бакнување – Вистина.мк

Нејзин обожавател посака да го „просветли“ каков „мајстор за бакнежи“ е Кристина Димитри, а таа за урнек му го посочи нејзиниот нов љубовник: До усните е, до јазикот или до нешто трето… многу „посвето“? (ФОТО)

Антонио Димитриевски — Wed, 28 Feb 2024 08:50:01 +0000

Кристина Димитри како и многу од естрадните пејачки, особено овие од „новата генерација“, уживаат секојдневно да споделуваат на социјалните мрежи работи за кои сметаат дека им ја „билдаат кариерата“, ама и „хранат суетата“. Како поинаку да се протолкуваат „внимателно селектираните“ извадоци од написите во порталите, строго цензурирани и споделени само оние делови во кои естрадната личност се воздигнува, фали и' се делат комплименти за изгледот, стајлингот, однесувањето, песната, видеото...Што и да е само да е позитивно срочено! Останатото е „како со ножички исечено“ и воопшто не се објавува на својот профил или на кусите приказни на социјалните мрежи. Истото важи кога е во прашање и комуникацијата со обожавателите, на кои самите естрадни фаци, па и атрактивната тетовка им даваат „необврзна задача“ да им поставуваат прашања на Инстаграм. И секако, објавени се само оние одговори кои ја воспеваат славата на пејачката и се' што попатно оди со неа. Другите се на „дилит“ и завршуват во канта! Последната преписка на Кристина Димитри со своите обожаватели беше опсипана со мноштво пораки и прашања, меѓу кои едно ја очигледно заскокоткало и самата пејачка, па решила да го искористи за уште една промоција на својот нов љубовник. Овој пат до душа, не на неговиот лик или карактер, туку на промоција на неговите љубовни способности. Имено, меѓу останатото Кристина доби прашање или подобро кажано молба да сподели дел од својата интима. Или поточно, од своите љубовно-еротски способности кога се во прашање сочните интимни бакнежи. „Малечка, сите се бакнуваме, па немама такви усни. Тогаш сподели каков вид на бакнување применуваш, еве просветли ме“ - побара фанот на Кристина од неа! Бидејќи практичната демонстрација дотичната личност разбирливо, лично е невозможно да ја осети, за да го „просветли“ останаа два начина на одговор за да се задоволи својот фан. „Со показна вежба“ на видео или фотографија или чисто само со вербален одговор преточен во писмено појаснување на „умешноста на нејзиното бакнување“. Но за чудо, Кристина како одговор на зададената загатка одбра сосема трета опција. Обожавателот посака да го „просветли“ како изгледа кога се бакнува со нејзините „сочни филер усни“, а Кристина Димитри за урнек му го посочи нејзиниот нов љубовник, па во одговорот му напиша: „Ха, ха, ха, еее сега гледате зошто толку многу го фалам моето момче“ - споделила расположената љубовџика. При тоа не објасни детали, но очигледно доволно појасни „во кого е магијата“! А за деталите... Дали е до усните, до јазикот или е... до нешто трето, можеби нешто уште „посвето“... Кристина на таа тема остана „нема“! Среќа што комуникацијата помеѓу пејачката и нејзиниот обожавател остана само на бакнувањето и усните, од кои се' започнува, а завршува со „љубовна екстаза“! Ако прашањето беше „проширено“, кој знае каков ќе беше одговорот за „останатите квалитети“ на љубовникот? Или тој дел од прашањето ќе влезеше во оние „цензурираните“, што „се сечат со ножики“ зашто кога се поставуваат, а не им одговараат на оние што треба да ги одговорат, не се ни објавуваат!? Како и да е, Кристина Димитри со одговорот на прашањето: „Каков мајстор е за бакнежи“ веројатно повеќе го растажи отколку што „го наежи“ љубопитниот прашувач! Фото: Јутјуб/Инстаграм/kristina.dimitry

Зошто се бакнуваме и како воопшто започнала таа интимност?

