Не ги игнорирајте: Телото ви ги дава овие знаци на недостаток од витаминот Б12

Слободанка Илиева — Wed, 31 Jan 2024 13:25:25 +0000

На луѓето им требаат 50 микрограми витамин Б12 дневно, а оние кои имаат недостаток на оваа хранлива материја може да искусат одредени тешкотии, според британскиот биолог Џастин Батлер. -Екстремниот замор, недостатокот на енергија, мускулна слабост, пецкање, депресија и когнитивни проблеми, како што се слаба меморија, разбирање и расудување, може да бидат признак за недостаток на витамин Б12, вели д-р Батлер. Таа наведува дека витаминот Б12 го произведуваат бактериите коишто се наоѓаат во почвата, па најлесен начин да се добие е преку неизмиени плодови, што за повеќето луѓе денес не е опција. Затоа, сега најчесто се добива од збогатена храна или додатоци во исхраната. -Може да се добие со внесување екстракт од квасец и снегулки, млеко од растително потекло, вегански јогурти и десерти збогатени со витамин Б12… Тој витамин му помага на телото да одржува здрави нервни клетки и помага во создавањето на ДНК. Исто така, витаминот Б12 тесно е поврзана со фолната киселина, ги ствара црвените крвни зрнца, му помага на железото подобро да работи во телото и произведува соединение вклучено во имунолошката функција и расположението, појасни д-р Батлер. Меѓу последиците од долгорочно ниско ниво на витамин Б12, се покачени нивоа на аминокиселината хомоцистеин во крвта. Тоа пак е поврзано со срцевите заболувања. Советот на стручкот за крај гласи – при загриженост за нивото витамин Б12 и сомнеж за недостаток, контактирајте со вашиот лекар за консултација. (МИА)

Четири симптоми кои укажуваат на недостаток на витамин Б12: Телото испраќа јасни сигнали

Христина Ѓоргиевска — Fri, 12 Nov 2021 14:00:13 +0000

Витамините и минералите се многу важни за здравјето и урамнотеженото функционирање на организмот. Со оглед на брзото темпо на живот и зголемената употреба на брза храна, поверојатно е дека на нашиот организам ќе му недостигаат одредени количини на витамин доколку не го замениме на друг начин. Недостатокот на витамин Б12 во организмот може да доведе до благи, но и појава на многу изразени симптоми кои го спречуваат нормалното секојдневно функционирање. Вртоглавица Истражувањата покажаа дека луѓето кои се жалат на силна вртоглавица имаат и до 40 отсто пониско ниво на витамин Б12 во споредба со здравите луѓе. Луѓето со недостаток на витамин Б12 се исто така посклони кон депресивно расположение. Доколку ги забележите овие симптоми, консултирајте се со вашиот лекар за да утврдите дали навистина се работи за недостаток на овој важен и неопходен витамин за организмот. Умор Заморот е еден од првите знаци на недостаток на витамин Б12. Заморот се јавува затоа што телото се потпира на витамин за да создаде црвени крвни зрнца кои носат кислород до органите. Без доволно кислород во вашите клетки, ќе се чувствувате уморни без разлика колку долго спиете. Бледо лице Лицето открива многу за здравјето, од навики во исхраната до начин на живот. Ако вашиот розов тен го заменил жолтиот тон, веројатно се работи за недостаток на витамин Б12. Заборавате Ако во последно време сте заборавиле каде сте ги оставиле клучевите или не знаете што да барате во кујната – не грижете се, тоа не е симптом на рана деменција, туку веројатно е последица на недостаток на витамин Б12. Препорачливо е да се даде крв за анализа, доколку се открие недостаток на овој витамин, во исхраната додадете храна богата со витамин Б12 и наскоро симптомите ќе почнат да исчезнуваат. извор: курир.мк

б12 – Вистина.мк

Не ги игнорирајте: Телото ви ги дава овие знаци на недостаток од витаминот Б12

Четири симптоми кои укажуваат на недостаток на витамин Б12: Телото испраќа јасни сигнали