бајка – Вистина.мк

Празнична магија како од бајките: Александар Јосифовски го има највпечатливо украсениот дом во Охрид (фото)

Слободанка Илиева — Thu, 11 Jan 2024 09:55:39 +0000

Иако поминаа Нова година и Божиќ, празничниот дух се уште е тука... Празничните декорации ќе стојат се до стара Нова година и Василица, ако не и повеќе. Познатите Македонци годинава како и секоја претходна го покажаа својот празничен амбиент во домот, но рокерот Александар Јосифовски ги помина сите. Поранешниот финалист на „Ѕвездите на Гранд“ годинава се потрудил да создаде вистинска магија од декорацијата со која му е украсена целата куќа и дворот. Од приложеното се гледа дека е посветено доста внимание и е вложен многу труд, а фантазијата била пуштена на најјако. Налик на некој боќично – новогодишен филм, Јосифовски го има еден од највпечатливите имоти во Охрид. Пејачот иако периодов има доста настапи, кога ќе си дојде дома сака уште на влезот и првиот поглед да ја почувствува домашната магија создадена од сопствени раце, па и она дека никаде не е како дома. Инаку, Александар на крајот од декември го најави својот нов сингл „Још дан за нас“ кој наскоро ќе прозвучи на Јутјуб. фото: Instagram printscreen/ alexandarjosifovski/ Privatna arhiva

На македонската “Гранд ѕвезда“ Елена Миленковска новата 2024-та година не можеше да и започне поубаво: „Бакнеж и снајка за двојна љубовна бајка“ (ФОТО)

Антонио Димитриевски — Tue, 02 Jan 2024 09:45:53 +0000

Македонската пејачка Елена Миленковска е една од оние ретките на која регионалното музичко талент натпреварување „Ѕведите на Гранд“ и донесе двојна среќа. Со учеството и забележителните настапи во него стана регионално позната и популарна и надвор од границите на Македонија, а во истото го запозна својот сегашен сопруг Гуте Маринковиќ, со кого се вљубија, земаа и подоцна како плод на брачната среќа добија две прекрасни дечиња, Максим и Миона. И додека баба и дедо од Скопје беа дојдени во Белград каде сега Елена и Гуте живеат и работат за да ги чуваат внуците зашто младата естрадно-брачна двојка имаше работни ангажмани за новогодишните празници и деновите пред и по нив, Елена и во првиот ден од Новата 2024-година имаше причина за двојна среќа! Едноставно новата година на македонската “Гранд ѕвезда“ не можеше да и започне поубаво. Елена во првото јануарско утро доби бакнеж и снајка за двојна љубовна бајка! Имено нејзиниот брат Дејан во Скопје решил да ја запроси својата девојка Андријана со што ја изненадил не само неа туку и целото семејство, па и сестра му Елена која воодушевена од гестот, радосната вест ја споделила на своите Инстаграм приказни со фотографија и пост: „Поубаво не можеше да почне годинава. Си добив и снајка. ве сакам и нека ви е со среќа“ - напишала гордата сестра. Она што првиот ден во Новата 2024-та двојно и го направи среќен радосен и љубовен, беше моментот кога нејзиниот син максим стана од спиење, па веднаш дотрча до мама Елена за со еден тополи искрен бакнеж да и ја честита Новата Година. „Прва фотографија во оваа година. Целата нека биде вака љубовна“ - споделила во постот покрај фотографијата пресреќната мама Елена, на која навистина Новата 2024-та година не можеше да и започне поубаво... Со бакнеж и снајка за двојна љубовна бајка! Нека е со среќа и целата нека биде навистина ваква... Неизмерно љубовна! Фото: Инстаграм/elenamilenkovskaa

Станот на македонската фолкерка е украсен како од новогодишна бајка: Само еден поглед на домот на Марија Луиса и за час, ќе се почувствувате како да сте на гости кај Дедо Мраз (ВИДЕО)

