бактерии – Вистина.мк

Ако го користите ова во бањата, правите голема грешка – фрлете го веднаш

Слободанка Илиева — Tue, 13 Feb 2024 12:40:58 +0000

Повеќето дерматолози се едногласни дека ваквиот сунѓер за капење никако не треба да го користите! Мрежестиот сунѓер во облик на роза е вистинско гнездо на бактерии кои растат и се развиваат на него за само една ноќ. Истражувањата пак покажаа дека дури 98 проценти од дерматолозите никогаш не би препорачале употреба на ваква мрежеста роза. Наводно тие можат многу повеќе да ни наштетат отколку да ни помогнат. Кога користите мрежест сунѓер, мртвата кожа која се отстранува при капењето всушност останува во мрежата. Кога после тоа ќе се остави ваквиот сунѓер во влажна и топла атмосфера во бањата, тогаш се создаваат и одлични услови за развој на најразлични бактерии, габи и мувла во внатрешноста на сунѓерот. Ако пак употребувате мрежест сунѓер на тукушто избричена кожа, нештата стануваат уште полоши. Бактериите потоа може да се задржат на малите ранички и така да се предизвика инфекција како и многу други проблеми со кожата. Ако пак навистина сакате да ги користите овие сунѓери, важно е добро да ги исперете и исплакнете после употребата и да ги оставите да се исушат надвор од бањата, а препорачливо е и да ги менувате на секои четири недели или и порано, или пак веднаш кога ќе почувствувате некаков чуден мирис или траги од мувла. извор:курир.мк

Овој додаток на многу пијалоци може да биде почва за бактерии: Имајте го ова на ум следниот пат кога ќе нарачате пијалок во кафуле

Слаѓана Атанасова — Tue, 27 Jun 2023 12:45:58 +0000

Резултатите од едно истражување дојдоа до неверојатни податоци Ако сте љубител на газирани пијалоци, обожавате да ги пиете во кафуле со парче лимон или портокал, а сето тоа со мраз кој е пријатен во топлите денови, па обрнете внимание! Летото веќе пристигна, а освежувањето во кафулињата и рестораните има еден недостаток. Следниот пат кога ќе нарачате пијалок со мраз, размислете дали тоа е добра идеја. Спроведеното истражување за квалитетот на мразот покажало дека дури 77,2 отсто од примероците биле позитивни на присуство на колиформни бактерии, чие потекло е фекално. Станува збор за микроскопски мали честички кои влегле во мразот поради валкани раце. Затоа, најголемата заблуда кај луѓето е дека бактериите не можат да се задржат на мразот. Мразот во кафулињата и рестораните за брза храна е најголемото место за размножување на бактерии и во просек ги има повеќе отколку во тоалетната школка, што е последица на реткото чистење на машината за мраз. Секако, ниту еден од примероците не претставува закана за здравјето. Друго истражување покажа дека најмногу бактерии се кријат во чаша вода или пенлив сок со парче лимон. Истражувачите тестирале 76 парчиња лимон од 21 ресторан и откриле дека 70 отсто, или 53 парчиња, биле контаминирани со бактерии. Иако ова не е најсеопфатното истражување на оваа тема, можете исто така да забележите дека парчето лимон што сте го добиле во чашата е веќе претходно исечено и дека овие парчиња се чуваат во пластични садови на собна температура, што е исто така идеална средина за бактерии. Истражувањето не го открило јасно изворот на овие бактерии, но открило дека овие бактерии не можат да преживеат и да се размножуваат во алкохолните пијалоци. Извор: Курир.мк

