балкан бенд – Вистина.мк

Момците од „Балкан бенд“ испишаа историја: „А бре,Македонче“ ќе ечи на секое парче на земјата каде има Македонец (видео)

Слободанка Илиева — Thu, 23 Jun 2022 11:30:12 +0000

Вчеравечер во ресторанот Ragusa 360 – Rooftop се одржа спектакуларна промоција на уште една во низата народни песни кои ќе го обединат македонскиот народ. „Балкан бенд“ го промовираа најновиот музички проект насловен како „А бре, Македонче“. Зад ова музичко парче што ќе остане за навек, како аранжер се потпишува Дарко Илиевски, а мастерот е дело на Дејан Момироски. Спотот е направен под режиската палка на маестралниот Даниел Јовески. Домаќин на вечерта беше легендарниот Игор Џамбазов, кој со своето присуство ѝ даде посебна нота на целата промоција. Момците од „Балкан бенд“ на промоцијата со огромно задоволство открија дека ова е најскапиот музички проект кој се случил во Македонија во последните 10-на години. „Ова што го гледате и слушате вечерва како финален производ, го подготвувавме од 2018-та година и сме пресреќни што конечно ја споделуваме со вас „А бре, Македонче“ и горди сме што ѝ оставаме еден траен белег на Македонија“, рекоа синоќа момците од „Балкан бенд. На промоцијата на „А бре, Македонче“, почит им оддадоа многу познати имиња од македонскиот шоу бизнис. Водители, пејачи, медиуми, инфлуенсери, беа само дел од публиката на промовирањето на „А бре, Македонче“, во срцето на Скопје. Реакциите за спотот и песната се и повеќе од одлични, а доказ за тоа се и бројот на прегледи на Јутјуб. За само неколку часа повеќе од 15.000 корисници го прегледале видеото. Да не должиме многу, слушнете, уживајте и споделете ја „А бре, Македонче“ на вашите социјални мрежи.

„Балкан бенд“ во музичката видеоприказна за човечките судбини во… – „Железните пари бабини“ (ВИДЕО)

Антонио Димитриевски — Tue, 08 Jun 2021 12:24:23 +0000

Првиот впечаток на оние кои веќе го погледнаа новиот спот на групата „Балкан бенд“ е дека видеото ги надминува очекувањата и изгледа како проект со кој не би се срамеле да се покажеме и пред светот. Станува збор за нова песна на музичката екипа, а нејзиниот наслов е „Железните пари бабини“, музички и стилски поразлично од тоа што претходно бевме навикнати да го слушаме од нив. Темата беше промовирана вчера, 7-ми јуни 2021 година, а коментарите барем досега, се и повеќе од позитивини. Од бендот велат велат дека не се многу изненадени од реакцијата на публиката, бидејќи како што велат: дале се од себе, својот максимум за да го добијат финалниот производ. „Не радуваат коментарите на публиката. Спотот излезе вчера, а еве не престануваат да ни пристигнуваат пораки. Исто така ни пишаа и доста наши колеги, кои велат дека се пријатно изненадени. Се надеваме дека песната и спотот ќе допрат до публиката, бидејќи ова што го слушате и гледате е направено со многу труд и премногу љубов“ - велат членовите на бендот. За сето ова да изгледа, а нормално и да звучи вака се авторите на песната: Горан Јовановски - Топче кој го напишал текстот и ја компонирал музиката, потоа Дејан Момироски кој бил задолжен за аранжманот, а аплаузите за ова прекрасно видео ги собира режисерот Даниел Јовески, кој уште еднаш покажа зошто е најбараниот во Македонија. „Видеото всушност е една филмска приказна која ги отсликува стиховите кои ја следат самата тема. Многу веруваме во ова ново музичко парче со наш потпис“ - додадоа членовите на„Балкан бенд“. Инаку бендот веќе има закажано доста настапи за ова лето низ клубовите во нашата земја, а се разбира, тука се и свадбените веселби и приватните забави. Во продолжение погледнете го видеото за темата „Железните пари бабини“: https://www.youtube.com/watch?v=H36RqS-uGKk

Музичарите пред себе имаа празник за очи: Спенџарска и Гавазова на иста сцена блескаа од сексапил (фото)

