемите медиуми во земјава. Но Бекстејџ најмногу беше и останува препознатлив по убавите и атрактивни лица кои секојдневно ги презентираа информациите од прва рака. Марјана Станојковска, Драгана Чуприна, Симона Станковска, Мартина Михајловска, Миа Костова, Снеже Велков се само дел од комбинацијата на млади од една страна и искусни од другата, кои беа препознатливите лица на естрадниот магазин број еден. Од оваа 11 сезона, на Миро Кацаров друштво ќе му прави младата Барбара Ракичевиќ, која ја продолжува Бекстејџ традицијата на ново медиумско лице во земјава! Таа доаѓа во Бекстејџ од понеделник, како средношколка во Орце Николов, вонсериски талент за пеење и музицирање, но и како ќерка на популарната водителка Мелита Ракичевиќ. „Лесно е да се игра на сигурно. Бекстејџ е препознатлив по тоа што профилира нови водителки во медиумите. Ако било така изминатите десет години, не гледам зошто и во единаесеттата не би се држеле до традицијата. Со Бекстејџ израснаа многу генерации, природно е млади лица од некои нови генерации да го наследат брендот. Со искусните подготвуваме нови форми на нивна присутност во емисијата. Наскоро, ќе има многу новини во емисијата па ќе биде вистинско освежување да се видат“ – вели Ева Јакимовска одговорен уредник на Бекстејџ За почеток на новиот старт на 11 сезона од понеделник на Канал 5, Барбара Ракичевиќ и Миро Кацаров направија нова фотосесија со познатиот фотограф Бојан Стоилковски. А комплетно новиот дизајн со старото познато лого ќе го краси и новото студиона емисијата. Да се надеваме дека и во новата втора деката Бекстејџ ќе остане препознатлив естраден магазин број 1.

Ќерката на Мелита и официјално стана пејачка: Барбара беше ѕвезда на вечерта во „Ѕвезда број1“ (ВИДЕО)

Антонио Димитриевски — Tue, 11 Jun 2019 06:54:50 +0000

Убава на мама, таа деновиве го заврши основното образование и стана полуматурантка. Покрај грижата за упис во некое од средните скопски училишта, ќерката на Мелита најде време и згодна прилика да го покаже и својот скриен талент за пеење.

Младата Барбара тоа срамежливо го најави уште пред некој месец кога заедно со мајка и Мелита беа гости во најпопуларниот ТВ магазин „Бекстејџ“, кога таа запеа и ги изненади сите со својот вокал.

Овој пат новото македонско музичко талент шоу „Ѕвезда бр.1“ беше згодна прилика својот талент младата убавица да го претстави на пошироката јавност.

Барбара со својот англески изглед и исто таков глас ги маѓепса и членовите на жирито и публиката.

Јавноста за прв пат официјално се запозна со вокалните можности талентираната ќерка на македонската водителка и познатиот скопски угостител, кој седеше стрепејќи во бекстејџот, додека нивната Барби ги имаше своите „5 минути огнено крштевање“ на сцената.

View this post on Instagram

A post shared by ?MELITA ♏??? (@melitameli) on Jun 10, 2019 at 9:53am PDT

Патем, јавноста дозна и у ште некои работи за младата идна пејачка, која во своето портфолио наведе дека покрај тоа што обожава да пее, свири и клавир, сака да живее некаде на море, а верувале или не и одлично готви.

За првите неколку работи не можеме да тврдиме со сигурност, ама најверојатно и се наследени од мама Мелита, а она со готвењето...? Сенсот за готвење и домаќинлукот ќе да се наследство од тато!

Како и да е Барбара е на добар пат да ја започне својата музичка и пејачка кариера...Поддршката од обата родители е тука, другото останува на неа и времето.

А кој да знае, можеби со популарноста ќе ја надмине и мајка и Мелита, иако и татко и Соме, далеку од тоа дека е некој што е непознат... барем за скопските кругови!