Riste Zdravkov — Thu, 15 Feb 2024 14:00:18 +0000

За бакнежите досега се зборувало многу, напишани се многу песни, насликани слики, откриени бројни научни факти. На пример, дали сте знаеле дека едноставен бакнеж во кој се вклучени два мускули согорува 2-3 калории, додека страсниот бакнеж кој вклучува 23-34 мускули може да согори 5-26 калории во минута? Или пак, дека 10 отсто од луѓето воопшто не се бакнуваат? Меѓутоа, доколку застанете и размислите за тоа, оваа постапка навистина е малку чудна. Ги притискате усните на туѓите, разменувајќи плунка. Зошто луѓето на прво место почнале да се бакнуваат? Постојат многу теории за бакнувањето и зошто го практикуваме. Некој верува дека станува збор за романтична или сексуална намера, некој пак дека тоа е инстинктивен потег вкоренет во човечката биологија. Бакнежите ја зацврстуваат врската Бакнувањето предизвикува хемиска реакција во мозокот проследена со „експлозија“ на окситоцин, често наречен хормон на љубов бидејќи предизвикува чувство на наклонетост. Според една студија објавена во листата на Proceedings of the National Academy of Sciences 2013. година, окситоцинот е особено важен за да им помогне на мажите да се поврзат со своите партнерки и да бидат моногамни. Исто така, познато е дека жените доживуваат голем наплив на окситоцин за време на породувањето и доењето, што ја зајакнува врската помеѓу мајката и детето. Зборувајќи за доењето, многумина веруваат дека бакнувањето всушност потекнува од него – слично како што прават птиците со пилињата кога ги хранат со црви, мајките во минатото им давале на своите бебиња храна која најпрво сами би ја соџвакале, пишува Healthline. Некои бакнежи се вкоренети во романтичната љубов Го знаете тоа чувство кога сте на почетокот на љубовта, чувствувате пеперутки во стомакот и сте возбудени и само кога размислувате за таа личност? Тоа е ефектот на допамин, кој се ослободува кога правиме нешто во кое уживаме, а бакнувањето и минувањето време со некој кој ве привлекува е едно од нив. Допаминот и другите „хормони на среќата“ прават да се чувствуваме еуфорично, а колку повеќе ги добиваме – толку повеќе сакаме! За некои тоа е особено видливо на почетокот на врската, кога поголемиот дел од времето се минува во бакнување. Доколку продолжите да се бакнувате често и кога ќе исчезне таа прв искра, можете да продолжите да уживате во придобивките од овие хормони и да бидете задоволни во вашата врска. Нешто слично покажало истражувањето од 2013 година, во кое паровите во долги врски кои често се бакнуваат неретко укажувале дека се задоволни од своите врски. Некои бакнежи ги придвижува сексуалната желба Бакнежите често се водени од сексуалноста, а постарите истражувања покажале дека жената го проценува потенцијалниот партнер врз основа на бакнежот, а какво е бакнувањето игра важна улога во тоа дали ќе замине во кревет со него. Во студија чии наоди биле објавени во 2007 година во списанието Evolutionary Psychology, учесниците изјавиле дека мала е веројатноста да имаат односи со некого доколку претходно не се бакнувале, како и тоа колку некој добро се бакнува ги зголемува или намалува шансите за секс. Исто така, докажано е дека мажите се бакнуваат за го зголемат нивото на полови хормони и протеини кои ја прават нивната партнерка порасположена за интимни односи. Бакнувањето со отворена уста и јазик, со размена на плунка, е особено ефикасно за подигнување на возбудата. Бакнеж, едноставно, радува Можеме да им се заблагодариме на нервните завршетоци за фактот дека бакнувањето пружа толку добро чувство, бидејќи усните имаат повеќе нервни завршетоци од било кој друг дел на телото. Кога други усни или топла кожа се припијат врз нив, се чувствуваме добро. Комбинирајте го тоа со хемискиот коктел од допамин, окситоцин и серотонин кои се ослободуваат при бакнувањето и добивате рецепт за феноменално чувство! Покрај тоа, се покажало дека бакнувањето го намалува нивото на кортизол, т.е. хормоните на стрес, па затоа сме поопуштени. фото:Freepik

Едно истражување докажа: Бакнувајте ја сопругата, ќе живеете подолго!