Слободанка Илиева — Thu, 12 Dec 2019 08:28:22 +0000

Пред Новата 2020 година не дели малку време, а иако броиме ситно до 31-ви декември, новогодишната еуфорија кај домашната естрада слабо се чувствува. Како и секоја година овој период, редовно се снимаат новогодишни емисии ама на нашите познати фаци како да не им е дојдено до споделување детали на социјалните мрежи. ТВ водителката Јелена Спенџарска, пејачката Сузана Гавазова и музичарите од „Балкан бенд“, ја прекршија монотонијата и на своите профили објавија дека деновиве доста се забавувале на едно новогодишно снимање во „Скендеровски продукција“, па Новата 2020 ја дочекаа нешто порано. А, како што е редот, дамите беа во фокусот, иако на сцената имаше доста музичари. Спенџарска како водителка, Гавазова задолжена за песна, а двете во спој, блекска со својот сексапил од модниот избор кој го направиле. И двете носеа светкави тоалети, но секоја за себе се истакна со најсилните атрибути – Спенџарска со манекенската става, а Гавазова со бујните атрибути и високиот шлиц. Музичарите пред себе имаа празник за очи, а како ќе изгледа финалното дело кога сликата ќе се спои и со музика и мерак и за очи и за уши, останува да почекаме...

Александра Накова е „Лутка“ за балканскиот пазар (ВИДЕО)

Антонио Димитриевски — Tue, 25 Jun 2019 09:47:01 +0000

Периодов Александра Накова е речиси секојдневно експонирана во медиумите. Но, освен уживањето по грчките плажи и таверни, а и домашните базени, кафулиња и ноќни клубови, гевгелиската „кукла“ беше зафатена со снимањето на новиот спот за песната „Лутка“ на групата „Балкан бенд“, отпеана на српски јазик .

Накова таму ја има главната улога во музичката приказна од видеото за новата песна наменета за балканскиот пазар, кое бендот веќе го објави.

Во него макенскиот топ модел и џетсетерка, костимите ги менува во секој втор кадар, а нејзиното присуство е повеќе од естетско-декоративна природа, отколку некаква содржајна улога која би го следела текстот...

Впрочем стиховите имаат приказна, но не и видеото кое речиси целото е обична „тезга свирка“ на сцената, по која Накова бесцелно парадира покажувајќи го сиот свој телесен раскош. Но, тоа е проблем на режисерот и сценаристот на видеото, па и на самиот бенд, а не и на убавицата, која дала се' од себе, да го понуди најдоброто од себе.

А, Накова и тоа како има што да понуди, за разлика од спотот кој заслужувал да биде многу подобар и заради квалитетот и комерцијалноста на песната и заради желбата „Балканци“ да го освојуваат Балканот, ама...

Нејсе, „Лутка“ е сепак пристоен музички избор за обид да се отвори вратата на комшискиот пазар, а видеото...? „Лутка“ без Накова би било како (Л)утка без „Л“! Со неа, барем има што да се види... и без сценарио.

Изведувач: Балкан Бенд, Музика: Александар Тасевски, Текст: Александар Стефановски, Аранжман: Дејан Момироски, Снимање, микс и мастеринг: Дејан Момироски - студио XL Момироски, Видео: Студио 5 https://www.youtube.com/watch?v=Xdwh9FcFwL4

Сузана Гавазова и Балкан бенд заедно во „Камикази“: Експлозивна комбинација за илјадници „влажни погледи и подзинати усти“! (ВИДЕО)

Антонио Димитриевски — Sat, 20 Oct 2018 07:52:52 +0000

Илјадници „влажни погледи“ на сите оние кои го погледнале најновиот видеоспот на Сузана Гавазова снимен заедно со групата „Балкан бенд“ под наслов „Камикази“, во чии сцени македонската фолк сирена покрај вокалните, во изобилство ги покажува и своите раскошни и бујни, телесни квалитети!

Дефинитивно, новото видео на сексапилната струмичанка и скопските момчиња е „експлозивна комбинација“ во чија презентација Гавазова го дала најдоброто од себе. Својот сугестивен вокал, извајаното тело со сето она што мајката природа ја надарила, па бујната и раскошна пејачка, како и во приказната од видеото: ги лепи гледачите за екранот... Особено оние од посилниот пол!

