бакшиш – Вистина.мк

Марија Луиса покаже дека и пејачките имаат душа: „Кралицата на бакшишот“ и другарките седнаа да слават, па откако песната ја погоди, го направи она, што најчесто нејзе и го прават (ВИДЕО)

Антонио Димитриевски — Mon, 12 Feb 2024 09:30:11 +0000

За Марија Луиса Тодоровска е оддамна познато дека важи за „кралица на бакшишот“. Пејачката едноставно е магнет за кој „се лепат пари“ па речиси и да нема настап на кој гостите не ја опсипуваат со домашни или странски банкноти, кои како што некој рече, фолкерката знае како да им ги извлече не само со пеење, туку и со вештината на своето естрадно умеење. А тука сексапилната битолчанка е неприкосновена, како ниту една друга пејачка! Зашто кога ќе ги погоди со песната, па уште ќе знае со нив да ја сподели и емоцијата, сеедно дали е тажна или весела, гостите во тие моменти се претвораат во дарежливи клиенти, на кои заедно со гласот на пејачката од звучниците, банкнотите сами им излегуваат од паричниците! Затоа Марија е вистинска „ бакшиш кралица“ кога е во прашање умешноста на професијата! Арно ама, сте се запрашале ли некогаш, како и е нејзе? Знае ли таа да се весели и забавува? Може ли и неа да ја погоди песната? Ужива ли понекогаш и самата во она што секојдневно го прави за туѓо уживање и разонода? Во последно споделеното на своето Инстаграм стори, Марија Луиса Тодоровска покажа дека со другарките седнаа да слават, па откако песната ја погоди, таа го направи она, што најчесто нејзе и го прават! Иако за викенди обично Марија има ангажмани, сепак успеа да го мине дождливиот ден со другарките... Само онака заради дружба и дневен провод или нешто да прослават - сеедно, важно да е весело. Кафеана без мезе и ракија разбирливо - не бидува, како и забава без песна. А кога свирачите ќе ти ја погодат песната, паричникот сам се отовра за да го сподели бакшишот со музиката! Та било тоа и од портмонето на Марија, која покажа дека и пејачките имаат душа... И тоа широка. А и дарежлива рака! Една, па уште една и уште една... Илјадарките сами летаат! Ама, кому му е гајле, важно да е опуштено и весело! Само тоа остава траен печат во срцето! Фото и видео: luisa.todorovska

Македонската пејачка наместо со екстра заработка со празнична главоболка: Место бакшиш – апчиња, па за да ја поправи работата, Марија му ја „кидна“ за Германија (ФОТО)

Антонио Димитриевски — Sat, 13 Jan 2024 09:00:02 +0000

На „кралицата на бакшишот“, Марија Луиса Тодоровска, по се изгледа не и испадна математиката за Нова Година!? Или барем така тоа изгледа од она што пејачката на една од своите последни Инстаграм стории го споделила, каде беше многу загрижена. На фотката сајзерот наместо накитен со девизи и денари, полн со таблети и лекови... Оние што се разбираат во фармација велат: Ништо страшно, „битолската фолк грација“ изгледа малку ја стегнале крајниците, зашто меѓу апчињата повеќето се „бонбончиња за лижење“ кога ќе те загребе грлото, па во нив пејачката го побарала спасот кога и подзарипнал гласот. Покрај нив уште некоја парацетамол таблета и уште по нешто за препотување... ама бакшишот го нема никаде? Можеби токму затоа, за да ја надополни заработката и излечи главоболката, Марија му ја „кидна“ за Германија. И тоа правец - Минхен, кај што има мноштво нашинци кои празнично расположени, би требало да и ја поправат работата со заработката на фолкерката. А кога ќе дојдеш со „ситниш“ на Запад, не ти останува ништо друго освен и кафето да го пиеш на улица, по сокаци... До душа, Мариен Плац не е Широк Сокак, ама ако... Во добро друштво кафето и вака е слатко! Но, штом дојде време за вечерниот настап, расположението веднаш се менува и тоа правопропорционално со заработката... Зашто сега сајзерот среде свирка на секоја дирка наместо со лекови, апчиња, таблети, е богато накитен со двоцифрени и троцифрени европски банкноти! Па затоа другиот ден кафето веќе не се пие на улица, туку во голем шопинг мол, каде се чека редица пред ексклузивна продавница, за да се потроши нешто од бакшишот, на некое луксузно парче или скап акцесоар, купен сама себеси на дар! Единствено остана дилемата со таблетите на пејачката оставени среде свирка на сајзерот од почетокот на приказната... Дали сите беа за грло, главоболка, настинка...? Антибиотик како замена за инјекција или сепак меѓу таблетите имаше скриено по некоја и за... контрацепција? Фото: Инстаграм/luisa.todorovska