Слаѓана Атанасова — Wed, 03 May 2023 10:39:37 +0000

Драги мажи, сигурно не ви е потребна дополнителна мотивација за бакнежи, но вреди да се знае дека тие не само што го подобруваат вашето расположение, туку и целиот живот. Чинот на бакнување меѓу партнерите не е само размена на емоции, туку и еден вид невербална комуникација. Утешуваме, тешиме, смируваме и се радуваме без ниту еден изговорен збор. Бакнежот е мост кој обединува две души и срца во едно. Сепак, психолошкото истражување покажало какви ефекти може да има бакнувањето со партнерката пред да одите на работа врз вас и различни аспекти од вашиот живот. Имено, психолошкото истражување спроведено во Германија во текот на 1980-тите покажало дека мажите кои ги бакнувале своите сопруги наутро пред да одат на работа, во просек живеат пет години подолго од сопрузите кои немале навика да го прават тоа. Д-р Артур Сабо, германски професор по психологија на Универзитетот во Кил, помина две години собирајќи податоци од десетици лекари, психолози и водечки германски осигурителни компании вклучени во обезбедувањето актуарски податоци. Сабо ги објави своите наоди во западногерманското списание „Селекта“. Мажите кои ги бакнувале своите партнерки пред да одат на работа, заработувале 20 до 35 отсто повеќе пари и имале помали шанси да отворат боледување од нивните колеги кои би отишле на работа без бакнеж за разделба. Ова истражување, спроведено на примерок од 110-те најдобри германски индустриски менаџери, покажува дека дури 87 отсто од оние кои излегле од дома откако ги бакнале своите сопруги добиле зголемување на платата и ги задржале своите менаџерски позиции. Истата истражувачка група објави дека небакнувањето на партнерката пред одење на работа значително ја зголемува можноста и ризикот од сообраќајни несреќи. Еве што напиша Сабо во резимето на неговите резултати: – Мажите кои наутро излегуваат од дома без да ја бакнат сопругата, тоа го прават или затоа што се во кавга со партнерката или затоа што се оддалечиле еден од друг. Во двата случаи, сопругот го започнува денот со негативен став. Тој има тенденција да биде нерасположен и депресивен. Не го интересира својата работа и околината. Додека голем број мажи се преправаат дека се рамнодушни кон своите сопруги, речиси сите се залажуваат. Дури и ако мажот престанал да ја сака својата сопруга, сепак е под влијание на нејзиниот став кон него. Нашето истражување го докажува тоа и тоа многу убедливо. Сопругот кој ја бакнува сопругата секое утро пред да оди во канцеларија, денот го започнува со позитивен став. Чувството на хармонија во неговиот живот се рефлектира и на физиолошко и на ментално ниво. Извор: Попара.мк

Страсните бакнежи ги чуваат забите и здравјето, еве колку минути дневно треба да се бакнувате

Слободанка Илиева — Fri, 24 Feb 2023 13:27:13 +0000

Бакнувањето ни помага да се одбраниме од разни инфекции. Дали знаевте дека со бакнување се активираат дури 36 мускули на лицето, се согоруваат калории и се зголемува нивото на хормони во крвта? Поточно, бакнежот кој трае една минута може да ослободи дури 26 калории од телото. Освен тоа, бакнувањето ни помага да се одбраниме од разни инфекции, а како што тврди д-р Алан Кларк, водечки стоматолог и директор на клиниката „Paste Dental“ во Белфаст, тоа може да биде корисно и за нашата хигиена на забите и непцата. „Бакнежите, особено страсните, го поддржуваат производството на плунка, која пак ги одржува здрави устата, забите и непцата“, објаснува стоматологот. Тој вели дека бактериите во устата на другите луѓе не се навистина толку лоши. „Некои организми во вашата плунка всушност можат да помогнат да се намали растот на бактерии одговорни за орален дрозд или некои стрептококни бактерии кои можат да предизвикаат расипување на забите“, вели тој, додавајќи дека бакнувањето исто така може да го зајакне имунолошкиот систем, а изложеноста на здрави бактерии ја зајакнува отпорноста на телото на потенцијални инфекции. „Околу 80 проценти од плунковните бактерии се заеднички за секого, само 20 проценти се единствени за вас. Бакнежот го стимулира телото да создава антитела и на тој начин помага во борбата против штетните инфекции“, вели тој и советува да не се бакнувате кога сте настинати или кога вашиот партнер или вие имате херпес, кој лесно може да се пренесе. Претходно неговиот колега д-р Калед Касем советуваше дека покрај редовното миење и чистење со забен конец, бакнувањето по четири минути дневно ќе го подобри здравјето на забите. Исто така, не заборавајте дека е многу важно да не се занемарува секојдневната хигиена на забите и редовно да се грижите за своето здравје со посета на стоматолог. извор:курир.мк