Дефинитивно, Гавазова со нејзините сочни атрибути е таа која привлекува илјадници „влажни погледи“ и остава исто толку оподзинати усти кога се гледа видеото за „Камикази“, во кое струмичката секс бомба ги засенува дури и далеку помладите девојки кои статираат во спотот.

„Камикази“ во себе содржат микс од поп-фолк звуци со примамлив хитовски рефрен, два усогласени вокали (Александар Тасевски и Сузана) и видео пасторала од еротски гестикулации, движења и танци на разголената фолк ѕвезда. Со еден збор, музичка, секси рапсодија која ги дразни сите сетила. Да се наежиш... по цело тело!

Дефинитивно дуетската песна и особено видеото за неа се експлозивна комбинација на бендот и певицата од која „паѓа вилицата“!

Погледнете го спотот за „Камикази“, кој гарантирано ќе посакате да го вратите уште неколку пати: https://www.youtube.com/watch?v=witewPJYh5g

Кога Гавазова ќе замеша во бекстејџот, на оние зад сцената им „тече низ ногавици“ уште пред пејачката да излезе на бина! (ВИДЕО)

Антонио Димитриевски — Mon, 15 Oct 2018 07:33:08 +0000

Македонската фолкерка Сузана Гавазова е на подолг престој дома. Шведска ја замени со родната Струмица, а летната пауза со работни обврски.

Настапите се она нешто без кое естрадата не би функционирала, па пеејачите живеат за нив. Заради фидбекот од публиката и „мрсниот“ хонорар, секако. Затоа Сузана по одморот прво им се врати ним. А настап како настап, секогаш започнува со подготвки во бекстејџот.

Некои седат и се концентрираат, други се загреваат со нешто што ќе им го „освежи грлото“, трети имаат обичај да се распеат за да ги олабават гласните жици... Кој(а) како! А таа, наместо гласот, ги олабави телото и најистурените телесни атрибути.

View this post on Instagram

A post shared by Suzana (@suzanagavazova) on Oct 13, 2018 at 1:49pm PDT

Па кога Гавазова ќе замеша во бекстејџот, на оние зад сцена почнува да им „тече низ ногавици“ уште пред пејачката да излезе на бина!

Колку ли допрва ќе има „влажни погледи“ кога деновиве ќе се појави најновиот видеоспот на Гавазова снимен заедно со групата „Балкан бенд“ под наслов „Камикази“, во чии сцени струмичката фолк сирена покрај вокалните, во изобилство ги покажува и своите раскошни и бујни, телесни квалитети?!

Колку за да ги заскокотка вашите мечти, фолкерката со кус видео тизер го најави излегувањето на спотот. Од она што може да се види, дефинитивно ќе има не само „влажни погледи“, туку и илјадници подзинати усти со „падната вилица“! За „ногавиците“ и да не зборуваме...

Впрочем, погледнете и уверете се самите:

View this post on Instagram

⚠️ ⚠️ ВНИМАНИЕЕЕЕ ⚠️ ⚠️ ?? Четврток 18.10 ?? Во 19:00 часот ?️?️ Промоција на песната и спотот ? ? КАМИКАЗИ ? ? ?? Сузана Гавазова & Балкан Бенд Aleksandar Tasevski II Aleksandar Tasevski Page Bojan Dichoski Ilija Naumovsky Zlatkoo Ancevski Dario Jankovic General Suzana Gavazova Suzana Gavazova Suzana Gavazova Jasmin Kuruzovic Goran Karamele Zvezda Pavle Nikolovski Kristina Drljevic Aleksandra Jovanovic Letka Naumovska

A post shared by Suzana (@suzanagavazova) on Oct 13, 2018 at 3:47am PDT

Кај Гавазова нема утки, штом се појави и на колегите им летаат пеперутки… (ФОТО)

Антонио Димитриевски — Fri, 29 Jun 2018 07:20:03 +0000

Македонската фолк ѕвезда Сузана Гавазова се врати од Шведска во Македонија. Таа сега ќе остане на подолг престој дома, во родната Струмица, ама тоа никако не значи дека пејачката и ставила клуч на кариерата. Напротив, згодната фолкерка е хиперактивна... И кога е животот, ама и кога е работата во прашање. Очигледно Сузана се држи до максимата дека: „едното не смее да трпи заради другото“, па знае како малку да одмара и ужива на море, како повторно да ја придобие публиката.

