барбакан – Вистина.мк

За прослави што се паметат – кетеринг од Барбакан

Дејан Донев — Tue, 10 Dec 2019 10:42:15 +0000

Сијалички, мирис на снег и празнична атмосфера... Да, тоа е оној дел од годината што го обожаваме. Со 2019-та ќе се збогуваме онака како што сакаме да ја дочекаме 2020-та - со тон прослави и позитивна енергија. Локацијата за прослава изберете ја Вие, но дозволете му на тимот од бистро бар Барбакан да се погрижи за исхраната и пијалаците. Скратете ги главоболките така што менито ќе го препуштите во рацете на врвните кулинари од Барбакан. На вашите гости приредете им вистинско гастрономско уживање а Вам безгрижна забава. Професионалниот кетеринг на Барбакан ќе ги задоволи вкусовите и на најпребирливите. Веруваме дека ова ќе биде првата од низата успешни соработки со овој одлично организиран тим. Затоа што:

Храна за стотици гости

Доколку на Вашата забава имате стотина гости, не постои веројатност дека ќе ги нахраните сите и притоа, Вие лично ќе бидете среќни и опуштени. Затоа што повеќе сакате да се посветите на дружење со вашите гости отколку да поминете време во готвење храна и послужување.

Голем избор храна

Ако сами ја приготвувате и служите храната, несомнено е дека ќе имате ограничувања за тоа каква храна може да понудите. Кетерингот на бистро бар Барбакан го работат стручни лица и тие можат да обезбедат каков вид храна и да посакате.

Ви заштедуваме време и нерви

Ако планирате пред-новогодишна забава за вашата компанија или некоја друга голема манифестација, ќе бидете растргнати на сите страни. Она што кетеринг услугата на Барбакан ја прави единствена е тоа што со еден контакт, добивате се! Доколку навистина сакате да се опуштите и да уживате во вашата прослава, Барбакан нуди целосен пакет кој вклучува храна, пијалок, бенд, фотограф, келнери (послуга), осветлување, озвучување, коњопои, чаршави и маси... Нуди целосно уживање со ветување дека „ќе бидете гостин на Вашата забава“.

Професионална услуга

Персоналот кој е задолжен за реализација на кетеринг услугите е професионален и одлично знае како да се вклопи во атмосферата со што, ниту за момент, нема да се почуствувате како да сте присутни на некој формален настан доколку тоа е потребно.

Флексибилност

Она што го прави кетерингот на Барбакан посебен е приспособливоста и подготвеноста на персоналот и менаџментот, во секој момент, да се одговори на вашите барања.

Сигурен транспорт на храната

Возилото кое Барбакан го користи за транспорт на храна ги исполнува сите ХАССАП стандарди за храна. Тоа подразбира квалитетен транспорт на храната.

Храната е секогаш свежа и вкусна

Она што ја прави единствена кетеринг услугата на Барбакан е тоа дека храната е секогаш свежа, вкусна, одлично приготвена и сервирана. Барот секојдневно врши набавка на свежи намирници од локалните добавувачи.

„Готвење во живо“ (live cooking)

...за време на вашата прослава, со што би можеле да „украдете“ некој трик од вештите готвачи со кои располага Барбакан.

Забавите со Барбакан се навистина забавни

Доколку сакате да ја „зачините“ вашата прослава, Барбакан нуди и можност да Ви организира тематска забава што ќе ја направи несекојдневна и ќе остане во сеќавањата на присутните засекогаш. За крај, она што го издвојува бистро бар Барбакан се должи најмногу на проактивноста и желбата на персоналот и менаџментот да овозможат совршено и незаборавно доживување...

Кое кафе си ти – провери во Барбакан!