„Знам да оставам сѐ што сум заработила“: Јами откри што прави кога оди во кафеана (фото)

Слаѓана Атанасова — Tue, 26 Dec 2023 12:23:48 +0000

Фолк ѕвездата Јасна Миленковиќ Јами гостуваше во емисијата „Пусти бригу“ каде се осврна на бакшишот на музичарите и неодамнешните изјави на некои луѓе, како што тврди, дека е срам и понижување да се земе бакшиш. - Прочитав дека некои поединци изјавиле дека бакшишот е катастрофа, дека е понижување, дека не треба да се зема. Прво, бакшишот го даваат луѓето затоа што тоа е во нашата традиција. Никој не дава бакшиш затоа што другата страна е во неволја или е корумпирана. Кога влегувам во кафеаната знам не да оставам бакшиш, туку се што сум заработила и да оставам само 1000 динари за такси да си одам дома - кажа Јами и додаде: - Што прават луѓето во Грција? Па, ги имаат тие корпи со цвеќе што чинат и тие цвеќиња ги фрлаат во чест на пејачот од почит. Тоа чини пари, а сега замислете пејачот кога му ги фрлаат тие цвеќиња да рече „не ме понижувај, не фрлај ми ги“. Мислам, тоа навистина би било скандал. Фото: Printskrin/Instagram/jamiofficial

Пари не се проблем, пари има: Драгана Мирковиќ одбива да земе бакшиш (фото)

Слободанка Илиева — Wed, 22 Nov 2023 12:02:57 +0000

Пејачката Драгана Мирковиќ со еден гест ги воодушеви фановите. Драгана со години нагласува дека парите не и се приоритет кога се во прашање настапите. Имено, пејачката има приходи од неколку приватни бизниси кои ги започнала со сопругот и кои исто така се многу профитабилни, па сега пеењето и е хоби и задоволство. Поради сето ова, не е чудно што Гага пред неколку вечери одби бакшиш од еден фан. На снимката што ја сподели Драгана на својот Инстаграм, се гледа како некој од публиката и ги дава парите, но таа со насмевка ги одбива. Овој вид на гест е навистина редок, па е уште еден во низата докази дека Гага е навистина единствена и многу внимателна. Таа и самата редовно истакнува колку ги почитува своите фанови и публиката која со години ја следи и се поклонува бидејќи е свесна дека без нив и таа не би постоела. фото:Instagram printscreen/dragana_mirkovic

Весна Змијанац по тешката операција повторно настапува, а рацете ги преполни со бакшиш (фото)

Слаѓана Атанасова — Fri, 17 Nov 2023 11:46:20 +0000

Фолк пејачката Весна Змијанац на почетокот на март годинава беше оперирана во Клиничкиот центар на Србија. Весна неколку месеци се опоравуваше од тешката операција, а неодамна се врати на деловните обврски и повторно почна да настапува. Пејачката пеела во една кафана, а на социјалните мрежи се појави видео на кое се гледа дека пејачката има полна рака бакшиш. Гостите заедно со неа пееја на нејзините најголеми хитови и нема сомнеж дека атмосферата ја довела до својот врв. Цело време таа била среќна додека пеела, а неодамна изјави дека едвај чека повторно да се измеша со публиката. - На почетокот да кажам дека сум добро, до тој степен што може да биде подобро. Малку е рано да зборувам за целосно закрепнување, малку сум немирна но таква сум, не можам поинаку. Ми ндостига публиката. Таква пауза во животот не сум имала, да не пеам шест месеци, никогаш во половина век пеење. Веќе не се работи за пари, туку за тоа да не можеш повеќе без микрофон. Да имаше пауза уште еден месец или два, немаше да биде добро -илјавила таа и додала: - Пеењето ме излечи. Се водев по тоа дека ако можам да пеам толку, значи дека сум добро. Не ме заморува толку како да седам дома и да не правам ништо. Фото: Принтскрин/Инстаграм

