балерина – Вистина.мк

Уредничката на утринската на „Сител“ на „стари години“ се нафати на „егзибиции“… што ќе ја вратат во младоста: „Луда“ по тебе, ама и пред тоа? (ФОТО)

Антонио Димитриевски — Thu, 15 Feb 2024 11:29:34 +0000

Едни ја знаат од телевизија други од радио како една од најшармантните и најдолговечни македонски ТВ водителки која речиси три децении е во медиумскит етер. Во моментов уредник на утринската програма на ТВ „Сител“ - „Ја сакам Македонија“, Елена Стојановска - Јанковска е мошне активна во ТВ етерот. И тоа не само во утринските изданија на својата програма, туку и во рекламирањето на познати трговски брендови од кои доминира оној од Косово, за душеци за спиење, постелнина, дребулии за домаќинство и покуќнина и мали куќни апаратим како и уште многу други ситници за опремување и оплеменување на просторот во домот... Патем, кога не е работно ангажирана со емисии во живо или рекламни снимања за плата или хонорар, Елена како посветена мајка и сопруга наоѓа време за своето семејство и за себе... Особено во последно време, кога младоликата Елена решели да си оствари една далечна желба... Веројатно дамнешна, уште од младоста, ама ете, дури сега и се пружила можност и прилика водителката да биде балерина! „Мојата љубов во последно време.Како што гледате нема да играм во Лебедово езеро, ама си остварив една далечна желба. П.С. На следниот пост ќе ви покажам како се прави шпага“ - споделила водителката, во своето прво балетско селфи од балетскиот подиум. За умешноста во изведба шпагата на растегливата и гибка Елена, никој не се ни сомнева, ама затоа она што покрај оваа најава ја побуди љубопитноста, беше уште една нејзина Инстаграм стори објава! И тоа токму „Денот на вљубените“, кога Елена Стојановска во својата објава сликовито прикажала колку е „луда по него“! Веројатно мислела на својот сакан сопружник. Одговорот на „љубовната дијагноза“ е со „проверена констатација“ од пред и потоа или можеби прогнозите за истата важат и за во иднина, откако Елена на „стари години“ се нафати на „егзибиции“ што ќе ја вратат во младоста, да си ги оствари неостварените амбиции и сништа како балерина. До душа, само аматерски иако рака на срце физичката предиспозиција и дава за право да застане на „почетна позиција“ и во хеланки и во балетанки! А оноа: „Луда“ по тебе, а и пред тоа, ама и потоа? Сепак најважно е да го правиш она што најмногу те исполнува! Како во моментов, балетот Елена! Фото: Јутјуб принтскрин и Инстаграм/enna_inna

Откако не е повеќе во „Бекстејџ“, Ева Јовановска сфати дека е време да и се врати на старата љубов: Многу наши водителки имаат убави и долги нозе, ама само таа умее со нив да направи вакви пози (ВИДЕО)

Антонио Димитриевски — Wed, 15 Nov 2023 09:53:43 +0000

Младата и атрактивна Ева Јовановска (20) повеќе не е ТВ водителка... Не барем на најгледаниот естраден ТВ магазин - „Бекстејџ“ со кого неодамна ја прекинаа соработката. Сексапилната тетовка сега е посветена на ПР - работата за една продуцентска куќа и еден портал - магазин, што не значи дека наскоро одново нема да ја гледаме на домашните ТВ екрани, на што наголемо работи и се подготвува. Ама за тоа - потоа, кога ќе дојде денот. По „раскинувањето“ со „магазинот од зад сцената“, утехата по промената ја побара во она што претходно до крај ја исполнувало... И во душта и телото! Евче бргу сфати дека е време да и се врати на старата љубов! Еднаш балерина - секогаш балерина, зашто движењата, потезите, позициите и позите... никогаш не се забораваат. Можеби само формата и кондицијата треба да се вратат за задоволителното ниво и потоа она што Евче умее да го покаже, ниту една друга водителка не го може. Зашто многу од нив имаат убави и долги нозе, ама само таа умее со нив да направи вакви пози! Патем, кога Евче тренира возбудата е на работ да експлодира... Зашто секоја нејзина нова балетска поза буди и малку поинакви мисли од оние само уметничките, а буди и помалку или повеќе нервоза и кај претставничките на понежниот пол од конкуренцијата, оти тие тешко можат вака да ја совладаат лекцијата. Зашто, за вакви балетски позиции не се потребни само физички предиспозиции! Стој на раце со високо кренати нозе нагоре во вертикала, висок скок со свиткани нозе во колената или шпага... зависи која поза ви е подрага! И сето тоа за здраво тело, полна душа, уметнички впечаток и... „влажни машки погледи“ за „бурни сништа“! Зашто многу наши водителки имаат убави и долги нозе, ама само Евче со нив ова го умее и може! Фото: Инстаграм/_evce_

