балканска улица – Вистина.мк

Откако Весна Дедиќ ја обвини Калиопи дека не се појавила на снимање и се „заканувала“ со отказ, се огласи нашата пејачка: „Не знам за што зборува“

Христина Ѓоргиевска — Fri, 05 Mar 2021 08:58:23 +0000

Пејачката Калиопи Букле се огласи по обвинувањата на српската водителка Весна Дедиќ дека никогаш повеќе нема да ја покани во својата емисија „Балканска улица“ бидејќи нашата наводно пејачката не ја испочитувала. Имено, како што Весна изјави за српските медиуми, Калиопи требало да гостува во нејзината емисија „Балканска улица“ која тогаш се емитуваше на РТС, но доцнала на снимањата, а кога пристигнала во Србија не заминала веднаш во студиото, туку наводно сакала прво да оди во хотел, да се нашминка и среди, па потоа да дојде на снимање. Меѓутоа, Весна и нејзината екипа не сакале со часови да ја чекаат пејачката, па наводно и Калиопи им се „заканила“ дека ќе се јави кај тогашниот директор да и даде отказ. https://arhiva.vistina.com.mk/radio-mileva/vesna-dedikj-otkri-deka-nema-da-ja-pokani-kaliopi-vo-svojata-emisija-toa-nikogash-nema-da-i-go-zaboravam/ По овие тврдења на Весна Дедиќ, за Курир.рс се огласи и Калиопи и ја кажа својата страна на вистината. „Мене никој не ме познава како таква личност како што ме опишува Весна. Јас навистина не знам што и е на госпоѓата и не знам што сака да каже. Оваа работа ја работам 35 години и никој досега не ми кажа такво нешто, ниту ме наврдил како што ме навреди таа. Точно е дека доцнев на тоа неславно снимање поради сообраќајна несреќа среде невреме бидејќи патував од Загреб кон Белград, а нејзината продуцентка го знаеше тоа. Јас ова првпат го слушам, шокирана сум. Како и да е, јас Весна Дедиќ ја почитувам како интелектуалец, новинарка и авторка, дури ги прочитав и нејзините книги. Навистина не знам за што зборува ова жена. Калиопи се труди луѓето да добијат работа, а не да се заканува со отказ, тоа е скандалозно. Никогаш во животот немав вакви проблеми“, изјави Калиопи за Курир.рс Овој одговор од нашата пејачка ја изнервира Весна Дедиќ која не се откажува од своите тврдења. „Тијаниќ, за жал не е жив, па не можам да ви кажам- „Прашајте го Тијаниќ“. Без оглед на сè, јас и понатаму ја слушам Калиопи и не е важно што направи во афект“, изјави Весна за курир.рс Дали по ова, Весна ќе се премисли и сепак ќе ја покани Калиопи во емисијата, останува да видиме.

Повеќе на vistina.mk

Последната ТВ емисија на Џеј, две недели пред да почине, во која призна што најмногу му недостасувало во животот (ВИДЕО)

Антонио Димитриевски — Mon, 07 Dec 2020 09:42:48 +0000

Покојниот Џеј Рамадановски само пред две недели беше за последен пат гостин во култната ТВ емисија „Балканска улица“, едно од најпознатите телевизиски ток шоуа со авторката и ТВ водителка Весна Дедиќ која се емитува цели 20 години. Токму неа отворено и призна и откри каде и што најмногу промашил во животот, а што најмногу ми фалело, а што никогаш не му беше доволно. „Љубов... Отсекогаш ми недостасуваше тоа. Како што велат старите: „Кога ти е сè совршено во животот и сè оди како што треба, земи камче и стави го во чевелот за да те боцка. Секому му недостасува љубов... Сега зависи дали е мајчинска, татковска, од децата или од девојката/ момчето ...“ - рече Џеј, а на прашањето кого најмногу сакал, одговори: „Најмногу ги сакав своите деца, сопругата, моите пријатели...“ - рече неодамна сега починатата фолк легенда во своето последно ТВ интервју во емисијата „Улица Балканска“. https://www.youtube.com/watch?v=oFayFnxya_0

Повеќе на vistina.mk

Водителката на „Балканска улица“, Весна Дедиќ влегува во „Задруга 3“ – еве колку ќе изнесува нејзиниот хонорар

Христина Ѓоргиевска — Fri, 20 Mar 2020 09:12:53 +0000

Водителката на долгодишната емисија „Балканска улица“, Весна Дедиќ која неодамна ја напушти својата матична куќа РТС каде што работеше 29 години сега влегува во „Задруга 3“ ексклузивно дознава ало.рс Имено, наводно, главните луѓе на „Пинк“ и понудиле огромен хонорар кој не можела да го одбие. „Весна за една недела во Шимановци ќе добие колку што изнесуваше нејзината плата на РТС односно 500 евра. Значи, за еден месец таа ќе заработи 2000 евра“ извор за „Ало“. Според изворот, Весна првпат одбила да влезе во „Задруга“, но потоа се предомислила. „Весна моментално е невработена. Откако даде отказ на РТС одлучи да се посвети на своето училиште за новинарство, но и на други професионални активности. Меѓутоа, бидејќи е вонредна состојба поради коронавирусот, Весна мораше да одложи се и ја прифати понудата на Жељко“ тврди изворот и додава: „На тој начин не само што ќе заработува, туку нема да биде сама во својот дом затоа што нејзината ќерка Ленка е во Лондон“. Весна на прашањето дали влегува во „Задруга“ одговорила таинствено. „Јас неодамна излегов од РТС, а се чувствувам како да излегов од Фарма. Ме дочека вонредна ситуација и се чувствувам како да сум влегла во „Големиот брат“. И сега да ме префрлат во „Задруга“ нема да почувствувам промена“ изјави Весна за „ало.рс“. Дали Дедиќ ќе влезе во реалното шоу останува да видиме.

Повеќе на vistina.mk