Во едната рака држи евра во другата марамче – Стоја низ солзи отпеа еден од нејзините хитови (видео)

Слаѓана Атанасова — Fri, 10 Nov 2023 08:18:11 +0000

Фолкерката Стоја Новаковиќ често настапува на приватни прослави, а сега на една пушти солзи. Таа на прославата отпеа еден од нејзините најголеми хитови, поради што гостите ја украсија со евра и пееја заедно со неа. Но, на Стоја не и беше грижа, и почна да плаче, но цело време се трудеше да ја заврши песната. Солзите ги бришеше со марамче што го држеше во едната рака, додека во другата држеше „купче“ пари.

maestralno pic.twitter.com/57hSeZxuSI
— siza iz crne gore 🇵🇸 (@nesveti_sisoje) November 7, 2023

Инаку, Стоја вчера со својата објава нападна многу колеги. - Не правам видео честитки, не пеам 2-3 песни на забави, не пеам суво во камерата на телефонот, не одам на ТВ емисии да зборувам за глупости, не се нишам во хор на новогодишните програми... #stojarules - напиша фолкерката. Фото: Принтскрин/Х Твитер

„Секој што не го прави тое е ѓубре!“ – Барбара Бобак „удри“ по колегите и нивниот однос кон сопствениот бенд (фото)

Слаѓана Атанасова — Thu, 02 Nov 2023 08:43:38 +0000

Пејачката Барбара Бобак моментално е една од најбараните пејачки на сцената, а важи и за кралица на бакшишите. Имено, Барабра често се занимава со приватни прослави, а сега во едно интервју откри дека бакшишите кои ги добивала од гостите никогаш не ги чувала, туку им ги давала на своите музичари. - Никогаш не сум земала бакшиш, оставам се да споделат музичарите, мислам дека секој што не го прави тоа е проклето ѓубре, тие луѓе имаат дневница, а пејачите земаат илјадници и илјадници евра, а ако ти треба таа илјада на твоите 6.000 евра - еве ти! – рекла таа, пренесува „Мондо“. Да потсетиме, Барбара во една прилика откри што правела пред да влезе во пејачките води. - Потекнувам од обично, нормално семејство. Бев одлична во основно и во средно училиште, гимназија. Долго работев како копирајтер во една австралиска компанија, бидејќи се трудев од 18 години да не им бидам товар на родителите и да се осамостојам. Работев и во теретана пред да почнам да ги пишувам тие статии на англиски. Желбата за пеење дојде случајно кога на социјалните мрежи видов објава на другарка која е пејачка. Секогаш пеев убаво, но бев срамежлива и избегнував да пеам пред други. Седев со моите пријатели од факултет во тој момент кога го видов. Инаку, студирав програмирање.

Карлешуа со јасна порака со пејачите на кои „им лепат“ бакшиш: „Не може да бидете ѕвезди“