3 начини на кои бакнувањето ве поврзува: Зошто е важно за врската, особено за оние во брак

Христина Ѓоргиевска — Fri, 18 Feb 2022 13:30:10 +0000

Бакнувањето е многу поважно за брачната заедница отколку што се претпоставува. Најголемата причина е што бакнувањето и претходи на интимноста. Едно истражување покажа дека за многу мажи е поважно со кого се бакнуваат отколку со кого спијат на љубовен состанок. Психологијата на бакнувањето вели дека тоа е орален контакт со друго човечко суштество кое е многу приватно и многу интимно. Бакнувањето на саканата личност има многу придобивки и може да влијае на личноста физички, емоционално и духовно. Некои брачни советници им кажуваат на своите клиенти со брачни проблеми дека треба да се бакнуваат секој ден доколку со текот на времето ја изгубиле навиката. За време на бакнувањето, телото искусува стимулации и лачи поголеми количини на окситоцин, хормон кој ви помага уште повеќе да се поврзете со партнерот. Повеќето брачни парови се бакнуваат наутро на излез од дома, но со текот на времето тоа станува повеќе навика отколку што било друго. Исто како кога ќе го извадите мобилниот телефон и ќе испиете кафе.

1. Физичките придобивки од бакнувањето

Напливот на крв што доаѓа со бакнеж може да помогне во лекувањето на флеките на лицето и дерматитисот Усните се многу почувствителни од врвовите на прстите и кога бакнувате некого, ги стимулирате сите важни нерви во телото

2. Емоционалните придобивки од бакнување

Кога ќе се спојат усните, мозокот почнува да лачи коктел од хемихалија, што предизвикува чувство на големо задоволство и задоволство. Напливот на хормони во телото ги стимулира невротрансмитерите како што се серотонин, окситоцин и допамин. Возбудата што ја чувствувате доаѓа од центарот за задоволство сместен длабоко во мозокот, кој е во „петта брзина“ во таквите моменти. Кога ќе ја стимулирате таа област од мозокот, тоа е како да земате дрога како кокаин и телото почнува да ја посакува поради чувството што и го дава. Следниот пат кога ќе се бакнувате и ќе посакате повеќе, тоа е затоа што вашиот мозок ги „повикува“ деловите одговорни за задоволство и уживање.

3. Духовните придобивки од љубовта

Бакнежот го доведува мозокот во состојба во која партнерите можат да се синхронизираат едни со други, што значи дека врската станува многу подлабока. Не само што вашиот мозок и мозокот на вашиот партнер се поврзани, туку и вашето срце и емоции се вклучени во таа стимулација. Постојат различни начини на бакнување, но длабокиот и страстен бакнеж е особено интимен и духовен. Тоа ќе направи многу повеќе за меѓусебната врска меѓу партнерите отколку бакнеж во образ бидејќи ги поврзува на повисоко ниво. Некои брачни советници им кажуваат на своите клиенти со брачни проблеми дека треба да се бакнуваат секој ден. Теоретски, ова е лесно бидејќи кога ќе станете многу интимни еден со друг, ја враќате врската што некогаш постоела. Иако на почетокот можеби ќе треба да се „присилите“ на секојдневни бакнежи, тоа ќе ве зближи и поврзе и на духовно ниво. извор: попара.мк

дали сте меѓу нив? 99 проценти од луѓето ја прават оваа грешка за време на бакнувањето

Христина Ѓоргиевска — Fri, 09 Jul 2021 12:15:56 +0000

За време на бакнежите, треба да бидеме опуштени, да, но има некои ситници кои мора да се имаат предвид Бакнеж – еден од најважните моменти на почетокот на врската и еден од најубавите начини на изразување љубов, наклонетост, нежност… Ако се изведе со вистинската личност и на вистински начин, бакнежот ќе ги затрепери колената, вашиот пулс ќе се забрза, умот ќе ви се замати. Како и да е, што ако некој прави нешто постојано што ви пречи и предизвикува непријатност или, подеднакво ужасно, досада? Или уште полошо, што ако вие сте тие што прават грешки?