Антонио Димитриевски — Sat, 30 Dec 2023 07:50:49 +0000

Новогодишната ефурија велат ги обзема возрасните, а новогодишната магија ги опчинува децата... Украсувањето на различни простори, од плоштади и излози на продавници, трговски центри и шопинг молови, па се до дворови, тераси, куќи и станови говори дека и возрасните живеат во светот на бајките. Или барем сакаат на час да е така, да се вратат во деновите кога биле деца, а новогодишните и божиќните празници се најубавата прилика за прошетка по спомените од детството. Речиси сите ние ги украсуваме своите живеалишта пред Нова Година, зашто така е ем посвечено, попразнично, а и некако сето тоа блештавило на лампионите, украсите и сијаличките прави да ни е и домот поблескав, а амбиентот понтимен, поубав, некако потопол... Среде соба или во некој агол од истата, елката ни стои и ја красат лампиони во илјада бои... Исто како во познатата детска песничка. Но, за некои не се само украсената елка и подароците под неа доволни туку, амбиентот во домот умеат да си го претворат во вистинска новогодишна бајка. Во сопствена волшебна приказна во која амбиентот на целиот дом наликува на оној од сликовниците и филмовите за најпосакуваниот дедо на светот. Естрадните ѕвезди насекаде па и кај нас сакаат да предничат и да се пофалат со тоа како го украсиле домот, каков новогодишен амбиент создале во просторот во кој живеат, да ја покажат својата смисла за склад и естетика, а воедно интима и романтика. И повеќето успеваат во тоа... И светските и регионалните и овие нашите, од домашната естрада. Секоја на свој начин знае да ја покаже убавината на новогодишната магија што самата ја создала во својот дом. Сепак, меѓу сите ѕвезди, домот на една се издвојува, кога е во прашање волшебната бајковитост на новогодишната магија. Битолската фолкерка со скопска адреса на живеење во својот дом направила новогодишен амбиент како од приказните. Станот на оваа македонска пејачка е украсен како од новогодишна бајка, зашто доволен е само еден поглед на домот на Марија Луиса Тодоровска и за час, ќе се почувствувате како да сте на гости кај Дедо Мраз! Зашто буквално секој агол, секое делче од нејзинто скопско живеалиште е претворено во бајковито катче... Од стотици лампиони на на богато накитената елка, сијалички, новогодишни куќички, светилки, украси, ликови од приказните за Дедо Мраз и неговите снежни пејсажи во просторите од каде што доаѓа... Едноставно, на пејачката се' од рака и поаѓа да осмисли, украси и аранжира, а потоа и неа и на секој што ќе и дојде на гости, му останува единствено само да ужива во бајковитиот амбиент осмислен во секој сегмент од домаќинката.

@marijaluisa8 ♬ original sound - Marija Luisa

Се разбира, ако веќе доаѓате на гости во дом налик на оној на Дедо Мраз, очекувајте таму да ве пречека „Снежана од бајките“... Подготвена за срдечно дружење крај елката покрај каминот... Но, вакво гостопримство не му се случува баш секому и толку често. Затоа, ваше е само да оставите бакнеж што се памети... на вистинското место! Фото: Инстаграм принтскрин/luisa.todorovska Видео: ТикТок/ marijaluisa8

Влажна забава: Лила Филиповска на оваа “детска радост“ покажа „слабост“ (Видео)