Дејан Донев — Thu, 07 Nov 2019 09:40:20 +0000

Желбата за задоволување на потребите наутро е силна. Сите сетила се начулени, отворени за ново искуство што го носи секој нов ден. Првите капки кои ги допираат усните како велвет се распостилаат по јазикот. Слатко горчливиот вкус го буди телото, уживаш во кофеинот и првата утринска шолја кафе. Но, кое е кафето што ги задоволува твоите утрински потреби? По што копнееш, а што те исполнува? Дали е тоа кафе со силно тело кое нагорчува или лесна пена што те пренесува како бурни морски бранови. Изборот на кафе многу открива и за карактерот на оној кој го пие. Начинот на кој се подготвува, послужува и ужива во него покажува како се носиш со предизвиците и радоста во животот. Дали сакаш да патуваш на нови егзотични локации или не сакаш изненадувања? Дали сакаш остра арома со смел вкус што протресува како луѓето без влакна на јазикот или го пиеш кремасто и благо, налик на добрите луѓе. Денес со Барбакан за тебе подготвивме тест. Прво направивме тест да откриеш кое кафе си ти и може да прочиташ кое кафе треба да го одбереш за целосно да се опуштиш во божествениот вкус. Дојди во скопскиот бистро бар „Барбакан“, порачај го првиот тип кафе што ќе ти падне на ум од новиот бренд Buondi и откриј се себе си!

Еспресо

Роден лидер! Само една мала голтка од еспресо може да биде многу горчлива и многу интензивна. Исто како и оној што го бира ова кафе, прилично интензивна и смела личност. Работиш напорно, но и се забавуваш лудо. Знаеш како да ги постигнеш работите што ги сакаш. Ти си основата за сите други кафиња. Инспирација си за другите и сакаш работите да ти одат под конец.

Дупло еспресо

Логичар! Многу си практичен и не влетуваш во авантури вртоглаво, како некои од твоите пријатели. Секогаш имаш јасна и конкретна цел пред тебе и максимумот од себе го даваш кога претпоставениот точно ќе ти каже што очекува од тебе.

Макијато

Ти си личност што не сака да носи одлуки. Имаш опуштена природа и навистина не сакаш премногу да ја анализираш секоја одлука. Карактеристична нота ти е спонтаноста и сакаш релаксиран пристап кон работите во животот.

Капучино

Космополитен! Ти си многу софистицирана личност. Имаш префинета смисла за стил и се држиш до класиката. Многу креативен ум и висока социјална интелигенција. Тоа те прави одличен пријател.

Нескафе

Авантурист! Не се плашиш од кафе богато со ароми и вкусови. Сакаш да живееш спонтано во мигот наместо да ги планираш работите до детали. По природа си среќна и позитивна личност и луѓето сакаат да бидат околу тебе. Најдобар начин да го доживееш кафето што си ти, особено ако се сметаш за вистински вљубеник, може да се случи откако ќе го посетиш скопскиот бистро бар „Барбакан“. Затоа што кафето го третираат како стартер на комуникацијата и дружбата. Додека со друштвото уживате во богатиот избор на квалитетно кафе кое ќе го задоволи вкусот и на најизострените љубители на кафето, проверете го и тестот.

„Секој искусен угостител знае дека кафето е една од најважните работи за гостите. Професионалците посветуваат многу внимание кога го одбираат кафето што го служат во барот. Нашиот избор е Buondi, висококвалитетно кафе кое во светот го препознаваат како најдоброто еспресо кафе. Го одбравме и затоа што во шолјата Buondi е преточена една социјална нишка карактеристична за македонскиот менталитет, односно во тие неколку грама препознаваме забавен, интензивен, живописен и социјален, модерен, опуштен, елегантен и рафиниран вкус. Нудиме исклучително искуство кое буди страст, гостите го препознаваат и го одбираат Барбакан за своите бизнис состаноци или попладневни дружби со пријателите“, порачува бариста Ристе Барутовски од Барбакан.

Барот Барбакан се издвојува од останатите скопски места како место со добар вкус и внимателна услуга. Исклучителен амбиент којшто ги задоволува потребите на гостите кои одржуваат бизнис состаноци или оние кои бараат место во попладневните часови да се опуштат на „афтерворк“ забава со исклучително добра музика во живо.