Колку јазик користите?

Се разбира, никој не сака кога цело време го „брка“ јазикот преку сопствената уста и се чувствува нападнато, но тоа предизвикува подеднакво несакан ефект кога се користи премалку јазик. Важно е да го започнете бакнежот со затворени усни, а дури потоа затворете ги оставете го моментот и реакцијата на вашиот партнер да ве водат. Најважно е да се најде вистинската мерка, бидејќи скоро сите грешат во овој „чекор“.

Дали почнувате агресивно?

Холивудските бакнежи што се случуваат одеднаш и прилепуваат некого за плакарот, изгледаат соодветно во филмската сцена и во одреден контекст, но во реалниот живот тие се претежно многу непријатни и лесно може да се сфатат како агресија. Покрај тоа, овој прв контакт со усните може да боли наместо да биде пријатен, нежен и полн со исчекување.

Што правите со рацете?

Едно од вообичаените прашања е што да правиме со рацете за време на бакнежот и дали можеме да дејствуваме премногу агресивно ако премногу брзо им се занесеме на страстите, но исто така и дали се однесуваме незаинтересирано ако воопшто не правиме ништо со нив. Идеално е да го држите партнерот во раце како што се држи бебе – нежно, но цврсто, а за понатаму тој ќе ви го покаже моментот… извор: Попара.мк

Зошто бакнувањето е здраво? 9 работи што се случуваат во вашето тело додека се бакнувате

Христина Ѓоргиевска — Mon, 19 Apr 2021 13:15:05 +0000

Бакнувањето влијае на целокупното здравје Бакнувањето е многу корисно кога станува збор за физиолошкото здравје, создава добро расположение и ја продлабочува интимноста со личноста со која сте во врска. Во моментот кога вашите усни ќе се поврзат со усните на вашиот партнер, вашето тело веднаш реагира на искрите што постојат меѓу вас. Потоа, постои интензивна секреција на хормони на среќа во мозокот, поради што често мислите дека неговиот бакнеж „ви го одзема здивот“. Затоа секогаш сакате повеќе бакнежи и никогаш не ви е доволно. Бакнувањето не е добро само за вашата врска, туку и за вашето расположение. Бакнежот го зајакнува имунитетот и согорува 1,5 калории во минута. Добро е за целокупното здравје: физичко, ментално, духовно и емоционално. Бакнежот помага да сфатите што е добро за вас Уште од раѓање, ги користите усните и јазикот за да разберете што е добро за вас. Вашите усни се исклучително чувствителни на она што го сакате или не го сакате. Во моментот кога ќе бакнете некого, огнометот ќе пукне меѓу вас или нема да чувствувате ништо. Бакнежот е одличен начин да утврдите дали има чувства помеѓу вас и вашиот партнер. Бакнувањето го крева расположението Физичкиот контакт на усните со личноста што ја сакате влијае на промената на расположението. Тогаш се ослободуваат хормоните окситоцин, допамин и серотонин. Ако имате лош ден, прегрнете и бакнете го партнерот затоа што на тој начин ќе се зголеми нивото на расположение благодарение на хормоните на среќата што се лачат при контакт со некој близок. Бакнување против инфекција Бакнувањето го зајакнува вашиот имунолошки систем и помага во борбата против инфекциите. Истражувањата покажуваат дека бакнувањето спречува бактериите да останат на забите. Тоа е природен начин да ги заштитите забите од кариес и расипување. Ја зголемува интимноста меѓу партнерите Кога го бакнувате вашиот партнер, вашето тело го доживува како акт на приврзаност кон него. И, кога ќе почнете да се чувствувате приврзани, вашето тело се повеќе посакува бакнежи, бидејќи тие му даваат сигурност и чувство на поврзаност. Ова е природно затоа што секоја личност има потреба од врски и безбедни врски. Бакнувањето го намалува стресот Кога имате напорен ден, вашето тело произведува повеќе кортизол (хормон на стрес). Бакнувањето со вашиот партнер е еден од начините да го намалите нивото на хормони на стрес во вашето тело. Кога ќе се поврзете со вашиот партнер и разменувате нежност, постои зголемување на нивото на адреналин и интензивно лачење на хормоните на среќата. Тоа влијае на вашата самодоверба Вашето чувство на сигурност кога сте покрај партнерот влијае да имате поголема самодоверба. Кога заминувате од вашиот партнер, бакнежите за разделба ќе направат да имете убав остаток од денот. Бакнежите прават да изгледате помладо Научниците велат дека 34 мускули во вилицата се активни за време на бакнежот. Тие веруваат дека бакнувањето може да ја затегне вилицата затоа што често ја држите во таа позиција и всушност ги затегнувате мускулите. Исто така, додека се бакнувате, вашето лице го враќа својот природен сјај, а брчките се намалуваат. Ја охрабрува сексуалноста Бакнувањето со личност која ви се допаѓа повеќе вади од вас. Вашето тело вели: „Дај ми повеќе…“ Нормално е дека за време на бакнувањето сакаме повеќе, тоа всушност нè охрабрува сексуално да го истражуваме партнерот и сопственото тело. Стимулира позитивни мисли Да се биде близу до личноста што ја сакаме, најверојатно, ќе му веруваме. Потоа споделуваме личен простор со неа и сме отворени за создавање подлабока врска со неа. Бакнувањето стимулира позитивни мисли и ни помага да развиеме подобри интимни односи со нашиот партнер. извор: Попара.мк

