бане обрадовиќ – Вистина.мк

Исповед на кумот на Јоксимовиќ: Бане Обрадовиќ откри низ што поминувал додека се борел со короната

Христина Ѓоргиевска — Fri, 12 Jun 2020 10:03:44 +0000

Најпознатиот естраден менаџер и кум на Жељко Јоксимовиќ успеа да ја победи короната. Тој 23 дена помина во болница борејќи се за својот живот. „Кон крајот на март се чувствував многу лошо. Имав висока температура, ме тресеше грозница и се чувствував малаксано. Отидов на доктор не помислувајќи дека имам коронавирус. Ме однесоа во Клиниката за пулмологија, а едниот син го пратија на Саем бидејќи беше позитивен на Ковид 19. Ме сместија на интезивна нега во т.н црвена зона. Таму лежеа најзагрозените пациенти. Кога ми кажаа дека имам корона, психички паднав. Беше ужасно. Не знам ни кога ни како се заразив. Се чував, никаде не излегував, немав контакт со луѓето“ вели Бане. Тој откри и страшни детали додека бил во болница. „Вкупно 23 дена и цело време на респитарот. Не знаев дали е ден или ноќ, единствено нешто што слушав беше звукот на респираторите. Примав шест инфузии на ден и помеѓу 8 и 11 таблети. Ослабев 15 килограми. Ми мерија притисок на половина час и секој ден добивав инекции во стомак за да не ми се залепат цревата“, раскажува менаџерот. Тој откри колку му значела поддршката од неговото семејство. „Во болница ми се врати желбата за живот кога добив писмо од сопругата Јована и фотографија со нашата ќерка. Таа нејзина порака беше многу емотивна, со многу позитивна енергија“ вели Обрадовиќ.

Познатиот естраден менаџер и кум на Жељко Јоксимовиќ го победи коронавирусот, но остана нем: Бане Обрадовиќ не може да зборува?! (ФОТО)

Антонио Димитриевски — Wed, 06 May 2020 09:20:41 +0000

Кумот на пејачот Жељко Јоксимовиќ, познатиот естраден менаџер Бана Обрадовиќ, го напушти Клиничкиот центар на Србија, каде му беше дијагностициран Ковид-19 поради што лежеше со тешка пневмонија, а последните две недели беше сместен во одделот за пулмологија. Тој штом дошол дома кај семејството, веднаш им испратил порака на пријателите дека се чувствува добро, дека е многу подобар со здравјето, но дека сè уште не може да зборува затоа што нема глас. Неговата сопруга Јована и неговите синови, но и пријатели, како и повеќето пејачи кои соработувале со Обрадовиќ, биле цело време или покрај него или му давале поддршка, храбрејќи го. Средниот син на Обрадовиќ, исто така, бил позитивен на коронавирусот, но за среќа неговата состојба не била сериозна. Тој кратко време бил во привремената болница на белградското сајмиште, по што бил пуштен на лекување во домашни услови. Тестиран е и најстариот син, додека сопругата на Бане, како и најмалиот син, немале никакви симптоми на вирусот.

Српската естрада во паника: Познатиот менаџер е заразен од корона

Христина Ѓоргиевска — Tue, 14 Apr 2020 10:00:51 +0000

Како што пренесуваат српските медиуми, менаџерот Бане Обрадовиќ е позитивен на коронавирус и се наоѓа во болница во Србија. Според пишувањата, неговата здравствена состојба е стабилна. Откако имал висока температура тој е тестиран на корона, а по воспалението на белите дробови бил сместен на оделението за пулмологија. Неговиот среден син се наоѓа на Саем и се чувствува добро. Тој ги чека резултатите од тестот, а потоа ќе продолжи со домашно лекување. Најстариот наследник на постариот менаџер е во изолација во неговиот стан и ги чека резултатите. Сопругата на Бане, Јована и нивниот најмал син се добро и се заблагодаруваат на сите што се грижат. „Бане е во болница и неговата здравствена состојба е стабилна. Сакам да се заблагодарам на медицинските лица на Клиничкиот Центар Србија, на одделението за пулмологија кои вложија напори Бане да се чувствува подобро. Исто така сакам да се заблагодарам на сите пријатели, семејството и кумовите кои овие денови се грижат и помагаат да Бане излезе како победник од оваа ситуација. Исто така сакам да се заблогадарам на медиумите и да ги замолам да ја почитуваат приватноста на семејството“ изјави Јована за еден српски медиум. Познато е дека Бане соработува со Ана Бекута, Снежана Ѓуришиќ, Зорица Брунцлик и многу други, а исто така е кум на Жељко Јоксимовиќ.