Сексапилната струмичанка и кога на плажа за викенди доаѓа, не заборава да ги потсети своите следбеници на социјалните мрежи со што располага. Атрактивна однапред, уште поатрактивна одзади...

Затоа внимавајте ако случајно се сретнете или се разминете некаде вака, на некои скали... Зашто кога ќе ја видат Гавазова како гази, мажите се како „Камикази“... веднаш „губат глава“!

Токму како што е насловена и нејзината нова песна - „Камикази“ која треба да се појави наскоро... А во најавата на истата, на фотографиите сексапилната фолкерка сликана заедно со Аце и Злате - членовите на скопскиот „Балкан бенд“ во студиото „Момировски“. Заедно се и во Струмица, на иста маса, а можеби и во иста песна?

Задоволството обострано, а по она што се гледа од фотографиите и симпатиите... Зашто кај Гавазова нема утки, штом се појави на колегите им летаат пеперутки... околу глава!

А, што им се мота низ главата? Ееее... тоа прашајте го Александар Тасевски, вокалот на „Балкан бенд“!

Ама како што самата Гавазова вели: „Не чекајте ја можноста да ви дојде сама, туку создадете ја“!

Или: „Зграпчи го... Денот“! Како што гласеше слоганот на некогаш, најтиражниот македонски дневен весник!

Балкан бенд не прошетаа по спомените со – „Стари песни, стари другари“ (ВИДЕО)

Антонио Димитриевски — Tue, 05 Jun 2018 12:15:34 +0000

Енергијата, правецот по кој се движат и дефинитивно целосната посветеност и љубов кон македонската музика ги издвојува момчињата од „Балкан бенд“, веќе втора година по ред, на домашната естрада. За толку краток период, зад себе имаат неколку авторски песни, спотови и големи планови за албум следната година.

„Стари песни, стари другари“ е насловот на новитетот, кој го промовираат заедно со спот, односно целосен пакет, кој е уште еден показател за тоа колку ја почитуваат својата публика. Музиката, аранжманот и тексот ги доверија на тимот од чие што музичко студио излегуваат најголемите балкански хитови, двоецот Лазар и Магдалена Цветковски.

„Познавачите на нашата музика, веќе во новата песна на „Балкан бенд“ препознаваат нов летен хит, кој што „влегува“ во уво од прво слушање и не се ни сомневаат дека ќе остави свој белег ова лето 2018-то“ - велат членовите на групата. Спотот за песната го работеше „Веста продукција“.

Досега, „Балкан бенд“ позади себе има 5 авторски песни и три спота, вклучувајќи ја и последната. „Неверник“, „Зависен“, „Пелин и Мед“ и „Сам ме остави“ се првите четири на групата, која сериозно е посветена на создавање авторска музика, бидејќи според нивната девиза, само така квалитетот испливува на површина, а публиката, токму тоа го препознава.

Септември е месец за уште новитети, бидејќи уште сега се најавува шестата авторска песна, која ќе биде дует со Сузана Гавазова, за која исто така ќе се снима и спот.

„Соработката со Лазар и Магдалена продолжува и кон крајот на оваа и почетокот на следната година, за кога се планира и промоција на новата песна, овој пат балада, која одговара и за тој период од годината, која ќе биде снимена и за нашиот, но и за српскиот пазар“ - порачуваат членовите на бендот.

„Балкан бенд“ е една од ретките музички групи кај нас, што можете да ги видите секаде, од свадби, до дискотеките и ноќни клубови, а сето тоа се должи на репертоарот кој што го изведуваат. Членови на бендот се: Нико Сребров - клавијатури, Илија Наумовски - гитара, Бојан Дицовски - бас гитара, Александар Тасевски - вокал и Златко Анчевски - тапани. Во продолжение проследете го видеото за „Стари песни, стари другари“. https://www.youtube.com/watch?v=gIIDPq4HX-U&feature=share