SMUT порачуваат дека се’ ќе си дојде на свое место – „Еден ден“ (ВИДЕО)

Антонио Димитриевски — Fri, 06 Oct 2023 12:43:47 +0000

Македонската металкор група SMUT, основоположник на овој музички стил во регионот, објави нов видео спот со кој го претставува синглот „Еден ден“. Новото видео е во режија на Владимир Митревски – Ѓуле, кој имено се потпишува зад сите спотови на SMUT. „Помислата да ја преточиш болката преку мастило во зборови, преку тонови во музика, преку слика во видео и тоа да ја опише истата за нас беше незамислива. Благодарение на целиот тим кој работеше на овој проект, дојдовме до видеото за „Еден ден“. Има две причини кои беа пресудни зошто се одлучивме да снимаме спот за оваа песна, реакцијата на публиката на нашиот последен настап – „Д Фестивал“ и сугестијата на режисерот Владимир Митревски – Ѓуле, по преслушување на песната, велат од SMUT. Владимир Митревски – Ѓуле е режисерот кој е потпишан на сите досегашни нивни спотови и претежно тој е оној кој одбира кои песни ќе добијат видео запис. Тематиката и снимање спот каде главната тема е загубата, е исклучително тешка, имајќи предвид дека треба да се опише тагата, празнината. Целиот товар падна на режисерот и на главниот лик, балерината Мила Ниновска, која својот лик го одигра во вистинското светло како што беше замислено од страна на режисерот. Групата SMUT (се чита: Смат) постои повеќе од 25 години со пет култни студиски албуми зад себе и важи за една од најценетите хардкор/металкор групи во овој дел од Европа. Најновиот сингл „Еден Ден“ кој SMUT денеска го претставува со видеозапис, беше објавен во аудио формат на 3-ти мај годинава, а два месеци подоцна премиерно беше изведен и во живо на нивниот настап на Главната бина на „Д Фестивал“ во Дојран.

Македонската балерина Стефанија Гаштарска според руски „Форбс“ е меѓу осумте идни ѕвезди во Русија

Антонио Димитриевски — Mon, 06 Feb 2023 10:37:17 +0000

Руското издание на списанието „Форбс“ ја вклучи македонската балерина Стефанија Гаштарска на листата на осумте идни ѕвезди во Русија. Дваесетгодишната Стефанија почна да се занимава со балет на девет години во ДМБУЦ „Илија Николовски-Луј“, во класата на Дафина Данилоска-Кочевска. На 15 години замина да учи во државното училиште во Перм (Русија), едно од најстарите балетски школи кои работат по Ваганова методот, а образованието го продолжи во Академијата за балет на Бољшој. На 16 години настапи во Бољшој, играјќи ја принцезата Аурора од балетот „Заспаната убавица“ на балетската гала вечер посветена на кореографот Мариус Петипа, на која настапија 240 претставници од најдобрите балетски школи во Русија. За една сезона изигра седум главни улоги во најголемите класични дела. На гостување во театарот „Михајловски“ во Санкт Петербург играше во „Лебедово езеро“ а критичарите ја споредија со Ана Павлова.

Мекоста и тежината на нејзиниот танц точно го одразуваат нејзиниот кореографски стил“, вели „Форбс“.

