барбара поповиќ – Вистина.мк

Црно минијатурно бикини врежано во нејзините облини: Младата македонска пејачка Барбара е „оган под сонцето“ (ФОТО)

Слободанка Илиева — Sat, 23 Jul 2022 07:18:00 +0000

Пејачката Барбара Поповиќ по одличните дует изведби со Александар Тарабунов во макфестовската „Би те одбрал само тебе“ или верзиите на латино преработките на старите хитови на Роберт Билбилов: „Избриши ги ти солзите“ и „Сега јас сум на ред“,кои често се вртат на телевија, стана препознатлива во јавноста. Атрактивната црнокоса убавица сега има нова песна и тоа отпеана на српски јазик, со наслов „Не одустајем“. Прекрасна модерна летна балада како освежување за жешките денови во кои можеме да се се изнагледаме фотографии разни убавици во бикини. Но, овие на младата Барбара се доволно жешки и провокативни, а сепак далеку од вулгарни.

View this post on Instagram

A post shared by Barbara Popovic (@barbarapopovic_) on Sep 15, 2020 at 3:40am PDT

Згодната пејачка на својот профил на Инстаграм објави неколку фотографии на кои позира во мини бикини, кое ја истакна нејзината извајана става и складните облини кои се во преден план.

View this post on Instagram

A post shared by Barbara Popovic (@barbarapopovic_) on Sep 11, 2020 at 9:59am PDT

Објавите на секси Барбара добија стотици лајкови и коментари дека оваа убавица е вистински „оган под сонцето“. Инаку, по две години на кога почетокот на коронапандемијата, Барбара Поповиќ ја објави својата песна „Мирисаш“, време беше нешто ново да слушнеме од неа, како оваа балада која ја напиша Дарко Димитров, насловена „Не одустајем“.

Барбара Поповиќ атакува на регионалната сцена со летната балада „Не одустајем“ (ВИДЕО)

Антонио Димитриевски — Tue, 19 Jul 2022 06:50:19 +0000

Барбара Поповиќ има нова песна. Македонката, со охридско потекло изненади со новата модерна летна балада „Не одустајем“ која уште на прво слушање ги добива симпатиите од публиката. Музиката и аранжманот се на Дарко Димитров, додека стиховите ги потишуваат дури четири имиња: самата Барбара, Владимит Даниловиќ, Дарко Димитров и Лина Пејовска. Песната е е визуелизирана со едноставен но функционален летен видеоспот кој го продуцирал, направил и режирал познатиот уметнички фотограф и режисер, Зоран Зонде Стојановски. Инаку, младата Барбара својата музичка кариера ја започнала од најрана возраст уште од 6 години. Тогаш учествува на некогаш реномираниот детски фестивал „Супер ѕвезда“ со песната „Бонџорно“ напишана од Калиопи и неколку други песни компонирани од Јован Јованов, Дарко Димитров и Драган Мијалковски. Од шест годишна возраст почнала да го изучува и пијаното во музичкото училиште „Илија Николовски Луј“. По кратка пауза, се враќа на сцената на фестивалот „Макфест 2018“, настапувајќи со песната “Не си ти крив”. Барбара има добиено повеќе наград и признанија, апсолвент е на соло оперско пеење и има договор со белградската телевизија IDJTV, а соработува со нашиот познат композитор, аранжер и продуцент, Дарко Димитров. Барбара на 8-ми Септември треба да настапи во Ватикан по повод денот на независноста на Македонија. Во меѓувреме уживајте во нејзиниот вокал и звуците на летната балада насловена „Не одустајем“ со која Барбара атакува на регионалната сцена :

Барбара Поповиќ добро знае дека ти… „Мирисаш“… на неа! (ВИДЕО)

Антонио Димитриевски — Mon, 23 Mar 2020 08:57:51 +0000

Пејачката Барбара Поповиќ по одличните дует изведби со Александар Тарабунов во макфестовската „Би те одбрал само тебе“ или верзиите на латино преработките на старите хитови на Роберт Билбилов: „Избриши ги ти солзите“ и „Сега јас сум на ред“, ја промовираше новата песна насловена „Мирисаш“, за која сними и видеозапис. Станува збор за тема чија што музика, аранжман и продукција ја потпишува Роберт Билбилов, а текстот е заедничко дело на Робин Зимбаков и Роберт Билбилов. Видеото е снимено во Скопје и е работено под режисерската палка на познатиот уметнички и моден фотограф и видеорежисер, Зоран Стојановски – Зонде. Во кадрите покрај Барбара се појавуваат и Роберт Билбилов, самиот Зоран Зонде Стојановски, Александар Тарабунов, нејзината сестра и многу пријателки на Барбара, па веројатно и затоа спотот зрачи со позитивна енергија и спонтаност. „Долго време работевме на оваа тема и размислувавме кога би било најдобро да излезе во етер и конечно се решивме. Се надевам ќе им се допадне на слушателите и ќе измамиме насмевка во овој тежок период во кои се наоѓаме сите. Станува збор за тема која е во малку поразличен стил од оној кој сум го пеела до сега, малку експериментиравме со нов призвук. Мислам дека „Мирисаш“ е само почеток на она што допрва ќе следи“ - вели Барбара. Во продолжение погледнете го видеото за „Мирисаш“ кое Барбара официјално го претстави на Youtube каналот:

Тара ја одбра Барбара за дует верзија за макфестовската „Би те одбрал само тебе“ (ВИДЕО)

Антонио Димитриевски — Mon, 17 Dec 2018 12:20:03 +0000

Годинашното, 33. по ред издание на фестивалот „Макфест“ навистина ни понуди бројни потенцијални евергрини, а за да им го продолжат векот на своите песни, музичарите понекогаш одлучуваат да им направат и по некоја нова верзија.

Токму тоа го направи Александар Тарабунов со одличната “Би те одбрал само тебе“, чија музика ја потпиша неговата колешка Тамара Тодевска, а стиховите и аранжманот се дело на Роберт Билбилов.

Имено, оваа одлична тема сега си доби освежување во форма на дует со уште една млада ѕвезда во подем –Барбара Поповиќ.

Некогашната македонска претставничка на детската Евровизија 2013, дебитираше на сцената на годинашниов „Макфест“ со „Не си ти крив“ па можеби токму дружбата на популарниот фестивал, резултирала со идејата за дует.

Сето тоа визуелно го надополнил режисерот Зоран Зонде Стојановски, кој ја направи и екранизацијата на оригиналната верзија на песната. И двете варијанти се вистинско освежување на домашната сцена, а како звучи „Би те одбрал само тебе“ во изведба на Тара и Барбара дознајте во продолжение. https://www.youtube.com/watch?v=3QcqIlmvLdo&fbclid=IwAR0YU8M8cU2CLmfvM6D-DUPMw1pvbudhwNv96-8aAEL8Wz8bc-mBovGQSNk