Може да биде опасно по вашето здравје, внимателно перете ја долната облека

Слаѓана Атанасова — Thu, 26 Jan 2023 11:39:06 +0000

Доколку долната облека ја перете на температура пониска од 60 степени, тоа би можело да биде опасно за вашето здравје. Опасните бактерии, како Ешерихија коли, лесно се пренесуваат преку облеката доколку ја переме на пониски температури. Можно е бактериите да се задржат на долната облека и по перењето од 60 или 90 степени. Иако бактеријата е нормално присутна во цревата на човекот и бројните животни, одредени видови од неа можат да предизвикаат инфекции на цревата или мочниот меур, па и да доведат до тешки облици на болест. За многумина перењето на 30 степени е примамливо затоа што е временски пократко и штедливо, но треба да знаете дека бактериите во човечкиот организам живеат на телесна температура од 37 степени, што значи дека ќе ги убиете само со температура повисока од тоа. Исто така, многумина веруваат дека постелнината доволно е да се испере еднаш месечно, иако се советува перниците да се перат секој петти ден, а остатокот по 10 дена на температури повисоки од 60 степени. Исто така, експертите препорачуваат еднаш месечно празната машина да ја исперете на 90 степени со цел да ги отстраните собраните бактерии. Извор: Курир.мк

Внимавајте со теглите за зачини: Најподложни се на налеппување бактерии и вируси во кујната

Слаѓана Атанасова — Thu, 26 Jan 2023 11:28:56 +0000

Теглите во коишто се чуваат зачини, се меѓу оние места во кујната кои имаат најмногу патогени бактерии и вируси, покажа неодамнешно истражување во САД. Имено, американското Министерство за земјоделство, т.е. Одделот за безбедност на храната нарача испитвање на распространетоста и степенот на вкрстена контаминација на различни површини во кујната при подготовка на оброците. Проценките говорат дека еден од пет случаи на болести предизвикани од храна се добива дома. Сепак, не е точно познато како патогените се пренесуваат во кујната. Научниците им наложиле на 371 испитаник да готват храна со мелено мисиркино месо коешто го содржи безопасниот вирус МС2. Потоа зеле примероци од површините во нивните кујни. Откриено е дека 48 отсто од теглите за зачини имаат микроорганизми од мисирката, што укажува на вкрстена контаминација со MС2, односно теглите со зачини имале најголема концентрација на вирусот во споредба со другите кујнски помагала. Советот гласи – редовно мијте ги садовите со зачини. Анализата на брисевите покажа дека во повеќето случаи бројот на примероци кои укажуваат на контаминација со МС2 изнесува околу 20 насто. Исклучок се садовите со зачини. Научниците веруваат дека теглите со зачини се поподложни кон налепување патогени, бидејќи луѓето едноставно не ги чистат доволно често, т.е. вниманието повеќе е насочено кон миење на работните површини, кујнскиот прибор и така натаму. Извор: Курир.мк

Кога го чистите тоалетот заборавате на ова место, а токму таму е изворот на бактерии

Слаѓана Атанасова — Wed, 07 Dec 2022 11:56:13 +0000

Бањата е една од просториите во куќата што мораме често да ја чистиме, но искрено кажано, не е баш лесно да се чисти и дезинфицира, иако веројатно нема толку многу предмети како другите простории. Сепак, многу луѓе забораваат да измијат еден предмет при чистење на бањата, а тоа е завесата за туширање, се разбира доколку ја имаат. Како прво, гломазна е, тешко се вади и се враќа назад, а луѓето претпоставуваат дека не треба толку да се чисти со оглед на тоа дека и „се тушира“ секогаш кога вие се туширате. Може да се пере во машина Сепак, завесата за туширање останува влажна или мокра и затоа е погодна за раст на бактерии и габи. Можно е дури и да сте ги забележале насобраните бактерии и габи на завесата, микроорганизмите се лепат еден до друг и формираат маса која обично добива некоја боја. Тие групи можат да бидат многу опасни, предизвикувајќи инфекции или нешто полошо, особено кај луѓе со послаб имунитет. Завесата за туширање не треба често да се чисти, на секои три месеци е доволно доколку не забележите промени во неа. Ако забележите нешто, ставете го во машината за перење и користете благ детергент. Ставете крпа во машината за завесата да биде помалку збрчкана и измијте ја во ладна вода ако е пластична, а ако е ткаенина измијте ја во топла вода. Во случај да има многу мувла на завесата, додадете белило. Извор: Курир.мк