Таа е ќерка на познатиот српски пејач, писател и боем: Дина е актерка и балерина, на која „око не и трепнува“ да се слика „пиштол гола“ (ФОТО)

Антонио Димитриевски — Tue, 20 Dec 2022 11:05:04 +0000

Дина Прелевиќ е српска актерка и балерина, а позната е и по тоа што е ќерка на легендарниот писател, пејач и познат боем, покојниот Душан Прелевиќ - Преле, кој почина во 2007 година. Дина се најде во центарот на медиумското внимание кога во 2010 година, во пресрет на Мундијалот, се соблече до гола кожа и позираше за магазинот „Плејбој“. Публиката ја памети по улогите во филмовите „Виртуелна реалност“ и „Земја на мртвите“, а глумата ја заврши во иста класа со Гордан Кичиќ и Љубинка Клариќ. Во своите дваесетти се забавувала со познатиот хрватски заводник Франо Ласиќ. Се чинеше дека ќе успее да го „смири“, но не успеа, по неколку години врската се распадна. Денес ретко се појавува во медиумите. Затоа пак, активна е на Инстаграм, каде Дина објавува провокативни и разголени фотографии кои на мажите им го одземаат здивот. На познатата српска актерка и балерина, „око и не и трпнува“ да се слика „пиштол гола“... И тоа во секоја можна прилика и на плажа и по дома! Фото: Инстаграм принтскрин/dinaprelevic

Вака изгледаше првиот настап на Јелена Розга: Пред 26 години се појави како балерина (ВИДЕО)

Антонио Димитриевски — Fri, 04 Mar 2022 11:48:10 +0000

Хрватската пејачка Јелена Розга (44) зад себе има 26 години долга и успешна кариера. Таа на својот Инстаграм профил сподели видео од својот прв настап. Мајката Марија и таткото Анте го забележале нејзиниот талент за музика и танц, па на седумгодишна возраст ја запишале во основно балетско училиште. Своето образование го продолжила во Загреб, каде се запишала во средното балетско училиште. Танцуваше во балетот на Хрватскиот народен театар и настапуваше во претстави. Поп-пејачката се присети на своите почетоци и нејзиниот прв јавен настап во Опатија на Дора – хрватскиот Евросонг во 1996 година. Како изгледала балерината Розга во својот балестски танц на прсти во бело ту ту на еден од своите први јавни настапи, погледнете во продолжение:,

View this post on Instagram

A post shared by Jelena Rozga (@rozgajelenaofficial)

Фото: Инстаграм принтскрин/rozgajelenaofficial

Стефанија Гаштарска е првата македонска балерина која се вработи во ансамблот на „Бољшој театар“ во Москва

Антонио Димитриевски — Mon, 01 Jun 2020 11:58:57 +0000

Македонската балерина Стефанија Гаштарска стана дел од ансамблот на многу посакуваниот руски театар „Бољшој“ во Москва. 18-годишната балерина од Скопје е прва Македонка на која ѝ успеа тоа. Таа настапи на сцената на овој театар уште пред две години како солистка. Гаштарска е бренд-амбасадор на компанијата „Гришко“, која ги прави светски познатите балетанки. Гаштарска заврши основно музичко училиште во „Илија Николовски-Луј“ во Скопје и од мала бележи големи меѓународни успеси. Средното музичко го заврши во Русија, една година во градот Перм, а потоа три години била дел од академијата „Бољшој“, ни објасни мајка ѝ Марија Крстевска, која исто така е балерина во Македонската опера и балет. - Ми се оствари сон од детството - вели Стефанија, која информацијата ја доби додека е во Скопје со своето семејство. Академијата „Бољшој“ работи под капата на театарот „Бољшој“ и сите годишни испити ги следи директорот на театарот. Годинава немале годишен испит, но по испитниот час директорот на „Бољшој“ одбрал седум девојчиња и едно момче. Меѓу нив е и Стефанија, објаснува Крстевска. Извор: Факултети.мк Фото: Стефанија Гаштарска /Каталог на „Гришко“

Беа како брат и сестра, а сега Здравко Чолиќ со неа не зборува со години (ФОТО+ВИДЕО)