Слободанка Илиева — Wed, 13 Sep 2023 09:56:38 +0000

Пејачката Јелена Карлеуша, која неодамна се врати на Твитер по долга пауза, искористи неколку објави на оваа мрежа за да им „одржи лекција“ на своите колеги. Јелена ги спомена пејачките Маја Беровиќ, Александра Пријовиќ и моментално најбараната изведувачка Теа Таировиќ. „Секој може да има пет минути слава денес. Некој може и 2-3 години. Но, за да бидеш во игра со децении, треба да бидеш идеологија што ја следат фановите, со која се поистоветуваат. Денешните уметници немаат обожаватели, само слушатели. Зошто? Затоа што ги имаат песните, но не и харизматичната личност која ја дели публиката на тврдокорни обожаватели и жестоки мразители. Дали некој од вас сака да ја истетовира сликата или текстот на песната на Maja, Теа или Прија, а за поплавата на некои „аутотјун“ деца и да не зборуваме“, напиша Јелена и продолжи: „Дали некој навистина ги мрази? По кој став и идеологија се познати? Ова во никој случај не е навреда, туку бесплатна лекција во шоу-бизнисот. За ова сум зборувала многу пати во Звездите на Гранд, каде единствената цел на пејачите била лов на тезги. На некој што ќе им плукнат и залепат пари на чело или гради не може да биде ѕвезда. Кој пее на свадби покрај маса не може да биде ѕвезда. Само добар пејач кој работи. И јас го почитувам тоа. Но, тогаш мора да се направи разлика во категоризацијата, не може сите да се стават во ист кош, нели? Ѕвездите не можат да се допрат една со друга. Парите немаат вредност во врвниот шоу-бизнис затоа што траењето, обожавателите и култот на личноста се она што не може да се купи“. фото:Инстаграм принтскрин

Кралот на бакшишот Ѓани пееше на ромска свадба заедно со најцицлестата колешка Јана, а евра врнеа како дожд (видео)

Слободанка Илиева — Thu, 31 Aug 2023 11:21:49 +0000

Познато е дека на ромските свадби не се штедат пари. Не се жали ниту на организацијата, ниту на бакшишите кои им се даваат на музичарите, а доказ за тоа е видеото кое беше објавено на Тик Ток. Прославата беше организирана во луксузен амбиент, а гостите на свадбата ги забавуваа популарните пејачи Радиша Трајковиќ – Ѓани и Јана Тодоровиќ.

@borisantic111 ĐANI na romskom veselju u Beču! #veselje #djani #fyp #foryou #zvezdegranda #hitovi #uzivo #balkan #srbija #hitovimix #smehdosuza #snimanje #zadruga ♬ original sound - Boris Antić

Иако имаа полни раце бакшиш, тоа не беше ништо во споредба со она што го добија музичарите кога свиреа.

@borisantic111 Ludnica na romskom veselju u Beču! 💸💸💸 #uzivomuzika #hitovi #zvezdegranda #balkan #srbija #veselje #svadba #rodjendan #fyp #foryou #fypシ #muzika #pevacica ♬ original sound - Boris Antić

Еден од гостите на свадбата ги опсипал музичарите со дожд од банкноти од по 100 евра, а колку што проценуваат имало дури 3.000 евра. фото:Тик- Ток принтскрин

„Заслужи повеќе!“: Снежана Ѓуришиќ на свадба од милион евра ги наполни рацете со скромен бакшиш (видео)

Слаѓана Атанасова — Fri, 25 Aug 2023 12:09:17 +0000

Ромските свадби важат за гламурозни прослави на кои секој секогаш добро се забавува, а оние кои настапуваат заработуваат многу пари. Еден таков настан се случи и во Панчево, а на него настапија пејачката Светлана Цеца Ражнатовиќ и фолк пејачот Аца Лукас, Беки Бекиќ, Снежана Ѓуришиќ, Шериф Коњевиќ, а како што пишуваат медиумите свадбата чинела околу еден милион евра. На социјалните мрежи сега се појави видео од Снежана Ѓуришиќ, на која додека пеела како бакшиш и дале 1.000 и 2.000 динари, а за една песна земала 6.000 динари. „Заслужи повеќе“, „Јас ова не би го прифатила“,„Ова нигде го нема“ се само дел од коментарите. Инаку, на прославата била послужена торта од 170 килограми, на младенците им пристигнала и „мајчинска торта“, а прославата за околу 1.500 гости наводно чинела близу милион евра.

@snezanadjurisic6_fp #snezanadjurisic #live #tonight #weiding ♬ original sound - Snežana Đurišić

Според изворот, венчавката чинела цело богатство, а младоженецот бил син на „кралот на пазарот“, пишуваат медиумите. Фото: Принтскрин/Пинк.рс/Тик Ток