Заради една огромна грешка, креветот ќе стане легло на бактерии и грини

Слободанка Илиева — Mon, 06 Jun 2022 12:55:20 +0000

Нема потреба да зборуваме колку е важно, особено во потопло време, редовно да ја менувате постелнината. Сепак, одржувањето на хигиената не е најсилната страна на сите, а истражувањата покажуваат дека многумина ја менуваат постелнината многу поретко отколку што треба. Најголемата грешка што луѓето ја прават е да ја остават постелнината на креветот повеќе од една до две недели. После тоа, истакнуваат експертите, спиете опкружени со телесните масла што ги ослободува кожата, бактерии, мртви клетки на кожата, како и грини. Од друга страна, редовно менување на постелнината може да ги оддалечи бактериите и алергените, па дури и да ви помогне да спиете подобро. За постелнината да биде чиста, треба да ја менувате еднаш неделно, а експертите имаат неколку совети за миење. Првата е добро да ги прочитате етикетите бидејќи не се перат сите постелнини, т.е. сите материјали на исти температури, а следејќи ги упатствата на производителот ќе постигнете најдобри резултати. Пред да ја ставите постелнината во машината за перење, третирајте ги дамките, доколку ги има. Не ја преполнувајте машината бидејќи постелнината има потреба од простор за движење во барабанот за да биде добро измиена. Ако и кога имате можност, исушете ја постелнината надвор – ќе мириса свежо, а сончевите зраци ќе ја дезинфицираат. Исто така, не е лошо одвреме-навреме да ја пеглате постелнината, доколку не го правите тоа поинаку, бидејќи на овој начин ќе ги убиете бактериите кои можеби го преживеале миењето. извор:попара.мк

Како да ги отстраните сите бактерии и пестициди од јагодите, малините и другите ситни плодови?

Слободанка Илиева — Tue, 18 May 2021 12:00:28 +0000

Овошјето што го купувате може да биде полно со бактерии, па затоа треба да го измиете добро пред да го јадете. Најпрво, пред да го земете овошјето во вашите раце, измијте ги. Нема смисла да го измиете овошјето, ако повторно ги пренесете на него бактериите што се на вашите раце. Потоа следува миењето на овошјето. Нежно тријте го овошјето под млаз вода, а можете да користите и чист сунѓер на кој нема да нанесете детергент. Дури и излупените портокали треба да се мијат, бидејќи лесно можете да ја пренесете нечистотијата од лушпата на пулпата што ја јадете. Мали плодови Јагодите, малините, грозјето и другите мали плодови се најтешки за миење бидејќи се меки и не можеме убаво да ги истриеме со рацете. Алкохолниот оцет е одличен за убивање на сите штетни микроби на овошјето. Исто така, поради својот состав, сода бикарбоната е добро средство за извлекување на штетните токсини од овошјето, а тоа беше потврдено со новото истражување на Универзитетот во Масачусетс. Најпрво ставете го овошјето да стои 20 минути во оцет. Потоа, може да го исплакнете и да го ставите во раствор од сода бикарбона и вода најмалку половина час, а потоа да го исплакнете со чиста вода. извор:кафепауза.мк

Уништете ги бактериите во желудникот на природен начин

Слободанка Илиева — Mon, 08 Feb 2021 12:45:27 +0000

Бактериите во желудникот се многу честа појава кај луѓето. Нивното лекување е долго и тешко и поради тоа медицината користи разни силни антибиотици. Во оваа прилика ви претставуваме еден лек за кој многу луѓе јавно кажуваат дека навистина им помогнал. Смоквите заедно со маслиново масло се вистински природен лек за борба против бактериите во желудникот. Притоа, подготовката на лекот кој ќе ви помогне да се ослободите од бактериите е многу едноставна. Во стаклено шише или поголема тегла ставете 40 суви смокви и прелијте ги со непреработено маслиново масло. За подобро испуштање на лековитите материи во маслото, смоквите може да ги пресечете на четири дела. Затворете ја теглата или шишето во кое сте ги ставиле смоквите и маслото и оставете ги да стојат 40 дена. По изминувањето на тој период, секое утро на празен стомак земајте по една смоква и една лажичка од маслиновото масло во кое стоеле смоквите. За да биде лекувањето побрзо и поделотворно, усогласете ја својата исхрана со лекувањето. Јадете исклучиво блага храна без премногу зачини, особено, лути. Не јадете кисело, а избегнувајте мрсно месо и сувомеснати производи. Освен за лекување на желудникот, смоквите имаат одлично влијание и врз други болести меѓу кои и хемороиди, цревни заболувања, запек, бронхитис, астма, неплодност и други болести. извор:нетпрес.ком.мк