Антонио Димитриевски — Sat, 14 Dec 2019 11:18:36 +0000

Таа беше голема ѕвезда на забавната сцена во Југославија, една од најжешките девојки и најзгодните јавни личности, за која и денес кружат легенди како ги оставала без здив мажите. Лепосава Стефановиќ, попознат како Локица е српски балерина, танчар, балетски учител, балетски професор, кореограф, фитнес инструктор и архитект. Нејзиното име е синоним за современ сценски танц, а за нејзините кореографии од „Патувачкиот земјотрес“ на Здравко Чолиќ сè уште се зборува. Таа имаше своја балетска група „Локице“, која беше многу популарна во седумдесеттите и осумдесеттите години. Локица се појави во телевизиската серија „7 плус 7“ и беше придружна група на една од најголемите sвезди на Балканот, Здравко Чолиќ. Иако Локица го сметаше Здравко Чолиќ за свој брат, тој се навредил кога изјавила дека не е талентиран за танцување. Кога се вратил од војска, тој престанал да зборува со неа и таа постојано истакнуваше колку и е жал заради тоа. „По таа моја изјава, нашето пријателство заврши. Жал ми е, никогаш не кажувам грди работи за луѓето, но ете... Само објаснив дека иако Чола нема талент за танц, со вежби и тренинг го постигнавме резултатот. Тој научи да танцува. Посакувам да можеме да се смириме заради неговите ќерки и сопругаа. И јас имам и внука исто така. Можеби тоа беше само суета во одреден момент“ - ќе изјави Локица за медиумите.

Oва е првата сопруга на Раде Шербеџија која почина од мозочен удар(фото)

Христина Ѓоргиевска — Wed, 29 Aug 2018 09:59:31 +0000

Жените отсекогаш мислеле дека е привлечен, а неговата прва сопруга, белерината Иванка Цероваќ многу ја сакаше. Раде Шербеџија дипломираше на 22 години, а уште тогаш бил лудо заљубен во својата балерина. Раде и Иванка се венчале на 23 години. Актерот веднаш добил ангажман во градскиот театар каде што играл во претставите „Хамлет“ и „Ричард Трети“, а неговата сопруга станала кореограф во театарот за млади. Од бракот имаат и две деца. Во 1971 година го добиле синот Данило, а две години подоцна им се родила ќерката Луција.

Како актерот станувал попознат, така нивниот брак почнал да се распаѓа. Во песната „Хамлет машина“ која ја напишал во 1992 година признал дека е виновен. Иванка и Раде се разделиле во 1997 година, а на првата сопруга и посвети збирка во која напиша: од нас ништо не остана освен две возрасни деца кои животот ги убедува дека не беше сон“.

Бившите сопружници по разводот останаа пријатели и до 2010 година, кога Иванка почина од мозочен удар.

Ангел со илјада лица: Од најдобра кошаркарка и бодибилдерка, Едина Муса стана балерина!

Антонио Димитриевски — Wed, 15 Nov 2017 11:01:49 +0000

Некогаш таа важеше за една од најдобрите кошаркарки во Македонија. Најдобрата и најубавата. Со ангелско лице и шарм и убавина која зрачи од неа. Не помина долго кога „англелот од кошаркарскиот терен“ реши да ја покаже сета своја снага... И тоа буквално! Па јавноста речиси се шокираше кога „убавицата се претвори во ѕвер“... во женско тело!

Убавата Едина стана бодибилдерка! Женски атлета со тело на кое можат да му позавидат многу машки! Складно, а мускулесто, згодна, набилдана, а сепак, пожелна, привлечна и сексапилна!

А на таквиот склад на убавина и мускулеста маса кога ќе му се придидадат природната убавина и вродениот шарм... резултатите доаѓаат сами!

По дифолт - што би рекле, па така Едина Муса стана домашен синоним за убавина и дефиниција на телото, кој не можеше да остане незабележан и од судиите на светските натпревари, што на убавицата ќе и донесе и награда!

Ама Едина ако еднаш не изненади, не значи дека тоа нема да го стори и друг пат. Тоа што баскетот го замени со атлетски справи и тегови, а кошаркарската сала со теретана, ајде... можеби и има некаква логика.

Ама најновата пасија, хоби или можеби професија, кој би знаел, на мускулестата убавица е шокантна! Едина Муса - стана балерина!

Сега МОБ не мора повеќе да има дилеми, дали може да ја постави на сцената „Убавицата и ѕверот“. Зашто како тргнало, дојде време сега балерините да ги креваат и да ги фрлаат во воздух па да ги дочекуваат в раце машките балетани, за разлика од порано! А македонската балетска уметност и за тоа доби вистински човек... Пардон, дама!