Слаѓана Атанасова — Tue, 23 May 2023 07:55:17 +0000

Најпознатата македонска ТВ водителка и инфлуенсерка Лила Филиповска откри што е она што ја крева и ја држи под полна пареа. Лила умее да ужива во животот и од секој миг да создаде потполно задоволство кое ја исполнува и ѝ ги полни батериите. Таа во светот на возрасните не сака многу многу да заглавува, но кога мора лесно наоѓа начин да се врати во магичниот свет, а каде ако не во светот на децата. Па откако времето почна да потсетува на море и плажа, Лила го направи вистинскиот избор и замина во Бодрум на уживање. Веднаш на нејзините верни следбеници им се пофали со луксузот во кој ужива, но нешто најмногу што ја допре беше возбудата и враќањето во детството посетувајќи еден шарен детски аква парк како во бајка. - Детето во мене никогаш нема да порасне! И кога некогаш ќе “заглавам” во светот на возрасните брзо наоѓам начин да се вратам. Сите возрасни некогаш беа деца ама ретко кој се сеќава. Еве јас се потсетив денес во овој аква парк и немој да ме барате денес, имам нешто работа...“ - напиша Лила покрај споделената фотографија и видео во своите Инстаграм приказни. Фото: Принтскрин/Инстаграм/Лила Филиповска

Принцеза на Виенскиот Бал во Скопје: Марјана блесна во розова балска тоалета (ФОТО)

Слаѓана Атанасова — Mon, 16 May 2022 06:27:32 +0000

Скопје кој е дел од мапата на светските метрополи и ја негува вековната австриска традиција, по 21-ви пат во хотелот „Александар Палас” го одржа традиционалниот Виенски Бал. По повод балот нашата згодна водителка Марјана Станојковска носеше долга розова балска тоалета со венче на главата и го запази задолжителниот дрес код за дамите.

View this post on Instagram

A post shared by MARJANA STANOJKOVSKA (@marjanamay)

Русокосата лото девојка блесна на Виенскиот Бал, привлече големо внимание и изгледаше како вистинска принцеза.

Шармантната убавица на социјалните мрежи објави фотографии, споделувајќи како позира во холот на хотелот, како од розова бајка.

View this post on Instagram

A post shared by MARJANA STANOJKOVSKA (@marjanamay)

„Господарка на Лото топчињата“ и тргна со балските фустани, таа неодамна објави фотографии на Инстаграм со венчаница и позираше покрај барокните градби во центарот на Скопје. Но, без разлика дали е фустанот бел или розов на шармантната и згодна водителка преубаво и стои било која боја.

View this post on Instagram

A post shared by MARJANA STANOJKOVSKA (@marjanamay)

И овој пат балот се одржува благодарение на здружението за културна соработка „Јохан Штраус“ ,а под покровителство на Амбасадата на Р. Австрија во Македонија.

Фото:Принтскрин/Инстаграм/marjanamay

Ноне се врати на Јамајка: Се’ е исто само „него“ го нема (ФОТО)

Антонио Димитриевски — Sat, 02 Apr 2022 06:01:13 +0000

Поп пејачката Ноне Неделковска е „најшетаната велешанка“ во вистинска смисла на зборот. Ако додека беше во Македонија за не животот беше песна, откако го крстари светот преку седум мориња и океани, работејќи на прекуокеанските крузери, сега животот и е патешествие, спакувано во два куфера! Добрата страна на новата професија покрај добрата заработка секако се егзотичните дестинации, на кои убавата велешанка буквално „го шета светот“ чии убавини ѝ се секој пат на дланка. Како што е редот, Ноне редовно споделува фотографии од своите посети на местата на кои оди, а така што постојано ги чести своите обожаватели и следбеници на својот Инстаграм-профил. Овој пат нашата македонска „морнарка“ не се јави од палубата на некој од големите бродови на кои работи, туку од песочните плажи на далечната Јамајка! На фотографијата на која некогашната поп ѕвезда испружена на песокот ги впива сончевите зраци, со емотикони кусо објаснила во што и каде ужива: „Коктел, сонце, палма, океан...“ се оние нешта кои Ноне кога е далеку од дома ја прават среќна! Локацијата пак, неа добро позната, за која велешанката е и емотивно поврзана за истата... Јамајка! Не така оддамна нашата „морпловка“ беше во љубовна врска токму со бродскиот колега, црномурестото момче од оваа егзотична островска земја во средна Америка! Облечена во истиот розов горен дел и црни бикини од костимот за капење, легната под кокосовата палма, на Ноне и навираат спомени и носталгични сеќавања... Се' е исто, само НЕГО овој пат го нема! Дали на нашата морепловка и затрепери душата, одново и се разбудија пеперутки во стомакаот или само мислите и се разлетаа во главата...? Најдобро знае таа самата! И земјата и плажата и палмите и океанот - исти, во новата средба со нив во сегашноста која се повторува како одново прочитана бајка, само вој пат без Рајан - несудениот велешки зет од Јамајка!