Сѐ што треба да знаете за чудесниот имунолошки систем…

Слободанка Илиева — Mon, 01 Feb 2021 13:00:35 +0000

Човековиот имунолошки систем секој ден извршува неверојатна работа во борбата со бактериите и другите натрапници, поголемиот дел од времето работи беспрекорно, а понекогаш кога некоја од клиците ќе ја пробијат таа одбрана, се разболуваме. Но, како всушност имунолошки систем работи? Тој претставува колективна сила од клетките, ткивата и мембраните сместени по целиот организам. Првата бариера е кожата, таа го запира најголемиот број од бактериите. „Нашата кожа има благо кисело pH ниво, што бактериите ги спречува да навлезат во телото“, појаснува за DPA германскиот интернист Улрих Фелш. Слузницата, влакненцата во носто, трепките и дишните патишта се задолжени за тоа повеќето бактерии да немаат никакви шанси да му наштетат на организмот. Бактериите често влегуваат во организмот бидејќи самите им помагаме во тоа, на пример, преку храната. Таму ќе ги запре плунката, а доколку таа не успее, ќе ги докрајчи желудочната киселина. Доколку пропадне сето тоа, на сцена стапува природниот имуносен систем. Тоа едноставно значи дека група клетки ќе го изедат сето она што им изгледа како туѓо тело. Доколку нема резултат и од овој генерички имунолошки систем, телото го активира специјалниот. Со други зборови кажано, тешката артилерија. Имено, белите крвни зрнца создаваат антитела кои се специфично наменети за борба против одреден патоген. „Тоа е затоа што имунолошкиот систем има некој вид меморија и може да се сети дека веќе имал работа со тие клици“, појаснува Фелш. Доколку телото по вторпат се соочено со напад од ист патоген, специфичниот имуносен систем го препознава и брзо го решава. „Доколку еднаш сте имале шарлах, вториот пат нама. Но тоа не важи за грипот, бидејќи вирусите мутираат и не се исти. Затоа грипот го имаме повеќепати во животот“, додава стручњакот. Поголема е веројатноста дека луѓето ќе заболат доколку имунолошкиот систем е ослабен. Причините за тоа може да биде стресот или премалку сон, но и сериозни состојби како хронични болести и имунодефициенција. Имунолошкиот систем го слабеат и антибиотиците. „Со нив треба да се постапува внимателно. Антибиотиците не ги уништуваат само патогените, туку сето она што ќе им се најде на патот, вклучително и добрите бактерии“, истакнува Фелш. извор:нетперес.ком.мк

Ја менувате ли често четката за заби? Таа е извор на огромен број бактерии!

Слободанка Илиева — Mon, 14 Sep 2020 12:25:29 +0000

Миењето заби е активност што ги прави нашите усти почисти и посвежи, а забите здрави. Но, дали сте размислувале колку микроби се кријат на вашата четка за заби? Според студија на англиски универзитет, просечната четка за заби може да содржи повеќе од 10 милиони бактерии, вклучително и ешерихија коли. Ако имате навика четката за заби да ја држите лабаво лоцирана во близина на тоалетот, работите стануваат уште полоши. Експертите советуваат: после секое четкање на забите, добро измијте ја четката за заби под млака вода за да ги отстраните бактериите што сте ги пренеле од устата во четката за заби, како и остатокот од пастата за заби. Во случај да сте биле болни, би било добро да купите нова четка за заби потоа за да го намалите ризикот од повторно заболување. Не чекајте вашата четка да остари за да ја замените. Истрошената четка за заби нема да ги отстрани бактериите и остатоците од храна од забите добро, затоа треба да ја менувате четката за заби на секои три месеци. извор:popara.mk