Како бакнувањето влијае врз вашиот организам?

Слободанка Илиева — Mon, 15 Feb 2021 13:20:49 +0000

Дали сте знаеле дека бакнувањето има позитивно влијание врз вашето здравје? На пример, кога ве боли глава и не сте расположени за бакнување со вашиот партнер, правите грешка бидејќи тоа ќе ви помогне да се ослободите од главоболката. Кои се другите здравствени придобивки? Студијата покажува дека луѓето кои се бакнуваат имаат пониско ниво на холестерол. Кога се бакнувате, вашето тело ослободува окситоцин. Овој хормон помага во ублажување на стресот. Бакнувањето исто така може да го намали и крвниот притисок. Ќе ви се подмлади лицето Многу мускули се вклучени во процесот на бакнувањето, а тоа го тонира вашето лице како вистински тренинг. Со помош на бакнувањето може да согорите до 26 калории, а со оглед на тоа дека бакнувањето го зголемува протокот на крв во вашето лице, може да поттикне производство на колаген и еластин, што може да помогне вашето лице да изгледа помладо. Се ублажува главоболката Ако ве боли главата или ве мачат менструални грчеви, можеби би било добро да се обидете да ја ублажите болката со бакнеж. Бакнувањето го намалува крвниот притисок што може да помогне во намалување на болката. Може да ослабете Бакнувањето го поттикнува вашето тело да произведува повеќе допамин. Ако на вашето тело му недостасува овој хормон, можеби ќе почувствувате поголема желба за храна, но допаминот го контролира вашиот апетит и го спречува дебелеењето. Допаминот влијае врз вашето ниво на енергија. Ако имате ниско ниво на допамин, можеби ќе се чувствувате поспано и уморно, но ова може да се реши со помош на бакнувањето, пишува Bright Side. извор:кајгана.ком

Бакнежите нѐ прават посреќни, па секогаш кога имате шанса – бакнувајте се!