View this post on Instagram

A post shared by Princess Nona 🌸 (@nona.nedelkovska)

Фото: Инстаграм принтскрин/nona.nedelkovska

Елена и Гуте за првиот роденден на синчето направија прослава како детска бајка (фото)

Христина Ѓоргиевска — Tue, 15 Jun 2021 07:07:47 +0000

Познатиот пар од „Ѕвездите на Гранд“, македонската пејачка Елена Миленковска и нејзиниот сопруг, Гуте Маринковиќ деновиве имаа убав повод за славење. Имено, нивниот син неодамна наполни една година. Тогаш Елена на социјалните мрежи со емотивна порака се обрати за својот наследник. Меѓутоа, сега пејачката на социјалните мрежи се пофали со дел од роденденската прослава на синчето Максим која наликува на детска бајка. Имено, Елена и Гуте направија помала прослава на отворено во кругот на најблиските. Белата боја преовладуваше во декорацијата, а имаше и разни декоративни колачиња. Миленковска за ова прилика се одлучи за сина модна комбинација, а Максим исто така беше во сино комплетче. Сигурно си поминале убаво и незаборавно, а од приложеното може да се забележи дека прославата изгледала на мала детска бајка. Инаку, Гуте и Елена се запознаа во регионалното музичко шоу „Ѕвездите на Гранд“. Во јануари претходната година се внечаа, а во јуни станаа родители.

View this post on Instagram

A post shared by 𝐆𝐔𝐓𝐄 Marinkovic 🅂🄸🄽🄶🄴🅁🎙️ (@__gute__)

Анастасија Деа Богдановска „се отвори“: Еве со кого уредничката на ТВ Алфа дели доза нежност! (ФОТО)

Антонио Димитриевски — Wed, 19 Dec 2018 08:45:50 +0000

Некогаш новинарка во најчитаниот македонски портал, потоа ТВ лица од утринската програма и лице од „Фронт“-от на Канал 5, однеодамна главна уредничка на програмата на ТВ Алфа. Анастасија Деа Богдановска има професионална кариера со „скок од седум милји“ за кусо време, што за една млада, вредна, амбициозна... девојка е предизвик повеќе да се докаже и да покаже што се' знае и умее, која е и колку вреди во еснафот.

Од друга страна, убавицата од ТВ екранот на кој сега ја нема, својот приватен живот го крие далеку од очите на јавноста. За нејзината интима знаат само најблиските, додека оние, љубопитните, само нагаѓаат правејќи комбинации во која ја спојуваат со овој или оној, во зависност од дневната доза чаршиски муабети! Арно ама, како секој самиот е ковач на својата сдреќа, така и Деа...

„Сам си ја создаваш бајката. Или комедијата, или трагедијата. Сам избираш. Што ќе избереш?“ - како што и самата вели. А нејзинито приватен избор, нејзината бајка... Деа реши конечно да ја открие, па сподели фотографија и постиран текст, колку за да појасни: Со кого тоа Деа дели доза нежност!?

Тоа е таа, ама не и тој. Оној што е дел од нејзината лична, интимна бајка, очигледно се' уште не сака јавно до го открие, па остава јавноста сама да нагаѓа, кој тоа се крие зад превезот на маската во животот на убавата уредничка на ТВ Алфа?