„Љубителите на кафе во Барбакан може да бираат меѓу Buondi Gold и Buondi Perfetto според тоа какво кафе преферираат. Buondi Gold е мешавина од Арабика и Робуста сорти на кафе, со силно тело, ниска киселост и добра горчина избалансирана со кремаста какао структура. Додека Buondi Perfetto е 100% Арабика кафе, сертифицирано од Rainforest Aliance. Има средно тело, средна киселост, ниска горчливост и слатки ноти на бадем. Оние кои ја преферираат горчливоста на кафето може да одберат Buondi Gold, додека Buondi Perfetto е за оние кои не сакаат горчлив вкус. Барбакан се одлучи за кафето 100 Арабика“, објаснува Барутовски.

Со енергичната доза кофеин, во Барбакан може да одберете и вкусен десерт или едноставно, средбата да ја почнете со префинет оброк, што ќе продолжи во незаборавно дружење во амбиент што опива со добра музика.

Каде јадат шампионите на РК Вардар?

Слободанка Илиева — Wed, 09 Oct 2019 12:30:22 +0000

Долгогодишните пријатели Бистро бар Барбакан и Ракометниот клуб Вардар отвораат ново заедничко поглавје во клупската историја на препознатливиот гурмански бренд и македонскиот ракометен гигант. Барбакан не е само едно од најпознатите скопски места каде сладокусците уживаат во вкусната храна, туку овој бистро бар во изминатите години е место каде Вардарците можат да се опуштат и во пријатната атмосфера. „Нашето пријателство со актуелниот шампион Вардар е долгогодишно. Со ракометарите имаме прославено многу победи против познати европски клубови, како и бројни титули, а со нашите гости заеднички навиваме и даваме поддршка на секој натпревар. Затоа, сезонава се одлучивме да ја продлабочиме нашата соработка. Барбакан ќе биде присутен на сите натпревари во ЕХФ и СЕХА лигата. Во суштина, Вардарци секогаш се добредојдени во Барбакан затоа што нашата храна е храна за шампиони.“, вели Дарко Савовски од Барбакан. Во новата сезона, Барбакан ќе го поддржи својот пријател за, по трет пат, да го освои тронот на Европа. На позадината на дресот на Вардар, може да се забележи и препознатливото лого на Барбакан, како им дава ветар во грбот на своите омилени ракометари. Интересно е да споделиме дека Вардар пред 6-7 години го препозна Барбакан како пријател на ракометот. Првата прес-конференција на која Вардар ги најави сериозните засилувања на екипите во машка и женска конкуренција беше одржана токму во Барбакан. А што денес велат Вардарци за Барбакан? Вардарци го препорачуваат Барбакан како место каде сакаат да ручаат со семејството, но и да се напијат кафе со пријателите. За нив Барбакан е бистро каде има добра музика, каде се организираат топ „афтерворк“ забави и каде бургерот е вистинска храна за шампиони. „Како спортист многу внимавам оброкот добро да е избалансиран и да содржи квалитетни состојки и токму ова го наоѓам во Барбакан. Честопати доаѓам во Барбакан со семејството, пријателите, како и со ракометарите на Вардар затоа што атмосферата е одлична, храната е шампионска а услугата е првокласна. Според мене, сите кои сакаат во добро друштво да ги следат натпреварите на Вардар, тоа можат да го сторат не само на трибините, туку и во Барбакан“, вели шампионот Тимур Дибиров од Вардар. Вардар со победите во првите натпревари од ЕХФ и СЕХА лигата се наметна како тим кој и сезонава повторно цели кон врвот. Црвено – црното семејство по втората титула освоена во јуни годинава, прераснува во црвено – црн свет на вардарови поддржувачи, меѓу кои сега се вбројува и Барбакан.