Барбара Поповиќ фасцинираше со својот настап во IDJ Show: Охриѓанката „ги зајде“ од воодушевување и жирито и публиката (ВИДЕО)

Антонио Димитриевски — Tue, 28 Nov 2023 07:57:37 +0000

Младата и талентирана Барбара Поповиќ која е по потекло од Охрид, повторно ги воодушеви и публиката и жирито со својот нестварен настап во регионалното музичко талент шоу „ИДЈ Шоу“ (IDJ Show), овој пат пеејќи ја вонвременската „Зајди, зајди,“ со која дефинитивно ја освои пошироката јавност. Со својот импресивен вокал, Барбара буквално ги маѓепса и ги „зајде“ од воодушевување сите присутни. „Еднаш кажав дека си гордост на Македонија, но денес јас сум горд што сум Македонец. Оваа песна е македонска химна и мене и на сите Македонци ни е една од најубавите. Ова е песна на Александар Сариевски и мислам дека и тој ќе биде горд што Барбара вака ја претставува Македонија“, кажа Дарко Димитров кој е дел од жирито. По сите овие коментари, Барбара ја надвладеаа емоциите и таа се расплака, па мораа да и донесат хартиени шамивчиња на сцената за да ги избрише солзите - радосници. Таа освен со извонредната интерпретација, привлече големо внимание и со својот стајлинг. Поради нејзините одлични вокални перформанси, многумина сметаат дека токму Барбара треба да победи на ова музичко натпреварување. Инаку, Барбара е дипломиран оперски пејач, а има завршено и нижо и средно музичко училиште. Барбара го објави на нејзиниот инстаграм-профил перформансот со кој ги одушеви сите. „Моја Македонијо“, напиша Барбара под својата објава од настапот на шоуто, а нејзиниот настап можете да го проследите во видеото во продолжение ако кликнет на 1 час и 36 минути: Фото и видео: Јутјуб/IDJ Show

Дојде ред Тара и Барабара да ја препеат и „Сега јас сум на ред“ (ВИДЕО)

Антонио Димитриевски — Mon, 31 Dec 2018 10:17:35 +0000

Серијата соработки на Александар Тарабунов и Барбара Поповиќ, кои овој проект го започнаа со дуетската верзија на макфестовската „Би те одбрал само тебе“ на Тара, а продолжија со рефрешираната варијанта на уште еден постар макфестовски хит од Роберт Билбилов - „Избриши ги ти солзите“.

И покрај тоа што и оригиналите отпеани од Билбилов сè уште активно се вртат и денес по радиостаниците, Тара и Барбара им даваат една поинаква димензија, им вдахнуваат свежина дополнета со нов аранжман и продукција, за која се погрижил самиот Билбилов, како и со одлична визуализација од режисерот Зоран Зонде Стојановски.

Сето тоа може да се забележи и во новата, штотуку објавена верзија на хитот „Сега јас сум на ред“, чие видео промовирано во 2006 година беше и првиот официјален спот за Билбилов.

Само за потсетување, авторка на стиховите е Сања Николиќ, а музиката, аранжманот и продукцијата се на Роберт. Како што тргнала работата, изгледа дека ќе можеме да очекуваме и цел дуетски албум, а како звучи и изгледа „Сега јас сум на ред“ во изведба на Александар Тарабунов и Барбара Поповиќ дознајте во продолжение! https://www.youtube.com/watch?v=8t3rX0PFo10

барабара поповиќ – Вистина.мк

Барбара Поповиќ фасцинираше со својот настап во IDJ Show: Охриѓанката „ги зајде“ од воодушевување и жирито и публиката (ВИДЕО)

Дојде ред Тара и Барабара да ја препеат и „Сега јас сум на ред“ (ВИДЕО)