Македонските јавни фаци на Дедо Мраз и бајката им ја расплакаа мајката: Може нема полесен, ама сигурно има поубав начин за реклама!

Антонио Димитриевски — Wed, 12 Dec 2018 09:04:55 +0000

Периодот за и околу Нова година е веројатно еден од најубавите во годината. За сите, а особено за децата. Бајката за Дедо Мраз и новогодишната магија го прават нивниот свет волшебен, боејќи го во илјадници бои секојдневното сивило на реалноста во која живеат! Истото тоа, помалку или повеќе важи и за возрасните, само што нивниата магија ја уриваат секојдневните проблеми, бремето на секојдневното живеење, ама како тргнале, магијата и на возрасните и на децата почнаа да им ја уриваат и некои од македонските јавни фаци! А еве и зошто и како!

Во трката по пари, остварена преку задничката соработка на познатите со одредени спонзори и нивните брендови, децата, а особено возрасните стануваат колатерална штета. Веројатно несвесно, но сакајќи да се истакне брендот или компанијата која ја рекламираат, познатите фаци нивните слогани ги поврзаа со Нова Година и Дедо Мраз, на штета на бајката и најпосакуваниот дедо на светот... Конечно, на штета на клиентите и децата. При тоа без да размислат дека сакајќи да го издигнат спонзорот, го уриваат митот... Некому и тешко заработениот и веќе испланиран семеен буџет, а на децата магијата и неможноста Дедо мраз ( читај: родителите) да им ги исполни желбите.

Така Лила Стојановска на пример, во својата реклама за парични позајмици или брзи кредити, со својата лавина од желби пренесувајќи му ја на Дедо Мраз (за кого замена во релноста се родителите) праќа јасна порака дека една желба - не е доволна! А кога Дедо Мраз инсистира дека може да и исполни само една, таа возвраќа: „Доста е со глупости“... што можеби е слоганот на брендот кој го рекламира... Ама, ако подобро размислите, „глупо(ст)“ е и од Дедо Мраз да се бара и наведува да ви исполни „еден тон“ желби... Ниту митот и бајката за него се такви, ниту во реалноста тоа економски е изводливо. Не барем за повеќето родители кај нас... А и да е - не е едукативно и воспитно децата да се размазуваат и учат на расипништво. Каков што пример дава нивниот слоган: „Со Дедо Мраз само ЕДНА желба... а со... (нив) - СИТЕ!“

Милена Антовска Станковска пак, однеодамна рекламира еден бренд за пижами, ноќници, наметки, долна облека... па не ги соблече пижамите од себе. Уште во емисија со гледачите што не ги „сподели“. И ОК, нејзино право, можеби таков и е договорот. Ама да тврдиш дека се подобри и од Дедо Мраз...?

Баш не интересира кога ќе дојде ред да се рекламираат останатите производи од нивниот асортиман: гаќичките, градниците, килотите, чорапите, жартиерите... од кого тогаш ќе бидат „подобри“?

И не се само овие два примери. Нив ги зедовме само како случајни. Затоа, што е многу - многу е. На Дедо Мраз и бајката им ја расплакавте мајката. Може нема полесен, ама сигурно има поубав и покултурен начин за реклама! Ако е така, тогаш: „Доста е веќе со глупости“... Или тоа беше само рекламен слоган!?

Домот на Соња Вуксановиќ за време на празниците изгледа како бајка, а еден детаљ ќе ви остави впечаток (фото)

Христина Ѓоргиевска — Mon, 10 Dec 2018 11:39:45 +0000

Во домот каде што некогаш живееше со Аца Лукас, Соња Вуксановиќ денес живее со нејзината ќерка Викторија. Соња се потруди да направи на својата миленичка да направи мала бајка. Деталите до божиќно – новогодишните декорации може да ги видите на фотографиите подолу, а еден детал сигурно ќе ви остави впечаток. Имено, на елката го има напишано името на својата ќерка.

foto: Instagram