Христина Ѓоргиевска — Tue, 05 Jan 2021 13:30:31 +0000

Покрај манифестацијата на чувствата, бакнежите имаат исклучително корисен ефект врз нашето тело. Збогум болка и депресија Бакнувањето најмалку три минути го ослободува телото од стрес и депресија: ендорфините („хормоните на среќата“) го уништуваат кортизолот, откриле канадски психолози. Познатиот професор Валтер Туман дури и ја вклучи практиката на бакнување во неговиот курс наречен антистрес. Страсниот бакнеж е исто така многу ефикасен како лек против болка во мигрена или, да речеме, забоболка: бакнежите се 200 пати посилни од морфиумот. Бакнеж на среќата Според анкетите, мажите кои ги бакнуваат своите жени пред да заминат на работа имаат поголеми приходи од оние кои не го прават тоа. Британски научници открија дека оние кои не штедат бакнежи ќе бидат оптимисти, секогаш уверени во своите способности и поверојатно е дека ќе успеат во личниот живот и кариера. Патем, Британците најмалку се бакнуваат во просек (најчесто Германците) – можеби тоа е тајната на нивниот скептицизам? Пукање од возбуда Со бакнување и, на пример, со пукање со пиштол, нашето тело ги произведува истите хормони. Приливот на адреналин ја зголемува менталната и физичката активност. Затоа водете љубов, а не војна! извор: убавина и здравје

Калориите можете да ги стопите со бакнување: 10 интересни придобивки од бакнувањето

Христина Ѓоргиевска — Thu, 16 Jul 2020 12:15:55 +0000

Покрај тоа што носи чувство на удобност и може да послужи како дел од предиграта, бакнежот носи и голем број здравствени придобивки што ќе помогнат за подобро ментално и физичко здравје. Едноставен бакнеж со партнерот е многу повеќе отколку што се чини на почетокот, па додека помага да се зајакне врската, во исто време може да ги потисне тешките симптоми на алергија или да стопи вишок калории. Затоа, бакнежот ќе го гледате во поинакво светло и повеќе нема да ви треба извинување за малку дополнително бакнување.

Топи калории

Се разбира, бакнежот нема да стопи толку многу калории колку вежбањето, но тоа ќе го зајакне метаболизмот што ќе работи барем двапати побрзо. – За време на одморот, повеќето луѓе трошат околу една калорија во минута. Но, кога станува збор за бакнеж, повеќето луѓе ќе стопат две до три калории во минута – тврди д-р Шерон Стилс, невропатолог. Не одложувајте со тренингот за Зумба поради бакнеж, но не заборавајте да стопите неколку калории со бакнежи следниот пат кога ќе легнете на каучот со партнерот.

Се поврзувате посилно

Без разлика дали го сакате вашето дете или страсно го сакате партнерот, усните носат интимност и врска. – Кога се бакнуваме, мажите и жените го произведуваат хормонот окситоцин. Обично се нарекува љубовен хормон затоа што овозможува посилни врски меѓу партнерите, вели професорот по биологија, Зора Маслар. Накратко, ги љубиме оние што ги сакаме и ги сакаме оние што ги љубиме.

Го подобрува сексот

Честиот секс помага на здравјето на срцето и самодовербата и нема подобар вовед во врска отколку бакнеж. – Бакнежот е силен вид предигра и им овозможува на двајцата партнери да уживаат во добро еротско искуство – вели сексологот Керол Квин.

Спречува болест

Иако звучи неверојатно, размената на плунка може да помогне во борбата против вируси, особено ако бакнежот води кон секс. Студијата објавена во списанието „Медицински хипотези“ во 2009 година покажа дека жените развиваат имунитет против цитомегаловирус со бакнување на заразените партнери. Студијата спроведена на универзитетот Вилкс во 2004 година откри дека субјектите кои имаат секс барем двапати неделно развиле повисоко ниво на имуноглобулин антитело кое помага во борбата против инфекциите.

Го подобрува бракот

Паровите кои се бакнуваат често имаат посилни бракови, а бакнежот исто така може да ви помогне да го изберете вистинскиот партнер. Додека се бакнувате вашето тело споделува информации за имунитетниот систем на двата организми, а биолошки е многу важно партнерите во генетската слика за идното дете да влезат во различни гени за да обезбедат подобар опстанок. Затоа, ако бакнежот со партнерот резултира во гаснење на љубовниот пламен, тоа може да биде генетска неусогласеност. извор: убавина и здравје